波2的個人專頁

打風日唸住食埋個早餐先返工，點知黎到呢度食簡直極失望！佢餐牌寫住用綿香沙嗲醬整沙嗲牛肉，仲要張相照騙甘好靚。點知一黎到粗口都黎埋！份量少都算，個沙嗲牛肉係無味，仲要唔知點解有骨！我以後都唔會再中伏，無下次！…查看更多

【繁忙都市的一個休息處 - 不籽是咖啡】☕️ 係呢個甘繁忙既都市，要搵一間chill既cafe唔係甘容易，但竟然俾我搵到一間！😋 「不籽是咖啡」外型已經好型格，門口用木同水泥堆砌，好有日式小屋感覺，心情即刻好放鬆 ☺️🟢 綠茶素麵配吉列蝦🍤🟢 夏天食素麵就最岩，雖然綠茶味唔多，但勝在口感爽口，最出色係個冷麵汁，加左柚子，酸酸甜甜，勁開胃 😍 隻炸蝦都好脆，好出色 😍…查看更多

無得飛所以想食碗牛肉麵解下思鄉既痛苦，點知食到既只係港式口味既台灣菜。招牌牛肉麵湯底顏色都幾唔錯既，但係口味偏淡，無台灣菜個種重口味感。麵質都唔太爽口，有少少煮耐左。而牛肉都冧身同大舊既，不過肉味不足，失色左。老街出品始終都係偏淡，可能因為要配合香港人既口味啦……查看更多

佐敦既渡船角係小店聚集之地，今次我去試試呢間韓式小店 - 星星 Pho Cha先試醬油蟹，醬油蟹價錢都貴貴地，唔係好大隻，但肉質都幾鮮甜，醬油味甜得黎有少少甘香，唔會太咸，真係唔錯，仲要叫多個紫菜飯黎配蟹膏，最高享受呀！話明星星，梗係唔可以唔試下星星炸雞 (唔同個個星星炸雞呀！) 一上枱，個貌相幾麻麻，不過芝士都幾香既，但個炸雞一d芝士味都無，只係一件好普通好普通既炸雞，同埋炸到有少少乾…食1-2件已經覺得好膩，Ace就覺得可以用雞既價錢叫多隻蟹會開心d…小店有一個好，就係細細間，幾有家庭既溫暖，得閒同三五知己黎飲下酒食下飯，又可以放鬆下啦 😊…查看更多

譚仔三哥，味道一向出色，所以邊間都好多人。去左九龍塘分店，多人到就甘買野食都排左15分鐘，原來得2個人做野，勁慢。而加有一個優惠，凡叫一碗米線就可加錢叫埋野飲同小食。麻辣豬脷唔錯，夠香夠辣，豬脷口感都幾爽，值得推介。…查看更多

朋友話大角咀新開左一間高質小店，梗係去搵搵試試佢！小店位於大角咀，叫SupBurwich，係一間專賣漢堡熱狗三文治外賣店。 松露Double鵝肝堡 $158一打開盒已經聞到好香鵝肝味，Burger入面有2大塊鵝肝，鵝肝煎得岩岩好，一咬好Juicy，加埋蘑菇，食落唔會太膩，呢個Burger必試！ 炸啤酒薯條 $32薯條有別其他，會先用啤酒先炸，入口甘香可口香脆，好食到停唔到口！ 小店舖頭細細，但食物選擇好多，有選擇困難症既朋友仔可能要唸下食咩啦！…查看更多