Mandy Ng 241的個人專頁

今日難得同朋友行開尖沙咀之後食飯，搵到一間入邊裝修好有韓國當地餐車feel嘅餐廳🥩 **懷舊烤五花肉** 五花肉在烤盘上烙出微微焦香，油脂隨高溫融化，形成薄脆焦邊。無需醃製的原肉風味，佐以青陽辣椒與生蒜片提鮮，蘸上韓式大醬更顯醇厚。推薦以新鮮生菜包裹，夾入泡菜一齊食🍢 **街頭魚糕串串** 昆布湯頭輕盈卻不失深度，白蘿蔔吸滿湯汁而且軟腍。魚糕質地彈潤如現打年糕，單食已滿口鮮香，若輕刷特調甜辣醬則層次倍增。🥊 **拳頭飯** 溫熱米飯拌入麻油與醬油海苔，徒手捏握成飽滿飯糰。芝麻碎增添香味，若佐以泡菜同醬汁，配烤肉一齊更好食。### 🦪 **海鮮煎餅《韓國水產》** 麵糊輕薄酥脆，內裡藏滿肥碩蠔仔與彈牙魷魚。薯仔絲蔥絲巧妙增加鬆軟質地，邊緣煎至金黃。🍹 **熱情果梳打** 微微酸甜，微甜氣泡輕盈洗去烤肉重味，堪稱韓料餐桌上最靈動的句點。…查看更多

同肥仔係大美督睇完日落食完西北風之後，就決定係附近搵餐廳食晚餐，係老遠就見有間餐廳好光猛，一定入去試吓😋餐廳有內外兩區，內部有唔少台灣城市嘅相片，加上接近新年，佈置相當有氣氛。說好不哭套餐（青花椒香麻辣乾拌麵配手撕雞，小滷肉飯、麻辣湯高麗菜豬肉水餃、麻辣鴨血、台灣腸、特厚芋泥鮮奶）-$148估唔到份量會咁多，除左兩個主食之外，仲有三份小食，乾拌麵有滿滿雞絲而特厚芋泥鮮奶，杯邊掛滿芋泥，飲落甜而不膩滿漢三寶牛肉麵-$98相當有驚喜，首先湯底非常出色，濃濃飲得出藥材同牛肉嘅味道👅仲帶小小辣味，另外牛腱心、牛筋同牛肚都燉到十分軟腍，麵質彈牙，食完成個人暖笠笠小食拼盤-$198一共有8款小食，其中我覺得最好食嘅係三角雞軟骨，即雞嘅心口骨，其次就係甜不辣脆口就嚟甜甜地又煙韌，係炸豬排有少少乾入面的職員亦都好健談，會同你推薦餐廳入面嘅菜式，肥妹仔都係聽佢建議叫菜咋😚…查看更多

新港城近排開咗唔少新嘅餐廳，其中有一間拉麵舖一到食飯時間就會排晒長龍，睇嚟應該都幾有吸引性我哋夜晚八點落去排隊大約排咗三四個字就入得啦，餐廳以開放式廚房為設計，所以內裏坐位唔算好多，但係可以俾我哋大約睇到製作過程海老濃湯叉燒拉麵$59湯底有濃郁嘅蝦味，而且係用呢個日本嘅幼身拉麵，所以好容易掛到啲湯上去，另外配料都非常充足，重點係可以免費續面一次唔夠飽都可以食到飽海老豚肉燒賣$19用一個小木籠承載，每粒都結實飽滿，而且食落去係滿滿嘅豬肉口感，味道道唔錯胡麻櫻心蝦秋葵$19清爽嘅秋葵，加上胡麻醬同埋有少少脆口感嘅櫻花蝦口感特別…查看更多

突然想起返夜之前食餐豐富嘅午餐，打邊爐係一個唔錯嘅選擇，近近地就揀左位於馬鞍山新港城五期嘅 牛摩食餐勁嘅由於到午餐時間，餐廳入面已經接近爆滿，好彩我地去到都仲有少量座位😄今次我地無揀到無題套餐，而係揀午市火鍋定量套餐當中最豐富嘅 極盛和牛雜感套餐$488(日本和牛🐂、SRF美國和牛🐮、美國牛小排🥩、黑毛豬🐖同海鲜拼盤🦞）雖然套裝入面嘅肉品都係定量，但係其他蔬菜🥬麵類、丸類都係任食，仲有沙律🥗、小食、甜品同飲品都係自由拎取打邊爐當然湯底係最重要啦，清淡嘅揀咗蟲草花雞白湯，而濃郁嘅揀咗港式特濃沙爹湯，個人比較鍾意沙爹湯，沙爹味相當出色，淥過嘅粉麵完全吸收晒湯汁，配上和牛片同豬肉片，就自製出高質沙爹牛麵…查看更多

香港人開始流行素食文化，朋友就突然心血來潮想試埋一份，佢今日放工就捉埋我一齊去試，而餐廳我地近近地揀左係啟德Airside入面嘅Treehouse，貪佢收工返屋企順路😂😂餐廳以外國快餐店型式運作同裝修，有一種輕鬆自在嘅感覺，而且佢地嘅餐牌有晒唔同嘅圖示話俾食客知有無含有致敏源同埋適合哪類人士食用Pine-Regular Sourdough 🧄🫛🌮$78酸種捲餅-純素拉布尼乳酪、中東薩德香料、番茄片、新鮮青瓜、混合橄欖、薄荷葉墊盤紙有介紹如何食用，捲餅皮少少煙韌，配略帶濕潤嘅內餡，加上爽脆口感嘅青瓜🥒同蕃茄片🍅，幾種口感中帶微酸味覺👅Treehouse Platter-Grilled Tempeh🧄🫛🥗$148特餐-酸種捲餅，烤天貝，炸鷹嘴豆波波，烤香蒜鷹嘴豆蓉，茄子沾醬，香烤甜椒，醃什錦疏菜，什錦沙律菜，中東芝麻醬配搭好豐富，捲餅配上豆蓉、沾醬同其他配料食落帶微微辣味，而炸鷹嘴豆波波外脆內軟，整體口感上有糊口嘅豆蓉，爽脆沙律菜，煙韌嘅捲餅，口感層次分明同豐富Tea-Ginger Lemongrass Iced🫚🥤$45有機茶-香茅薑飲落清新解膩，味道清甜，最正係條飲管係用竹枝裝而唔係用紙👍👍👍餐廳行環保主義，大部分廚餘都会回收再製成花肥種植植物，所以設有回收桶分類回收…查看更多

今日爸爸生日🎂我地一家決定請佢食餐豐富嘅中式晚餐慶祝今期酒樓做緊三寶優惠，濃湯花膠雞煲翅4兩、燻香樟茶鴨（半隻）同埋新鮮菠蘿拔絲咕嚕肉都有優惠價錢，爸爸生日當然要食豪啲啦👍👍👍濃湯花膠雞煲翅4兩$468湯底非常濃厚，用料足，魚翅食得出一梳梳嘅口感，湯底充滿骨膠原好滑口，雞嘅味道大部分落左湯底到，但肉質保持軟腍新鮮菠蘿拔絲咕嚕肉$88完全做到拔絲效果，脆漿薄薄一層，咕嚕肉雖然俾糖汁包住，但食落都有脆口感覺，爸爸仲大讚👍👴🏻酸辣湯麵$88唔同於我記憶中嘅煮法，第一次食依種煮法，口感較為清爽，較為偏辣，肉碎增加口感同味道…查看更多

今日去鑽石山龍蟠苑探姑媽，佢就帶我去左對面鳳德邨搵野食，姑媽介紹左佢果邊一間抵食越南野，雖然屈左入內街，但係正馬會隔離，所以好易搵我地叫左兩份餐加小食拼盤，飽到捧住個肚走😂一人湯粉餐牛坑腩片金邊粉（轉茄湯）+酸辣鳳爪（半份）蕃茄湯底非常濃郁，每一啖牛坑腩片同金邊粉都掛滿湯汁，加上九層塔🌿洋蔥🧅等配料，味道有唔到層次，另外牛坑腩好軟腍，配塔無骨爽口嘅酸辣雞腳唔錯唔錯一人撈檬餐香茅牛肉撈檬+扎肉蒸粉包（2件）檬粉大大兜，鋪滿青瓜絲🥒蘿蔔絲，而牛肉片都有唔少，加埋檬粉汁一齊撈埋，味道惹味，而肉片爽滑，只係檬粉汁唔夠辣🫣而蒸粉包一啖食落口，所有食材係口入面，口感好豐富😂小食拼盤估唔到咁大份，我估應該係四人份😂😂有春卷、炸蝦餅、香茅豬扒同香茅雞翼，春卷香脆，而蝦餅、豬扒同雞翼保持軟腍，少少肉汁椰汁紅豆冰椰汁三色冰兩杯飲品椰汁味重，唔好太甜，消膩解渴…查看更多

係太子睇完裝修野都已經六點幾七點，就決定係附近搵野食，見到依家餐廳出面排緊隊就心思思等埋一份，不過都左差唔多半個鐘，可能係食飯時間啦泰北咖喱麵$98之前都未試過，今次就試下佢，一嚟到俾佢嚇一嚇（咁高嘅😂），隔離枱食客見到都即刻問咩嚟😆粗麵先油炸，一半吸收住濃香微辣嘅咖哩湯，另一半保持脆口，而湯中仲有一隻軟腍嘅大雞髀，脆淋口感各半幾得意跟餐加$38仲有沙爹雞串或豬串選擇，我地就揀左各一，一次過食晒😁泰式炒金邊粉$88大大碟炒得幾乾身，味道唔錯酸酸甜甜咁，而且仲有好多配料👍跟餐加$28有兩塊酥炸蝦餅，咬落彈牙泰北辣肉碎生菜包$88肉碎同洋蔥🧅辣椒🌶️等配料一齊炒，香而且惹味，只係少得有啲乾得滯，如果有返少少肉汁或者水份，口感會更好龍眼冰（跟餐）清甜潤喉，解渴一流凍青檸梳打（跟餐）清新舒爽又可以去除膩口感覺…查看更多

難得今日肥妹仔同屋企人食生日飯，想搵間好食啲嘅中餐廳慶祝一下🎂個位置唔近地鐵站，不過空間都大，坐得幾舒服。窩燒鮑魚雞粒炒飯 $168窩燒香氣配合埋個炒飯，仲要熱辣辣咁上枱，真係好吸引，而且份量都算多，食落完全唔咸，仲有幾粒大大粒鮑魚添🥰鮮菠蘿咕嚕肉 $138咕嚕肉酸甜味道岩岩好，咕嚕肉嘅外皮亦都冇好厚嘅粉漿包住，炸得岩岩好，唔會話過左火魚香茄子煲 $98肉末與辛香料炒香，搭配鹹香嘅魚香茄子，辣辣地咸咸地用嚟送飯一流🤤…查看更多

今日難得肥妹仔晏就去中環見客，見完客之後就緊係同同事食餐好嘅慰勞吓自己🤣🤣🤣我地嚟到蘇豪區一間食西班牙fusion 菜食個tea set 🍽️一開始當然有沙律同蘑菇湯頭盤作為頭盤啦然後一大盆西班牙特色Fusion菜，當中有El Cerdo傳統薯仔奄列、炸黑毛豬火腿球、脆皮豬腩肉配蜂蜜蛋黃悔、迷你臘肉腸鵪鶉蛋漢堡、鮮炸魷魚配蒜蓉檸檬蛋黃醬，每一樣都有特色而當日甜品係杏仁酥配肉桂條，一脆一軟兩種口感都有飲品我就揀左西班牙特色飲品Sangria,又紅酒再配搭果汁🍹大家仲可以揀無酒精版…查看更多

自助餐都食過唔少，但可以打邊爐嘅自助餐呢就真係少食，位於沙田河畔嘅麗豪酒店就有一個以澳門葡式風格嘅自助餐啦熟食、冷盤、海鮮、甜品、飲品樣樣有，仲以澳門街道名嚟做分區，鍾意食乜就拎乜，而我覺得最特別嘅就係可以打邊爐，首先揀選湯底，然後再拎唔同配料，之後加埋自助餐入面嘅食品，自己配搭出鍾意嘅料理另外，有一個甜品不得不提，就係火炎雪糕蛋糕🍰，因為係限時限量，所以職員會預先用手鈴🔔提醒食客，然後會熄左大部分嘅燈，俾食客欣賞火炎燃燒嘅過程，跟住就平均分配俾各位食客值得一提，職員服務態度非常好…查看更多

收工之後繼續係港島區搵野食，今日收到風係銅鑼灣有間唔錯嘅Cafe，咁當然搵埋朋友一齊去試啦，Cafe位於宇宙商業大廈，有一個對住維多利亞港嘅無敵大海景，早午晚景色都好正😊，餐廳設計比較簡潔，令人可以集中係食物同景色到炸軟殼蟹咖喱蛋包意大利飯🦀🍛$158原隻軟殼蟹企定定係蛋包飯上面☝️ 軟殼蟹炸到外脆內軟，滑溜嘅蛋皮鋪起白飯配埋日式咖喱味道唔錯照燒日本魷魚野菌七味忌廉汁意大利粉🍝🦑$138原隻爽口魷魚切段，野菌七味忌廉汁帶有微微辣味，加上軟硬適中嘅意粉慢煮雞肉芝麻醬沙律🥗$88食啲沙律開胃先，將雞肉整到一絲絲，撈埋芝麻醬、海苔同蔬菜，食落好清新同清爽香草芝麻蜜糖燒雞翼$62每一隻都好飽滿，熱辣辣咁上枱跟餐$48自選飲品加精選甜品繽紛樂榛子朱古力🍫🍹濃濃朱古力，加上厚厚嘅Cream🍦仲有繽紛樂食添🤣伯爵茶蛋糕🍰口感滑溜，每咬都有陣陣茶味…查看更多

今日難得去左荃灣睇家俬，行行下發現左間都幾多人等外賣嘅小店，間餐廳入面唔算好多位，相對有少少逼，不過野食就真心唔錯😎自選四拼台灣麵 （牛筋，金錢肚，豬大腸，蘿蔔） $57台灣麵好彈牙，份量都算多，啲餸滷得好入味，而且牛筋好腍，而金錢肚同大腸都保持爽口，不過湯底就濃味左少少😅台式酥炸豬扒撈麵 $ 56豬扒炸得非常酥脆，而肉質保持軟嫩，仲有少少肉汁，乾撈麵彈牙，驚乾得滯另外有一細碗湯汁提供添滷水豆腐$30豆腐滑捋捋，滷得幾入味，用筷子夾起都唔會散…查看更多

係九龍灣食飯唔一定要大型商場搵野食嘅，行遠少少都有唔少高質餐廳，就好似係得寶大廈入面嘅依間九町屋咁啦，餐廳以日式居酒屋🏮設計，充滿和風格調，食物款式就以拉麵同日式便當為主牛肉壽喜鍋⁃轉烏冬壽喜鍋上菜時已經烹調好，片片牛肉份量唔少，仲有唔少配菜：金針菇、冬菇、娃娃菜，加埋一齊感覺好豐盛，係熱辣辣啲時候撈埋雞蛋，增加滑溜口感，而濃郁湯底配埋彈牙烏冬都好正日式和風豚肉煎飯-咖喱汁將白飯煎成一個飯餅，然後鋪上調左味嘅豬肉片，就咁食都已經好夠味，再加上日式咖哩，味道又多一種層次芥末脆魚柳(配wasabi汁)外層粉漿炸到脆卜卜，裏面魚柳保持軟嫩，如果wasabi汁辣少少會更惹味日東草莓抹茶奶茶🍓🥛🍵大大杯，飲落似草莓牛奶再加啲抹茶味，又有少少飲緊奶昔嘅感覺，口感好滑溜百香果檸檬綠（凍）一樣大大杯，飲落比較清新，炎炎夏日消暑解渴一流…查看更多

係中環區返工之後，成日係到搵唔同嘅餐廳食飯，今晚就係蘇豪區到搵到依間叫好易食（Holy Eats)嘅餐廳，餐廳以酒巴扒房為主，滿佈香港紋身鋪嘅風格，霓虹燈、塗鴉同紋身圖樣相當吸睛👀Mushroom Croquettes🍄用蘑菇碎加上黑蒜整成一團，再拎去炸，外脆內軟濕潤，加上醬汁同帕馬森芝士令味道多一種層次Prawn Taco 2pcs🦐每件都有兩飯蝦，蝦肉爽口彈牙，味道香濃而不膩，加少少青檸汁口感更清爽Ox Tongue Macaroni🐮👅🍅將牛舌切粒粒，加上蕃茄碎同帕馬森芝士碎🧀️配上通粉，口感非常豐富Roasted Chicken🔥🍗表面睇落有啲乾，但係食落都有唔少肉汁，肉質嫩滑，而底下仲有爽口蘑菇碎增添濕潤口感Honeysuckle-Tropical Vodka Crush😻 芒果🥭同椰子🥥配Vodka，酒味唔重，而味道較甜又夠氣，較適合唔多飲酒嘅朋友Yakult Martini琴酒味較重，飲落口先有益力多嘅甜味，然後酒味慢慢滲出嚟，味道比較強…查看更多