Eva CYM的個人專頁

試過好多間都冇呢間咁好食！好正，各位食家一定要嚟試下！野又好食，老闆又nice，手切牛肉靚䳘腸必食，鮮炸腐皮卷好正、地方都算舒適好似係屋企食飯咁！正！嚟到呢到必定要食牛肉，䳘腸，粉皮，咸旦魚皮精選，我從來唔食都食唔停口，如果食埋個䳘煲之後一定要叫個公仔麵，真係正到冇得頂！炸魚皮頭好彈牙，仲有掌翼好夠味，刺身好新鮮好吃😋嚟深水埗一定要嚟試下！舖頭分上下2層，樓上樓底矮少少不過都好舒適！價錢合理，物有所值！…查看更多

不知所謂！個個咁嘅唔知店長定經理(矮，瘦),服務態度差到呢，我想叫隻牛肉船試下，佢一句就話唔好叫吖你食唔到咖，叫手切啦，我再叫d乜佢都話唔好，又話難食個d，我叫刺食d剌身又唔凍嘅！d餃類大粒到粉果咁，食一粒仲食得落其他野嘅！九唔搭八，我訂枱講明要望靚景色，個晚成個場數埋得個四五張枱有客坐，個場咁大，8成吉枱，佢比張角落頭我坐仲要有柱阻住啲景色，問佢可唔可以換位，佢就話，成個場最靚咖位比你坐咗啦！明明隔離嗰度就大把枱冇客嘅，開揚冇遮冇擋咖！我張單宵夜時段都要8千幾蚊吖，使唔使受你d咁嘅氣吖，忍到埋單，問下有冇邊張信用卡做優惠咋，仲要比佢一句頂埋嚟，你已經宵夜時段啦仲想要優惠！冇病吖，我張單8千幾蚊都食得起吖，問下都唔得吖，不倒翁老闆們你地眼光咁獨特吖，請d咁嘅人打理間舖！咁怪得舖位咁靚都冇客唔爆場啦！…查看更多

食物都還算合格，由其係泡菜芝士炒飯好好吃個，但泡菜餅又唔香趣，粉多到死，又漏單，明明爐邊蛋可以加嘅，叫服務員加又淨係加蛋唔加泡菜，問個服預員唔係加嘛泡菜咖咩，佢個態度直情唔想做仲話你要加嘅要岀聲講名加泡菜加蛋！呢個咩原理嚟咖？服務員上前菜又倒瀉晒係張枱到都唔知，同佢講仲要問返我乜係佢整咖咩？員工態度真係令我感到一定唔再去食，香港咁多韓燒，呢間真係跌晒眼鏡😭！但有樣可以稱讚嘅係坐位都算闊落人多都唔使迫到死！…查看更多