士多啤利的個人專頁

今年週年紀念, 因為晚上有要事, 所以唯有食lunch慶祝, 想在中環區又想吃buffet, 上網搵下搵下就撰左H One。訂枱時我預留左window seat 同埋講低左會慶祝 Anniversary, 佢地話會幫我係隻碟寫字等食甜品時送上 。 餐廳一大塊落地玻璃, 面向西九, 風景當然一流。食物方面, 佢地其實係Semi buffet, 頭盤、小食同甜品任食, 另外會包一個主菜。頭盤&小食: 有好多選擇, 生蠔, 刺生, parma ham, 炸魚, 意粉, 燴牛腩, cheese..............食物好新鮮, 味道又好, 生蠔係我至愛, 好味好味 主菜: 老公撰了lobster, 我撰了sea bass, 主菜即做所以夠熱, 龍蝦好彈牙, 爐魚煎得香脆, 好好味甜品: 佢有個甜品櫃, 款式好多, 賣相又靚, 味道當然唔駛講 ~ 更係good la ~話哂都係高級食府, D waiter 既態度當然好啦, 所以呢間餐廳我都好鍾意 !! …查看更多

今日放工偷懶唔煮飯, 問老公想食咩 ? 佢話都係想食普通家常便飯於是上openrice search, 見佢d食評唔錯, 於事就黎試下。可能時間尚早, 一到步就有位, 我地order左三餸一湯, 由於我係湯痴, 一碗湯無可能滿足到我既, 所以更係叫一煲啦 ~, 當我地飲左一陣湯, D餸話咁快已經上枱, 仲要賣相都唔錯, 攪到我忍唔住來張大合照- 老火湯: 是日係木瓜雪耳豬骨湯, 正~真係無得頂, 老公好like, 以我入煮多年, 佢一定無落味精 !!- 阿麻雞: 醬汁好味, D雞肉好滑 ~ 好味 !- 什果咕嚕肉: 我食咁多次咕嚕肉同埋煮咕嚕都只係知道會用罐頭菠蘿煮, 未見過會用新鮮生果, 仲要有奇異果, 提子, 車厘茄, 菠蘿, 呢個餸好驚喜, 味道好好味 !! - 南瓜排骨盅: 個南瓜盅賣相仲靚, 入面仲有素翅同排骨, 佢個汁撈飯一流 - 是日糖水: 食飽打算埋單之際, 侍應上前問: 上埋糖水俾你地好嗎? 原來有埋糖水餸, 又幾抵wo ! 當晚係蛋花馬蹄露 ~ 我一見到碗糖, 就好諗起小時候既馬蹄露, 佢係啡啡地色果隻, 個質咁好好仲要唔甜, 又再一次驚喜 ! 呢餐飯我地真係好滿足, 我地感覺到佢地做每樣餸既誠意, D侍應有禮服又親切, 我老公話一定會再返黎捧場tim (咁即係未我可以煮少D飯? ) ~ 走既時候已經7:30, 門外已經有多人在等位, 好彩我地早來, 下次睇黎訂定枱會好D ~ 今次係我第一次寫食評亦係我老公鼓勵我 ~ 唔知寫得好唔好呢 ?? …查看更多