木子車車的個人專頁

自從疫情之後，已經好耐冇出街食飯正值今日係我哋結婚11週年，諗住出街食飯慶祝，見到呢個新商場開咗間日式居酒屋，走入去試吓，真係冇得彈由於仲未正式開張，所以門口仲封住紅紙，問過店員，原來今日係第二日試業，店內座位好寬闊，坐得好舒服，就算放埋BB車都夠晒位可以㨂露台位坐，夜晚戶外好有情調本來想坐房，可惜房已經坐滿食物方面，生蠔同刺身都好新鮮，拖羅仲要係入口即溶，勁正鱈魚乾好香口，脆卜卜，好好味蒸蛋一開蓋就飄來陣陣黑松露香，好好味牛肉串好林好有肉汁，好好味第一次飲綠茶可樂，真係超驚喜，好好味豆腐雲呢拿雪糕好似豆腐花味，好好味水果係哈密瓜，超甜勁正，好好味價錢方面對我黎講偏貴，但值得呢個價錢…查看更多

今日去堅尼地城搵個朋友，走既時候見到已經六點，諗住順便喺附近食埋先返屋企，見呢間餐廳門口有好大個廣告，做緊3週年限時優惠，芒果糯米飯3折，勁吸引，就入左去試！因為時間尚早，鋪內冇咩人，靜靜地，坐得好舒服！店員好有禮貌咁介紹而家做緊優惠，船麵餐配手工啤同蝦餅，船麵可以㨂龍蝦，個餐好優惠！不過我哋唔係好想食麵，最後叫左椰子雞湯、青咖喱牛、蝦餅、飛天通菜、蛋包金邊粉、芒果糯米飯同飲品！蝦餅比想像中大碟，食完都飽曬咁滯😂而個醬就偏甜！青咖喱好香，牛好嫩，個汁撈飯好正！飛天通菜都好味！椰子雞湯好多料，好好味！芒果糯米飯，白糯米好棉好正、黑糯米偏硬，還可以，芒果略酸，可能唔啱時節！杯芒果特飲偏淡，還可以！由於眼闊肚窄，叫得太多，金邊粉已經食唔落，我地打包返屋企，第二日翻熱食都仲係好味，我諗即場食仲正！…查看更多

約了朋友在土瓜灣見面，朋友介紹到這間拉麵店晚飯！我們未到6:15已到，可能時間尚早吧，店內未有太多食客，因此上餐速度也算快！環境都幾有日本feel，好舒服，好適合朋友間靜靜地傾談，唔會趕人走！服務都好好，店員好有禮貌，一坐低就問我們要水或茶，之後又會主動幫我地加茶！我們點了一個雞白湯拉麵、一個黑蒜拉麵、一碟雞泡魚乾！拉麵的軟硬度剛剛好，有口感，湯底濃而不油膩，唔會口渴！叉燒薄切肉質軟林林，雞肉則有咬口，荀好好味！我最喜歡係雞泡魚乾，好香口又唔會太乾，食落口感似豬肉乾，甜甜地好好味，又唔貴！…查看更多

在炮台山工作完畢，趁時間尚早，未到晚市高峰時段，無需等位，選擇了這間餐廳早點食晚飯🍽🥢這裡環境不錯，感覺好舒服！而且服務周到，一坐低就有店員攞水同餐牌比我地，上菜既時候又會主動幫我地執開枱面既餐具籃同調味料果d物品，清空位置放食物！👍🏻我地叫左個蜜汁叉燒滑蛋蓋飯、咕嚕肉、蟲草花湯浸菜芯同2杯凍檸樂！每一碟餸上枱時都係熱辣辣的，感覺係新鮮煮好，而且份量都好多！😋蜜汁叉燒滑蛋蓋飯既滑蛋真係好滑，飯既份量好多，叉燒好香，連埋蛋汁撈飯食真係好正，如果係半肥瘦叉燒會更正！🥰咕嚕肉真係啖啖肉，冇多餘既炸粉，肉質夠林，醬汁甜甜酸酸剛剛好，味道很好！😻蟲草花湯浸菜芯都好正，望落係好清翠既綠色，感覺好新鮮，食落好爽口，杞子好甜，湯唔會太咸，可以直接飲埋！😚特飲原價$24，但係加配只需要加$9，真係好抵！整體而言非常好，會再來幫襯！😁…查看更多

將軍澳中心商場裝修後第一次去行街，見到開左唔少食肆，仲開左間金田家拉麵，聽聞喺日本九州好出名，見時間尚早，未到晚市時間，餐廳唔多人可以唔洗等位，就入去試吓呢間拉麵！可能係平日，而且我地未夠6:30已經入座，所以餐廳內未有其他食客，自己㨂位坐，坐得好寬敞，又夠靜（早食飯最大好處係唔洗等位😂）員工好有禮貌好有笑容，上餐速度都快，餐具同地方都好整潔！我叫左一碗濃豚骨拉麵，追加溏心蛋同芽菜，老公叫左一碗黑豚拉麵，追加溏心蛋同粟米，我地另外叫左個芝士年糕小食，同2杯特飲！餐飲方面，我叫果杯士多啤梨特飲好好味，唔會太酸，老公叫果杯巨峰特飲，我試左啖，覺得淡左少少，老公就覺得味道啱啱好適中！拉麵方面，濃豚骨拉麵個湯真係好濃郁，拉麵硬度適中，唔會太林，保持口感，溏心蛋好好味😋芽菜相對普通左少少，下次會叫第二樣！芝士年糕熱辣辣上枱，唔會好油，芝士味夠，又唔會太漏，都幾好味！…查看更多

😋經過餐廳門口，見到有炒秋葵食，因為好少見炒秋葵，就專登入去試😋我仲叫左個牛河（牛丸、蘿蔔、牛腩、牛柏葉），個湯好有牛味，又唔會濃得濟，味道剛剛好，份量仲好大碗，食唔晒！秋葵好好味，炒得好入味，好香口，而且份量好多，又係食唔曬，多d人食會好d😂…查看更多

入左東涌探朋友，見週圍都多人，就決定買外賣上樓食，朋友介紹呢間烤雞店，第一次試，感覺唔錯！一盒大概有8-10件，足料好味，而且包裝好貼心，會包埋濕紙巾喺入面，員工亦好有禮貌同好有笑容！只是外賣需要等較耐，大概等左20分鐘…查看更多

星期日喺觀塘上堂，lunch time與同學仔㨂左呢間茶餐廳試，呢度頗大，好多枱，座位間都好寬闊，坐得都算舒服！星期日中午唔算多人，所以出餐都算快，我叫左個海南雞飯+燉湯！海南雞味道唔差，如果d醬可以多幾款就更好，飯既質感一般！最初跟人頭上羅宋湯比我地，我仲以為送錯，心諗冇所謂，因為我都鐘意飲西湯，點知個飯食到一半，燉湯先到，所以最後我飲左2碗湯😂但係個燉湯真係超級多油，多到未揭蓋已經見到成個邊都係油，最後片左好耐先片走曬d油，味道ok, 如果冇咁多油會好好多囉！…查看更多

放學同班同學一齊食飯，有人提議食一人一鍋，於是黎左呢間扇火鍋試下，夜晚7點已經好多人喺門口等位，等左半個鐘，終於等到，但係得一張4人枱一個鍋比我地5個大人，由於太肚餓，已經唔想等就照入去！5個大人坐都唔算好迫，係得返一個鴛鴦鍋一齊食就爭咁啲，之後見到隔離2張4人枱拍埋坐14個大人，即時覺得自己好鬆動🤣呢度肉類係任叫，叫幾多份上幾多份，蔬菜同烏冬果d就自己出去夾，我覺得選擇唔算多，還可以接受，飲品都係任飲，選擇都超多10種！食完如果仲有時間的話，可以食埋軟雪糕🍦可惜用餐時間太短同埋服務態度勁差！入座後計90分鐘其實食得幾趕下，可能之前太肚餓，一次過淥好多野，食到尾開始食得慢，侍應過黎提過一次就快夠鐘，諗住唔好浪費食物，食埋鍋入面果啲（我地已經冇再落新食物）可能係我地慢，又可能真係仲有好多未食，個侍應第二次出現，只係講左一個時間已經到，之後「直接將成個鍋拎走，冇笑容，冇講唔好意思」我地都嚇窒左，咩料？冇禮貌到咁既地步？十個嬲，呢間冇下次！…查看更多

同朋友去尖沙咀行街，朋友介紹食鐵牛，果然冇介紹錯！餐廳喺地庫位置，夠大夠多枱，唔知係咪平日下午茶少人d, 果日唔多人，坐得好舒服又唔會趕人走，可以暢所欲言！呢度係排隊買左飛先坐低食既，我點左個下午茶餐，好抵食，我真係好鐘意食鹽酥雞同滷肉飯，味道唔錯，最緊要係抵食，椒麻牛肚絲有點辣，脆薯可以，但唔算好突出，整體係好味的！…查看更多

今日陪朋友去佐敦買野，之後喺附近搵食，經過呢間餐廳，見到餐牌都好似幾抵食，就入去試下！雖然餐廳唔算大，但坐落都舒服，餐廳內有個黑板，用彩色筆寫滿菜式，都幾吸睛，容易睇！我地點左個招牌海南雞飯，配湯同油飯，海南雞近乎冇骨又夠曬滑，而油飯既飯粒好飽滿，食落好有口感，而且份量都唔少，只係$38，真係超級抵食，推介之選！另外，豉椒炒蟶子都好值得讚，幾十蚊已經好大碟，最重要係新鮮兼無沙，個汁既味剛剛好，唔會太辣，值得再食！鹽燒鮑魚味道都唔錯，如果可以再林d就更好！而蝦醬炒通菜都夠香同爽口，係食到落底有少少咸，但夾埋飯食就剛剛好，建議叫菜要叫埋飯！整體感覺非常好，抵食得黎好食，下次再過黎佐敦，一定會再幫襯叫左咁多野，再加多2杯凍檸茶，埋單都係二百零蚊咋，性價比超高！…查看更多

同朋友喺朗豪坊搵野食，見唔多人唔洗等位就入左去，我地叫左個傳說中既黯然銷魂飯😂叉燒夠林的，但係太甜太濃味，我平時係食曬主食，最後先飲餐飲的，但今次要一邊食一邊飲，食到勁口渴！我仲點左杯雜果賓治，感覺有少少似藥水味，本人唔太鐘意個味！…查看更多

同朋友去銅鑼灣行街，見到呢間餐廳裝修幾靚，價錢又唔貴就去試下！我叫左個鹽酥雞滷肉飯，加杯珍珠奶茶少甜！食物不過不失，味道唔錯，冇大驚喜！勝在坐得舒服，而且價錢唔貴！…查看更多

朋友介紹，話呢間餐廳好食又抵食，就黎試一試，未夠7點，門口已經好多人排隊！呢度好得意，入座既時候就要叫定野食，所以排隊等既時候可以善用時間諗定先，餐牌就放喺門口，方便大家㨂餐！我叫左個牛扒餐，估唔到份量都唔少，肉質都夠林，點埋汁食好好味，又夠熱！朋友食黑毛豬，我試過兩啖都唔錯！…查看更多

同成班同事去完partyroom玩，夜晚黎左呢間餐廳食椰子雞鍋，呢間餐廳喺內地都出名，之前喺深圳食過一次，好評，見香港開左，就特登過黎試！現場有樂隊唱live, 好有氣氛，仲可以點歌！我地叫左海鮮餐，一個椰子雞鍋、一個麻辣鍋！椰子鍋係用椰青水，所以真係超級甜，可以又食又飲勁正！我地唔加水，選擇要多喳湯底，所以食到尾都仲係咁清甜，飲埋d湯真係好爽！海鮮整體上是ok的，除左帶子！:(原本全晚都係好評，可惜被幾隻發臭帶子破壞曬！最初食到臭帶子，我以為係同時落左生蠔，比d蠔味影響左（因為我唔食蠔）但係講出黎先發現同時有幾個同事都覺得帶子臭！因為仲有3隻未落，於是我地就聞一聞未淥果d，發現真係臭左！我地叫部長過黎聞下隻帶子，本身部長聞完都話換過成份蟶子比我地（即係佢都聞到臭左）點知幾分鐘後佢出返黎同我地講，師傅話帶子今日先到冇可能會壞，係個殻既味道！聽到真係火我理得佢d貨幾時到，係臭就係臭架啦，佢自己明明都聞到，轉頭竟然話係個殻既味，咩料？之後話我地仲有3隻未食，換3隻蟶子比我地，我地話唔要啦，咩都唔洗換，因為已經一肚氣！最後唔知係心理作用定堅係臭帶子問題，當晚同時有3個人都肚痛！…查看更多