kapilho的個人專頁

一行人來到酒店食飯 中位價錢。 以為有酒店嘅水準？唔好期望太高！ 因為服務態度同食物水準都差！！十個人枱，問有無一個籃可以放袋，無喎！ 哈哈 個個都要攬住個袋嚟食自助餐！！來到都唔知個menu 由多個main 轉左得2選一。所謂嘅獎賞美食，好似佢豪比你咁，二選一！佢最後話得飯？ 問佢點解得飯又唔直接回覆！入座前無人話我哋知無麵。酒店就係屈你接受！嘢食對我個人而言不吸引，特別係無雪糕，又無蛋糕，甜品平淡！ 無乜好食 又無唔好食！…查看更多

啲嘢食係好食呀 樣樣嘢都唔錯 不過重點要講既係佢既服務態度。已經係第二次光顧呢一間店 兩次服務態度都好有問題第一次唔小心跌左隻叉落地下，個服務員黑左我面！ 我都覺得唔好意思，不過都唔使立即黑面囉。今次去到重大鑊，五個人去食，全部人都覺得佢服務有問題就唔係我針對佢啦。落大雨，去到得我哋一台客，咁比你做餐廳你都想個客坐得舒服，朋友將個手袋放咗喺隔籬張凳度。個職員定經理定店主行埋嚟叫我朋友唔好放個袋係隔籬枱張凳度，咁朋友就話你有人嚟嗰陣時咁我就擺返過嚟。咁個職員都冇強行要求攞走。之後我哋叫咗餐上菜嘅時候，都唔知點解佢哋好似唔識上菜，咁揸住盆菜喺度又唔係擺上嚟又唔郁，就咁企喺度。正常我哋有五個人你都會擺喺大家嘅中間咁大家都可以一齊享用啊佢就求其擺埋一邊咁我哋都要自己移返去中間度。食咗一半我哋啲嘢都未食完佢就想收我哋啲碟囉。明明仲有兩嚿矮瓜喺個碟上邊就問我哋係咪唔要喎。(矮瓜係一個小食來)重點嚟啦，有新嘅一台客來到。成間餐廳有十幾張枱佢係都要安排個台客人坐喺我個friend擺袋嗰張枱度，要求我朋友攞走物品。真係唔知間餐廳個人係點諗嘢🤨…查看更多

去餐廳食生日飯，預先訂座餐廳要你6點or 8點。星期五6點？有幾多個人放工去到尖沙咀又準時到？ 不過8點食既，食完都9點幾10點返到屋企又太夜！最後我放工到餐廳要6.50先到。到大廈等電梯，好唔方便。未坐低，我遲到 其他人先入座先食！ 我坐那台同旁邊那台都6 個人，我去到都無乜位比我坐，隔離枱食客擺咗啲袋喺櫈上邊完全逼住我。不過完全無侍應生幫手安排。一臉無奈。講到嘢食平平無奇。唔難食，又唔好食？竹筒飯係唯一比較好。問侍應要兩個碗，係旁邊”拿！攞住呀” 千真萬確 真係咁比你。又冷氣機滴水，又趕你快啲食完。 其他食評無講錯。餐廳一片混亂。仲有係我食過，最差既高力豆沙！…查看更多

食左2人餐偏咸… 無餐飲…有收費前菜….服務有待改善 牛扒ok gei個甜品係A1 個啲咁… 如果坐吧枱望住廚師整會好好多 有得欣賞下 整體來講覺得有點偏貴 自己覺得唔係好值 相信我都唔會再去 …查看更多

同朋友慶祝生日，點知服務差到頂住條氣，多謝哂! Reception d 語氣差到一個點，完全無認真聽客人要求同回覆，嘢食味道都算ok,不過食到一肚火就bye bye la. 唔會再去！…查看更多

想同媽咪慶祝生日，佢同爸爸先到餐廳，坐低已經覺得坐得好唔舒服，張枱唔高唔低，張櫈勁阻住人岀入，去廁所返來坐低已經撞到幾次！講到食物，成個餐牌都好多龍蝦嘅嘢，龍蝦湯啲味好苦，媽咪食左龍蝦伊麵啲龍蝦都覺得好”鞋”！上菜嘅時候個侍應踩到我哋其中一個人隻腳，差啲仆親！完全坐得好唔舒服，嘢食又覺得唔得，好希望…查看更多

買左外賣返屋企食，之前食過幾好食架。今次勁失望，連最普通嘅三文魚都好唔新鮮。唔會再去。真心唔明點解會同之前差左咁多。買左$400 外賣，食左幾舊都唔想食埋佢，唔會再去…查看更多

來到一間這間店攞了位，到入座後上甜品，很快，不過食物質素差，服務差。本身都放棄左係open rice 寫食評，不過今次真係好難忍！ 好明白，你要做生意，你不如只做外賣唔好做堂食，五個人坐低食完都唔夠15分鐘，就不停咁想收你枱面既嘢，你問左一次兩次，未食完你仲要問收唔收得，你開乜鬼堂食，咁鐘意趕客只做外賣。我都明想做多幾枱客，不過你個啲普通雪糕啫哩賣$40。我都係想找個地方坐下，傾下計，下次都唔會再幫親。你都唔志在啦。…查看更多

昨天去了這間店，一試就回味到在泰國食的船河!佢4-9pm 有個$18餐個米粉細細碗，真係好香濃既湯，味道真係同我係泰國食既差不多。加多$8 有一樣椰汁冰，都算係咁上下啦。兩個人叫左四碗粉，三個小食。小食我就唔係太鍾意，都炸得好香脆，不過個醬同我想像中好唔同所以我唔係好鍾意。昨天其實就唔係太多人，不過有一些內地客走來走去，又要熱水，又叫廚房食物整快D。真係好影響到其他食客。總結，我一定會再去這間泰，因為個米粉真係太吸引。…查看更多

在APM睇戲前已經決定食金記，去到餐廳門口都有幾多人等位。不過人流都去得好快，地方環境不錯。晚餐都有好多選擇，不過可以太夜，已經有幾個餐都售罄。最後要了海陸三併鐵板餐。有三種扒，雞扒肉質很好，豬扒跟牛扒都有點太乾。醬汁叫了紅酒燒汁，味道很好。滿意!…查看更多

剛剛食完這一家店就要寫這個食評，整體上正常過關。去到餐廳時見到餐廳得三張普通方枱，已經都有人坐左，只好坐近門口吧枱。叫了一個紅燒三星幼麵，糖心蛋，魯肉飯，炸甜不辣，一罐仙草蜜（有很多台灣罐裝飲料）。個魯肉飯對我來說味道不夠吸引，三星麵(牛筋、牛腩、牛肚) 三樣都幾好味，個湯都好味，個麵底就太軟。甜不辣份量正常，價錢太貴了($48)。我想說的重點來了，吧枱坐得好辛苦，無地方放東西，我要放個袋係大腿上。店鋪衛生不太滿意。…查看更多

星期六都唔想係屋企食，上次去過這個新商場有幾間新食店已經想一試。來到商場，行左幾間食店，最後選擇左拉麵。入去之前都望左OpenRice 一眼，有個評，本身想轉身走人，朋友就話試下啦，睇下係咪咁差。坐考慮食豬骨湯定龍蝦湯，最後我同朋友都叫了海蝦特製龍蝦濃湯拉麵。我要了辛辣！另外叫了一個煮豬軟骨。拉麵🍜立即係面前整，見到湯同麵係分開煮，海蝦先煎過再精美放到拉麵上。外觀不錯！味道評價了，朋友就話好味道，我就覺得還不錯啦。蝦🦐也挺善味，記憶好似有5隻，數量都叫多。個湯朋友飲過話好味道，我飲左一口就覺得太濃了，無飲到。最後可能太辣，個職員見到我岀灑汗話下次可以小辣。 有一樣嘢想提議下就係個拉麵有半隻蛋，我地見到佢切定左放係枱上面等拉麵整好放上面，好似唔係好衛生，可以改進下！食左$196，整體不錯啦！…查看更多

其實每次來到紅磡都會想到紅磡冰室食嘢(晚餐又好，下午茶亦好)。今日又到紅磡了，又去多次，今日食下午茶。食過好多茶記，這間永遠有保證。叫左豬扒撈公仔麵同瑞士雞翼撈公仔麵。味道很好呀。個餐係有個煎蛋加蒜茸包，蒜茸包好味道。我覺得茶餐廳飲品係好重要，這間既奶茶或者檸茶都沖得好好飲。整體來說餐廳很好。…查看更多

來到鑽石山睇戲，還有小小時間才開場，想去食杯朱古力雪糕，因為有promotion有七折。 來到見到前面有四個人，等下啦！ 等左三分鐘，前面有對情侶唔見左，以為快左，點知前面既人好似拖左好耐都無離開既跡象。再等多五分鐘，都係無移動過。唔知係收錢問題，定個客太煩。最後望到人地手中杯雪糕，咁細杯既！覺得個優惠似有還無。最後決定唔食！ 之後覺得前面走左對情侶一定係等得唔耐煩走左。其實買杯雪糕都咁耐既？又真係唔知乜原因！…查看更多

昨晚去左北角，之後行左兩間冰室比較下邊間吸引。今次就試下富華，因為見到紅磡冰室好少人，想睇下富華係咪好食D。唔使等，座位還舒服的。其實一早就已經想好食那個SET DINNER。 西蘭花帶子蝦仁 & 咕嚕班腩 (同樣見到紅磡冰室有咕嚕魚塊，不過班腩吸引D)兩個菜來到的睇頭係有點失望，朋友覺得賣相不及紅磡冰室(因為隻碟太普通，未夠精美)。不過我還覺得味道不錯呀，西蘭花帶子蝦仁的碟中有一隻蝦爪仔(感覺很新鮮的蝦一樣)，的確蝦仁口感爽脆，帶子份量比較少，我只吃了一口西蘭花就不知道新鮮否。咕嚕班腩，甜酸味道很好，是我喜歡的。朋友喜歡多汁的餸，他覺得餸汁太少。飲品因為沒有忌廉特飲所以轉了凍奶茶，凍檸檬茶。還好啦!兩個人$172…查看更多