StellaYeung8524的個人專頁

有次行過聞到好香嘅咖喱同pizza 味，見店面細細地，但係裝修得好骨子，乾淨企理有心思，今日終於同屋企人黎試吓。:)我地叫左兩個set， 有麵包，前菜，主菜同甜品，好似加錢就有杯嘢飲。一黎就係有薄餅同麵包，中間有d番茄+ 香草點黎食。一食真係不得了，薄餅同個包都係熱嘅，極度新鮮！而蕃茄係切碎粒，調過味，入口新鮮又清新，配喺薄餅同埋烘到剛剛好，熱辣辣嘅麵包上面，嗰種美味係難以形容！跟住上前菜，分別叫左一個龍蝦蟹肉湯同布拉塔芝士。先講龍蝦蟹湯！真係出乎意料咁好飲！龍蝦味極度濃郁，但係又唔會好漏，絲絲蟹肉真係食到蟹嘅鮮味！係鮮味！佢面頭加左d唔知咩菜，同個湯嘅味道極度配合！！最重要係個湯嘅熱度！飲得非常舒服！另一個係布拉塔芝士，一上我以為自己去左咩嘢高級餐廳，無論食材嘅新鮮度，擺盤，調味都係落足心機，當然味道都係一流！食得出每樣食材都係非常之新鮮！味道亦都係配合得好好！主菜叫左個Parma Ham pizza 同印度早午brunch。先黎嘅係印度早午brunch，係個三種唔同嘅咖喱配印度米飯，味道獨特，香料味好香，特別睇個擺盆同隻碟都已經值回票價！！到個pizza，未出都聞到香！一上真係嚇一跳！d料多到滿瀉！餅底非常鬆脆，上面嘅配料有三種唔同嘅芝士，火箭菜，蕃茄，同埋Parma Ham！食得出用了上升，無論係主角Parma Ham，芝士、火箭菜，甚至配角蕃茄，我覺得係精心挑選嘅。未講兩杯飲品，一杯熱情果梳打，一杯Mango lassi，唔飲睇個杯都賞心悅目，當然係非常好飲，芒果lassi 上面仲放咗啲開心果碎增加顏色、香味同口感，真係無得輸！最尾係甜品，叫左個米粉布丁，Tiramisu，個米粉布丁好得意，其實唔係我哋食開嘅布丁，係熱嘅，入邊有啲米粉同埋甜甜地嘅牛奶，好香甜，Tiramisu 好香滑，為呢一餐畫上完美嘅句號。:)真係超級咁推介，不過餐廳細細，座位唔多，只有四枱，所以有心去最好先book位。最後要讚個外籍侍應，專業有禮，服務到位！比到你好舒服嘅餐飲體驗！埋單兩大一細食到飽飽三百幾蚊，性價比真係超級高，非常推薦！…查看更多

:(之前見佢裝修，好期待試下，今日終於有機會黎食個lunch。坐低環境好靓，個碟好別緻，充滿期待。叫左招牌海南雞、虎蝦炒金邊粉。午餐168 未加一就係一味嘢加杯嘢飲，價位唔係話好貴，但絕對唔係平嘢。食物黎到，擺盆都唔錯，滿心歡喜，但一食，真係嚇一跳！！！海南雞d飯居然又凍又硬仲要無味，d雞又係無咩味不過都算滑，又無海南雞最緊要個豉油，份量好細下。真係邊度值$168 ？杯泰國奶茶仲要加十蚊，一飲，泰國鋪15蚊嗰d好飲過佢！佢原價好似要60蚊一杯！！個金邊粉叫做好味d，但係一d都唔熱，d虎蝦霉霉地….🥶🥶🥶真係食到無晒表情。最好係個椰青。服務方面我以為自己去左快餐店，無人會幫你加水，d服務唔係差，但唔係高級泰國餐廳應該有嘅質素。最火滾係坐左一陣，無咁多人，隔離就有人黎，落左單，後尾我見到佢d食物明顯熱好多，有出煙！！即係我頭先嗰d全部整定係度！唔怪得一落單好快就有！！！！你收我呢個價錢？！居然整定凍冰冰咁攞出黎？！真係差到極點！一句講晒：唔會再去！！😤😤😤埋單$400！食大食代起碼d嘢都熱嘅！…查看更多

我覺得30幾蚊有一籠四隻爆汁小籠包好抵食，好食過行過少少嗰間排隊上海菜。d撈麵味道非常特別，食得出係用心調配。我食過乾蔥撈，係得d汁同堆好似草嘅乾蔥，我覺得好特別，味道配搭得宜，30幾蚊有埋嘢飲真係叫好平。鍋貼又熱又係爆汁，非常美味。地方係細d，但係播住一首首好歌食住麵不失為一個忙裡偷閒嘅好去處。服務員係無乜表情，我覺得係地方特色，唔會騷擾到你同碗麵，同個小籠包接觸，幾好丫！下次影下相先。值得推薦！…查看更多