tsu catcat的個人專頁

好耐冇去過Ruby Tuesday，難得同朋友食飯就去左，叫左一個墨汁意粉，意大利飯同豬肋骨。全部野味道都ok，尤其是豬肋骨非常淋，一吉就可以骨肉分離。意大利飯軟硬適中，反而意粉上碟個陣有d涼同硬，不過勉強食到就無所謂～飲品方面比32oz個size嚇親，叫個陣完全冇留意係咁大杯😂個Tiramisu milkshake係好飲，但唔覺得係tiramisu味，反而覺得焦糖味好重，如果苦味可以重返少少，冇咁甜就好～下次去叫32oz可以兩個人share😂…查看更多

落觀塘做完野咁岩見到就想食車仔面，叫左個兩餸米線再加$9加左份豬扒，total$44。咁佢整好我就拎走，因為係湯面冇專登打開check。坐車返到屋企發現佢比漏份豬扒，打返去舖頭，其實佢都知，就叫我返去拎。我表示已經坐車返左屋企，叫佢一係payme過返錢比我，佢就話佢地冇Payme。問佢咁仲有咩方法退錢，佢叫我下次過去同佢地講。但問題係佢收咗我張單。個職員就話佢地會信客，有客話佢漏野就會退錢/補返。如果係咁，即係間舖根本就慣性漏野。收左線就食面啦，個面我叫BB辣，但根本辣到食唔到，我要倒晒d湯換左熱水落去。要食就自己睇路啦。下面係未倒湯食左兩啖…查看更多

朋友帶左我黎呢間小店，話有人介紹呢間新開burger整得好好食，由旺角站行過去花左少少時間，唔係因為佢遠，而係因為Google map定錯位比我搞到轉錯街口⋯⋯入到去舖面有6-7枱，但冇乜人坐，我同朋友每人叫左個lunch set，一個羊一個雞。望一望價錢，$55蚊lunch set 送沙律再送枝水，已經覺得店家好佛心。等左5-10分鐘burger上菜，朋友個羊肉burger望落羊肉係一舊舊，唔係淨係夾d肉碎落去，成個包係熱辣辣咁上碟，個包有少少似豬排包係脆脆地，但禁落中間係有彈性，另外佢加左$10轉配薯條，份量都大大兜❤️再隔左幾分鐘我個雞burger都到，個size嚇親我因為塊雞塊好厚好大塊，仲有好多菠蘿生菜同蕃茄切片，食得出好新鮮。然後呢個size我係需要先用手撳扁個burger再咬，但其實都係冇辦法咬晒4種食材😂最後埋單係2人共$120蚊，呢個價錢我諗好多西餐廳可能只係食到一個人份量，所以以佢呢個價錢真係超性價比！但偏偏一間咁抵食ge餐廳，由我地坐低到走個一個鐘頭竟然冇人入過黎，我完全唔明點解⋯⋯感覺佢門面可能唔夠sharp，同埋Google指錯路都好難搞😂建議佢可以試下響十字路口放企身易拉架指點方向，順便放下d burger相。二黎又可以響social media拍下片教人點行。希望下次黎有機會食佢個beef burger 🫡🤟🏼…查看更多

去Top商場行街見到呢間野裝修幾靚又幾多好評就入左黎試，事實話比我知幾多好評都有可能係假🫠我同朋友兩個人一入座，就被告知90分鐘用餐時間，咁我地好快手睇左menu叫左3樣野先，再留返個肚想試佢d甜品。主食叫左個水牛城芝士雞翼，小食拼盤同一個煙三文魚祕制海鮮醬意粉。我地落完單之後吹水吹左一大輪，水都飲左2杯都未有野食，望一望個鐘已經等左20分鐘都咩都未有，明明成個場其實得4枱客。想催下又好似唔係幾好，最後再等多5-10分鐘後終於有野食⋯⋯小食拼盤先上，係好食ge，炸到熱辣辣，香脆可口，而且薯條份量都多所以好滿足～炸野咁出色自然我地都好期待個雞翼～雞翼上黎賣相靚仔ge！仲拆埋骨好細心！吉住咬落去⋯⋯Um……有少少一言難盡，個雞翼本身冇乜味，同上面個醬個味道有d分離唔係好夾，最大問題係個cheese好似溝左面粉咁，有一種好粉的口感，好似咬到成口粉咁有d怪⋯⋯食緊雞翼個陣意粉就上黎，個意粉賣相好靚又好吸引，所以就算雞翼差少少我都好期待～同行朋友夾左一掇試下，見佢即刻就皺晒眉頭，我心諗「意粉應該好難出事架喎⋯⋯」，然後佢就同我講：其實你又唔可以話佢難食，但佢係甜架，食落好奇怪，你試下就明⋯⋯我即刻試下啦⋯⋯個面真係甜架⋯⋯個種甜仲要唔係少少甜，直頭似用糖水煮意粉咁，係完全食唔到鹹味⋯⋯本著唔想浪費食物心態食左兩啖，然後又說服自己呢間野賣泰國Fusion菜，可能真係專登整到咁甜呢？！食左1/4最後真係頂唔順放棄左⋯⋯後來叫waiter幫我地上甜品個陣，我忍唔住問佢「唔好意思⋯⋯呢個意粉咁甜係唔係正常㗎？」然後侍應好錯愕咁話「下？甜？應該唔係甜架喎⋯⋯」我見佢咁ge反應開始諗：會唔會根本掉轉咗鹽同糖去整意粉⋯⋯於是我就同侍應講佢可以試下個意粉，因為有半邊我哋冇食過。佢一放條面入口，已經見佢呆左同即刻想Lur出來，跟住就同我哋講入去問吓廚師。等左陣侍應出返黎，同我哋講話，廚師話個意粉本身係會有少少甜，不過今次係落重手左，唔好意思。跟住就完咗，佢完全冇打算同我哋換過碟意粉或者取消咗碟意粉😦其實侍應態度係好好，亦都真係試過碟意粉同幫我哋跟進，但係作為一間餐廳明知碟意粉個口味錯到離晒譜，但係一啲補救同補償行為都冇講真我覺得幾失望⋯⋯後來上的甜品係正常同好食ge，如果有人想去建議大家食甜品比較安全～最後兩個人埋單$47x，剛好90分鐘，冇任何refund亦冇任何manager出嚟為整錯碟意粉講任何野。或者餐廳都唔旨在，所以我都唔會有下次🙂…查看更多

星期日相約左朋友3點黎食野，本身係打算食輕食同打下卡，點知預約時間前幾個鐘餐廳打黎提醒原來有Tea Set，於是就立即reserve左個Tea Set黎試下～上到去已經比好多花花包圍，舖位雖然唔算勁大，但勝在好骨緻，而且睇得出有精心設計過每枱附近都有d打卡位～最吸睛係兩個鳥籠位，而由於疫情下少左人都好好彩坐得到❤️坐低無幾耐店長就問我地飲咩個d，落單之後好快就見到個Tea set啦～三層架Tea Set好靚，都係鳥籠型狀同繞左d花花上去～店長見我地想合照就好主動咁幫手，仲教我地點坐影出黎效果係最好✨飲品有小熊粒粒草莓牛奶🐻同埋呢個藍色薄荷梳打🌱 草莓牛奶甜度岩岩好，仲食到粒粒果肉～薄荷梳打都好飲～至於三層架，店長教由上至下先食鹹再食甜。鹹點以呢個價錢黎講超高水准，酥皮同多士係食到仲係脆口，而且調味我好鍾意❤️至於甜點我最鍾意個scone同個醬，食得出個果Jam應該係handmade，覺得食物勁有心機🌸一路食店員都好留意同好主動幫手加水同影相，後來到埋單個陣又同我地介紹返係共融餐廳。疫情下餐廳要生存已經唔容易，但餐廳老闆都堅持要幫其他人，呢份精神好值得人佩服✨✨✨如果有機會經過附近一定要上去試下～我已經諗緊幾時再去下一次…查看更多

大約2個月前曾經到訪過呢間mamaday，可惜人太多冇緣品嘗，今次終於食得到所以非常期待！入座後打開餐牌，全部菜名都好搞笑😂由於d名太可愛我仲專登影低左😂我同朋友兩個人點左：炒你魷魚薄片沙嗲香港製造蝦子撈麵 x 1好邪惡嘅鹹蛋牛油果蟹肉Pizza咩叫減肥 x 1記住，期望越大，失望越大雞翼 x1不得不說，佢咁爆場係有原因⋯⋯因為真心好食😂 雞翼我地揀左配honey mustard，上枱時炸得剛剛好，外脆裡面多汁，honey mustard個味唔會太濃配合得好好，而且拆左做單骨雞翼好方便食之後pizza黎到見到好足料，個鹹蛋真係邪惡到一個點，但又好香口好好食🤤至於蝦子撈面，我冇諗到魷魚薄片係真係一條條好似扁意粉咁😂可能因為薄左，口感唔會好似平時啲魷魚咁靭咁難咬，反而係比較爽口，沙嗲撈麵味道非常好，沙嗲味好濃而且入晒味，配返比較淡口嘅魷魚片啱啱平衡返呢個價錢來講份量足而且味道好，覺得性價比超高，要趁而家少人出街去食多幾次😂😂😂…查看更多

好早之前已經不斷比身邊朋友叫我去仙后餐廳食飯同打卡，借住生日終於去左～入去即刻有人帶位，可能因為疫情，有半間餐廳居然冇開放，舞台同玻璃天窗都睇唔到⋯⋯不過都唔緊要ge，雖然剩低半個場，但依然有中間旋轉木馬可以打卡～坐低落完order後好快Tea set就上左黎，鹹甜點一樣好精緻，雖然上枱個陣望落去全部都細細件，但估唔到最後居然會飽到食唔晒😂茶具本身就好靚，紅茶配合埋甜品簡直一流❤️本身餐廳應該冇特別限時，我地由3點坐到6點關門，全程環境都好舒適好岩傾偈～最後特別一提洗手間同走廊都好靚好值得打卡🙈…查看更多

其實黎食過好多次，每逢想食泰國野而又唔想搵新野，想穩穩陣陣就會黎Morokok～今次同朋友2個人上黎冇預先book位，由7點都等到接近8點半先食得。叫左呢度ge必食金邊粉，串燒拼盤，同芒果糯米飯，今次仲試左聽落好得意ge軟殼蟹青咖哩意大利飯。金邊粉一如平時咁好食，炒得岩岩好ge金邊粉彈牙又條條分明，配搭側邊ge調味料味道岩岩好又大碟，大蝦都好新鮮唔霉。串燒拼盤正正常常咁，個sauce可以濃d同多返d。個 軟殼蟹青咖哩意大利飯好特別，軟殼蟹都算大隻而且唔會炸到油淋淋，上面有好香ge蛋黃味，非常好食，意大利飯微辣，有青咖哩味，不過覺得個飯可以多返少少🤏芒果糯米飯兩綠兩藍放得好靚，芒果都好清甜，每次黎必食～每次黎都唔會失望，keep到水准，而且上菜快員工有禮貌，係我ge泰國菜食堂…查看更多

早排碌Ig見到呢間火鍋d擺盤勁靚，於是即刻book位黎試下，book左星期一7:30pm，上到餐廳環境好闊落，而且人都唔算多。安排入座之後侍應上左3杯荔枝茶比我地，微涼甜甜地都幾順口。我地三個人叫左香江拼，花花綠綠同一客薯粉，湯底就叫左牛乳同麻辣雙拼，加三杯飲品。香江拼賣相非常之靚，有唔同部位ge牛，望落都幾新鮮，份量大概3-4人食就岩岩好。花花綠綠真係成個花盤咁😂睇得出餐廳有揀走左唔靚ge菜先比客，成盤都好新鮮。至於湯底方面，麻辣湯底好惹味，而且仲有鴨血，滑得黎好食。如果想食清啲就牛乳湯，上面有一舊雕花木瓜，打完邊爐就岩岩好煮透，吸晒牛乳湯之後好鮮甜。飲品黎講，其實真係冇特別出色😂見到咁多人評價話飲品正，我地本身都好期待。黃色呢杯係ok好飲ge，仲會有人即場整個波波，好似好夢幻咁。但另外兩杯除咗甜其實我唔知自己飲緊咩⋯⋯最大獲係紅色玫瑰花個杯，到食完個邊爐佢d冰都未融晒⋯⋯本身已經細杯，仲要有一半係冰😂我地平日上去，由7:30坐到9:30一直冇坐滿過，雖然好多staff行來行去，但仲調味料區一直冇人fill返。另外係三杯飲品飲完之後，我地有問staff想要三杯清水，然後staff比本menu同我地講水要買⋯⋯完全冇諗過去打邊爐，人均消費$500+ ge餐廳，居然連杯水都唔比😂😂😂 當然我地「哦」完就算，但打完一次卡如非必要未必會再去。因為講食物質素，人均$500+ ge邊爐感覺有好多選擇。講服務，相信好多地方唔會介意比杯水我。最後提返大家記得買枝水先去食…查看更多

星期日夜晚大概6:30到餐廳門口等位，排隊等左大約20-25分鐘就入得。三個人點左一個pasta，一個千層面加一個pizza。味道係好味ge！不過主食黎講其實份量唔算多，食完有少少空虛ge感覺。呢個龍蝦唔記得咩意粉，我第一次見呢種形狀ge意粉，開頭唔明點解要用呢個形狀，但一路食發覺意粉皺褶之間可以好好咁載住d汁，令你每一啖都食到面同sauce～個龍蝦好新鮮好彈牙，唯一就係份量細😂跟住又係我最鍾意ge千層面～～～佢都係好食ge，不過感覺中間個面有d太溶，冇乜存在感好似食肉醬咁，我自己比較鍾意個面質地硬返少少🤏然後pizza我覺得好好食～個辣肉腸個辣味剛剛好，中和左芝士有少少膩的感覺～由於唔係好飽，我地每人又再揀左一樣甜品，分別係意大利咖啡冰糕，tiramisu同蘋果批，冰糕同蘋果批都好有驚喜～個冰糕食落係好香咖啡味，而且兩大磚食落都幾飽，但又食得好開心😂個蘋果批我會形容係一個拆開左ge蘋果批，當咁多個layer一齊食，你會食到第一層ge脆脆係餅皮味，再繼續就食到酸甜ge蘋果肉，加埋一齊就係平時食到ge蘋果批味，雖然冇深究點解要咁設計，但體驗上好得意～而且個蘋果批夠酸好開胃～最後係tiramisu ，其實佢係好食，但因為前兩個太特別令我冇乜特別感覺😂最後想講返食飯當日其實有d事故，雖然影響唔到我地，但因為坐得近門口所以都見到晒發生咩事。當日ge經理同staff真係好專業咁去處理事件同盡量安撫客人，同我地走個陣仲不斷同我地say sorry話可能打攪到我地用餐。其實完全唔關餐廳事但佢地態度真係好好，有機會一定再去食過～ …查看更多

夏日炎炎跟住google map轉左幾個圈先搵到呢個地方，一行入去已經覺得好涼好舒服，雖然舖位唔大，但勝在整體簡單舒服。同朋友兩個人叫左個二人套餐，有兩碗米粉，兩個小食，同兩枝飲品。落完單之後大概5分鐘左右已經即刻有野食，非常有效率！我地揀左雞腎同埋娃娃菜，兩條小食以呢個價錢黎講份量都唔少，而且好好食！飲品方面跟餐有兩樽花旗參蜜，應該係自家製，微甜而且凍冰冰好解渴～至於醉雞翼米粉同大硯米粉兩碗都好好食，有一種好屋企冇乜味精ge感覺，大硯好新鮮，粒粒都漲啵啵，而醉雞翼個酒味都好出。雖然望落去個碗唔大，但因為米粉好幼好軟，其實成碗係好多粉！食完係真係有d飽😂呢度ge野食唔會話令人有好驚艷ge感覺，但就因為佢無乜添加令你真係食得出新鮮食材的味道，出開太子一定會再黎呢度～❤️❤️❤️…查看更多

入到天水圍搵朋友，不約而同想食酸菜魚，之前試過同場另一間酸菜魚，朋友就介紹叫我試下呢間川粵閣。入到去地方都算乾淨明亮，我地點左個大生魚酸菜魚，炒萵笋同牛柏葉。等左一陣萵笋黎先，萵笋基本上點炒都好食😂佢ge萵笋係切一片片，食落好脆好鮮甜，腩肉都整得好入味又唔會膩～而牛柏葉都好有驚喜，本身我唔算特別鍾意食朱柏葉，佢呢度個牛柏葉全部切到細細舊，索晒d汁之餘仲整得好爽口。但我係唔記得影相😂跟住超大碗酸菜魚上菜！一眼望去就係見到熱辣辣同好多魚！本身我唔係好叻𦧲骨，好在揀左呢個生魚係冇乜骨，最多係有一兩條，而且佢真係比好多魚肉，加埋個小辣湯底，又香又麻簡直停唔到口。個酸菜魚仲跟左薯粉響底，唔知有冇得叫佢加底薯粉，覺得唔係好夠食😂總括黎講係超滿意一餐，有機會入大西北一定會再食～…查看更多

西九附近做完野，就去呢間cafe食個lunch～由於去得早加上今日平日，唔需要等位就入得～我地叫左沙律，pizza同千層面。沙律菜同smoke salmon的味平衡得岩岩好，加埋有面包粒，煙肉等等開胃得黎又滿足。作為千層面控的我好鍾意佢個千層面，每層都有勁多肉醬，加埋芝士，邪惡到不得了但又忍唔到口唔食佢。最後個雞肉pizza好薄好多芝士！不過提返要趁熱食先有拉絲的效果，凍左之後覺得略淡口同邊位有d硬。雖然小貴，不過有個無敵海景好似食咩都會好味d咁～下次有機會黎西九都會再食佢～…查看更多

每隔一排就會突然想食韓國嘢，同d fd上網睇左陣，見呢間韓閣咁多好評就決定黎試下～12點半去到餐廳剛剛好仲有位，後面d人已經要排隊。我地三個人坐低之後叫左炸雞，蛋捲，韓式飯卷同水冷面，再加三杯野飲。落左單十分鐘左右就有人同我地講，飯卷整唔切唔可以落單住🥲雖然有少少可惜，當時只係12點半，而佢地係11點半開門，估唔到咁快就咁爆😂不過都欣賞佢地會主動出聲而唔係唔上菜就算～跟住野食就陸續上枱，蛋捲真係驚為天人，我地叫左紫菜肉鬆味，個蛋係整得好滑唔鞋口，蛋ge調味唔重，一夾埋肉鬆同紫菜覺得味道岩岩好！無諗到個蛋捲咁驚喜！甜辣炸雞係新鮮炸起，個皮好鬆脆，裡面唔乾好juicy，就算上枱放左一陣都一路keep住熱辣辣。而且餐廳好細心咁比埋手套你，唔怕整到一手都係醬～最後水冷面都好足料，用冰鎮住上枱，醋同黃色個枝（唔知係咩）醬另上，鍾意落幾多就幾多，配合返唔同人口味。食完3樣野最後原來都夠飽～如果飯卷都黎埋反而可能食唔晒。全部野都好食，尤其是個蛋捲簡直令我想帶個廚返屋企😂唯一要彈就係野飲開頭好淡，淡到覺得自己飲緊疏打水咁⋯⋯後來發覺原來糖漿沉晒底攪唔開⋯⋯有d sad🥲雖然係咁，個飲品完全唔影響我下次會再黎！下次黎一定要試到佢個韓式飯卷同再食個蛋捲…查看更多

之前黎過Bricklane食晚餐，今次就食返個all day breakfast～同朋友兩個女仔叫左個大all day breakfast同一份egg benedict。當時10點幾得2-3台，落order後等左半個鐘左右就有野食。Egg benedict一如既往地好食，個沙律酸酸甜甜好開胃，同個蛋岩岩平衡返個all day breakfast都好食，不過冇乜太大驚喜，唯一係份量真係好好好大😂淨係呢一盤已經可以兩個人食😆…查看更多