Kawai Caju W的個人專頁

你話超好食咩，咁就一定唔係你想好多樣野揀咩，咁又可能失望但係始終因為自己舖頭手做，質素穩定，同埋唔會好似攞工場果 D 點心咁樣 “死” 既至少我第一次試都覺得好 OK譬如蝦餃，一啖一個，蝦肉爽口，竹筍同肥肉有夠，想搵返傳統味道既人一定要點煎蝦米腸係有舊時酒樓車仔即煎既味道，同埋佢地 甜醬 同 麻醬 都 *無*溝*水*，剩係呢個就已經加分鳳爪唔會一 pat 軟瀨瀨咁樣，起碼夾起都仲有彈性，唔會甩皮甩骨而且因為做街坊生意，價錢好公道 $20-$30 一個點心…查看更多

我幾乎樣樣都試齊（因為係街坊，堂食外賣都方便），可以講係水準都好高不過你想食平價 “越南” （所謂）餐既話，呢間唔啱你，因為佢地唔賣垃圾，所以價錢同質素相輔相成牛肉粉個湯係濃郁得黎唔會太膩口，食完個粉全碗飲晒都唔會覺得滯豬肉撈米蒙有生菜香草，口感清新，同埋有兩粒肉丸浸住響汁到，幾得意蟹膏湯有D人可能會覺得鹹，但我覺得呢個本身就已經好有特色，食完粉會特登叫個白飯扣落去撈埋（老闆仲會自動問夠唔夠湯，唔夠可以加D）三文治就算攞到返屋企（五到十分鐘路程）都種脆 bok bok 同埋配埋個辣醬就更惹味春卷/蝦卷都係夠料同即製，所以雖然好簡單但係都 perfect喔，同埋收 懲罰Mee…查看更多

我初初以為會好普通，因為漢堡我只係會聯想到牛肉，試試既原因純粹因為YT介紹過而好奇（同埋佢地係同路人）不過係超有驚喜囉個漢堡多汁到呢，一邊食一邊 jeet，但係食完又唔覺滯，個包有用牛油烘過，攞到返屋企（佢地純外賣）都仍然香脆而且味道唔會死鹹，加埋佢地炒雞髀菇、焦糖洋蔥同自製醬汁，真係無得頂唯一要彈既就係，實在太好食啦，營業時間又就返夜鬼，又咁啱響我返屋企途中，幾乎每次放工經過都會有個掙扎 😅😅😅…查看更多

有次睇 MillMilk 介紹，話我屋企附近有間轉做花甲同莞茜湯麵（可選走茜）既舖頭，店主夫婦原本係社工，依家試下自己開舖，咁就好奇去望望唔去好地地，去過一次就同一個星期再去多兩次個花甲湯鮮到甜到呢，真係一試難忘（我香蒜、香辣同爆茜都試過，各有各好食），一打開盒蓋就知有料到（另有雞扒同豬扒）配菜一定要叫蘿蔔，幾次都超甜，再加埋可以爆茜，簡直係絕配有時叫即燒和牛串，燒得啱啱好，嫩滑肥美腐皮卷聽落平平無奇，但係用牛油即考，肥而不膩，食三件都唔夠總之係好好食…查看更多

1）良心店黃到發金 / 懲罰MEE 仲有景睇2）味道超正叫左海蝦燴義粉午餐（包雜菜湯 / 沙律+ 餐飲）食得出係即叫即整碟粉唔會煮到太軟、個汁鹹度啱啱好、番茄 + 新鮮香草個味配搭得好合襯）雖然係得幾隻蝦，但係新鮮貨3）抵到爛埋單 $62 （因為上 FB / IG CLS 10% off)4）服務唔錯因為少檯，所以好周到而且我話唔係電視框（discount；反正收八達通消費券）但係個店員/長話一定要跟返規矩講真，今時今日，咁既價錢響旺角去垃圾連鎖餐廳既話 不如上黎支持下同路人…查看更多

同位同事一齊去食午飯先黎麵包可以剩係俾一片（兩個人分）碗法式洋蔥湯好似大快活羅宋湯咁款我碟意粉過熟同埋用下價海鮮（所謂）同事個漢堡包就細到可以食唔飽兩個人埋單差唔多五舊水估唔到個烘培坊咁好但係間餐廳咁唔掂真係無下次…查看更多

老實講，你睇完其他食評都知係乜野一回事。味道：鮮甜有特色，完全食得出係小店自製既風味。而且經常有韓籍客，想食正宗野，走唔甩。呢樣始終最重要。份量：一定夠。無論餐前小碟、頭盤、小菜、午市（我地自己三樣都試過）、燒肉（見其他人）都足。以香港餐廳既標準，係無呃秤。我地兩個人點個豬骨煲，想叫個大（只係差 $70），店員即刻話細既都已經好夠。（事實證明係。每人起碼有四、五舊。）利申：自己係算大食既。環境：係舊，但係有 vintage feel。而且好多時食飯地方太靚太出位太新，只係用黎俾人打卡。況且好多新派餐廳 decor 都千篇一律，根本無話邊個好過邊個。價錢：兩個人，一個午市湯飯，一個煎餅，再加個豬骨煲，連加一 $500 鬆D。完全合理。至於服務。其實今時今日香港邊度仲有服務呢？…查看更多

夠熱、夠多料、夠新鮮、同埋個派夠薄但係又唔會穿、邊亦夠脆口、汁好香而又唔會太濕成個巴馬Pizza （10 吋）唔洗十零分鐘食晒sizzling hot, lots of fresh cheese and toppings, on a pie that's thin in the middle but still has a thick and crunchy crust and a very flavourful sauce (without making everything soggy) finished the Parma Pie in less time it took to write this review…查看更多

叫左一份鮮蝦豬肉米紙卷（四條），口感清爽，而且無偷工減料，啖啖都係蝦同肉，夏天黎個凍凍地既開胃菜就最啱。主角當然係 combo 牛肉粉（好正，無黎錯，下面詳細講），再加一杯凍鹹檸檬梳打（無乜特色不過合格啦）。個牛肉粉係叫左 rare 牛肉片（可揀 medium rare，視乎口味），佢地會分開上。個湯底清甜不過依然鮮味十足，飲落口係回甘，完全係香港二十幾年前果種真正清湯腩既感覺，同埋係絕對 無 味 精，飲左成碗湯仍然唔覺口渴。而且個粉非常足料，加上店員見到我唔夠香葉香草，就自動問我要唔要多 D herbs，我就梗係唔該都黎唔切啦。我咁大食既人都會夠食（假如知道份量無欺場我就唔會點果份米紙卷）。食完之後好開心因為香港好食既地方越黎越少，佢地做得咁出色就算貴 D 我都會再去幫襯。環境黎講就舖頭細細但係唔覺得窄或者侷促，因為樓底高同埋裝修清新簡潔，而且見住廚房運作，邊等食邊當睇show，幾得意。加上新開，所以感覺乾淨同光猛。我一向食野都唔影相，不過其他人已 post 所以可有可無。😂😂😂…查看更多