Train Leung的個人專頁

飲過幾次，茶底較以前香濃，茶味唔錯。大推桂花奶綠. 正常糖冰，飲落好舒服.回甘.桂花香縈繞口腔。珍珠奶茶.茶香重.珍珠好好味，有咬口又唔會太軟，夠Q彈。繽紛百香果有珍珠荔枝凍同椰果酸酸甜甜，綠茶底有花香，喜歡！早排凍試過黑糖薑奶茶，薑味重，飲落好暖，不過我本身唔係太like薑，但驅下寒ok。見到而家個門面同制服比較居家feel，開放式水吧感覺放心d，乜都睇到。聖誕有擺🌲樹仔著燈幾靚不過建議餐牌可以改下顏色，我有散光黑底白字真係唔係好清晰。…查看更多

今日落雨本身唔想出街，不過後來停雨覺得好餓.都好耐無去過新北江，近近地搵下野食醫下肚先。行左一轉見到有間舖招牌幾特別，有塊黑板仔寫住石磨腸粉。咁我唔記得帶現金，上openrice睇下，間舖有開openrice。用openrice自取，有重料花甲粉同新鮮石磨腸粉。兩樣都未試過，一於試下。花甲粉個湯底睇落好白滑，老細就撈起俾我睇，原來入邊有番茄、豆腐、秀珍菇，聞落好香。腸粉我見到有部石磨機，幾得意就叫左兩份試下，老細話牛肉同叉燒最多人食。番到屋企，即刻試左個腸粉先，因為老細話腸粉一定要趁熱食。D腸粉真係好滑，同個豉油真係完美搭配。好薄但好好食！花甲粉有椰香味，加少少辣真係好正！唔怪得之個湯底可以飲…查看更多

琴日生日，咁啱食肆開番堂食到十點。但因為啱啱開番堂食，唔想去油尖旺區太多人，於是搵下元朗有咩自助餐食。搵到呢間好似ok，就決定黎試下。間野係西箐街，係嘉城廣場後邊。如果搭輕鐵可以係康樂路落車往中銀方向行，經過公園去到嘉城廣場，兜去後邊就見到有指示牌。一黎到，侍應好細心安排左係間隔開既房仔入邊，環境同氣氛我覺得唔錯。我差唔多六點去到，人唔算多。坐低會俾張有QR code既紙仔，直接用手機掃Code就可以落單。呢度D蝦刺身，三文魚刺身唔錯。可以叫埋邊爐但款式唔多，湯底我要左番茄芝士。我都叫左幾多野食，其中羊架、魚、生蠔我覺得ok，生蠔要蒜蓉果隻。甜品一定要試，好好味。同埋野飲我會飲荔枝烏龍茶，同d野食幾架。值得間中黎下，唔知係唔係因為啱啱開番，野食款式唔算特別多。會再來試，希望可以再多d選擇啦。…查看更多

今日同幾位同事叫呢間自取，難得有57折優惠呀！希望可以推出更多自取優惠菜式小菜啦，義粉份量足夠味道好，包裝都靚。總體幾好，最好可以加野飲做套餐啦如果可以會多d幫襯…查看更多

今日同同事試下呢間外賣自取，價格優惠，服務態度唔錯。希望可以推多d不同菜式，會再嘗試。凍薏米一般，奶茶唔錯。咖喱唔錯。炒河d河唔錯但肉就一般般，加油啦，希望越做越好份量都足夠的，最好可以做d小食啊湯粉啊多d選擇啦，始終而家疫情外賣越多選擇，對於同事一起叫飯黎講較為方便，位置都幾好容易搵。大概就係咁啦算係抵食之選，不過唔記得影相下次補番啦。另外都有優惠可以買十個飯選送一份海南雞幾好呀，一起抗疫加油喔💪…查看更多

今日陪老婆仔係銀座睇完復仇者聯盟4，雖然好好睇，但有戲不能飲水飽因為足足睇左成三個鐘，肚仔都餓曬。之後當然要搵野食啦，見到呢度新開左一間小火鍋，就即刻黎試下。一睇餐牌，有好多選擇，而且價錢相當划算。咁招牌係小火鍋，當然要試試啦。叫左兩份四餸，一份係台灣麻辣湯底，一份番茄湯底。搭配米線及滷肉飯（+2）。仲包埋野飲，特飲另外加錢但唔多。一杯芒果汁一杯🍓特飲。個蕃茄湯底好鮮，d料好充足。最難忘係呢個台灣麻辣湯底，d娃娃菜浸到好入味。食落去成個口沖擊滿滿的麻！真係沖擊到飽和既麻，五分鐘內食任何野都係麻。成個味蕾都係麻，果種感覺都咪話唔難忘哈哈！建議大家可以試試…查看更多

有朋友分享呢間村爺爺，咁啱今日黎旺角聽講座，聽完肚仔餓啦，就諗起呢間村爺爺。油麻地地鐵站A1出口，係翠華前面少少街口轉右就會見到。有好多選擇，黎到好多自選已經賣曬，店面不大，但相當爆滿。簡左豬求其龍蝦湯飯同吉列雞扒龍蝦湯米線。豬求其一d都唔求其，有豬潤、豬粉腸、豬腰等，好新鮮入味。d湯濃郁得黎又唔鹹，配合d飯，幾好。不過由於豬雜本身入味，覆蓋左龍蝦湯的味道。如果想試純粹特色龍蝦湯底，建議唔好簡呢個:)。另外係吉列雞扒龍蝦湯米線，有青口、蜆等，時菜份量亦十分足夠。雞扒外脆內軟，點埋醬真係一流！大大件，毫不吝嗇。至於龍蝦湯米線，龍蝦味足夠，海鮮新鮮乾淨，真係睇得出俾心機煮既。價錢亦相當划算，真係一分錢兩分貨。服務員態度好好，個男店長斯文有禮有型。整體體驗好好，如果舖頭可以再擴大d舒服d就更加完美！…查看更多

一字記之約：正！北江好多野食，但好多都食過，呢間櫻花樹下算係較新的一間舖。經過見到菜單，價錢都好合理喔，就入去試下。因為近來熱氣又咳，唔敢食炒飯，就叫左個一口和牛飯。等左大概五分鐘就有得食，和牛重汁，夠味。搭配紫菜碎，以及玉子絲。再鋪少少燒汁，wow。而炒烏冬， 因為熱氣唔敢食太多，食左兩啖，烏冬黎講，佢算炒得好入味，有d玉米粒，同蟹柳粒以及肥牛片亦好不吝嗇，性價比超高。另外叫左杯日本提子梳打，睇名以為係罐裝，原來唔係。便靚正，下次會黎試下其他野。…查看更多

夜晚有d涼，突然想食雞煲。睇到有間新開既就入黎試下。好新淨，d檯幾靚，餐具係有d似茶樓咁，好中國風，有電視睇。兩邊掛住一d菜式既相，令格調有所提升。另外通常d餐廳都唔提供紙巾，而呢度會擺埋紙巾，而且有埋洗手間。員工態度好親切，雖然我同老婆仔只係叫左一份半隻既雞煲，但係佢地都無差態度。雞煲上黎，姊姊提醒我地首先大火煮三分鐘，三分鐘到佢又埋黎幫我地熄火，（超貼心）。講返個雞煲，真係好正！d肉地超級軟滑，比清遠走地雞有過之而無不及！大辣都唔係好辣，好入味。連d皮都唔想浪費，食得好開心，雖然唔係啖啖肉，但就係有果種一點兒肉都唔想浪費既諗法。我一定會再黎，下次要試試佢地既魚同其他小食！…查看更多

係openrice睇到呢間野，價錢合理，帶過朋友同老婆仔黎食。食過臭臭鍋同魚同番茄牛肉湯米線，鍋份量ok，味道偏鹹。 米線同牛好味，當中番茄同牛肉索曬啲湯嘅味道仲有牛肉嘅鮮味，而d牛肉係有光澤既，同埋d牛肉既脂肪比例較好，唔會成舊都脂肪或者成舊都係肉。米線就唔係平時食開果d過硬或者過軟身的米線，係彈牙既。荔枝紅玉就不過不失。臭豆腐一般，偏向推介魚多d。至於環境，都幾大間，唔會好逼，會有音樂。訂座全單七折好抵。間中可以黎下，係新寶戲院再向前行大概30米就會見到。…查看更多

經常同老婆仔黎呢度食野，食過呢度既沙巴魚啦，凌波魚，酸菜魚，雞煲。牙籤雞等小食都全部試過，首先價錢真係合理。john佢地會員仲會送特飲（雖然我覺得麻麻）我有時下午去會叫一條魚加一份下午茶（好便，又好味又送小食）近元朗西鐵站，第一次黎都要搵下路，開google map搵，之後就記得左，隔離有間惠康，有安記海味。兩根人食到飽飽都唔會過200開左張唔係好耐，黎左應該四五次啦，會keep住黎希望出多d新菜式哈哈。…查看更多

今日同老婆仔想食麵，係元朗行到呢度附近，睇到呢間評價好似ok就黎試下，叫左一份酸辣排骨麵、一份酸辣雞米線。但上到黎d麵完全無味，d肉都係好怪，然後自己加左d辣椒油落麵度，都係好奇怪。最後因為唔想浪費所以隔硬儘量食曬，真係無下次。唔知係落單個姊姊問題定師傅問題，點會煮到個麵可以完全無味好似滾水滾幾下咁，肉既份量係多但係真係食唔落，多粉，無味。係台灣野黎講算係我食過最失望的一間，希望會改善啦不過我就唔會想再黎:(…查看更多

今日陪老婆仔去旺角E1睇醫生，睇完見肚餓，就係附近搵野食，經過一間茶餐廳，就入黎試下。叫左份雞髀薯條，同埋芝士火腿西多士。哇，d牛油慢慢融曬係d多士面，蜜糖舖滿曬。切開，入口滿滿既香脆。wow，而雞髀雖然d肉質唔係特別靚，但資質不足，技術搭救，呢份雞髀炸得相當之有嫌疑。脆的黎又香，香得黎入味。呢度既凍檸茶，上檯第一啖偏甜，當你將d檸檬當係仇人咁篤既時候，你會發覺味道剛剛好。食到好飽飽，真係唔錯既茶餐廳…查看更多

係OpenRice見到呢間野收藏十分高，決定黎試下。放假最鍾意周圍搵野食，聽聞呢間韓國食材係空運，專登黎試下。訂位埋單有八折真係好抵，不過我發覺並唔係裡面寫既A2出口近，而係E出口行去兆萬中心。上到去發覺唔係好多人，環境幾正，即刻叫左個驚喜二重奏同炸雞腎。炸雞腎係上先既，當中有d炸辣椒。Woo一上黎有好多白色果d唔知叫乜，老婆仔傻傻地咬左白色果d先話好難食，笑到我hihi，不過我地發覺雞腎配埋炸辣椒真係好正，辣得黎又有口感。 驚喜二重奏d雞好細隻雖然d肉質唔錯，d薯仔好厚好有薯仔既味道，吞左落去之後仲有d餘香。而最正係份牛，一邊生一邊熟，點埋d特製既醬汁真係好搭，老婆仔唔識食，食兩塊就唔要，比我慢慢𡁻曬。最伏係汽水，叫左杯牛奶梳打同錫蘭檸茶，係罐裝倒入有冰塊既杯。好快飲曬之後我地倒左自己係7仔買（唔好怪我呀老細，真係唔夠飲），飲剩既香蜜橙汁，又幾正喔。最後再叫左份甜品，芝士餅雪冰。賣相唔錯，食落去都好正。尤其係個芝士餅，塗滿d雪糕，藍莓。咬落去好滿足，底下d冰好碎，又冰又爽。總之真係好正埋單打埋折三百幾，總體黎講係值得既。下次想試下其他棉花雞果d…查看更多

今日放假出元朗穩食，我本身喜歡食雞髀。不過唔鍾意炸因為多粉好難食，平時一般食油髀，但三多早有聽聞好正，所以特登同老婆仔去試試，叫左個二人套餐，一份油髀，一份中辣炸髀同一份香辣肉碎炒腸粉。哇，個炸髀一上來，真係好吸引D辣料舖滿曬。我咬完一啖又一啖，咬完兩淡又第三啖。咬完三啖又第./$，gakd，哎呀比我老婆仔搶左去食，Oh My God，趁佢集中係個炸髀既時候，油髀已經ready好比我大咬啦，我趁老婆仔不為意，快d咬多幾啖。甜甜地，好入味。，Juicy得黎d肉質地又嫩又滑，說時遲 那時快，又比老婆仔食曬，腸粉都同我講bye bye。 我還是愛著你，你還不留餘地，我還是愛著你，你卻吃光雞髀。…查看更多