chowchow314的個人專頁

忙裏偷閒的星期三， 難得可以準時收工，同朋友係旺角揾到呢間樓上泰國菜-泰屋位置好寬敞，環境都好舒服 非常適合一班朋友聚餐menu都算多款式， 兩個人真係四餸一甜品已經 好夠食。豬頸肉---肉質幾淋， 唔會話好乾爭爭，都幾香口:)咖哩牛筋腩--- 牛腩 炆得幾冧， 好重牛味， 牛筋都非常入味， 如果配埋蒜蓉包或者薄餅 就一流， 不過我哋兩個食唔到咁多，淨係叫左飯去配個汁飛天通菜--- 味道正常， 分量 都算比 其他地方多， 兩個人食真係啱啱好！香葉肉碎炒飯--- 不得不讚呢一個炒飯，超濃味飯嘅硬度都好適中， 唔會話太乾太濕， 辣度又啱啱好， 食到停唔到口 如果有埋 太陽蛋喺上面就仲perfect芒果糯米飯--- 女人係有第二個胃 雖然食到好飽但都係要叫埋個甜品， 芒果又甜又淋 糯米係白糯米加黑糯米，好味飲品我哋叫咗一個椰青 清甜最後埋單都係 四百幾，人均二百幾，好抵食，下次會再嚟幫襯…查看更多

平時食開表叔火鍋都覺得性價比高， 今次見佢開咗分店，有埋串燒食， 於是就同老公去試下， 一入鋪嘅環境比起表叔火鍋還要大， 環境整潔， 位置寬敞闊落。 一坐落掂完就俾咗兩款前菜我哋食， 招呼唔錯我哋首先叫咗幾款刺身， 有三文魚，希靈魚，池魚 同埋章紅魚， 幾款刺身都好新鮮鮮甜今次我哋揀咗北海道牛乳鍋湯底鮮甜 好濃牛乳味 值得一試湯底裏面有好多津白做配菜又有冬菇 同豆腐今次我哋點咗雞腳做配料，雞腳啲骨膠原真係好豐富又肥美魚腐片好香口又彈牙牛柏葉分量好多冇異味，就算 滾耐咗都唔會好 韌，都算爽口呢碟肥牛不得不讚，雪花均勻， 好香牛味， 幾乎入口即溶，如果唔係好飽都想嗌多碟心型嘅肥牛第一次見韮菜餃 粒粒都好大粒皮薄餡靚我哋最後仲叫咗串燒有雞軟骨同 牛舌，不過不失…查看更多

呢個聖誕假同老公周圍去， 今日就嚟咗megabox 行下宜家傢俬， 周圍睇下啲家品， 添置下新居，買到七七八八 見肚餓，即刻諗起嚟呢層食壽司餐廳都佈置得好有氣氛早啲食唔使一陣要排隊我唔客氣啦，一落單 就叫咗咁多嘢食海膽雜錦魚生飯， 海膽非常鮮甜， 沒有異味， 甜蝦亦都好大隻， 帆立貝非常新鮮， 質感唔錯， 章紅魚都吾錯，配埋醋飯， 非常 好味， 一啖一啖停唔到口！ 成碗幾乎食曬， 淨係留返少少畀老公黑松露劍魚腩，黑松露非常惹味，魚腩新鮮入口即溶。醬燒三文魚，煙燻味適中， 配埋少少沙律醬， 非常襯出味道。炸南瓜餅 南瓜蓉好甜好好味赤貝壽司， 鮮甜美味 劍魚腩壽司， 亦都非常可口美味醬燒長鰻魚壽司，鰻魚size簡直手板咁長 配埋燒汁 非常好味。…查看更多

市區最低十二度入到嚟元朗仲凍 梗係要搵啲熱食暖暖個胃 行到去b仔附近 轉咗入一條細街 呢度有西餐 有串燒 有大排檔 不過最後都係揀咗 呢間泰豪燒 因為之前食過 性價比都高 所以決定再食多次 可能因為太凍嘅關係 我哋九點呢個時間入去 客量都不太多呢度有黑啤飲一坐落即刻嗌過二人套餐 套餐包括 兩款自選海鮮粥 而我就揀咗鮑魚同聖子 另外仲有六款串燒 鍋粥真係好鮮甜 香口美味 材料 十足 蟶子同鮑魚 都好新鮮 爽口 沒有過熟 粥入面仲加咗少少麻油 完全將鍋粥嘅精髓 帶咗出嚟 我自己一個食咗四碗芝士蛋串 係 啲蛋入面 包住咗啲芝士拉絲 外脆內軟燒雞翼 好似食緊土匪雞翼咁 好正和牛 串燒 幾乎入口即溶 和牛味很重燒白鱔 完全沒有骨 帶出一點點鮮味燒生蠔 隻生蠔嘅size真係好大 燒得恰到好處 入口滑捋捋 好鮮甜燒牛油粟米 粟米好甜 牛油味重 好正蒜蓉燒茄子 超級重蒜 幾乎啖啖都係 食到停唔到口…查看更多

踏入12月份呢個天氣， 一肚餓唔使諗就係打邊爐， 冷冰冰嘅天氣配著熱呼呼嘅食物， 簡直係寫意呀 表叔我已經係第三次食了， 簡直變咗我嘅打邊爐飯堂， 佢啲配料 份量又多又大， 而且價錢合理， 次次嚟親都差唔多全院滿座， 都好多支持者好多配料款式揀刺身款式都差5多有20款刺身係我例牌叫嘅嘢食 赤貝每次都不得不食， 因為真係好爽口鮮甜， 冇腥味！ 而今次嘅配搭我揀咗三文魚刺身，三文魚厚切 香口肥美 唔錯唔錯咁凍嘅天氣 嗌返個酸菜辣魚鍋暖一暖個胃先滾起咗先食曬啲魚片， 之後先至落料打邊爐， 如果唔係啲魚片就會碎曬。手切肥牛都係我每次必叫嘅， 雪花均勻， 入口即溶雲吞 入面原隻鮮蝦，爽口彈牙， 韭菜餃 外皮唔算太容易爛， 皮薄餡靚。墨魚丸，蝦丸粒粒都好大粒， 新鮮可口， 原材料製造。…查看更多

收工同老公 行到過嚟 寶勒巷 就係為咗食呢間串燒。 因為之前 聽友人介紹過 話呢間餐廳 味道唔錯， 而且價錢合理 值得推介，所以今日就 專程過嚟試一試餐廳座位不多， 但勝在五臟俱全， 好多種酒類都有提供， 啱曬邊食串燒邊摸酒杯底串燒種類都繁多， 樣樣都想試，不過同老公 都驚眼闊肚窄， 所以 幾樣幾樣咁 落order和牛串燒 牛肉味很濃郁 肉質嫩滑 好香口 烹調時間 非常 準確燒白鱔 皮脆內軟 口感非常嫩滑 而且沒有骨 值得推介醬燒午餐肉 從來未試過燒午餐肉可以咁好食 因為佢配埋 秘製燒汁 好惹味 食到停唔到口蒜蓉蒸扇貝 蒸嘅時間非常 合適， 扇貝沒有過硬， 口感非常軟熟， 而且粉絲亦非常入味 配合埋一齊食簡直一流蒜蓉焗田螺 薯蓉 易都非常香口 田螺口感不錯 入面仲有起碼四至五粒 非常抵食呢款菜式非常特別 係用五花腩包住 魚柳， 再配合埋泰式醬，別有一番風味， 好特別 味道完全配合 值得推介一試蒜蓉燒茄子 雖然茄子係bb 但係冇影響過佢嘅味道 蒜味和蔥 份量 配合得 啱啱好:)芝士午花腩 芝士味非常 濃郁 肉質很嫩滑…查看更多

平時鍾意捐窿捐罅搵開食既我， 今日就捐咗嚟亞士厘道附近，行到呢轉角位，發現有間拉麵店， 店鋪唔太起眼，好在佢有個好鮮色嘅 門面，就係 呢度黃色好似隨意門 既門，所以吸引咗我對眼睛，既然比佢吸引到 就入去試一試啦舖頭 座位不多， 如果兩個人嚟計， 大約可以坐到五至六台客人。餐牌就係前後兩版睇曬，拉麵種類有三款， 小食也有三款， 如果兩個人肚餓真係差唔多可以叫曬餐牌嘅嘢食，哈哈 另外亦有設有追加食物前菜大蝦沙律， 野菜非常新鮮， 大蝦亦都很爽口， 裏面亦配有秋葵，味道配合得唔錯， 可以一試雞軟骨煎餃子，餃子味道非常香口， 好味到想食埋老公嗰兩隻老公揀左辣味雞湯拉麵， 辣度適中非常惹味， 有原隻流心蛋同粟米做配菜 至於餸方面有叉燒同雞叉燒， 雞叉燒都係第一次聽， 口感真係好似食緊雞肉甘，旦又有 叉燒 味道幾特別， 而麵質口感彈牙，整體一流而我就叫左雞湯味，湯底好 濃郁， 配菜及餸菜大致一樣 係多咗 雜菌菇:)叫咗兩款日本飲品 味道唔錯 個人喜歡桃味真係好抵食呀 捧住個肚出門口…查看更多

今日同男朋友拍拖週年紀念日，於是就食好啲， 帶左男朋友黎h8 呢度食日本嘢， 呢度嘅裝橫好高貴， 真係好有日本 格調，環境清幽， 位置寬闊，適合一大班人聚餐，而 侍應 服飾都非常特別， 有啲似忍者 嘻嘻我哋都嗌咗 三款期間限定， 因為真係好吸引， 價錢尚算適中黑松露釀雞翼 皮脆內軟 非常香黑松露味 燒烤的時間非常合適 六式燒蠔 芝士， 蒜蓉，清酒酒釀， 天婦羅， 昆布， 芝士海膽。個人最喜歡芝士海膽，芝味濃，海膽亦沒有被芝士味蓋過，值得一試大拖羅魚腩，超級肥美好香魚油味，入口即溶$180/片，貴得黎 絕對有價值雜錦刺身 有赤貝~~ 鮮甜爽口 冇腥味，吞拿魚~~ 中吞拿魚腩~~ 都係好肥美， 三文魚~~海膽~~ 非常鮮甜 沒有尿(壓) 味， 章紅魚 帆立貝 魷魚都不錯！燒白鱔串燒~ 非常 爽口，皮脆內軟，冇魚骨 非常 惹味秋刀魚刺身~ 咁大個女第一次食，望落去真係好似食緊一條好生嘅魚咁， 但食落口 同三文魚刺身差唔多 口感，好鮮甜 沒有腥味…查看更多

成日食嚟食去 都係旺角尖沙咀 今日嚟開新蒲崗 就決定 係呢附近 搵下有冇正嘢食 行過見到呢間餐廳 叫wanna eat.. 同男友對望咗一下 於是就決定入去 試下睇下係咪真係wanna eat先餐廳位置寬敞， 非常適合 一大班人聚餐， 食飯傾計最好不過晚餐套餐 種類繁多， 而且價錢亦很便宜， 一份安格斯牛扒 都係152蚊 仲有薯條同餐飲唔鍾意食西式 意粉 都有飯既定食。太多選擇，搞到我1516..最後都係揀咗食pizza.. 呢個係火腿菠蘿芝士 pizza.. 芝士味超濃 啲芝士亦都多到可以拉絲， 火腿同菠蘿 味道配合得恰到好處 完全唔需要再加辣椒仔 都非常惹味安格斯牛扒 我哋揀咗七成熟 出嚟嘅口感 完全冇令我哋失望 肉質嫩滑 非常juicy 而且牛味好濃。拉花 green tea latte 甜度適中 奶味亦恰到好處凍朱古力咖啡食咗咁多嘢都係三百蚊有找 非常親民價…查看更多

同閨蜜本身諗住嚟諾士佛臺飲野鬆一鬆， 但係又見肚餓，經過金巴利街見到有張易拉架， 原來呢度開咗一棟新嘅 商業大廈， 都有唔同類型嘅餐廳， 不過見到呢間dklm酒吧 有得飲又有得食埋野，於是就上去試一試， 食野直接飲埋酒，入到去地方唔算大， 不過五臟俱全， 有beer pong枱 有snap cup枱 仲有張桌球檯， 又可以食嘢飲野又有得玩， 唔錯唔錯。 侍應安排咗我哋靠窗邊坐， 望到落下面街景，邊傾計邊摸下酒杯底，望下街景都幾 relax ...呢度仲有埋水煙食添， 真係唔使分幾個地方去， 值得介紹 我哋一坐落即刻嗌兩杯stella啤啤先蒜香和牛粒 ~~~牛味很香，肉質嫩滑，很冧，好食到停唔到口烤羊架 完全沒有騷味 配埋 芥末醬汁非常惹味黑松露露筍意粉~~黑松露味超香，意粉彈牙蜜糖烤雞翼@~~ 甜度適中，肉質都好嫩滑咁樣食下飲下我哋都喺度嘆咗四個鐘…查看更多

本身諗住求其食，但行行下突然之間好大雨，又淋濕個身加埋啲風吹落嚟簡直成個人寒曬， 即刻想食返啲熱呼呼嘅嘢，於是就行前幾步入咗嚟呢間餐廳， 餐廳格調暗黑， 都幾啱飲酒傾計慢慢打邊佬， 真係唔好講咁多，拿拿林叫落知湯底整返暖個人先menu都有好多款式仲有埋串燒添， 都有好多海鮮款式揀，價錢亦都非常適合我哋叫咗個椰子清雞湯鍋， 侍應首先將鍋裏面嘅雞， 椰子，紅蘿蔔 用酒(贊) 香咗先， 之後再將原個椰青水倒落去，最後加埋雞湯 吸上蓋滾大約十分鐘， 個湯就可以飲， 完全色香味俱全。啖湯 椰香味好重，非常鮮甜，再配上雞件非常惹味， 至於紅蘿蔔就建意食到尾聲先食，因為索哂雞湯既濃味同埋口感非常淋，完全食到停唔到口啊麻辣牛肉餃~~ 粒粒都好大粒， 入口時比我想像中麻辣味更重， 因為prefer 佢滾完係失去咁啲味度，但完全唔係，非常惹味， 男朋友一個人食咗三粒蟹粉丸芝心牛丸雙拼~~ 蟹粉丸入面真係啖啖蟹粉，好香口，不過食時要小心，因為 一咬開就會'之'啲汁出嚟，隨時會滾親口芝心牛肉丸~~一咬開芝士流心好香~~牛肉味亦都好濃桂花蚌~~ 好新鮮，非常鮮甜，亦都好爽口，滾大約幾十秒就食得！雜菜籃~~有娃娃菜，生菜，油麥菜…查看更多

同男友行完citysuper ..個肚都嘰哩咕嚕打曬鼓， 就邊行邊睇下食咩， 行經呢間泰國餐廳， 望入去黑蚊蚊好似幾好feel咁， 於是就決定入去 浪漫一番， 咁啱侍應帶我哋到窗邊位， 右手邊對出就係 維港個海， 好好feel好正。 食完一輪景 已經急不及待 睇menu 落嘢食菠蘿炒飯~~ 入面有好多配料，青豆粒，紅蘿蔔粒，腰果，提子乾，同埋大量肉鬆， 啖啖都充滿口感，正烤牛肉~~ 不得不讚 烤嘅程度恰到好處，半生熟， 牛肉入口即溶好香牛味， 再配埋秘製醬汁，簡直食到停唔到口泰式奶茶~~充滿泰國地道風味， 香港好少地方可以飲得到咁似泰國嘅味道一人前泰式冬陰功湯~~~ 雖然 係一人份量但係兩個人飲都啱啱好， 酸辣度適中，帶點椰香味，非常開胃，而且湯入面仲有一隻大蝦好足料芒果黑白糯米飯~~ 飯後甜品 份量非常適合， 配料多飯少，就算食到好飽都完全食得落呢個份量，而且仲有朱古力雪糕配埋，非常開胃！女人真係有第二個位haha…查看更多

收工同同事諗住食金鳳，行經路途之際， 發現呢度有間串燒店， 見到佢易拉架上面 登住嘅圖片好吸引， 於是我哋就 轉移咗 目標入咗去， 餐廳環境闊落，整潔乾淨， 座位舒適。落單紙上面都好多款式 選擇。 同埋原來呢度有做午市，有碟頭飯食， 價錢都非常親民。由於我哋都好肚餓，所以 一畫就畫咗11款美食。香烤雞翼~~雞肉嫩滑， 烤嘅時間亦都 適中， 沒有 燒燶 或唔熟情況燒白鱔~~ 皮脆 內軟，白鱔 既味道 很濃， 沒有比調味料蓋沒，而且魚肉無骨， 非常 之好味，絕對可以再encore燒生蠔~~雖然size不算大， 但係非常入味， 蠔味很重，口感滑嘟嘟， 同事平時唔係點食生蠔 都要追住嚟食。燒羊架~~ 醃製 得非常好， 完全沒有(蘇) 味， 肉質嫩滑， 口感非常之正燒金菇~~ 蒜蓉味很重，再加上知然粉金菇完全入曬味， 非常惹味。燒豬頸肉~~甘香可口，啲豬肉 唔會話好肥， 口感亦是非常好，唔會話咬唔開燒金菇肥牛~~ 不過不失，肥牛沒有過熟燒雞軟骨~~ 過口引非常之正燒牛仔骨 ~~肉質很淋，非常入味燒茄子~~ 蒜蓉和辣味分配得啱啱好， 沒有蓋過茄子的鮮味…查看更多

上次同同事嚟食完之後，覺得呢度嘅性價比好高，所以一定要帶男友嚟食一次， 由於喺地鐵站行過嚟， 行到熱辣辣，所以一坐落就嗌咗渣蔗水爽下先 之後再落埋湯底，今次叫咗 胡椒豬肚醉雞鍋試下，等個湯底同啲雞滾緊既期間， 我哋點咗個赤貝刺身同水母刺身， 男朋友食到讚不絕口， 赤貝新鮮鮮甜無腥味， 水母刺身身男朋友都係第一次食，覺得個口感好過癮好爽口， 又帶點食緊海蜇嘅感覺， 味道都鮮甜嘅， 唔錯唔錯好大隻赤貝頭盤刺身食完喇， 個湯底都滾到啱啱好，可以起筷啦雞件好滑， 係新鮮雞就算滾內咗都唔會'鞋'口鮮蝦墨丸雙拼---粒粒都好大粒， 係新鮮蝦打出來的，咬開入面真係好大隻蝦肉， 鮮蝦味好濃， 絕對冇揸流灘 墨丸爽口彈牙， 連續食咗三至四粒都真係飽一飽咗本地手切肥牛--- 雪花均勻， 色澤新鮮！ 厚度適中亦均勻，入口即溶 非常重嘅牛味， 食到我哋停唔到口！！鮮蝦雲吞餃--- 咬開又係好大隻蝦係入面， 仲有雲耳及少少豬肉拌埋， 味道好襯， 又係拳頭咁大粒 真係食到我哋捧住個肚萵筍新鮮 份量很多 非常爽口食咗咁多嘢埋單都只係600零蚊男朋友食到讚不絕口， 話一定要再帶朋友嚟食…查看更多

難得放假同閨蜜行街shopping... 快樂不知時日過， 已經差唔多十點， 大家都想搵個地方坐低飲杯酒食啲嘢， 再繼續暢談，行到黎廣華街 附近， 見到有間新開嘅酒吧餐廳 就入咗去喇， 地方雖然唔大， 但五臟俱全， 仲有埋水煙食， 啱曬我哋飲酒談天好靚既水晶吊燈各種不同酒類都有提供menu我哋一人叫咗一個餐， 套餐仲跟餐湯同蒜蓉包 餐湯係雜菌蘑菇湯 非常濃味， 蒜蓉包 香口鬆脆前菜食完隔咗五分鐘左右主菜就到， 時間啱啱好， 唔會啲嘢食一齊嚟搞到凍曬。好啦！先介紹一下我叫個 主菜 -----魷魚墨汁意粉魷魚圈 係用椒鹽熟過 非常入味， 而個墨汁意粉 墨魚味好濃， 雖然食到個口烏卒卒， 但真係停唔到口， 比閨蜜笑我 成個烏嘴狗咁餐廳啲碟都好有心思好靚到介紹閨蜜呢個大蝦鮮茄 闊條麵廚師很有心機把辣肉腸伴碟， 意粉蕃茄味很濃郁， 味道出曬嚟， 帶點酸味味好開胃 大蝦真係半隻手掌咁大， 蝦肉爽口彈牙 而且都入曬番茄味！ 唔錯唔錯…查看更多