bonniebonnieng的個人專頁

今日喺觀塘附近做完嘢，即刻搵吓附近有咩好食，突然醒起有間鋪係早排ViuTV iSwim 喺附近有套戲拍過，即係李馬榮同Miss 翁成日嚟果間，即刻去試吓🤣🤣一入到去即刻勁有台灣feel !! 好掛住台灣 ！即刻叫咗黑糖珍珠奶茶，芝士蛋餅頂吓癮！好好味呀！仲有滷肉飯，啲滷肉飯唔會太肥或者太漏，細細碗岩曬我！炸花枝丸好彈牙！但反而有個腩肉唔知咩小吃就得個肥字，side 咗幾十蚊🥹我哋4個人叫咗6-7樣嘢，食咗3百幾蚊，又唔洗等位，都算抵食！…查看更多

一直都好想試呢一個linaBell主題嘅下午茶tea set，但由於價錢真係唔太花算，一位價錢要$300兩位已經六百幾啦，襯今個月生日半價就即刻去試。入座後職員安排咗一個卡位俾我，但係我眼見有一個近窗邊嘅卡位就即刻問職員可唔可以幫我轉位，職員都好友善，佢話可以啊！Overall 食物都係果啲甜品，漢堡，無太特別驚喜，唯一要讚嘅係個炸牛肉壽司好味！如果可以多兩舊就好啲。另外，即係見到我有小朋友，即刻主動遞上linaBell爆谷筒俾我哋影相(雖然用完係要還嘅）抵讚！…查看更多

同朋友行到好攰，想搵個地方坐下，周圍都好多遊客好多人想搵間餐廳坐都好唔容易。之後比我見到呢間餐廳有位唔多人，心諗會唔會中伏呢？但係已經好攰啦，唔想再行落去就冇諗咁多，所以就即刻入去坐低。我哋四個人叫咗幾樣嘢食，其中一樣就係豬手，見到個價錢都可以接受，脆口得來又唔太肥膩，我都幾鍾意食，我朋友隻叫做非洲雞，一想碟已經發現個顏色係偏黃而唔係想像中嘅啡色，識落係偏辣嘅，但係如果送白飯就一流。另外我哋做嗌咗個炸雲吞50幾蚊有十舊，味道都唔錯，無油益味，4個人叫咗4個餸4支汽水埋單$400幾，可以一試👍🏻…查看更多

放lunch搵吓附近有咩食，行行下見到厚福街有人派傳單，拎張一睇！$68任食？吓？咩料？上到去環境ok 都舒服既！有嘢飲bar,湯bar有麵包同沙律bar 任食！叫咗個鰻魚炒飯！好味喎！我以為佢收$68都只會俾幾粒鰻魚仔啦！但食落又好多㗎喎！份量仲要係足既！食食吓個職員話如果唔夠飽主菜都可以refill! 但食曬個飯都飽曬！再俾多碟我都食唔落啦！總括黎講成件事太amazing 囉！ 以$68黎講堅抵！質量都好好！絕對有下次呀…查看更多