mikiyuenck的個人專頁

因為聽到人哋話呢一間抵食又好食所以嚟試 朋友就叫牛 我就叫咗意粉 由於想食海鮮意粉不過冇海鮮意粉剩係得卡邦尼帶子意粉 $88都試吓啦 雖然呢度出名唔係食意粉 不過嚟到嘅時候只係得兩粒細帶子..... $88只係得兩粒細帶子加意粉 仲要+1喎唔好忘記🙁 味道亦都鹹咗啲 都係冇下次啦😅而且通風不足夠地方又細 個個都食牛 然後係咁炸煙 煙燻眼情況都比較嚴重 因為左右前後都會係咁煙燻 全場煙霧彌漫咁🫠不過朋友就話啲牛幾好食 建議如果可以搬大啲或者 啲枱太迫啦 如果可以分開少少就好啲 同埋多幾粒帶子啦！ 😅…查看更多

真心話 呢度嘅嘢食係都唔錯嘅 不過份量就好少 女仔嚟講一個烏冬都唔夠飽 上次叫咗個活蜆烏冬 但係得六隻左右 .........但係味道就OK嘅 價錢同份量未計就真係好貴 最大嘅問題係+1收費 但係水都冇杯 見過有小朋友嚟食 想要杯水都係冇 職員話只可以自己叫嘢飲 但係啲嘢飲都唔係平 所以變相唔抵食 問佢攞水係唔俾嘅～ 如果要食類似嘅烏冬旺角都有另一間可以選擇 一定要嚟呢度 所以我最大嘅問題係佢+1收費但係冇+1嘅服務 😅以後唔去了😅 …查看更多

真心唔明白點解呢度咁多好評，但我個人覺得真係唔得 👎🏻到底呢度啲人係咪買好評？ 首先今日同朋友慶祝生日 網上OpenRice預付咗訂位 訂咗5:30pm 未食過呢一間就諗住試吓啦 入到去帶我哋去一個好窄嘅位置有兩張凳嘅的位 附近嘅卡位全部空嘅 然後我要求話希望可以調去卡位 跟住佢就話full晒 但係我食到七點都仍然仲有好多吉位 .......呢樣野已經令我好不滿 想放下手袋想放埋個袋都冇位 預付有discount係咪就有呢啲待遇？ 嗰啲職員第一時間check都冇check就同我講話full晒Booking多 如果係咁嘅話點解七點幾仲有咁多位。我都係食到7:30啫～ 之後開始食嘢啦 發覺其實同牛大人嘅感覺差唔多 有理由相信係牛大人嘅老闆開嘅 真心好少嘢食 而且食物質素唔太得 個芝士蛋唔知想點 唔似芝士又唔似蛋 跟住個腦剩係得一邊會有力 所以我哋燒嘢都只係能夠集中一邊用 我想搵一樣嘢係好食嘅 但係搵唔到 連d牛都好韌 一係就好肥 一放落去燒就散晒 我朋友係好鍾意食牛嘅 都成盤倒咗....... 🫨啲蝦燒完之後個殼係黐實咗嗰啲蝦肉.... 搣到我10隻手指都污糟晒 都食唔到啲蝦肉 而餐廳沒有提供濕紙巾......飲品嘅款式亦都唔多，order嘅檸檬茶個味道亦都好奇怪，唔好飲.. 個蜆係好鹹嘅d湯.... 魷魚亦都冇經過醃製 乾嘅..... 我都唔知可以點樣講..... 所以我唔係好明白呢度咁多人嘅好評係點樣嚟...可能係食過一啲比呢一間更好嘅 所以覺得呢一間真係不外如是... 滿心期待的慶祝生日晚餐 最後係失望而會，真係對我朋友唔好意思......而離開嘅時候 其實一啲都未飽 再出去食過！…查看更多

上一次到旺角瓊華店食完之後，其實我都去咗兩次尖沙咀店食，兩次都係叫返酸菜白肉，如果湯底都係有蝦米嘅。想證明返其實呢個湯底真係每一次都有蝦米，瓊華店嘅員工根本都唔清楚呢個湯底，同埋係湯底比較求其，真係好想嗰位員工可以睇到呢個post，同埋可以話返比嗰位員工聽其實呢個湯底係真係有蝦米的。 今次要讚嘅係尖沙咀嘅員工，本身一坐低我哋就話揀最平嗰個餐（我不吃牛的，只是我朋友吃），但係之後可能佢哋員工入錯咗，開咗一個貴啲嘅牛俾我哋揀，而我哋又唔知道嗰個牛原來係貴啲嘅餐，所以叫咗一碟個隻牛肉，結果買單嘅時候，發現價錢唔係我哋所揀嘅，所以之後就同返職員講，而最後經過佢哋一番討論後決定俾我哋去返原本我哋所揀嘅套餐價錢。我覺得佢哋處理呢件事做得好好，事實係我哋真係話要最平嗰個餐，但係佢又開放貴嘅牛肉俾我哋選擇（但前提係我哋唔知嗰隻牛肉原來係貴啲嘅，亦都冇標示）但始終我哋都有叫咗嗰隻牛肉，所以其實我心裏面都覺得可能我哋要俾返貴啲嘅價錢，但係最後佢可能理解到成件事有人入錯或者點樣，俾我哋用返最平嗰個餐，真係10分感謝！其實真係只係少少錢，唔係話幾多，就算係要比都冇問題，但係處理手法就好好，令到顧客都好安心同開心，所以很推薦尖沙咀這一間分店。❤️…查看更多

第一： 今晚叫咗一個酸菜白肉嘅湯底，其實已經算係呢一間嘅忠實fans，食過好多次呢個湯底 佢每一間都會有蝦米底 而今日去旺角瓊華中心呢一間呢個湯底 只得幾塊唔酸嘅酸菜同白肉然後我問個職員 佢話呢個湯底係冇蝦米 但係我大大話話都食過10次以上 每次都係叫呢個湯底 每次都有蝦米 然後見到隔籬枱都係叫咗呢個湯底 配料同我個煲係完全唔同！ 將我個都係冇配料！ 只係得幾塊酸菜同埋一兩塊白肉 冇咗蝦米其實個湯底咁咪唔夠出 其實呢一間打邊爐就係標榜個湯底好味 但係結果係無料嘅 ～ 第二：蝦是梅的，因此都唔敢食啦 第三：冷氣好凍要求轉位 但當時只係5:45pm全個場都冇乜人 但就話其他位唔可以轉第四：最後食雪糕 第一杯拎過嚟嘅朱古力雪糕 全杯都係溶的狀態 然後同職員講 叫佢換過杯 結果拎個第二杯嚟 個樣睇落都係曾經溶過然後雪返硬 最後都係冇食唔敢食 因為溶過的雪糕會有細菌！第五： 呢一間應該係食過咁多間比較少食材選擇同埋環境最細嘅地方 嘢飲選擇亦都係極少 只係得一個屋企雪櫃嘅size嘅選擇 仲要有一半係冷泡茶 建議大家如果要食呢一間可以去旺角荷里活商嗰邊嗰間 多啲食材選擇 和多啲嘢飲選擇 不過呢一間火鍋感覺越做越冇之前咁好 初初新開嘅時候係覺得真係好好食湯底係好好味 但我今日食過之後真係覺得同百幾蚊任食嘅貨色差唔多⋯⋯建議你哋搞清楚個湯底究竟係點樣先 同埋點解同一樣叫相同嘅湯底但係會唔同材料😅 雪糕方面亦都係嚇親我！ 以為最後食返個雪糕叫做開心返 點知一開一挖真係嚇親！冇下次 ！…查看更多

不是煩忙的時間到此買外賣 ！結果等了25 分鐘 ！叫佢取消張單 又話就得就得 ！結果最後要我極吹先有外賣 ！用左25分鐘 ！仲有另一個人客叫外賣 都仲未有 門口有人等位 一位 完全冇人理 但員工不停比兩位人客入 但一位就唔比入！咩道理！員工全部匿埋晒入面 唔想行出嚟招呼客人 唔想理客人 ！呢間野唔會再食第二次 ！外賣仲衰 ！出面又多車多小巴又多熱氣 ！極度差!!!!!!!!!!!!!!!!!!!!!!!!!!!!!!…查看更多