Ramiiiiiiiiiiii的個人專頁

見到之前comment 幾正面，諗住支持下小店Order咗$638嘅特選刺身盛合慶祝媽媽生日好可惜除咗三文魚同帶子OK之外，其他魚生食落都唔係太新鮮…甚至啲吞拿魚腥腥地呢個價位嚟講，可能已經可以係其他日式大型超市買到質素更好的…所以有點失望…查看更多

嚐過滑蛋仔後，一直對蕃茄仔也很有興趣，今晚終於嚐到了！雖然是外賣，但質素也很好，非常滿足的晚餐！點了炭燒雞扒刀削麵及特級牛魔王葛絲，湯底當然是蕃茄濃湯！外賣碗是湯及麵餸分隔的那種，不會怕麵被熱湯浸淋。炭燒雞扒果然是No.1熱賣款，沒有誇張，一打開蓋子已經聞到炭烤的香味。入口是很juicy嫩口的雞肉。特級牛魔王的賣點相信那碌大大的牛骨髓，我比較少嚐到這種食物，不懂作評論，但用匙羹刮着骨髓來吃也是非常有趣的用餐體驗。另外有牛丸、肥牛片、牛𦟌各兩片，非常足料，肥牛片及牛𦟌食落都係靚料，唔會係好韌咬唔開嗰種。牛丸就正正常常。到呢家店嘅招牌：蕃茄湯！亦都係驅使我打呢篇食評嘅原因，因為真係好鍾意佢嘅蕃茄湯。本身我唔係話蕃茄湯超級愛好者，可能係因為係出面嚐過太多罐頭味蕃茄湯。但呢個湯底真係刷新我嘅印象。首先蕃茄湯是非常濃郁的，比起沾麵的湯更濃，但你可以觀察到佢係由新鮮蕃茄煮成，可以望到一粒粒蕃茄蓉。另外要讚就係調味不會話好鹹好重味精，出面食飯我成日食完都會好口渴，但呢餐之後完全無。口感和味蕾都很清爽，有酸甜平衡嘅蕃茄味！ 其實食完麵之後已經好飽，但忍唔住還是飲曬成碗湯！刀削麵的麵質也不錯，係我鍾意嘅厚重彈牙口感。葛絲原來係類似韓式粉絲嘅麵，不過佢就太幼，係濃濃嘅蕃茄湯中幾乎不是太嚐到佢嘅口感。當晚的收銀妹妹都非常有禮貌及笑容，落單時會細心問要唔要走葱，俾錢嘅時候我現金不足，佢又好好咁話幫我落咗單先，等我拎咗錢先返嚟拎嘢食，見我匆忙咁跑仲同我講唔駛急！希望小店可以捱過疫市！蕃茄仔同滑蛋仔都要加油！…查看更多

第一次嚟，平日一點幾鐘到，嗰時店內都坐滿人，原來可以book位，peak hour嚟食book咗會好啲。不過staff都好有禮貌俾個menu我睇住等，直到差唔多有人走，都好主動咁話幫我order咗先。一個人去食，嗌咗意大利雲吞配蕃茄湯，幾有驚喜，個湯嚟到熱騰騰，一入口酸甜、蕃茄香味濃度平衡得剛剛好，唔會太咸，湯入面仲有不少洋蔥及蘑菇片，感覺很足料。意大利雲吞味道正常，兩者配搭得不錯。跟餐附送嘅一塊法包，外表平平無奇，食落口感超好！本身淋咗橄欖油，我又用嚟點湯食，絕對係外脆內軟，好正！勁想嗌多一份嚟食。最後跟餐+$24 配嘅法國72%黑朱古力奶都無令我失望，好香濃嘅朱古力味！雖然佢價錢唔係話好平，但我覺得食物、環境、招呼都係水準之上，係物有所值！Peak hour後係好適合俾人悠閒地坐吓嘅cafe！仲有Wi-Fi提供，呢樣唔係間間cafe都做到～…查看更多

難得和爸媽入長洲，玩完一整天，晚餐來到了這一家「在水一坊」。一進門，店面不算很大，一邊是廚房，一邊是餐桌位置，但坐得還算舒服。感覺是家庭式經營，只有男店主和女店主（？）兩人，女店主負責替客人點餐，態度有禮，也有耐心替我們介紹不同手工啤酒。點了炸雞、漢堡咖哩蛋包飯及牛排便當，全部味道都很正常，雖然不算驚為天人，但是是家庭的味道。咖哩是日式的，甜甜的很香。我主要吃的炸雞不是十分脆，因為是浸在咖哩中，但可接受。包住飯的蛋皮有點薄，存在感不高。飯的份量都十分之大，最後有點吃不完。點了德國小麥手工啤酒🍻很好喝，跟餐+$48 有一大枝（500ml) 可以接受。麥味十分濃得來又易入口，是曬完一天後最好的飲料了！熱柑桔檸檬水也有驚喜，酸和甜味很平衡，不像是用水溝醬開那種淡淡的味道。…查看更多

見到有人等位，以為不會太差，便入去試試。叫咗咖哩豬扒撈麵$75麵質正正常常 唔會太淋咖哩汁都幾惹味，個人嚟講有啲太濃味，食完有啲口乾伴碟除了花生就沒有其他到重頭戲...豬扒，真係非常精彩每一嚿都唔同口感第一嚿咬落去，懷疑人生，好似煲完湯嘅瘦肉咁第二嚿 正常返少少 只係比較乾柴嘅豬扒（圖片）第三嚿又突然超級淋，好似用鬆肉粉「嗱」過嗰種質地...雖然正常豬扒質地係佔多數，但咁嘅用餐體驗真係唔多好...呢個價位...呢種質素，相信啲錢都去曬鋪租度了…查看更多

聽人推介肥仔米線就聽得多，今日終於有機會嚟試！今日係平日，12點左右到，店舖內不算十分多人，可能係落大雨嘅關係。店鋪位置有啲隱蔽，唔熟呢區嘅朋友仔（我）要兜一兜先揾到🙈我係鍾意食辣但唔食得好辣嘅人，所以嗌咗麻辣小窩米線（微辣），餸就係螺旋藻 + 雞絲 + 豬紅。米線質地係我好鍾意嘅，煮得夠淋得嚟但仍然煙韌彈牙，又吸收咗湯嘅味👍🏻（最怕某啲米線好似同個湯無關係咁）個湯好香好夠味，又唔會太油，微辣對我嚟講食到後期都有啲辛苦🙈但辣得好過癮，唔係死辣嗰種螺旋藻同雞絲都好正常，但豬紅就有啲失色，完全無味，下次可以不用嗌呢樣。份量對正常食量女仔嚟講好足夠總結：性價比得高的米線，會再次光顧，亦值得推介🙌🏻…查看更多