Dickman的個人專頁

特登由九龍揸車入去 第一次直頭搵唔到 第二次行錯路 最終都係遲到……Ordered一個$798二人餐 前菜兩小碟 其中一碟係蒜頭 刺身12薄切 沒有鮮味 更不用說肥美 介紹點醋食 口感真係極度一般吞拿魚壽司拼盤 同魚生薄切一樣 吞拿魚 沒有鮮味 吞拿魚碎卷物 真係冇誠意 卷物擺在底 上面劈咗一堆吞拿魚碎在面層肥牛鍋物 係加拿大肥牛片 過多肥油仲有一壺SAKE 乏善足陳我哋覺得無正式食過魚生咁 就冒險地叫左一個魚生拼盤 同12薄切和吞拿魚壽司拼盤一樣……去個廁所需要忍氣我都覺得自己好笨 山長水遠入去屯門食 仲要食咗$1300蚊 平均$650/頭 ………查看更多

響電視度見過Ricky san好多次，今日特別黎到佢主理間餐廳祥仔在K11的B2層， 名氣就好大，味道就真係非常之見仁見智。叫咗個鮮粟米真星斑魚飯，系堅星班但就有啲overcooked，啲星班魚魚冇魚味，仲好『鞋』， 侮辱咗塊堅星斑；飯有鮮粟米跟住，甜D，味道又咪咁，仲有D唔夾…另外叫咗個葡汁雞球飯，『頂』…啲雞嘅雪味漂晒出黎，葡汁完全係冇味兼水一般好差，勁想叫人攞豉油…仲有個雞翼，好似迎合四川人食咁樣，花椒八角味過重，蓋過甜豉油香味，一路食下食下嘅時候把口已經有啲麻，再食唔到有乜味，仲要九蚊一隻…明明系西廚，無那那搞間茶記，難怪中伏。…查看更多

壽司食堂顧名思義應該要食壽司，等咗二十分鐘有位。入內裝修極之普通，打開餐牌，一個 10個壽司既拼盤，已經298蚊，但係睇圖片無乜貴價魚生做壽司，再睇下其他壽司，段件計，每件十幾蚊一件起步，較貴的和牛壽司80蚊/件。想改行order魚生拼盤，七款每款兩件$480，在猶豫的時候，忽然有個職員話專程同我哋介紹今天可做刺身的日本冰鮮魚，有700蚊一條的天使 kinki，亦有200蚊一條細細的針魚，仲即刻去攞過黎我地睇辦。攞得出黎畀客睇，我地一定唔系等一個，攞出攞入，衛生成疑唔敢叫，之後個職員就冇再來我哋張枱。我們order了三個丼、三個蒸蛋，還有一客赤貝。 赤貝雖然爽但冇乜鮮味，而且都比較乾身，好似已經開咗好耐，正常即開要用水沖洗，咁乾身的赤貝，更加之不要講有海水味。…查看更多

今次係第二次來到『太平』，同前次一樣，伙計依然係殷勤地招呼。我們今次就點特別點一啲上次沒有點過的菜。花雕糖心蛋，係一個冷盤食落好清涼，酒味適中，香而不濃。啲蛋黃流曬心，賣相亦都非常唔錯。可惜嘅係，蛋白偏向硬，而蛋黃就流曬心，睇落好似唔係好正常，有啲似將生蛋黃雪凍後放落熟蛋白面，再加酒和調味料。因為蛋白的邊夠熟嘅時候蛋黃邊應該都會有半熟，另外，花雕酒係入唔到蛋黃和蛋白裡，變成『各自各發揮所長』因為上次食過鵝片，今次則叫有骨的鵝肉，鵝片雖然啖啖肉，好有口感，但係大骨的鵝肉係另一種口感，而且相對比較肥美，可能因為系腩肉，點咗醋同辣椒油之後不單只唔覺得滯，反而更感到金香和鵝肉的嫩滑。白灼鵝腸夠曬新鮮爽口，食得辣嘅朋友強烈建議點潮州辣椒油。 蠔仔粥就夠晒正常， 沒有半點腥味，好有家的味道！…查看更多

幾條友唔覺意經過呢間新嘅餃子店(招牌還是用紅紙貼住)，見門口包緊餃子嘅人好用心，雖然唔肚餓，都忍唔住想試下，入內見到「想餃就餃」四個字，頂…真系畀佢講仲晒！落單叫咗個最傳統既芹菜餃子，奇奇怪怪咁，同其他餃子店唔同，仲要揀湯底，蟲草花湯底同埋豬骨湯底。另外亦 Ordered 雞翼、鯪魚球、薯波。等食之餘，開始留意店內裝修，唔知出自邊個人手筆，咁鬼死有創意：肚餓想餃就餃，想了就餃餃，食完下次就想餃餃！芹菜餃配蟲草花湯底，味道相對地清淡健康，唔似有加味精。七隻餃子中，隻隻都有D唔同樣，仲有一隻裂開口，肯定唔系機器沖手工，值得加分。炸雞翼就肯定由生炸到熟， 唔似大型連鎖快餐，煮一半炸一半，又或者買唔曬返炸，因為我今次系食到會流汁既雞翼。鯪魚球好香夠彈牙，可惜蜆介汁唔系入過雪櫃的，如果唔系，熱辣辣配上凍冰冰，真係想死。薯仔球就好甘香，可以乜都唔使點。 埋單時呀靚女先講：七色餃係佢哋呢度嘅招牌。 應承妳，下次試！…查看更多

如果淨系睇個英文，仲以為系『錢錢吧』，知道叫『請請吧』後，又感到細路仔。到訪幾次，一次比一次早有人唱歌，不過想靜靜地傾下偈，不妨到室外坐。Happy hour 到九點，買一送一。叫杯紅酒，佢真係會倒半杯畀你，話曬都係酒店酒的質素確實有返咁上下，小吃如花生、蝦條，可以無限添食。…查看更多

The environment was decent without gorgeous decoration.Korean beef was very Delicious. The slice garlic and spring onion so matched with the Korean beef. I didn't need any sauce. However, i could not eat more. Many seafood was in the Tofu seafood soup whereas Tofu had two thin pieces. The stone of the stone pot rice wasn't hot enough. It couldn't dry the rice more. There were some choices of Korean Soju. Apart from that, limit wine choices. But the price seemed a little bit high. The service was just okay. They causally put the dishes on the table. Finally the beef was put aside, not in the centre. Hope to see their improvement next time. 環境還過得去，沒有華麗的裝修。韓國牛肉確實造得好味，擺設也有花過心思， 蒜片配合韓牛，確實好夾。 幼嫩的牛肉，火候啱啱好。 就係食唔到好多件，就已經好滯 。豆腐海鮮湯只有兩片豆腐，但係海鮮就勁多。石鍋飯就餸好多、飯好少，但個鍋唔夠熱，又無人幫我地撈，想D飯乾身些，甚至製造一啲飯焦都唔得。韓國Soju有些選擇，其他酒就有但不算多，價錢就見人見智。服務就ok喇，所有啲飯餸，見台面有地方就擺，將啲牛肉擺埋一邊，食物中心冇留意。…查看更多

First time to there, we were attracted by the French decoration of the main entrance. Very impressive.The starter was New Zealand mussel. They were so creamy and rich. The chef had put some orange skin and made the taste so refreshing.The mushroom soup was made of plenty of tiny mushroom cubes. They made the soup quite rich. Specially, some black truffle oil definitely enhanced the taste.Duck leg was one of the main course. The texture liked German knuckles. The skin was crispy and the meat was fragrant. Totally differed with traditional French duck leg.Another main course was prime rib steak. It was much worth then the HK$328.I did ordered red wine, obviously, no valuable comment on it.The pretty boss was very friendly and nice. All decoration was her idea. So great!第一次去，出電梯已被門口擺設所吸引，好有法式味道頭盤order紐西蘭的藍青口，厚肉肥美，特別在加了些橙皮煮，食落味令人耳目一新蘑菇湯如果唔係師傅一點一點切，就係攪拌機慢打，磨菇口感相當豐富，再加埋黑松露油冇得頂鴨腿主菜：煮法有啲似德國豬手，皮脆，肉比較香口乾身，同平時食開的好唔同。另一個主菜系ptime rib steak，以328價錢來說，絕對物有所值。另外也點了紅酒，顯然不是物有所值.靚靚老闆娘好友善，佢D擺設別據心思。…查看更多

今次是第一次來到呢間餐廳，一入就被巨大的美女牆畫所吸引，似乎係呢間餐廳的icon。睇過餐廳的setting，原來系韓式燒烤，打開個餐牌，裏面都好多和牛選擇，有澳洲和牛和日本和牛，仲有美國的 prime rib Steak。餐牌一整版都係牛肉，背面就系非牛類，對於我呢啲牛魔王來講，睇見就滿足和歡喜。當然今次主力係食日本和牛，所以澳洲和美國的都不在考慮之列Order了四款不同切法的日本A4和牛、五花豬腩肉和雞肉，以及一個二人套餐。二人餐入面有兩個沙律，睇得出廚師好用心機去做，但似乎配搭方面就有點兒欠奉，賣相以白色為主配搭松子，材料有水牛芝士和白色的沙律椰菜，再加白色的沙律汁，整體都是白色，而且汁過稀和水變成賣相麻麻。細粒松子、軟滑水牛芝士配夠硬的椰菜，概括了說：各自各發揮所長。 套餐裏面的牛肉 呈現瘀黑色，知道已經切咗放咗一段時間，雖然不太影響味道，但賣相就差好多，相對散叫的A4和牛全部都呈現粉紅色，睇落好新鮮，當然價錢方面亦都體驗到出嚟。但從和牛油花的分佈嚟睇，已經不低於A3的貨，以這個價錢，我相信 Value for Money(物有所值)。大部分時間都有人幫忙燒，其實和牛本身多汁好味呢個已經係自然，但還需落些少調味料特別係鹽，來去加強佢個味道。 餐廳提供兩款鹽：一款係白色，過鹹不確定係唔系日本百味鹽，另一種粉紅色似喜馬拉雅山岩鹽，但佢又偏鹹，所以都不太確定。醬汁相對地偏甜，有無檸檬或酸的味道，我點了一次之後就沒有再點。如果我自己燒我會比較喜歡在燒之前，在面層落少許薄鹽，上層靠熱力將鹽溶化，下層火將鹽燒溶入油份裡，食落口感和肉味更濃。奇怪系豬腩肉的燒法，侍應則有點講究：先厚剪燒短一點時間，等我地豬的原始味道；繼而剪薄一點、燒香一點，口感爽脆香口。雞係雞腿肉，用檸檬汁先醃製，侍應烤得較為香口，但肉心依然嫩滑。若果醬汁系檸檬汁或酸汁，就一流。前後Order了兩個石鍋飯，當第一個出來後，侍應好快撈完醬就分畀我地， 飯未夠乾飯味自然淡。第二鍋我自己黎，先撈好醬再壓實D飯，利用石鍋熱力制造出飯焦，自然飯香好味好多。酒方面，由於有人不喜歡日本清酒，所以order了一支白餐酒，效果系完全估唔到的好，原來燒肉配白餐酒都同樣出到味道。…查看更多

今日行到攰攰哋 喺旺角求其搵間雞煲 咁就 中伏先叫咗半隻雞的雞煲，樣睇落去香噴噴，但食落就一點兒味道都冇，都應該系先用熱水浸熟，當有人落order嘅時候就攞去即炸，中間完全唔覺有醃製嘅過程，我另外叫咗啲辣椒豉油，辣豉油都溝咗水，只係有色一點兒豉油味都冇。肥牛：畀個外表呃咗 食落去一點牛嘅味道都冇 可能就係坊間流傳的『合成牛肉』流傳用唔知乜肉合成，總之唔系牛肉。炸魚皮：唔脆而且好煙韌 咬都咬唔開 放落湯入去 滾一滾 send到簡直不能入口 最終有大半碟無食道假貨午餐肉：只有粉的口感沒有肉的口感食過一口炸豬皮之後，我就清楚曬乜嘢叫做塑膠豬皮…查看更多

一個月前，太太訂了Le Paradis 幫我在23/2慶祝生日。 個location又真係幾麻麻 位於商業大廈嘅4樓，一梯兩夥，店內有點兒狹窄， 幸好有個陽台，稍為開陽一啲。坐低知道食乜後就選酒，哈 出奇地有我哋鍾意嘅德國白酒， 當然不能錯過。沙律食材好新鮮，特別係紫洋蔥有甜味。但個汁相對就冇乜特別，所以我要求了黑醋和橄欖油。黑松露磨菇湯：蘑菇應該係以慢攪拌方式打碎，所以飲起湯嚟還有強列蘑菇嘅口感， 如在湯面加兩三片磨菰，賣相肯定贏回不少分數。芝士藍青口：煮嘅時間恰當，能保持青口的肥美和鮮味。基本上都冇甩殼，不過系細粒咗啲。當你食完青口之後，再用蒜蓉包點煮青口個芝士汁，係絕配！七成熟牛柳：做得好嘅地方係好多肉汁都鎖得住，食起上嚟好juicy。仲有一個特別係牛扒下面配紫薯，口感同味道都互相提升。甜品就跟著我太太的指示，再加廚師嘅小小創意，賣相絕對係靚到爆。心太軟有水準的，朱古力味恰到好處。整個晚餐食了三個半鐘頭，因為每一道菜中間隔嘅時間實在太長，最長要等超過一個鐘頭主菜先來。 希望餐廳係呢方面能夠有所改善！…查看更多

其實已經有半年冇再去八月軒，今次入去其實係有期望，希望佢能夠回復以往嘅水準， 可惜令到我再一次非常的失望。坐低叫壺鐵觀音，茶葉碎到完全鋪滿水杯面，打開茶壺蓋都只系見到鋪晒面的碎葉。匙羹好多油漬，用滾水淥一淥，成杯水面都係油5個點心各有『千秋』：MMG:5]…查看更多

今晚特別想吃小籠飽，所以專門去了 樂天皇朝， 因為兩個人唔能夠叫太多餸 ，點了： 麻醬油麥菜、李白醉雞、皇朝小籠包、喇沙海鮮拉麵 。 李白醉雞本身雞算入味，只不過有好多碎骨。 其餘三款餸菜 都在相片中有介紹下次如果再去，可以再試下其它的小籠包，同埋要試下其他嘅餸。…查看更多

一向都有去翡翠拉麵食飯，但到旺角呢間真中伏。點了四樣野，一一為大家介紹：1. 酸辣湯(例牌), 份量只夠一人享用, $50, 味道無乜特別，但點解咁「驚」貴？2. 口水雞, 62蚊, 做好的雞放入雪櫃, 當有人點時加汁, 普通做法. 3. 不是炒飯, 千奇唔好睇相, 裡面真系無飯架, 蛋絲炒牙菜, 都算有點創意, 味道還不錯. 4. 雙辣小籠飽，四川麻辣味, 皮厚. 味道夠創意, 但未能接受. …查看更多

在網上訂了團購，要提早最少一天打電話訂位。訂位當天2點半至6點半，打了共8個電話方有人接聽，當中包括兩次被人即時cut線。未來兩週都只有8:30pm後才有位，好麻煩！來到門口，得知有張兩人台埋了單但未起身，要等。眼見有兩張四人台、大台兩三張，又無其他人等位，點解一定要等2人台呢？等了近10分鐘左右，安排我倆一張四人台…頂！白等…坐低之後，侍應問我要茶還是要豆漿，但2人淨系包一杯豆漿，要茶啦！兩個冷盤雞絲粉皮ok好味，肴肉一般。原以為糖醋排骨系熱，點知呢度唱既都系「冷盤」，入味夠堅實、又硬！酸辣麵就各展所長，不酸不辣與麵完全無關系鍋貼和小籠飽都算有水準。沙鍋雲吞雞有一雞件和一粒精致雲吞，湯本身有野味(如果唔加水的話)。甜品系杞子桂花糕，奇怪相比深色，而且有部份杞子口感物體是黑色的。…查看更多