新鮮梅頭肉s的個人專頁

南大門之不要再說了一唔講一講起就把幾火，韓國街多韓燒係人都知，真係老闆有錢幾難食都可以買起你幾個大鋪位個啲。平日做到隻狗咁，食餐好飲番幾杯吹水減壓真係好緊要。話說有日朋友23去搵位鬼um眼入咗佢，話新開有9折。我問 咩名先，南大門，聽個名就.....。憑住一死嘅心，難得踏咗隻腳入去，心諗可能有驚喜都唔定呢。未去過嘅朋友真係諗都唔好諗，啊唔係，係唔准諗！韓燒試冇醃過嘅，即係餐牌冇寫양념依兩個字嘅肉，就知佢係龍與鳳。膽粗粗叫個板鍵肉(살치살)，講真啲肉靚唔靚一睇就知。靚肉係唔洗美圖獸獸都係鮮紅色，脂肪似雪花咁分明，仲好均衡分佈曬係成塊肉，拎嚟欣賞都抵。依碟野一嚟到，除咗頂一聲仲想立即cut 曬所有order去第二間排隊。瘀血咁色，冇雪花，燒完咩肉味都冇。我阿媽喺街市買嚟整炸菜牛肉個啲色仲靚過佢。另，個豬皮雖然唔係worst到似咬膠片，但睇見都唔開胃之餘仲係淋嘅。最最最最最最離譜係個個辣牛肉湯，即係육게장, 以為一肚氣有啖湯暖下個肚，咩叫湯啊bb，一插支匙更落去抽番出嚟全部都係橙紅色嘅冇味辣椒油，個一刻我以為自己食緊四川水煮系列。想飲個湯姐，比兜油你，想食啖飯落肚比個飽嘅感覺我都唔比。點解一間鋪可以冇誠意到咁？點解令我成餐覺得最好食係個菜籃入面個半條青瓜？點解有咁多錢收購咗人地買咗兩個鋪頭半條街但比人食垃圾？唔好話9折請我都唔去如果你夠膽又唔嫌錢聲可以一試但喺你埋單比錢個陣記得忍住唔好講粗口…查看更多

依家韓國速食年糕鍋嘅鋪頭買少見少, 竟然喺香港食到!!!第一次喺道食到速食芝士年糕鍋 !! 好足料 ㅎㅎ個鍋一嚟到要9秒9拎起啲即食麵金菇同餃子等啲湯慢慢滾到杰先放返入去唔係就會淋曬或者滾瀉可惜賣曬筋麵(쫄면)同埋炸紫菜粉絲卷(김말이)，如果有一定要追加先夠正宗!!仲有，如果有人加水即刻stop佢!!! 打邊爐咩!? 淡曬冇曬味, 冇水就熄火一陣先再加少少水滾番起咪得囉依家韓國速食年糕鍋嘅鋪頭買少見少有得食就去食囉 ㅎㅎ佐敦地鐵站A出口出，周生生個邊直行，卓悅對面，牛屋附近*不設電話預約服務，只限walkin*順帶一提，可以問問老闆有冇賣剩嘅醬油蟹，好彩嘅就唔洗2日前book 咁麻煩…查看更多

兩位綠茶控一路shopping一路諗住依間鋪頭前進，一坐低，噢，冇曬綠茶，好失望之際老闆娘極力推介焙茶同豆腐雪糕。點一唔食一食就覺得原來焙茶味嘅茶香仲濃過綠茶，仲冇以前飲完玄米茶個口會有浸酸酸地令人卻步嘅味道，好滑好香仲有少少苦味，一啲都唔甜。而豆腐味呢，老闆娘話唔好味直頭會寫包單免費送個焙茶雪糕比你，真係冇介紹錯，好似將一舊真豆腐擺落個雪糕機整出黎咁，好香好香，因為真係用真豆腐整出嚟架嘛ㅋㅋㅋ老闆娘見我地咁驚嘆，仲送多個焙茶雪糕比我地做獎勵 ㅋㅋㅋㅋㅋ一早食飯好似冇食過野咁，食完依餐大滿足！흐 흐…查看更多

從釜山來的outdark아웃닭，本身聽韓國朋友說這店很有名，每天都要吃啊... 可惜來到香港卻很甜很甜很甜，不論是芝士排骨啊，半半炸雞（明明點了蒜味和양념也是一樣味道）炸雞嘛，就是送到口裡有聲音、有肉汁的人間美味，可是這裡沒聲音沒肉汁， 硬板板的，吃進口裡只有甜味甜味甜味和甜味。超失望，就是吃一兩舊就沒動過手了。連柚子米酒(막걸리)也有一浸怪怪的dermes味道，感覺好似洗牙後在牙科診所用喝第一口清水的味道ㅠ ㅡ ㅠ，就穿了柚子味就是100%人工製做的啊!天啊，最好吃的是芝士排骨旁邊的酸泡菜 ㅠ但這裡氣氛很好，用南山tower做主題，很適合情侶dating，可是沒情人的單靠這裡的食物可能吃了讓肚子更空虛…查看更多

冰怪出動 ♡濟洲綠茶冰，一啲都唔甜，偏苦唔澀，內裡仍然有一層層mochi同粒粒杏片，亦唔會因為多人而偷工減料，係綠茶控之選啊!!!不過可能因為加咗茶粉，比一般冰更加易溶，但其實喺佢溶之前已經清曬 ㅎ ㅎ想食要趁早，因為喺harbour city開既關係，cashier只係開到晚上10點，夜鬼香港人唔想摸門釘就行快兩步啦!!! 仲有依家好多自由行一袋二袋霸曬啲位，tea time時段5點零都難等位，建議有位先好落order :) 韓冰: 尖沙咀海港城uniqlo近nike正門個邊，經過belif counter見電梯直上。…查看更多

人地好多都加啲古靈精怪嘅新味道, 但始終雪糕底唔好食、又易溶試過一次就唔會再幫襯依度嘅綠茶雪糕喺價錢同味道黎講可以話係心水頭3位, 所以次次經過都會專登睇下有冇新special今期係喺雪糕上面痴滿曬焦糖爆谷!!!!!!未食都見到脂肪!!!又脆又香嘅焦糖爆谷加埋少少苦嘅綠茶軟雪糕, 大熱天時焦糖fans一定要試下不過食還食, 小心啲爆谷跌落黎啊有city super card仲有95折依個價錢, 比起第二度再濃味d 又費20蚊一杯嘅, 已經好高質素!…查看更多

新麻浦新體驗，旺角鋪開業未夠一個月，趁冇咩人知又去醫下精神病先 ㅋㅋ2個人由晚上9點食到凌晨1點!!!先唔講食，入門坐低都好緊要。旺角新鋪啲櫈終於改善啦，有去過銅鑼灣嘅都知啲櫈出事，太高啦，矮人如我真係坐得好唔舒服，依家坐落去岩岩好。野食方面，估唔到仲keep到銅鑼灣水準。厚到似食緊牛扒既雪花牛 ! 啲紋路紅白分明, 唔洗用美圖獸獸都見到鮮紅色, 一睇就知新鮮燒起上黎又厚又多汁牛肋骨肉與肥豬腸，仲有辣五花肉架。燒到金黃既肥豬腸先好食，外面脆一咬就係汁，唔似食橡根咁咬唔斷滾起了的cheeseeeeeeeeee再加埋啲肉，鹹香嘅芝士加埋肉既鮮味, 唔洗點其他野都好好食, 未食都見到脂肪，但肥仔野通常都... 食咗先算熱辣辣既泡菜蛋，可以叫人加多一次, 唔好浪費依個機會面盤咁大個生牛肉拌飯用料好新鮮又多，但我覺得食盤野夠5個人食，一拎埋黎，除左笑同飽到嘔我講唔到野，幾十蚊，應該夠5個人食，好抵除左我最愛炸彈酒外, 仲有新菠蘿荔枝cocktail! 先用真菠蘿搞碎等佢仲有啲果肉, 上面吊支荔枝vodka , 係女仔都鐘意飲嘅味道, 但唔識飲酒好快就醉, 女仔要小心啲 !我最愛既醬汁菇壽司，中毒性甜甜地既醬汁再用火烤，熱食，真係好好好好味，男人就未必鐘意。是晚戲肉~~~~~~ 烤綿花糖朱古力冰究竟烤綿花糖朱古力冰嘅係點整架呢？靚仔店員直接開槍幫你燒，外熱內凍，一啖擺落個口半溶嘅綿花糖加埋朱古力，除左幸福之外，形容唔到了，不過可以再燒熔啲咁就perfect   食完成個人差曬電，依一餐夠捱過下星期嘅地獄不過，開心還開心飲還飲，但酒真係唔好亂溝ㅋㅋ啊仲有，唔洗排隊等餐死，可預約訂位架 ！…查看更多

開張到食家已經嚟咗3次, 坐得好, 用料好, 食得好舒服又唔會趕你走嘅寶勒巷新店 - 韓珍因為好掛住新村嘅八色五花肉冒名而來, 原來只係開張嘅第2日, 完全唔知道原來就係傳說中GD爸爸朋友開的韓燒鋪頭. 一打開menu, 心諗:咩料? 我冇睇錯啊嘛?泡菜湯、大醬湯全部麵食都只係35蚊!!!!!!!!! 冇錯係35蚊! 依家出去食個麵, 史上最難食嘅韓食家都要成50蚊, 其他韓食鋪頭都要70蚊以上;再睇埋drink menu, 出面一枝上80蚊嘅燒酒只係50蚊, 價格非常合理!!!集合3次試過嘅menu, 不論用料, 分量, 味道同埋價錢, 暫時係我食過香港最好食嘅一間 !蔬菜款式不多, 但眼利嘅waiter們會好快為幫你添番滿, 唔洗加錢調料同其他韓燒鋪頭差不多, 仲提供埋疑似綠茶味嘅岩鹽  招牌菜: 八色五花腩, 今次試咗人蔘、大醬、綠茶同咖哩雖然我五花肉係厚切先好食, 但依度嘅薄切非常入味, 燒上黎係脆口的, 親切嘅店長會教你由淡到濃咁食必食: 梨汁拌生牛肉紅肉生食, 本來聽見都驚嘅朋友食到停唔到口, 一黎到用生蛋、蒜泥、梨、大蔥同埋香油拌勻, 再用生菜包住一啖咬入口, 梨絲嘅爽脆同果香再加埋香油, 配上新鮮嘅牛肉真係好好甜好好味。 牛五花與牛肉眼 ::: 用料新鮮 !! 充滿牛油味 芝士鐵板豬排同大腸, 一食入口先有甜味, 再加上芝士咸香, 然後麻辣感覺慢慢湧上黎, 辣嘅感覺消失完又好想再食, 送酒一流 !!!講到酒, 依度嘅drink menu真係一啲都唔hea其他韓燒鋪頭賣嘅都係Jinro同처음 처럼, 苦澀燒酌味好難入口依度係專售濟洲入口嘅漢拿山hallasan燒酒, 入口清甜, 唔洗溝其他野都好易入口最鐘意mojito嘅我, 依度出咗Sojito, 即係soju + mojito, 100% match !麵類: 35蚊超抵價, 好多料好多料, 用牛肉湯底, 冇咩味精, 仲好食過出面70蚊一碗個啲飲到咁上下, 食番個辛辣麵暖胃, 好滿足 老闆同員工都好好人, 唔阻你傾計, 可book位, 仲會突然送free drinks比你 但如果可以加埋燒豬皮就好啦!一定會再去 ! ㅎㅎ…查看更多

近來好多鋪頭都加入韓國行列, 賣韓國冰嘅專門店就除咗金巴利街個間之外, 依間都應該係第2間 鋪頭喺旺角街市後少少, 有好多位, 星期日下晝3點幾唔洗等都入得有好多味道選擇, 維起50幾蚊一款, +18蚊仲可以變大size添叫咗原味紅頭雪奶 + oreo雪奶, 每一款冰都附一小碗嘅煉奶, 想要幾甜就落幾多睇相好似好綿好好食好重奶味咁, 但一將隻匙更插落去, 見到啲冰好似一粒粒米咁size,一小條一小條咁, 完全都唔係「雪花」,入口都有得咬下先溶。但韓國好食嘅「雪花」冰真係會將牛奶磨到沙咁幼, 入口即溶, 食完成口都係牛奶味, 先夠滿足。而依度, 溶咗嘅牛奶冰底都冇咩味道, 好似加咗好多水咁。雖然佢都算料多, 都會分幾層由牛奶冰底+料+牛奶冰底+料咁樣,但身為韓冰fans,,,,,,,, oreo個個食咗幾啖已經冇興趣再食落去一黎冇味二黎乾三黎都唔係入口即溶嘅雪花冰嚟嘅四黎可唔可以唔用黑色大隻食麵個啲膠匙更? 轉隻檸茶篤檸檬個啲長鐵更都會食得投入啲  如果唔抱全食韓式雪花冰嘅心態當食糖百府咁會開心啲.  …查看更多

好耐好耐好耐都冇去Apgujeong, 坐得居酒屋都想輕鬆飲番杯傾下計, 但依度成日都限時, 同埋同隔離枱太近啦, 講咩都聽到, 野食質素冇以前咁好, 所以好耐都冇去lu久別重逢, 本來抱住「當食餐飯就算」嘅心態再次去Apgujeong點知有驚喜wor!對住本10年都唔變嘅menu正苦惱食咩嘅時間, 發現牆上面貼住大大張「春村炒辣雞」嘅poster, 諗都唔諗就叫咗了。好大盆好大盆 ~~~ 依度應該夠3個人食, 有椰菜.青瓜.翠肉瓜.洋蔥.蘿白.薯片同年糕, 重點係中間有2-3塊巨型雞排, 唔食得辣嘅朋友都唔洗擔心, 有大辣中辣小辣揀! 一邊炒, 蔬菜就會出水, 再炒到收乾水, 啲年糕就會吸曬啲汁, 好入味! 少少甜少少辣, 椰菜份量可以再多少少 ;)食到咁上下, 可以將就黎炒到痴底嘅年糕夾開, 叫waiter幫你用剩低嘅送, 加白飯同紫菜炒但佢地先炒飯用紫菜鋪面,如果可以加埋入去炒就更加香 ! 飽到爆都仲想繼續食  出新menu會再去 …查看更多

邪惡又令人食唔停口的芝士韓燒 ::::: 成日都好奇怪點解韓國人咩都要加芝士，炒排骨要加芝士，炸雞要配芝士條，連年糕拉麵炒飯咩都要加，今次率先試到全新menu，終於明白到芝士配韓燒嘅威力 ㅋ前菜 ::::平時跟餐都係火炙牛肉壽司，但食肉食得多始終都會膩，一入口冇: 嘩，好amazing既感覺。依個鮑魚菇加咗甜醬油同韓國香油，有種中毒感覺，令人食完想再食再食再食 😋當爐邊蛋變成爐邊芝士，用黎沾烤蜜糖雞扒同雞翼，蜜糖既甜夾住芝士嘅咸香，唔覺漏仲會有繼續追食嘅罪惡感，5分鐘就清曬 😎爐邊芝士加咗甜椒，燒到乾水見到滾到有泡泡有啲芝士既焦香，就將燒到有少少糖焦既雞扒沾落去， 諗起都想再食 ㅠ厚切五花肉的執著:::::五花肉先用秘製醬汁醃好，用慢火燒，可以保存肉汁，又唔會好似啲薄五花肉咗燒到變柴皮，而醬汁帶甜味，外脆內軟，好好食 ㅎㅎ細心店員幾四邊都燒至金黃😍食得 ㅋㅋㅋ好多韓燒店鋪頭都會推薦調味牛排比客人用黎蓋住本身牛排唔夠新鮮嘅雪藏味，但今次既原味牛排冇雪味之餘入口仲有好大浸牛油味，身為牛肉怪嘅我已經 😍😍😍之前食過金馬倫道所謂既韓國傳統雪花冰，點知一食就中伏，全部都係碎冰，好難食。依度既牛奶雪花冰係入口即溶，100%韓國味道，今次藍莓芝士蛋糕味，真係兩層都有藍莓醬同芝士蛋糕，唔驚食到一半會冇味道，食幾飽都可以一滴不漏清曬，好幸福 ㅎㅎ 減肥? 食埋先啦 ㅋㅋㅋ經歷佔中依度有良好改善，全程代燒，仲唔阻你傾計添，一定再encore !!!…查看更多