Irislklaw的個人專頁

遠道而來的朋友喜歡打邊爐，1個月前就訂位，點知叫咩都冇，我明白可能因為係平日，唔會準備好多海鮮，叫珊瑚蚌話冇，叫扇貝話冇，叫白鱔又話冇，大佬呀！連蝦🦐咁基本都冇！最後唯有食牛丸墨魚丸飽曬！😖仲要山長水遠由九龍去大圍帶朋友去食，真係好失禮！…查看更多

環境，食物，衞生和氣氛都唔錯，當日係慶祝女兒生日，坐位安排獨立間格區內👍🏻座位之間有足夠距離，私隱度好好👍🏻食物雖然選擇不多，因為居酒屋飲酒為主，但都能照顧到唔想飲酒嘅朋友，訂位時答應如果order甜品會寫上Happy Birthday牌，可惜沒有做到🫣有啲失望，不過整體來說唔錯👍🏻…查看更多

收工去太興燒味買叉燒燒肉各半斤回家，加埋都$125㗎。一心諗住加條菜就開餐，點知回家一打開盒燒肉，火都嚟，半斤燒肉全部瘦肉，都算，可能有啲人喜歡食好瘦嘅燒肉，但係只有三四舊帶皮嘅，d皮過曬氣又唔脆，冧咗又奀皮，同買舊豬肉白馺熟一樣，又鞋又奀，好彩仲有叉燒餸飯！激死人！以後唔幫襯😤😤相片係我打開盒個樣，我未食㗎！$60幾蚊買盒野唔好食嬲死我！…查看更多

好嬲！都知道新開店多人試菜要排隊，今天是周日也專程來取個排隊飛，下午6:25已經要等27張枱，第一輪晚市已經坐滿啦，即是起碼要等20-30分鐘啦，有小孩子好難站著等咁耐，門口亦沒有椅子比人等位，商場裡訊號收不好，條街又熱又多車，唯有附近行下，6:45返去，過了5張枱也不能補等！激死！取票時也沒有向客人表示遲到不能補枱，也沒有張貼任何溫馨提示，唔好意思一句也慳番，雖然自己遲到也不對，但是等左咁耐都無得吃真是好嬲㗎嘛，補枱再等5張都冇問題啦，最慘係小朋友也肚餓啦，新店開張就會有客人試菜，這樣的服務態度絕對不能留住食客囉！浪費我的時間！黃埔有咁多食肆，選擇咁多，不足100米已經有幾家台灣牛肉麵啦！我未想過什麼原因會再令我入去囉！…查看更多