simplyfoodie的個人專頁

工作關係，呢排差不多日日喺灣仔食LUNCH，盡量天天不同試新嘢！中西日、東南亞菜… 都試咗唔少，酒店餐廳都唔會放過！呢間酒店近我公司，而且原來係洲際集團旗下，當然要試咗先！餐廳喺二樓，可能我早到，人未多，餐廳個設計幾別緻，仲有 outdoor area 快D影吓相先！反而等餐期間掛住傾，有D dishes 影漏咗，留返下次先啦！D嘢食OK，選擇都多，連中式點心都有，亦唔算好貴，最鍾意佢環境好舒服，酒店又無落埸，hea 住傾計一流，有時間嘆個 long lunch 就最啱！係我心目中灣仔區 one of the best kept secrets :)我同同事都推介個海南雞飯，雞夠滑，仲可以要求部位同有骨無骨，好貼心！有齊3款醬汁，油飯又得，無投訴！Starter 試過個 ham with melon, 用西班牙火腿，食開意大利火腿嘅，試吓 jamon 都唔錯架！我自己一向鍾意西班牙火腿多D, 覺得味濃D, 香D, 所以啱晒我！仲有杯coffee, 係rabbithole架，我去兩次都揀Mocha, 杯咖啡打得好好, 好rich, 咖啡味同朱古力味好balance, 好令人回味，不過我決定下次會試其他！…查看更多

之前去過呢間嘅CWB店DINNER，唔覺得特別好，又俾個機會呢間灣仔店。可能因為成個QRE嚟講算平，around $70 - 100 per head, 所以 lunch time 好 full，經驗所得 play safe 最好早一日book 位，不過好彩平得嚟都好食。我又鍾意佢選擇多，亦啱食，同同事 / 朋友一人揀一個再share食，好開心！我試過 book 到房，非常舒適，但係一般坐出面就比較迫同好嘈，不過勉強接受到。去過幾次，最鍾意係個海鮮鍋，海鮮唔少，不過我更喜愛D豆腐，我會揀小辣，因為我會飲晒D湯，咁就唔怕伕到尾太辣飲唔到！食咗前菜，KO埋個鍋D湯同海鮮，基本上我已經食唔落碗飯，要搵人執手尾。仲有海鮮餅，另一至愛，唔係間間韓國餐廳都做得好食，呢間就認真唔錯，不過佢portion 都大，我只能夠食到至多兩塊，所以通常等其他人叫我就沾一塊 不過DINNER我諗我都係唔會俾機會佢住，仲係有D陰影，都係試多幾次 lunch 先！…查看更多

赤柱branch N 年前去過weekend tea，一句講晒食環境！灣仔呢間知佢存在好耐，但竟然到佢最近搬咗去胡忠先有機會去，仲試完 lunch 無幾日後又同同事happy hour.佢個 lunch 真係唔錯，$100 左右，我就唔要 main 都已經好滿足，選擇亦多，沙律菜、包包、pizza都有，sausage 更加唔洗講，最緊要有 my favourite quiche 同 potato salad, 對我嚟講已經好夠，味道亦唔錯，refill 得都好密，所以唔洗擔心唔新鮮！我朋友有叫main, 睇樣都唔錯，佢都話味道OK, 不過我無影相。可惜又真係好嘈，枱與枱之間幾乎零距離，唔好諗住傾計，食完好快D走。Lunch 客多 service staff 唔夠，所以唔好期望有 sefvice, 好在我食 buffet, 對我嚟講問題唔大！至於Happy Hour 對我嚟講就其實無話好唔好，度度都係買一送一，都係飲嗰D，只不過貪佢近公司，夠方便。…查看更多