Mr Hangry的個人專頁

悠閒既星期日，Ms. Hangry 差不多一點半先起身，Mr. Hangry 就搵左間Cafe食個Tea Hea 1 Hea 。係油麻地站A出口行3分鐘就到喇，十分方便。我叫左個滋味小食拼盤，而Ms. Hangry 就叫左個水牛芝士班尼迪蛋拼盤，味道不錯。仲叫左兩杯特飲：Orel脆脆特濃朱古力 同埋 榛子特濃朱古力哩家cafe 最好就係可以由2:30 坐到6:00 都可以。鋪面設計簡約，夜晚黎食既話都應該會幾有情調。大家假日如果無野做又唔想出街逼，都可以黎坐下嫁。…查看更多

打工仔星期五邊會有心機做野，最好就係去搵好野食。朋友介紹搵到哩間隱世既Cafe，真係幾難搵既。如果唔太熟路既朋友，可以由APM行去港貿中心，落電梯之後轉左，再轉入橫街就見到了。如果揸車，可以泊係 年運工業大廈， 不過就得好少車位。今次我地一行10人，叫左兩個4人餐。有得揀 龍蝦湯， 鮮蠔湯。 我自己就揀左鮮蠔湯。湯底好鮮甜，仲有隻蠔係碗湯入面，絕對係足料，太好飲到唔記得影相。 龍蝦湯就有隻小龍蝦，朋友話唔會濃到咸。跟住就入正題了，大！生！蠔！今次有老闆請客，於是我地叫多左生蠔，實係要食窮老闆。叫左2打，我自己一下子就食左足足四左隻！！之後仲有餐包，配橄欖油同義大利黑醋。第一次食，幾有新意。主菜黎喇！！必食斧頭扒、6成熟羊架、仲有德國雜腸配沙律！仲要有紫薯蓉！有個同事仲要一個人食曬兩條斧頭扒條骨，食到津津有味！最後，有同事唔食牛，所以加左2份 豬肉眼扒，成寸厚！我自己覺得仲好食過斧頭扒，好爽彈牙！最後，仲有每人一件Cheese Cake。我就打包左俾我個餵食女朋友，氹下個傻b開心喇😘附上卡片一張，記得夜晚去想食4人餐，一定要book枱前講定先呀！…查看更多