真係要大大聲讚佢個豬扒雙蛋飯！😍 差唔多每次嚟都係叫呢個，個豬扒煎到香噴噴，外層少少脆，入面又保持到肉汁，最緊要係佢哋啲豬扒水準真係好穩定！有啲餐廳食過一次好味，下次再去就走晒樣，但敏華完全唔會，次次都好食，最多有時細塊咗少少🤣 真係味道都係好正，食得好滿足！加埋個蔥油真係冇得頂！撈飯一流，香到呢… 每次都唔夠撈飯，好彩佢哋夠晒體貼，蔥油可以再加！呢個服務真係要畀個Like！加多幾匙撈埋啲飯同流心蛋汁，嘩，簡直係人間美食！廚房間中傳嚟一輪「叮叮叮」嘅聲，新鮮出爐菠蘿包！個個菠蘿包都脹卜卜、金黃酥脆！就算個肚已經飽到就爆，都忍唔住買咗個嚟食！真係唔會令你失望，外層酥皮脆到爆，內層麵包又鬆軟，甜度又啱啱好，配杯凍奶茶真係絕配！…查看更多
