CwingWing8225的個人專頁

諗住同幾位朋友聚會，知道呢間有菇食即刻係wechat訂位訂位係同一位叫ceci既店長聯絡，訂左位，佢問我會唔會係生日聚會之類？可以提供驚喜，竟然係有呢啲服務，但因為係普通聚會所以就冇用到呢個服務去到餐廳好快就有位，係用QRcode落單既，但係因為佢地個wifi太多人用所以塞哂車，店長即刻俾佢自己部電話我地落單，好彩我地最後都load到個落單畫面我地叫左中國名菌、文昌雞半隻、菜籃、響鈴湯底叫左土雞菇湯底湯底黎到時侍應幫我地落菇，完全唔使郁手之後因為果日七夕，所以送左碗糖水！都幾好食既啲菇類同湯底好好食，冇係出面食過，好特別既味道其他野就一般啦，同埋菜單選擇比較少，都係啲大路野為主三個人埋單1000蚊左右，都食得我地飽既，性價比都唔錯，又坐得舒服，下次都會再黎食👍🏻👍🏻…查看更多

呢間出名平價西餐，之前已經食過幾次都ok呢次放假諗住去食晏，一入到餐廳，見冇咩人，都問左啲侍應（有兩個女人）先話兩個人，點知冇人應，跟住我再大聲啲問係咪自己搵位坐，跟住水吧果個呀姐摺左聲，？？？跟住坐左入去，諗住叫野食，另外個呀姐好唔耐煩咁，諗多個5秒都掉轉頭想走去pack外賣已經咁少人仲要咁既態度，真係唔憂做講下野食番茄湯：得個酸字，完全冇番茄味龍蝦湯：冇咩特別，冇乜龍蝦味牛肋條意粉：好快上左菜，啲意粉同餸分開上既，即係唔係一齊煮既意少粉凍既，好鬆散，冇任何味道牛肋條果兜都係凍既慢煮雞胸南瓜意大利飯：呢個就即煮既，南瓜汁係哂呢飯度啲雞胸都唔鞋入口口感不錯仲有菇同南瓜塊份量都好多係想像到既味道總結：大埔仲有好多野食，唔使食呢間啦祝佢生意興隆啦…查看更多

呢間野岩岩試業既時候有黎食過，果時係幾好食的，佢有得簡麵質軟硬，湯底濃淡，叉燒好食不過塊紫菜就因為插左入碗湯度所以好林…第二次黎食係因為佢加入vip有半價，冇第一次咁好食，但係都係過得去既今次黎食，碗麵真係搞唔掂，首先係轉左QR code落單，麵質冇得簡，湯頭一樣有得簡濃淡，但係碗麵既湯黎到係好淡，啲湯好少，麵質勁林成pat屎咁唯一就係個叉燒都仲係幾好食跟住就係同事個紅酒牛尾飯，等左好耐催左幾次單先黎，個賣相仲要不敢恭維…唔明點解啲汁可以咁稀，味道就一般啦，我自己整得好食過佢好多…仲有，既然整左部咁靚既電視，可唔可以download返條片黎插instead of播youtube，插youtube都整返個premium啦……查看更多

呢間野都算我同屋企人既食堂，平日晏晝都係好多人，唔知點解今日冇咩人，當時大約兩成入坐率，出面冇人等緊我屋企人未到，就想入去坐住等，跟住有個後生女侍應話「假期有限時」，咁我就問下屋企人幾時到啦，跟住有個中年女侍應就話「人齊先入得」呢兩個人講野都係冇尾音我上次去尖沙咀同類鋪頭都俾我等（間鋪都係冇咩人）你間鋪都冇咩人，我入黎叫埋屋企人個餐先唔得咩？唔怪得之個個都返大陸消費啦直到我食完先坐多左少少人真係幾好食都假啦 咁既服務態度…查看更多

優點：1. 坐得舒服2. 服務員反應快3. 上菜快4. 啲野食係熱既5. 餐廳內有廁所（貌似乾淨嘅）6. 份量都幾多，肉醬意粉啲肉都好多缺點：1. 貴，同埋好貴2. 叫做套餐竟然淨係得主菜冇前菜野飲送3. 啲肉醬意粉醬咁似我係一田買既日式意粉醬既？4. 其實和牛漢堡同牛油果唔係好夾5. 薯條好林…冇味，連鹽味都冇本身想食埋蛋糕，不過見佢個蛋糕櫃得3件蛋就冇食好彩冇食，我唔想食到啲熟悉既味道總結：不過不失，唔會再食，除非又轉手啦…查看更多

去開呢頭做野，做晏左，見呢間餐廳book 到位就去試下諗住都係聖誕節menu架啦，但係因為有朋友食過話ok所以先簡佢不過估唔到連聖誕大餐都冇pizza食同埋冇火雞食結果我哋係聖誕menu裡面單點左兩樣主菜第一樣係「原隻」燒春雞，298蚊加一，都成3舊水，睇圖隻雞都估滿成隻碟，而且雞應該唔會衰得去邊，點知黎到係咁既樣，隻上髀係邊？ 成隻雞髀仲短過最長果隻手指，唯一可取既就係薯蓉，但係都係因為落左好多牛油所以好食，同埋都係好細pat，重點係呢碟野要300幾蚊……第二樣係冬蔭功海鮮長通粉，228加一，呢碟就有返啲誠意，材料豐富，但係好咸，份量好少，平時薩利亞食果啲份量既8成左右啦，隻蝦係莓既，唔夠新鮮總結：我地係因為聖誕menu冇pizza先散叫，真係好彩係散叫。仲有明明都係QR code落單而且又唔使佢過嚟斟水點解仲要收加一。真係唔怪得啲人會係其他國家消費。…查看更多

見咁多人食，晏晝黎食下，我係堂食既落單果時好多人，心諗都要等3、4個字啦，叫左個蛋包飯，佢話多人要等4個字到，咁好啦我等點知等左45分鐘以上都未有，原來佢整緊我之後果啲單（？）我張飛30號，佢整左35號俾外賣等緊果啲人先（？？？）我問佢我個飯幾時有，佢本身整緊外賣單，我催佢先整俾我因為好多人話呢間好食，所以我都好期待啦，個飯個樣都似模似樣點知一插支匙羹落去，炒蛋面+白飯底，咖哩倒左係旁邊，以為有啲咩工藝要整咁耐tim🙏🏻同埋啲豬扒個樣係炸左一段時間，有啲黑仲有既係，我坐出面堂食，後面垃圾桶黎，成日有人掉垃圾，想食呢度既話建議拎走🙂‍↕️…查看更多

夏天book左呢度搞午間婚禮，朋友就諗住同我過黎睇下場先🤣我本身就黎過一次既，果次淨係飲左啤酒🤣今次黎就試下cocktail同小食啦環境好chill，梳化好大張，海景好正，唔知到時日頭會點🤣廁所都好靚朋友唔飲酒，就叫左blush tea，佢話唔錯我叫果杯係pisco sour，飲落去好重蜜糖味，好易入口，好正👍🏻果兩樣小食有驚喜👍🏻估唔到Spicy tuna，吞拿魚他他+正方形脆米餅，好食呀👍🏻而且一舊細細地，容易放入口👍🏻估唔到都幾飽🤣之後見到有幾枱都有叫呢個🤣就知佢幾好食🤣跟住叫左個薯條，都係飲酒配搭啦，個蛋黃沙律醬好味👍🏻88蚊一大兜，即炸既👍🏻…查看更多

夜麻麻想食蠔 見呢間有得book就去咗本身都冇咩期望既 諗住正正常常食一餐就算入到去 張枱就窄左少少 而且唔穩陣（見到隔離枱都係咁） 呢樣係有啲減分既 介意張枱會郁既就唔好去啦講返叫左啲咩先 見10蚊一隻生蠔 好抵 咁就叫左12隻 （兩個人） 加一個沙律一個意大利飯講真一隻10蚊既生蠔 我對佢都冇乜期望 純粹想過下口癮 點知上到黎又好似樣幾好咁 大大隻 食落都新鮮 但係同行友人就話有啲惺 我就唔覺既跟住上左個沙律 我叫左吞拿魚凱薩沙律 138蚊 諗住都應該細碟啦 點知上到黎超級大碟 仲好多料 有好多墨西哥脆片同乾果 好正好飽之後果個黑松露意大利飯就一般啦唔太突出 不過都係好多菇好正wo再叫多杯白酒 埋單都唔使500蚊 呢間真心俾到驚喜我 會再黎試埋其他沙律…查看更多

是日同友人黎食晏，諗住呢度咁多好評實冇死啦叫左啖啖蟹肉蟹子飯同埋章魚燒意粉，仲加左杯中西合璧咖啡首先講下個飯，一食落去麻醬味好重，跟住就係辣味，但係兩種味夾唔到，好似係分開，跟住蟹肉冇乜味，啲飯後勁係勁漏，唔係想再食既感覺跟住講下個意粉，一食落去似大阪燒，係重口味版，章魚係多既，但係真係好重味，搞到章魚冇乜味，個意粉完全同章魚唔夾最後係杯中西合璧，又未去到反胃，總之唔會係享受既味道成件事夾埋一齊係好奇怪，但係我地都食哂既，做人要有衣食架嘛…查看更多

是日星期日夜晚，諗住出返去市區先食飯，但係同行友人又話係西貢食埋先走。行左好多間友人簡左洪記，跟住我睇openrice見到洪記咁多負評，都抱住試伏心態去食。友人叫左優惠二人餐，餐牌上寫488簡4個餸：龍蝦伊麵、豉油炒蝦、蒜蓉粉絲扇貝同埋加左100蚊既沙巴龍躉，仲送青菜。等既時間係比較耐既，預左，亦都唔心急，因為間餐廳都差唔多滿座，都有心理準備。大約等左20-30分鐘，個龍蝦伊麵就上咗啦。龍蝦幾大舊，新鮮彈牙，好入味，可惜麵底比較散，好難夾，不過總體係好食。豉油炒蝦幾香，但係啲蝦唔係好新鮮，有隻仲係霉，一般般啦沙巴龍躉，入口係鮮既，都多肉食，但係可能蒸得比較耐有啲鞋口。扇貝比較細隻，但係鮮味十足總共俾左678蚊，價錢同質素都成正比例，如有下次都會再食…查看更多

是日黎左the one 搵食，見到呢間好多好評就試下，星期一既lunch time黎到，冇乜人，成間餐廳得5成人左右，坐位亦都好闊落呢度卷物好多款，好多特色野，套餐都好多選擇，有熱食有壽司，五花八門三個人一人點一個卷物盛，套餐飲品有檸茶/檸水同咖啡簡，如有茶飲就更好啦，因為食完卷物都幾滯下！等左一陣就試菜啦，感覺很豐富，乜都有，壽司飯較硬，我中意，但同行友人唔中意硬，就話麻麻啦最推介係金龍卷，蝦好新鮮，配三文魚好食。友人覺得有芝士果個卷太漏，可能各人口味不同，我又幾中意…查看更多

咁多人話唔好食既？我自己次次經過三餐四季都乜人，反而隔離就好多人等啦，晚市都輕易入到去前身係舊式茶餐廳，即係好似隔離發記果種六七十年代feel咁，而家裝修左，變咗鵝黃色，開頭以為係新派餐廳點知又唔完全係餐廳有全日西式既早餐，叫做幾驚喜，因為我都好中意食大雜燴，但係夜晚肚餓都想有啖飯落肚，所以叫左套飯：一個餸加一個飯加熱飲我八點左右坐低，五個餐已經賣淨兩個，試唔到我最想食既炒豆角，只好食豆腐牛腩。上菜速度快，味道方面都幾好味，餸好多，煎豆腐夠林，牛腩唔會難咬，都幾唔錯。對面朋友叫左菜心炒牛肉，菜心新鮮，牛肉都係唔會難咬而且夠新鮮。合格有餘喎一個餐先62蚊，我覺得都可以架啦…查看更多

是日3x度，晏晝想食炸雞，係石門附近一定係食gg雞啦，有好多好多款炸雞，唔食炸雞又有其他野簡，例如卡巴同刈包咁…買左雪山芝士同埋柚蜜檸檬炸雞，買完唔知邊度食，諗諗吓不如上山先食12點20分打電話落單，話我一點三嚟攞，13去到啱啱整好，入晒盒Pat好晒俾我，個蓋開咗少少窿散氣，香氣撲鼻行左兩個零鐘上到昂坪，開完個營，打開盒雞，嘩香到，食落去仲係脆，隔離啲人都望住，問我係邊度買，上到山都有咁既質素我滿足了…查看更多

是日打完波去左附近食，朋友話附近有一間好食又抵食既越南野😋岩哂我😋地址係沙田圍站附近，好方便，不過我覺得餐廳唔算係當眼位置，都係要搵。而家仲有30蚊抗疫麵！加埋熱飲都係38！份量同餐牌其他麵一樣，不過當然其他啲餸會大份啲啦，但係都夠食的😋我叫左撈檬，酸菜同青瓜超級多，岩哂我呢個青瓜狂😂金邊粉有剪過，好易夾👍🏻魚露比較酸，唔小心落太多會太酸🤣餸方面唔係想像中咁好食，有啲解凍唔夠野飲有咸柑桔水，酸酸甜甜好正…查看更多