catwonderland的個人專頁

呢間西班牙餐廳既午餐性價比真係好高！最平88蚊就有前菜、主食、飲品、加10蚊仲有傳統西班牙甜品Churros。係愉景灣呢間多數出沒既都係外國人，呢間餐廳既侍應都係講英文。好彩友人英文都唔錯，全程都係佢負責同侍應交流對答🙈。前菜我地叫左蘑菇湯同沙律。 兩樣都好高質。蘑菇湯好creamy, 好重蘑菇香味， 有口感，食到d蘑茹粒。沙律都好好味，果個honey dressing 完全帶起成個沙律既靈魂，加分加分。 主菜揀左Vegetarian paella, 呢個就有少少失望。味道唔錯但蔬菜既種類同分量就有d少。 之後我地仲追加左個甜品，Churros and chocolates。 個人覺得有點過甜，食一舊已經夠了😂。另外，呢到環境一流，對住沙灘。餐廳佈置都充滿異國風情 ！👍🏻 呢個價錢可以係咁既環境食到咁既西班菜，一個字"抵"😋…查看更多

今日補祝友人生日，去左南丫島周圍行下， 我地買左個蛋糕，夜晚諗住搵間有海景既餐廳食飯。係openrice 見到呢間餐廳食評唔錯， 所以就黎試下。 一去到侍應哥哥就幫我地雪左個蛋糕先，跟住佢就帶我地去室外坐， 十分有驚喜， 個位對住個大海， d海風吹埋黎， 又舒服又寫意。 未食野，先比個景滿分！ 睇完menu 後，我地叫左半打芝士波菜焗生蠔、黑松露海鮮意粉、白酒。個焗生蠔真係意外地好食😋😋，我本來唔鐘意生蠔，焗生蠔出面好多地方都焗到好乾身硬掘掘，但呢間個焗蠔可以做到外脆內軟， 食落去仲補留到生蠔既juicy 感👍🏻👍🏻 仲有少許天然海水鮮味。 另外個白酒都唔錯， 原本menu 上個白酒買曬，waiter offer左另一款冇咁酸清清地既白酒比我地。呢個白酒好順喉，易入口， 配生蠔一流！ 最後，個意粉就還可以， 有點乾。但其實都唔差， 海鮮料足，有青口，魚柳肉，魷魚，蜆肉。意粉又唔會煮得太爛，有口感。 但生蠔表現太突出了，食完生蠔再食意粉， 令意粉失色了。🙈之後食埋個生日蛋糕，太滿足！總括而然， 呢間餐廳性價比幾高， 浪漫舒服既環境， 高質素食物，貼心服務。又唔加一又唔收切餅費👍🏻👍🏻👍🏻…查看更多

今日天氣超好🌞大大太陽但又有微風， 十分適合離島遊。今日黎到已經4點， 仲未食野十分肚餓，在大街揀了呢間農舍食個brunch 叫左個蘑菇漢堡同西西利蕃茄意粉 （*大約既菜名😂，本人冇咩記性） 個人覺得幾好食，清新輕盈，好健康！…查看更多