man love food的個人專頁

特登跨區揸車嚟呢度試吓呢間米線果然冇失望首先啲職員非常之好人，服務非常之好有小朋友又照顧周到上菜收碗都好有效率環境食具都好乾淨花膠雞米線個湯底真係一流，成碗飲晒都得，好住家雞湯味，好味，飲晒成碗都得啲雞夠滑，花膠都唔錯龍蝦海鮮湯米線個龍蝦湯又係超好飲，非常有龍蝦味係真材實料煲出嚟，配料新鮮好味，又係成碗食晒另外仲叫咗黃金炸魚皮，超乎想像嘅好食似乎係即叫即整每塊魚皮都鋪滿鹹蛋黃，好香好惹味，有脆又好味雖然熱氣，都忍唔住成碟食晒仲有麻辣鴨血，麻辣味剛好，回味無窮整體好滿意所以好耐冇寫食評都忍唔住出 post 讚吓會再幫襯…查看更多

食過幾次晚飯，唔多人，環境舒適好想讚吓廚師，佢煮餸真係有心機的唔係一般連鎖酒樓千篇一律的味呢度每個菜式，食材新鮮，煮得好味擺盤用心，配菜精緻每次食新菜式，都是驚喜的好食蒸魚，海鮮，片皮鴨都高水準啲侍應都係好親切，服務好好的真心推介…查看更多

新年期間，好好彩泊到車，嚟 Boundless 食晚餐沙律，好大份，沙律菜牛油果非常新鮮，烤過的南瓜和粟米非常美味，$98 的價錢絕對是物有所值叫咗一份豬肋骨，稍嫌不夠嫩滑，不過醬汁調校得好好味，豬肋骨下面有燒菠蘿，又甜又多汁，亦有沙律菜相伴叫咗一份雙層牛肉漢堡，漢堡入邊有好多配菜，麵包都有烘過，非常用心做，一路食個漢堡啲汁一路流出嚟非常美味，薯條都係即炸非常脆Tiramisu 絕對係一流，非常之Creamy，如果酒味可以再重一點會更加好食咖啡味道同拉花令人滿意…查看更多

年三十晚，來食個 lunch侍應服務好，加水收碟都快，又有禮貌，值得稱讚餐廳半開放式，坐得舒服唔會迫沙律內烤過的瓜同紅黃椒又甜又新鮮烤牛肉的生熟程度，剛剛好叫了一個牛肉漢堡即使漢堡扒叫全熟都份外多汁，大份都食唔晒有一半要攞走仲有一份all day Breakfast 個番薯餅外脆內軟又甜又好味，食完好想再食辣肉腸都好正，其他食材都好新鮮，係好令人滿意嘅一份 All Day Breakfast咖啡拉花唔錯，不過味道就一般…查看更多

嚟過3次，終於的起心肝寫一個食評讚下佢，因為真係好值得讚首先要讚服務所有服務員做嘢都好快手並且好熱情好親切覺得有酒店級數的禮貌同招呼跟住讚食物次次嚟到冬陰功都係必叫，因為真係辣得啱啱好，香茅南薑味非常足，仲有個火爐加熱唔怕凍，超正串燒的沙嗲汁好正，濃厚花生味，牛肉雞肉都唔會燒到乾硬，仲軟林易入口，小朋友都啱食蟹肉炒飯都係每次必叫， 好多蟹肉好鮮味木瓜沙律差少少，如有埋花生碎更完美泰式甜品都好值得一試，飽都會叫最後讚環境，落地玻璃望到海景港島景真一流…查看更多

放寬晚市堂食，好想食中菜就去了鼎泰豐一打開menu, 選擇好少正常的擔擔麵都冇，得擔擔撈麵完全講唔上好食同另一個麵一樣，份量非常少，少到三四啖就食晒又貴，份量少，唔好食，好失望下次都係去返翡翠拉麵小籠包冇咁嬲…查看更多

朋友介紹呢間餐廳，經 openrice book 枱好方便，閒日都唔多人冇得去日本，希望嚟唸度尋回一點日本的味道先讚侍應的服務好好，好有禮貌見我有小朋友主動問需唔需要額外餐具叫咗個蟹為主的 set lunch好豐富天婦羅蟹腳最好食蟹膏豆腐就好特別，完全冇諗過可咁樣整豆腐，味覺又一新體驗蟹蓋內有超多蟹肉，多到差啲食唔晒蟹肉味道質素其實ok但相信始終都係雪藏貨，如果係抱住食鮮活蟹肉嘅心態會有d 失望不過價格同質素成正比如叫六百幾同一千蚊的 set,可能就係鮮蟹肉吧蟹肉茶碗蒸都係好濃蟹味最後唔多好，係一路食一路有煙味係食煙嘅煙已經係喺 basement,唔知煙味從何來…查看更多

真係好耐冇食 brunch 喇復活節睇咗好耐食邊間，好開心得知 Alva House 重開，又好好彩前幾日 book 到，準時出發去到雖然都人多，但枱與枱距離 ok先食海鮮，有少少失望，因為蟹鉗肉有 d 霉，蠔真係好細隻，撩完出嚟都冇幾多放入口。。。之前嚟食過的質素好好多刺身正常好欣賞酒店為了復活節，加入了應節菜式呢個復康節 pie 真係好好食，餅底香脆，餡料清新健康好想讚燒牛肉枱的廚師哥哥我怕生，要邊位想熟 d ,點知廚師主動話幫我燒燒佢，燒到個熟度真係好啱我，呢個服務去到港島五星酒店都未試過，好窩心仲有咖哩，豬腳薑，日式串燒都好食去到甜品，一向都好鍾意呢度甜品的多樣化仲有復活節氣氛的甜品個自製雪芭睇住佢攪攪攪，試咗檸蜜薑味，好清新好好食Tiramisu 如再浸多d 咖啡酒會好 d栗子蛋糕配合桃都好正壓軸係火焰蛋糕，真係十幾年冇食過，好開心臨走仲送上一包小曲奇，竟然有蛋黃曲奇，好耐冇食過嘅味道了呢間餐廳其實真係幾有心思員工收碟都快，有折真係抵食，最緊要大人小朋友都食得好開心，不過小朋友好掛住個 candy corner, 今日冇咗，希望遲d resume 返啦…查看更多

同朋友嚟呢度食lunch樓底好高，環境好開陽，仲有玻璃窗太陽曬入嚟好舒服所有侍應都好有禮貌服務好好加多沙律原來係東南亞嘅食物沙嗲汁好好食水牛芝士屎蕃茄沙律就好清新牛扒嘅牛味好重，烹煮得剛剛好燒魚就較為韌每人除咗餐飲嘅咖啡茶或之外，仲可以有一杯果汁或者紅酒白酒汽泡酒，非常之唔錯，啱坐低慢慢傾偈甜品試咗藍莓芝士蛋糕同埋榛子黑白朱古力蛋糕兩款都好好味另外仲有兒童餐，味道都非常之好薯條好脆，麵包烘得外脆內軟…查看更多

好耐冇嚟過了，水準依舊，職員好 nice, 有 BB 車，幫我哋安排了可放BB 車的位置有花膠鮑魚，黃酒煮雞，老人家都好好多嘢啱食最驚喜係有麵包蟹，好多膏，不得了凍瀨尿蝦都好新鮮由小朋友到老人家都讚的一餐環境舒適，唔多人唔洗排隊會再來…查看更多

在旺角的華星冰室食晚餐, 我們都覺得喺旺角好難搵到好食的舖頭, 估唔到今晚有驚喜~叫了炸雞脾, 肉嫩皮薄又唔肥又脆, 超好食! 這個是重口味一丁, 其實是羅宋湯, 味道唔錯~ 不過又唔覺得有咩好特別下面的咸牛肉煎蛋幾好味, 不過油咗少少最正是這個校長多士, 三十零蚊的價錢, 但給你滿滿的黑松露醬和芝士, 麵包焗得又鬆又脆, 好吃得不得了!!下次再來, 要試試炒蛋啊!…查看更多

知道風月堂喺旺角中心對面開了新店，終於都唔洗等位又可以喺旺角搵到個地方舒舒服服坐低食個飯大部分座位都是半梳化半木椅的, 空間感夠, 唔會似一街之隔的舊店咁迫先來了蜆肉意粉，啲辣椒好鬼辣呀，意粉有點未夠熟，硬硬的，不過調味唔錯再來牛油果煙三文魚 pizza, 厚厚的芝士層，拉開絕對有一絲絲的效果，加上焗過的牛油果滑滑的質感，薄脆的批底，十分好吃牛肉漢堡十分足料，雖然漢堡扒算不上很 juicy, 但全溶了的芝士在上面，份外好吃還有煙肉，很多沙律菜，厚片蕃茄，帶來了健康的感覺，又減少了吃大舊肉之後的罪惡感~侍應感覺上有點未熟手, 不過都很主動幫手加水, open kitchen, 見到廚師先生在煮食, 又是另一種眼睛的享受~…查看更多

星期天, 來這裡吃早餐今日人很多, 要等位, 明顯唔夠侍應, 等好耐都冇人嚟 serve叫了兩個早餐, 比之前食過的差......個公仔麵上枱時, 還是整個麵餅狀, 未完全煮熟...:(平時有條菜跟, 今日冇了, 沙爹牛的味道就 ok 嘅~炸魚柳, 好油好油, 又太鹹了......凍奶茶, 話明要少甜, 點知嚟咗杯好甜的,同佢講要換, 侍應都肯, 不過換來的, 都係好甜, 只是冇上一杯甜到飲唔落咁嚴重.....下次都係揀人冇咁多的時候來食好D 咯…查看更多

一向對乳酪不大興趣，幫襯這小店子，反而係因為佢嘅蛋糕第一次買了大大個都係 $48 的芝士蛋糕，估唔到佢整得幾似日本吃過的輕芝士蛋糕，芝士味甚濃，又有入口即化的感覺，不會太甜，正合我心第二次，買了一款朱古力榛子軟芝士蛋糕，入面有好多榛子粒粒，濃郁又滑的朱古力層，中間是creamy 的芝士，夾埋很 match, 值得再吃…查看更多

家庭晚飯，四人去了東海點了近來做優惠的半邊龍蝦伊麵底($52), 但味道唔得，龍蝦肉唔新鮮仲有點霉，啲伊麵。。。。真係啞晒。。。雖然都唔預有好多，但都唔係少到得幾條好似拌碟咁呀。。。清蒸鮑魚就 ok 啦，算係有刷過個邊算乾淨啲乳豬唔錯($58)，唔肥，啲皮夠薄夠脆，好味炸九肚魚就唔得，炸漿太太太厚了，入面又油林林，食完一條都唔想食第二條了整體食物真係麻麻地。。。…查看更多