hellosammi的個人專頁

星期日semi buffet lunch, 1/3 滿侍應不夠在門口等左一陣才姗姗來遲見到有梳化位，多口問一下可否轉座立刻黑臉瞪大眼睛「係比8人的！」Okok, 冇就算，relax… 唔駛咁惡主菜點了pizza, 牛扒同魚跟住可以自取沙律、冷盤cold cut 及海鮮沙律相當新鮮，用料不錯凍蝦都鮮甜翡翠螺有沙蟹腳一般蘑菇湯濃郁，可以encore自取有羊扒牛扒牛扒唔錯、羊扒好乾肉質偏硬大約一小時後上主菜，先上魚彭一聲放低，但放錯位我們有些愕然，自己交換返放錯的侍應見到，第一時間怪責另一侍應，話佢放錯牛扒刀叉，第二時間又黑臉，將刀叉放啱位，好負氣Cod fish 有點腥，麻麻主菜的牛扒份量不多，表面煎得香脆，都okPizza 幾好食，但食唔哂問問侍應可否拎走冷冷一句：「呢到主食只可以堂食」Okok… 我黎食飯係relax 唔係黎受氣甜品部份係mini size, 部份係regular size 都幾大件唔想浪費，一件cake 2人分享再次問問侍應可唔可以比把刀我地換來冷眼bear 一bear, 直情當聽唔到Okok…. 用牛扒刀切cake 算數Well…$468 一位，牛扒加$120，魚加$80再加一我諗冇下次…查看更多

疫情關係，所以在家工作，上網外賣自取超方便。點了180g 的牛肩肉，連麵豉湯、椰菜絲沙律、珍珠米飯，$60 only!! 超抵！外賣關係，所以未能自選幾成熟，但是牛肉質素都ok, 不會全熟，沾上附送的醬汁，輕易KO 全部！另外亦order 一客厚切牛舌套餐，$65 一樣有麵豉湯、椰菜絲沙律及珍珠米飯。牛舌超厚有3大塊，口感軟熟，個人較喜歡牛肩肉。外賣分開包裝，整整齊齊乾乾淨淨，準時出餐，感覺良好，會encore 的…查看更多

原本想避開人龍，大約2pm來外賣，人算不如天算，想點的食物無論是滷排骨便當、鹽酥脆雞便當、排骨便當，全部售罄！最後搶了一個古早味手工滷肉便當，加配鳳梨冬瓜茶。外賣有折扣，$58。外賣便當精緻，餸菜鋪滿食盒！滷肉佔了一半，調味適中，不會過鹹，滷肉汁亦不會浸透飯粒。配菜有紹菜、粉絲、滷豆腐、三杯數雞、麻辣菜脯。這個菜脯超好食，爽脆、微辣，絕對喧賓奪主，比滷肉更味美！鳳梨冬瓜茶清甜 消暑解熱，夏天飲一絕！會encore 的…查看更多

一行8人6大2小，被安排喺死角落位置，熱到不可思議， 好似去咗火焰山。火鍋店有足夠冷氣啊是常識吧？旁邊有食客投訴，所以推來一把風扇，但是送風角度有限，未能受惠。食完離開，發現食店其他位置冷氣正常，請店家好好檢查冷氣可覆蓋嘅範圍，為食客為員工着想，當中有位員正特別燥底，在火焰山工作，也是難怪的。一行8人被安排一張6人檯，放完8套餐具及飲品後，基本上已沒有位置放食物，好迫，食得不自在。點了鴛鴦鍋，包括麻辣火鍋及酸菜白肉鍋，鴨血好滑，加點了兩次。本來想點手切肥牛及牛坑腩，可惜賣晒（其實6pm已入場，一開舖就賣晒，奇怪）另外點了雪花肥牛、梅花豬、酒香豚肉、餃子、凍豆腐、蜂巢牛肚、大腸頭、寬粉、只淮山麵、稻庭烏冬、響鈴.....總括而言，食物ok，價錢偏貴、環境逼夾。…查看更多

聖誕節有special menu, 有沙拉、素羊肉串頭盤、蕃茄湯、5選1主菜及咖啡，$138, 尚算合理。食物還算ok, 但最可怕的是...... 雖然係set lunch, 竟然等左3小時都仲係未上齊(by the way, 上餐次序係：主菜=> 湯 => 沙拉 => 頭盤) ，望穿秋水都等唔到杯咖啡，原來係唔可以追單、亦唔可以取消單，忍唔住follow up 一下，被告知只可以繼續等等等，不過話唔到比您聽要等幾耐。最後只可以放棄、埋單算了（錢係要照比)，跟住原來旁邊2枱食客已經呆等左4粒鐘..... 咁樣對客真係ok? …查看更多

同樓上食家一樣，如果有先睇OPEN RICE 先就好了。。。可惜我沒有，眼見門面擺設精緻，便一頭 "栽" 入去。坐下來，一看餐牌，嘩嘩嘩嘩，$38 一個木糠蛋糕？SIZE 是標準細SIZE 咋喎？但貴得令人咋舌！仲有，要加一收費！仲有，每人最少要點一客！最後order 木糠雪糕，即是將木糠布甸雪硬，盛惠$28 再加一。普通甜點一客，味道普通，餐廳環境普通，但價錢一點不普通！絕不推介！…查看更多

朋友介紹，一行三人來到尖沙咀午膳，可能是平日，人不多，相當清靜舒服。Set lunch 有3個或6個 courses, 前者$88，後者$128，大食一族of course 要後者喇！首先可選餐前酒，有sangria, 紅白酒，汽水或者檸水等等。sangria 酒味不重，冰後易入口。在照片中sangria似可樂。 隨法包 (可refill) 奉上有牛油、有類似蒜茸醬同橄欖，蒜茸醬應該加添類似橙或者柑橘或者番茄，口感幾清新。橄欖有2款但我冇食，我朋友說好正，一個人吃光一碗!! 跟著是蘑菇湯，味濃料足、啖啖都有蘑菇茸，沒有過多忌廉而引致的膩口，讚！主菜可於menu 任選：Seafood Paella 侍應提醒要等30分鐘，以淺煎pan奉上，見到的海鮮只有蜆一枚、蝦一隻，以為將貨就價，原來每口飯都充滿濃郁的海鮮味，一口一口吃過不停，三個人share ，每人分得太小喇！Ox tail pasta牛尾炆得鬆軟，醬汁雖然濃但又不會過咸，配意粉一流。Suckling pig - 西班牙燒乳豬真正皮脆肉嫩，咬下去時會聽到pop pop 聲。豬肉嫩滑兼夾著小小肥肉，好似減低小小罪惡感。 十個正，必吃之選！唯一要投訴是份量太少囉！ 甜品亦是在menu任君選擇。Tiramisu - 造型別緻，上面是cream, 批底是意大利手指餅，不過味道就沒有什麼特別，咖啡味同酒味欠奉。Fried choco roll - 這是侍應推介，有點似春卷，包住朱古力醬再炸。唔.... 亦沒什麼特別，伴碟的朱古力毛士倒相當濃郁。Custard pie - 如圖，賣相靚靚，但沒驚喜哦。相對其他菜式，甜品算是比較普通。最後以一杯咖啡為今餐作句號。完美的一餐。…查看更多

以前 Latata 在蘇豪時已時有光顧午膳，不知是否租金緣故，需要搬鋪，竟然由蘇豪「飄洋過海」落戶至旺角黑布街，落差真不少。餐廳不算好找，而且半邊鋪面被樓上酒店的招待 counter 遮住，好容易走漏眼。裝修沒甚特別，檯排得密，但星期日下午只得3檯客人，所以不算侷促。Set Lunch 有 5款選擇，由$40 至$72：先來南瓜湯及自制蒜茸麵包：南瓜湯keep 到香滑，但熱度不夠。蒜茸包香脆，但同樣不夠熱，而且size 件件不同。主菜 -- 法式鴨脾：賣相不俗，鴨脾煎(或焗)得香脆，肉雖然不算太嫩，但亦不算乾，調味適中，味道可以。但稍嫌醬汁太少，法菜的靈魂難道不是醬汁嗎? 另外意粉份量可以多點點更好。甜品不是 cream brulee, 而是芒果芝士蛋糕，賣相ok, 雖然聲稱為芝士蛋糕，但口感及味道較似毛士蛋糕，甜度適中，不俗。最後以一杯 coffee 作ending, 奶是預熱，有誠意。咖啡濃度十足，要再1 round 奶味道才剛剛好。結帳每人約$60, 抵食乎? …查看更多

早已試過此店有名的杏仁脆餅、柚子曲奇及杯子蛋糕，雖然名不虛傳，但此店位置不太就腳，而且常常售罄，所以要encore 都不容易。週末剛剛路過，可能並非繁忙時段，人不多。只有3款曲奇售罄 ，今次試試其他，來一 round 朱古力巡禮！Choco Brownie 有2款圖中後面四方型brownie ($5) 口感似mud cake, 又有小小似莎莉蛋糕，朱古力味濃，入口濕軟，甜度適中，沒有一點膩口感覺，正!Fudge brownie ($10) - 呢款口感較硬，里面有好多果仁，跟雲呢拿雪糕球係絕配！店主建議冷凍後吃味道更佳！朱古力杏仁脆片曲奇($38) -- 薄薄一片，脆，非常香脆，有朱古力味又有杏仁味。一片一片又一片，落入口中看不見！So far 在我試過此店的曲奇中，我個人最喜歡：No.1 咖啡曲奇 -- 咖啡味非常香濃、而且balance 到傳統牛油曲奇不能避免的的甜及膩No.2 杏仁脆餅 -- 沒有加添牛油、但有大量果仁，十分足料，入口香脆，完全可以1個人自己一次過KO一包 (真是罪過、罪過 )No.3 朱古力杏仁脆片曲奇 -- 朱古力愛好者不能錯過No.4 柚子曲奇 -- 加入柚子口感清新，亦減低膩口，有時會食到小小柚子，正欲罷不能，見到芝士蛋糕($22) 又放低銀兩。蛋糕份量十足，芝士味香濃，香滑、口感並不死實。一口蛋糕；一啖咖啡，非常幸福，什麼節食減肥都置於腦後。每個pack 都有一張心意咭，一句金句，今次其中一句子 -- May the Lord grand you abundant prosperity! 付款後店主一句「祝福您」， 感覺好sweet好溫暖，一定會再encore!…查看更多

La Taverna 藏身於阿士厘道，門口好細，打開門要向下走幾級。樓底唔高，枱排得幾密，燈光昏暗，但佈置得好cozy, 感覺舒服。所有碟印上餐廳名字2人同行，點了3個菜：Cesar chicken salad ($98) - 份量不多、菜爽脆、汁剛好掛於每片菜葉、雞略(o鞋)磨菇意大利飯 - 磨菇已打成蓉變成醬汁，雖然看不到磨菇，但充滿磨菇香味。飯略軟，但不太膩，2人share 剛好，如果加些磨菇粒增加口感更好。意大利雲吞 ($158) - 以三文魚作餡料，配忌廉白汁，大約有十粒，件頭不大，可以一口一粒。三文魚 + 忌廉 =「膩疊膩」，可以skip.甜品是home made tiramisu ($78), 這個相當美味，甜度適中、奶跟cream 比例剛好、賣相討好，如果酒味再多一點點更好。Cappuccino ($45) - 比預期中苦澀，而且朱古力亦少，奶泡亦不濃密，比較失望。播放中的意大利歌曲、斷續的碰杯聲、pizza 在焗爐的香氣 - 舒適的環境，價錢略貴，還是值得。…查看更多

星期六、尖沙咀、4位好友、early lunch -- 本來去K11, 機緣巧合下到訪重慶大廈的岡田珈琲。既來之，則安之。午餐時段，人不多。餐牌選擇多，價錢不貴，$40起已有交易。點了漢堡扒餐，前菜先來薯仔沙律，一個雪糕球的份量，剛好。主菜可配飯或意粉，漢堡扒略乾，口感似蒸肉餅 ，不太油膩，份量剛好甜品有5款慕絲蛋糕可選，我們的order 有咖啡慕絲、朱古力慕絲、北海道芝士慕絲、及草莓慕絲賣相最漂亮是草莓慕絲、味道最濃是咖啡慕絲、北海道芝士慕絲及朱古力慕絲略甜最後house coffee 作結束，不是配咖啡奶而是cream, 雖然入口感覺較滑，我都是較喜歡配熱奶。Credit card 有優惠，未加一前$68。離開時約2點，一直未full house 的餐廳外排了一圈一圈人潮，看來大家都嗜甜得很。 附註：某些侍應生服務態度一般，要有心理準備她才是客人哦。…查看更多

小小的店鋪，餐牌選擇多至媲美茶餐廳，花多眼亂。根據侍應推介，點了火鍋套餐($98)，有活魚一條、雲吞雞及蒜泥小青瓜，另配白飯或米線二碗。活魚有白花、盲曹、金鮪、加洲鱸選擇，以冬菜肉碎浸熟，要多加$2。魚肉滑溜，有冬菜調味，所以不用醬油味道恰好。雲吞雞以小鍋上桌，雲吞四大粒，加大約四份一隻雞(迷你品種)。雞肉仍然嫩滑不(o鞋)口，湯底濃郁鮮甜，似沒有味精，而且一點也不油膩，可以喝到碗朝天，讚！可惜份量確實 ........米線湯底可以選凈魚湯、蕃茄魚湯或冬蔭公湯。 我選了冬蔭公湯，辣道適中，雖然沒有泰式冬蔭公的酸香，但是亦沒有泰式椰奶的膩口，而且湯底亦看不到油，這改良版的冬蔭公感覺較健康。 反而米線只是一般。在大角咀區此店不算便宜，但是想吃得清淡點、健康點，這裡還不錯…查看更多

星期五晚上，雨紛紛的蘇豪，沿士丹頓街，由喧鬧的行人電梯走到寧靜鴨巴甸街，到達晚膳的餐廳 Sashay Cafe & Wine Bar. 只有數張檯，裝修簡單，有幅幾特別的大壁畫。Set dinner 可選2或3 courses, 包咖啡或茶。頭盤有 Ceasar salad, smoked salmon green salad, French onion soup 選擇。主菜有煙鴨胸、魚柳或什菜闊麵 。甜品可選 cream brulêe 或 tiramisu. French onion soup - 用料豐富，但不知為何沒甚洋蔥味，兩片蒜茸多士略硬。 Veggi Lasagne - 什菜新鮮，用上大量茄膏，比傳統以芝士作餡較清新。伴菜爽脆，醋汁帶甜十分開胃，美中不足是份量略小。 以茶杯奉客的 cream brulêe 及 tiramisu 賣相別緻。可惜cream brulêe 似略爲 overcooked, 欠缺滑溜感覺，面層糖片亦不夠脆口。 tiramisu十分creamy ，雖然酒香欠奉及略甜，但是配合帶澀的 house coffee 剛剛好。環境寧靜、食物不俗、價錢合理、沒有不encore 的理由。…查看更多

再次到訪CoCo壹番屋午飯，大約等10分鐘4張枱。上次已試過招牌咖哩吉列豬扒奄列蛋飯，相當不俗。今次試另一王牌 -- 咖哩奄列蛋忌廉雞肉，加配沙律及餐湯。日式沙律配芝麻醬，什菜爽脆，雖然份量不多，作為前菜剛好。餐湯是日本菜湯，由顏色、味道及材料水準以下，似一碗味精加水，強烈建議skip! 主角上場 - 賣相討好。咖哩汁跟奄列蛋仍然出色。奄列蛋嫩滑、咖哩香濃，如果可以辣d更好。雞肉份量不多，忌廉加埋咖哩太heavy，太膩口。朋友點的咖哩炸雞亦不錯，炸物做得幾好，脆口而不硬亦不太油膩。上次額外加點的蘋果批一般，skip.仍然會再來，不過應該會encore 吉烈豬扒奄烈蛋飯。 …查看更多

一行6人，7時到達，已經全滿。根據指示，預訂炭燒BB豬，另外再點6個小菜加湯。上菜的次序及速度只是麻麻(跟上菜的次序) 胡椒豬肚浸花甲 ($98) -- 夠熱，胡椒味不算重，咸，飲完好口渴。豬肚份量小，花甲是迷你品種嗎？為什麼跟迷你蜆的size一樣? 金銀蛋肉鬆莧菜 ($53) -- 第一道菜竟然係菜？份量小，皮蛋應該只有1/8 粒鬼馬炸油條 ($58) - 油條好硬唔脆，感覺好熱氣 花枝釀皮蛋 ($48) - 外層唔夠脆偏硬，花枝膠好薄身，皮蛋唔係糖心皮蛋而且幾咸 醬皇撈墨魚鬚($48) -- 少少辣，爽口，大路貨色。椒鹽鮮魷 ($58) -- 好多椒鹽碎，上桌時已軟身唔熱，致命傷係 -- 咸~到~冇~朋~友~ 紅燒斑腩煲 ($68) -- 斑腩是雪貨，這是預料之內，要辟除雪味，所落的調味(或味精？)重手程度絕對是預料之內。真的好咸。。。 炭燒BB豬($388/隻) -- 千呼萬喚，等了差不多1小時，最後一道菜。本來有相當expectation, 畢竟是招牌菜，但是希望愈大，失望愈大。燒豬皮OK香脆，但太油，而且太咸。水準只是一般，唔值$388。6個人，消費$863，唔算平。如果沒有order 可樂，應該渴死。冇下次。…查看更多