CarHei622's Profile

知道冇訂檯，所以5:45到。阿姐周圍望咗好耐，叫我哋食一個鐘！！！我寧願你同我講冇位俾唔到我哋。定阿姐想我哋即時表現劏開個胃，倒啲嘢食落個胃到！！！網上評論幾好食都冇用，做嘢嘅人唔經大腦🧠…Read More

經過入去試吓啦，心諗簡單款式可以唔使左諗右諗。叫咗碗兩溝，餃子🥟太大隻，其實餃子唔使太大隻，中型size 會好啲落單時，明明叫三餸一面，跟著話我哋叫咗5個餸，講多次俾佢聽，就話我哋叫4個餸，再講多一次加埋數手指俾阿姐睇，先扮嘢話聽錯。每逢有人攞外套，就話人未俾錢；有枱客帶咗細路嚟食，食唔夠數要人俾多啲，其實可以酌情處理！仲話多人排長龍等食，名不符實⋯⋯味道麻麻地，仲衰過灣仔碼頭水餃🥟！一句講晒……唔掂！！！…Read More

原本訂咗檯試下，去到比較多人排隊，個知客唔知做緊乜嘢，係要分開兩條隊：一條訂檯、另一條係訂咗。淨係識得招待冇訂檯。把起火，唔食。唔好以為成個Gateway得你呢間先！…Read More

上openrice 睇睇有咩食啦，睇到呢間食鴨就嚟試下。因為冇訂位，要向reception等多一陣，安排坐位時發現坐位正正對住洗手間出入。咁就同服務員講可否換另一張檯，俾咗張入房嘅檯坐低後叫咗茶，足足等咗十分鐘都未嚟到，行出去問個著西裝嘅員工，佢叫我等多一陣。再等10分鐘都見未有，我未食已經走人。唔會嚟。…Read More

星期五晚公司食飯，有同事推薦呢間海鮮酒家，因為佢之前食過話好食。一訂咗兩圍，個個同事好期待呢間同其他有咩特別。第一道菜係炸豆腐，外脆內嫩滑，非常好食。跟著係白灼蝦，非常新鮮。然後係賴尿蝦同炸鮑魚，賴尿蝦非常鮮美炸得很香口，炸鮑魚非常特別嘅係一般蒸鮑魚。酒糟粉絲蒸帶子同平時食開嘅蒜蓉粉絲真係唔同。仲有蒸魚，排骨、炒飯非常美味。不得不提個芝士龍蝦米粉底，芝士汁唔油膩，米粉炸得香脫兼且不是用一般米粉。雖然價錢並非大眾化，但個個食得飽飽，兼且讚不絕口！…Read More

好耐冇食泰國食品，上Open Rice揾下尖沙咀有冇又平又低食嘅泰國餐廳。見到個呢間comment唔錯，價錢大眾化，又可以網上book位。一家三口食咗四款食品，老公同小朋友讚不絕口，尤其個菠蘿焗飯同爐魚。…Read More