eridayeatIG的個人專頁

挽肉と米 (IFC)挽肉と米 (港威商場)1-2月夾到時間分兩次walk in兩間挽肉と米所以就夾埋一齊寫啦IFC店係年初六朝早去到嗰日有部份人已經開工趁住可能少人D就試吓walk in朝早11:30去到等到12點多入到落地玻璃採光度及空間感極好而港威商場店係星期六約中午12點去到大概等到13:00左右就入到但港威商場分店係完全無窗燈光亦好暗所以想影相打卡之類就唔建議去呢間分店兩間店都係一入去先到自助機落單同俾錢先之後店員會安排入座有衣櫃掛褸以防吸味衣架有號碼牌認領但其實無店員理嗰個位同唔會鎖櫃所以重要嘢請跟身啦裡面分別有兩張空心大圓形枱圍住師傅坐師傅就喺中間位整同炭燒漢堡扒枱下面有掛勾掛袋亦放有餐具同三食食法介紹枱上面有不同配料及配菜有自助檸檬水可以自取嚟自京都嘅雞蛋放咗喺兩張枱中間位置每人限取一個秋田縣小町米飯煮到唔算粒粒分明算偏稔嗰隻飯可以任添每次添嘅份量唔會好多所以兩碗係基本了🫣一入座師傅都會大概講解晒上面嘅嘢基本套餐 （三件漢堡扒，味噌湯，任添白飯）$138（另收加一）第一件漢堡扒-店方建議原汁原味去品嚐 牛肉味香濃 整開有肉汁流出 但個人覺得兩間分店原味都係偏鹹 而IFC店會燒到更為微焦 第二件漢堡扒-建議跟自家制柚子醋及蘿蔔泥一齊食 個人一向鐘意柚子醋 食完第一件漢堡扒時其實會有少少膩 用柚子醋同蘿蔔泥酸酸地又刺激番個味蕾 個人最鐘意第二個食法第三件漢堡扒-食完上面兩件基本都要添飯 第三件建議加京都蛋食用 兩間店試咗兩次放蛋黃都係失敗 好彩朋友成功就痴佢嗰件嚟影😂 影完加生醬油撈混蛋黃食 另外試咗少少醃茶同配料梅子醋漬白菜-梅子醋味未算明顯 白菜爽口 用嚟解膩都唔錯挽肉と米 (中環)中環金融街8號國際金融中心商場4樓4011號舖挽肉と米 (尖沙咀)尖沙咀廣東道3-27號海港城港威商場3樓3203-4及3204A號舖…查看更多

名苑酒家 (啟德零售館）年初二同媽咪去咗啟德行街順便飲個茶可能因為新年期間都幾多人排隊安排咗去坐最入間大房可以直接望到對面嘅啟德體育園下晝時間都幾曬不過話遲D就會裝窗簾唔知到時會唔會遮住咗又見唔到體育園呢？！成間酒樓都會有一邊係大玻璃窗所以空間感好好仲有兩間房仔可以俾多人嘅用飲完茶仲可以行吓街發財南乳豬手 $35-新年食番少少意頭菜😂 南乳豬手配髮菜 豬手軟稔又入味鮑魚汁炆鳳爪 $58-同樣非常入味 鳳爪數量幾多 仲有好多花生粒招牌灌湯小籠包 $42.8-小籠包隻隻飽滿 仲啜到裡面好多鮮甜湯汁鮮蝦蟹肉菜苗餃 $42.8-原隻蝦仲有蟹肉 菜苗份量多 所以粒粒餃都好大隻鮮蝦炸雲吞 $37.8-每次飲茶都必食 雲吞皮炸得好脆 同埋有大大隻蝦 加埋甜酸醬一流！名苑酒家 (啟德零售館）九龍城啟德承啟道38-39號啟德體育園啟德零售館2 3樓M2-310號舖…查看更多

Wings Cafe & Bistro (佐敦)平日收工時間約咗朋友食飯今次嚟到佐敦站附近嘅Wings Cafe & Bistro平日夜晚唔算好多人空間感好足夠店員對客人都好親切部份客人都似回頭客有傾有講咁店內外畫咗唔少貓貓公仔Sofa位上面仲放咗一排酒樽極具格調行到餐廳最入仲有包廂人數多的話可以試吓問餐廳極厚切牛頸脊牛魔王之選 $285-厚切牛頸脊五成熟 焗蒜，西蘭花，雜菌及薯蓉為伴菜 牛頸脊口感肥嫩牛味濃郁 肉質有彈性帶有嚼勁 焗蒜香甜易於入口 薯蓉幼滑辣椒蒜香白酒蜆扁意粉 $105-蜆量驚人食極都有😂 以呢個價錢好少食到呢個份量 蜆肉鮮甜飽滿 意粉微辣帶少少酒味朱古力窩夫配可可金寶碎 $96-用Cream同Oreo整成嘅「梅利號」（？）非常吸睛 朱古力窩夫微熱微甜，外脆內軟 配上幼滑嘅Cream嚟食增添美味南瓜湯 （+$20 跟湯/沙律及飲品）-香甜南瓜味裡帶有微甘凍檸茶-糖水另上，正常發揮熱咖啡-朋友點的Wings Cafe & Bistro (佐敦)佐敦白加士街56號凱豪商業大廈1樓…查看更多

Outdark (旺角)收工突然想食韓式芝士雞所以就諗起Outdark平日夜晚去到都近8-9成滿建議先喺openrice book位先餐廳外面有得影即影即有仲可以寫信寄俾將來嘅自己所以就算要排隊其實都有嘢做打發吓時間餐廳裡面燈光偏暗但懸掛咗好多燈飾再加埋有鏡嘅反映成個環境好靚好浪漫食物種類除咗炸雞，芝士雞外仲有紫菜手拌飯，紫菜飯捲，韓式湯麵，炸醬麵款式都幾多下次有機會想試吓佢最出名嘅炸雞芝士王國 $328-中間放咗半邊芝士 另外半邊放混咗特製辣椒醬嘅雞腿肉同年糕 芝士溶到咁上下時 會有店員幫手整個芝士 拉晒絲再撈好放喺雞件上面 熱辣辣勁好食！ 雖然混咗辣椒醬 但有埋芝士中和唔會太辣 雞腿肉肉嫩幼滑 年糕煙煙韌韌 旁邊仲有煎蛋，紫菜飯，迷你腸，泡菜泡菜煎餅 $128-有齊泡菜，洋蔥嘅泡菜煎餅！ 好滿足！👍🏻 （我真係食過另一間餐廳係近乎只有粉嘅煎餅）柚子梳打 $48-微微柚子味，解渴一流！藍檸檬梳打 $48-朋友點嘅，微酸Outdark (飛達商業中心) (旺角)旺角彌敦道613號飛達商業中心2樓…查看更多

am.pm (油麻地)每次由油麻地行去家樂嗰邊都一定會經過呢間am.pm每次都見到好多人排隊但又因為好多人一直都未有機會試今次食完飯夜夜地突然好想食軟雪糕就過去挑戰吓去到排隊前面5-6個人買完飛本來話等10分鐘左右點知過咗20分鐘都未見走去問吓好似係漏咗單不過服務都好好日本雞蛋焦糖布丁3.6牛乳雪糕-布丁用個細杯仔裝住 上面再有3.6雪糕 呢個價錢嚟講算唔錯 不過個杯仔太細 朋友嗰杯一嚟到 可能布丁承重力問題😂 個雪糕歪晒 搞到都食到勁趕吓 3.6牛乳雪糕非常香濃幼滑 布丁偏軟身焦糖較多 食完雪糕淨係食布丁時 就會爆甜😂am.pm (譽發廣場) (油麻地)油麻地彌敦道560譽發廣場地下B號舖…查看更多

Siam 28 (銅鑼灣)假期大約下午6點去到人唔多所以相對都較為闊落清靜餐廳仲有唔少可愛嘅手繪店員親切有體食飯時聽到廚房嗰邊喺到講泰文好奇問一下原來廚房所有人都係泰國人嚟香蒜香茅燒雞 $159/半隻-皮薄多肉 而且燒到剛好 雞肉好嫩滑 仲帶有少少香茅味 人多的話仲可以叫全隻 全隻 $269泰式牛舌生菜包 $88-平時鐘意食肉碎生菜包 第一次見到牛舌版 所以就試試 牛舌軟稔帶辣 量都唔少 包埋生菜食增加口感泰北牛腩湯 $109-個湯酸酸辣辣又清清地 牛腩煲到軟滑 一咬就散開芒果煎糯米飯 $89-煎糯米飯版本好似第一次見 所以好想試吓 糯米飯壓成圓餅再沾上蛋汁去煎 聞落同食落都好似煎年糕咁 仲可以配上芒果同椰汁食用荔枝冰茶 $48-清清甜甜 仲有幾粒荔枝肉蜂蜜芫荽梳打 $48-朋友點嘅 試咗一啖明顯飲到芫荽味Siam 28 (銅鑼灣)銅鑼灣軒尼詩道525號澳門逸園中心28樓…查看更多

瑞幸咖啡 (沙田)平時基本無需要都唔會北上玩所以一直都無機會試到瑞幸嘅生椰拿鐵佢哋終於嚟到香港開鋪趁住佢有新會員優惠首杯$15.9即刻去試試12/31夜晚去到人唔多用QR code登記就可以享受到優惠店內仲有少量座位大嘅外賣紙袋及杯套帶有香港特色生椰拿鐵 $15.9-原價$42，登記會員後首杯$15.9 冰算多唔知係咪優惠影響 啡味濃帶少少椰汁味 $15.9可以一飲 但$42就太進取啦瑞幸咖啡 (沙田)沙田橫壆街2-16號沙田中心3樓30A-C號舖…查看更多

Terrace in seaside (新城市廣場一期)今次衝住聖誕限定Menu嚟到位於新城市廣場6樓嘅Terrace in seaside裝修走文青風格，開放式設計座位唔算好多但星期五夜晚約7點多都唔駛排隊不過後嚟都愈嚟愈多人近乎滿座沙律主食甜品飲品都有但主食種類相對下較少選擇好鐘意佢哋好有心機改啲嘢食名雖然個名好長但又幾可愛每款食物都好適合打卡食到中途店員仲送咗支聖誕棍仔俾大家燒醬油黑毛豬白切肉紫蘇拌飯 $138-黑毛豬白切肉望落肥肥地 但食落一啲都唔肥膩仲幾香口 紫蘇拌飯唔太覺有紫蘇味 反而有微微嘅泡菜味 食嘅時候好想有塊生菜包埋一齊食😂不會爬煙囪的聖誕老人朱古力窩夫 $138-一嚟到就聞到好大陣朱古力味 窩夫切成三角形，造型似屋仔 仲灑上糖粉扮雪增添聖誕氣氛 當然唔少得可愛嘅聖誕老人 窩夫外脆內軟 朱古力味濃但又唔會好甜 （想講啲屋仔我係咁諗起白川鄉😂）濟州柑橘乳酪 $68-餐廳係濟州過嚟 當然唔少得以濟州柑橘為主嘅菜式 成個柑橘擺上隻杯到 好難唔打卡啦！ 微酸唔杰仲有少少果粒！綠雪奶蓋聖誕西柚綠茶 $58-朋友本身衝住聖誕樹仔點嘅 點知嚟到話無晒聖誕樹轉咗做聖誕棍仔😂 奶蓋同西柚味都係偏淡Terrace in seaside (新城市廣場一期) (沙田)沙田沙田正街18－19號新城市廣場一期L6樓609號舖…查看更多

THE PONT (旺角)臨時約嘅飯局所以就無book餐廳要即時搵今次搵咗位於朗豪坊嘅The Pont老實個位有少少隱蔽所以餐廳客人都唔太多本身餐廳以花草簡潔為主聖誕期間加上聖誕佈置就有更多打卡位啦座位算闊落加上唔多人坐低傾吓偈係幾舒服但唔好對食物有太多期望🫣X’mas Set for 2 $468/2人烤白桃西班牙火腿沙律-正正常常香煎鵝肝多士-鵝肝多士份量剛好，帶微辣栗子南瓜湯-湯入面有1-2粒栗子 但南瓜湯嚟講算偏淡味美國安格斯西冷牛扒配意式濃汁-正所謂期望愈大失望愈大？！ 食落去普普通通聖誕泰式菠蘿烤雞-烤雞反而唔錯 皮脆肉嫩 菠蘿亦燒到剛好 但聖誕嘅位喺邊😂盆栽提拉米蘇-個人覺得呢個提拉米蘇係完全fail 唔知係咪個盆栽用咗曲奇加朱古力去做 驚佢會溶定其他原因 手指餅完全無浸到咖啡酒之類 然後本身中和酒味手指餅嘅喺cheese已經唔太濃味 再加埋乾身嘅手指餅 成個感覺唔似食梗Tiramisu接骨木花特濃咖啡-有微微嘅酸味 朋友話係杯唔錯嘅啡聖誕熱煮紅酒-朋友點嘅THE PONT (旺角)旺角亞皆老街8號朗豪坊2樓32,33及35-37號舖…查看更多

火土燒肉 (尖沙咀)因為本身有去開露營所以一直都好想去以露營做主題嘅火土燒肉聖誕關係門口個營佈置成聖誕雪景星期五20:00去到外面企滿等位嘅客人建議先預約會比較好用餐時間100分鐘裡面分兩款座位一款係較矮身嘅露營櫈一款就正常高度座位今次好彩坐到露營櫈但因為太矮腳較長同埋腳容易痛嘅人嚟講會比較辛苦裡面放置咗好多露營用品作為佈置例如暖爐，柴，露營雜誌等餐具碗碟都用咗露營用具令大家更加享受到露營嘅感覺餐廳外面仲有酒吧可以飲吓嘢仲可以燒吓棉花糖以加聖誕節仲有聖誕景同飄雪節日期間外面酒吧最低消費$150/人氣氛幾好都幾靚可惜今次太飽就無去到啦四人精選套餐 $438/位-熱帶風情海鮮雞尾酒杯 店員中途嚟問我哋係咪未上 應該係漏咗 吞拿魚刺身粒再加上不同水果 配上酸酸地嘅啫喱 非常開胃-A5宮崎牛肉三角腹肉 大推！ A5雖然對我嚟講油份多咗啲 但佢有加個汁中和咗個油膩 甜甜地仲好嫩滑幾好食-燒肉拼盤-牛肋肉，牛胸腹，香蔥蒜末牛舌 本身好鐘意食薄身嘅牛舌 所以大推香蔥蒜末牛舌-花切長牛舌 期望太高下覺得有啲韌-伊比利亞豬肋條 正正常常-濟州三花卷豚爽肉 食落好似有軟骨咁幾得意-A5宮崎和牛幻切沙巴當 呢款店員特別過嚟同我哋講會幫忙燒 又的確燒得剛好 肉質好嫩 但A5少不了油脂較多 食1-2條就會滯滯地-味噌蟹肉甲羅燒 另一款被遺留後上嘅嘢食 差唔多食晒所有嘢先嚟🫣 先撈混後再燒 好快就燒好 幾香但味噌味未算突出 同埋有塊餅伴食會更好-月見醬燒飯團 意外地幾好食嘅燒飯團 醬汁味剛好唔會太濃 仲有飯焦添！-香蔥吞拿魚蓉蛋飯 吞拿魚蓉勁大舊-雪山冰 我哋點咗荔枝味 佢地落咗勁多荔枝汁 成個冰甜到一個點-飲品 海鹽菠蘿梳打 杯邊抹上海鹽 開頭飲時海鹽味存在感極高 後來飲咗杯邊嘅海鹽後 菠蘿味就出咗就幾好飲啦火土燒肉 (尖沙咀)尖沙咀河內道18號K11購物藝術館3樓314號舖…查看更多

至尊重慶雞煲 (創興廣場)星期五夜晚凍凍地同朋友決定食雞煲今次去咗位於創興廣場16樓嘅至尊重慶雞煲8點多上到去門口位坐晒等位嘅人不過都好快有位午/晚/宵夜分三個時段收費任食2.5小時，全日免收加一以加宵夜時段仲去到一點C餐可以免費升級做椰子雞湯底午市嘅話係無限時任食！環境算幾闊落就算坐細枱仔佢都會另有一張細枱放嘢食雖然主力食雞煲但佢打邊爐嘅嘢食都唔少大部份用QR落單淨係牛都有三款牛小排，肩胛肉眼，雪花肥牛仲有黑毛豬梅花海鮮有蝦，廣島蠔，帆立貝，沙白基本爆醬牛丸，蒜香/黑椒腸，雞子….一啲平常打邊爐少見嘅都有好似貓爪形蝦丸，魚籽福袋響鈴，炸魚皮，菜類，飲品，甜品，冰品都係自取飲品有生百事！🫣飲品櫃對面仲有生啤1664同Sapporo任斟甜品有布甸，獨立包裝雪米滋，啫喱糖甜品櫃底層仲有唧唧龜苓膏冰品有多味雪糕，果汁糖冰條等目測以朱古力及果汁糖冰條最受歡迎C餐升級 椰子雞煲 $258-QR落單後 好快就送咗湯底，雞件同一支椰子水嚟 有店員幫手放雞件落湯 仲有個5分鐘沙漏喺到計時 夠鐘就食得 湯底清甜雞件嫩滑 最意外係過咗一段時間再食雞件 仍然好嫩滑！ 食到咁上下就加椰子水同其他嘢食轉做打邊爐啦 個人推介牛小排，肩胛肉眼，牛味濃及嫩滑 蒜香/黑椒腸，台灣腸味道 其他都正常水準至尊重慶雞煲 (創興廣場) (旺角)旺角彌敦道601號創興廣場16樓…查看更多

三三骨肉 삼삼뼈국 (尖沙咀)二訪三三骨肉今次星期五夜晚無book位去碰吓運氣朋友19:00左右去到拎飛就喺我哋商議同揀梗轉餐廳嘅時候前面好多號數都無人在場加上我哋揀咗坐Bar枱位無限時可以19:45入座夜晚氣氛好好仲要好多人！雖然Bar枱但枱底有籃仔可以放袋張櫈有小椅背其實都坐得幾舒服不過都因為係Bar枱係要搵人手落單有少少難搵店員但如果想慢慢食又飲吓酒其實都幾好坐辣味土豆脊骨湯 （小）$340-辣味土豆脊骨湯可以選三個份量 小（2人）：$340 中（2-3人）：$400 大（3-4人）：$460 同樣豬骨大大件煮到好軟稔 土豆繼續大推！ 好甜好入味！刀削麵 +$30-唔知係咪今次唔太夠湯去煲 個麵無第一次食咁彈牙軟滑🥲生米酒 $90-同朋友都想飲少少酒 就叫咗呢支Share飲 👍🏻三三骨肉 삼삼뼈국 (尖沙咀)尖沙咀金巴利道55號地下A號舖#eridayeat_尖沙咀 #eridayeat_韓國菜 #三三骨肉 @33_hkhk #food #foodie #foodiehk #tsimshatsui #尖沙咀 #尖沙咀美食 #辣味土豆脊骨湯 #韓式刀削麵 #薯仔控 #薯仔控不能錯過…查看更多

Ralph’s Coffee (Harbour City)因為鍾意嘅泰星今日會出席泰國第一間Ralph‘s Coffee喺曼谷Central World嘅分店開幕活動然後我先去搵吓香港有無分店啦後知後覺嘅我以加先知原來香港有3間分店即刻走去打個卡飲杯啡先！海港城分店係亞洲區首間分店！但就主力做take away如果想坐低食吓嘢慢慢飲嘅話 就要去置地廣場嘅分店啦~今次去咗海港城分店喺海港城正門外面電梯上去3樓經過Ralph Lauren後就會見到Ralph’s Coffee裝修為墨綠色及白色復古風格門口等身高熊仔公仔非常吸睛裡面除咗基本咖啡飲品, 蛋糕, 曲奇可以買外仲有唔少以Ralph‘s Coffee做Logo嘅產品可以賣例如Cap帽, T-shirt, 碗碟杯具都有~Latte $45-飲落係偏少少果酸味嘅咖啡 亦都幾奶滑 見有食評介紹想飲nutty嘅啡味的話 就點佢哋嘅Mocha 因為約咗朋友食晚飯 今次就無試蛋糕啦 下次有機會再試吓佢哋嘅Mocha同蛋糕！ Ralph’s Coffee (Harbour City)Shop OT313, Ocean Terminal, 海港城 Canton Rd, Tsim Sha Tsui#eridayeat_泰國 #eridayeat_cafe #ralphscoffee @ralphscoffee#tsimshatsui #harbourcity #尖沙咀 #尖沙咀美食 #尖沙咀cafe …查看更多

漁釧 (V Walk) (深水埗)估唔到喺V Walk可以食到抵食嘅日本A5和牛壽喜燒！！星期五夜晚唔駛排隊餐廳座位闊落店內佈置咗唔少日本燈籠，酒桶增加日本風味除咗壽喜燒外仲有刺身，壽司，居酒屋串燒小食等當然都唔少得日本酒日本A5和牛壽喜燒 $298-店員會問我哋想用關西定關東嘅煮法 關西煮法係先用煎牛肉後再加壽喜燒醬汁 然後再落其他材料燉煮 關東煮法係類似火鍋咁 將牛肉同其他材料一齊放入鍋到燉煮 我哋選擇咗關西煮法 想更享受到A5和牛嘅質感同味道 日本A5和牛有4大片！ 店員會幫忙先煎頭兩塊牛肉俾我哋享用 之後再放入其他材料同醬汁燉煮 A5和牛沾上蛋汁 視覺上已經令到胃口大開 肉質嫩滑 壽喜燒醬汁唔會太濃味搶去牛肉嘅味道 其他材料都好新鮮 以呢個價錢食到A5和牛相當抵食！漁釧 (V Walk) (深水埗)深水埗深旺道28號V Walk地下G-19號舖#漁釧 #isanakushior #日本料理 #日本菜 #南昌 #南昌美食…查看更多

四面泰泰式火鍋 (沙田)四面泰於沙田及啟德都有分店今次去咗位於沙田新城市廣場嘅分店平日夜晚去到唔駛等位裝修簡約時尚座位闊落點餐後店員會送上蝦片，茶水同醬料茶水同醬料每人收費$15蝦片可以無限refill醬料分三種青檸汁，椒麻豉油及泰式醬分別點海鮮，百搭及肉類另外佢哋有個海鮮手工金盒都好吸引但今次無試到有機會再去試！秘制冬陰功椰奶雙拼鍋 $178-冬陰功係秘制冬陰功鮮蝦鍋 裡面有4隻蝦，用料實足 而椰奶就係椰奶雞湯鍋 有雞肉，粟米，秀珍菇等 嚟到煲滾咗 當然要飲吓個湯先 椰奶雞肉湯好香椰奶味 忍唔住飲咗幾碗 冬陰功湯係偏酸微辣鮮活海蝦 （一份4隻） $38-D蝦嚟到仲識郁 夠晒新鮮美國雪花牛小排 $288-擺盤吸引 牛小排肉嫩手工竹笙蝦卷 （一份5件） $79-蝦膠釀入竹笙 竹笙吸晒湯汁又爽脆 加埋彈牙蝦膠 配合很好！推介！手工椰奶雞肉餃子 （一份5粒） $68-手工包製雞肉餃子 賣相吸引 味道亦唔錯招牌椰皇凍 $58-招牌甜品 賣相擺盤非常適合打卡 好濃椰汁味 口感似豆腐花 一定要試泰式芒芒碌碌 $42-芒果，西米等材料 唔算好甜爆珠馬蹄椰子水 $42-朋友點嘅 清清甜甜四面泰泰式火鍋 (沙田)沙田沙田正街18-19號新城市廣場一期7樓708號舖…查看更多