Mei Time的個人專頁

餐廳內外都放滿聖誕裝飾，充滿聖誕氣氛，剛好今日溫度唔太凍，餐廳安排坐外面都唔覺凍，亦坐得舒服 。食左個好豐盛2人 Dinner Set😆是日餐湯今日嘅是日餐湯係南瓜湯，味道香甜，口感順滑。牛油餐包餐包分別有麥包，法式麵包同埋蒜蓉法包，有著唔同口感，麥包比較厚實，蒜蓉法包較脆口。白酒忌廉煮青口青口新鮮，吸收左白酒同忌廉汁，味道鮮甜，白酒忌廉汁仲有海鮮味，味道亦唔錯。挪威三文魚扒焗蟹肉三文魚中間讓入咗蟹肉，當食三文魚既時間夾埋蟹肉，除左口感特出之後，味道上都加左一層層次，除左三文魚嘅魚香，仲夾雜蟹肉既甜味。蟹肉海鮮龍蝦汁蟹籽天使麵天使麵麵質嫩滑，同鮮龍蝦汁蟹籽，再加上蟹肉，味道甜甜地，口感時軟時脆，仲食到一絲絲既蟹肉，值得推薦。仲可以升級其他特色飲品餐牌：環境：…查看更多

餐廳座落於觀塘海濱公園既大橋底，有遮蔭之餘又可以睇到海濱公園嘅風景，亦坐得好舒服，仲係pet friendly, 可以帶寵物黎一齊食飯。Brunch煙三文魚賓尼迪配牛油果，薯餅好豐富呀，煙三文魚味道剛好不會太鹹，牛油果不會太熟口感不錯，賓尼蛋口質唔錯，咬開時蛋汁流晒出黎，薯餅亦炸得好香脆，整體味道十分配合。大啡菇，薯餅配車打芝士，牛油果更天然嘅all day breakfast,大啡蘑上放車打芝士調味，配埋沙津菜，牛油果，滋味之餘又健康，分量亦剛好，食完唔會太飽。Sunshine Punch(Blood Orange Puree, Pineapple Juice, Lime Juice, Grenadine Syrup)多款果汁混合，味道互相衝擊，味道偏甜。Daily Fruit Tea 茶底偏濃，熱情果香慢慢散發出黎，味道亦帶有小小果香。…查看更多

餐廳放咗唔同嘅古玩，充滿懷舊氣息，係小聚嘅好地方。南瓜蟹肉燴飯好Juice 每啖飯都充滿南瓜甜味，再加上蟹肉碎，增添口感同蟹甜。檸檬牛油蟹肉長通粉通粉又淋又入味，黏起長通粉上面嘅醬汁，有陣陣嘅檸檬香同牛油果味。白酒忌廉藍青口配法包青口新鮮，入口冇腥味，夾埋法包一齊食，軟硬兼施，味道唔錯。Peach1664 Cocktail甜得來帶有啤酒味，容易入口。Dirty香濃嘅咖啡味，放喺度嘅時間越長，飲嘅味道都會唔一樣，好特別嘅飲品。…查看更多

Susan雞翼雞全翼，表面香脆，內裹肉質嫩滑，一咬就離骨，上碟嘅時候已經聞到好香。Susan豬手飯豬手已經離左骨，食落外皮軟滑肉質嫩，陣陣豬香撲鼻。白飯可轉油飯，配豬手都係絕配。火焰醬香椰子雞窩(半隻）跟油飯火焰醬香椰子雞窩上菜時會係鍋上加上茅台，再點火，店員比一個漏斗計時，5分鐘左右就可以食得。湯底香甜，仲帶有少少茅台酒香，好好飲，椰子煮到好淋，雞肉亦好嫩，推薦既一道菜。凍椰奶椰奶可以選擇少甜，椰奶的奶味會比較突出。熱蜂蜜桔仔水冬天乾燥，飲番杯蜂蜜桔仔水養住個喉嚨，甜甜地帶少少桔味，易入口之餘又養生。環境：…查看更多

餐廳既設計由老板同廚師精心策劃，根據每個廚師嘅喜好係廚師嘅崗位放置唔同主題既裝飾，可見一番心思，老板同員工都好細心，上碟嘅時候會講解每道菜，有時更會同客人傾計，成個環境覺得好親切，充滿人情味。食物上亦有好多選擇，例如鐵板燒，刺身等等......鱈魚乾，螢光魷魚乾鱈魚乾香脆可口，螢光魷魚乾口感比鱈魚乾厚實小小，點埋伴碟既醬汁，味道更有層次。茶碗蒸蒸蛋口感軟滑，味道偏甜，材料簡單，亦整得好好味。銀鱈魚，廣島蠔銀鱈魚既魚皮同肉分開，煎到脆口上碟，口感好似薯片咁，當中仲有少少魚油滲出黎。廣島蠔煎到脆身，內部軟身，口感好正！虎蝦大大隻虎蝦，燒到剛剛好，色香味都有，頭部仲有好多蝦膏可以食。美國安格斯厚燒廚師厚燒安格斯至五成熟，可以見到肉汁鎖晒係牛扒入面，食落好juicy,配菜既芽菜亦吸收晒牛扒肉汁，非常惹味。美國牛板腱牛板腱肉質更嫩，廚師燒到3成熟就上碟，口感好嫩，調味剛剛好，令我食唔停口。牛筋炒飯用燒牛扒多左出黎既部份整成，炒飯充滿牛香，炒飯粒粒分明，係套餐其一個亮點。昆布湯昆布味十足，咸咸地，聞到好香。綠茶蕨餅煙韌唔黏口，蕨餅沾滿綠茶超級highball威士忌溝啤酒，啤酒味好出，中間夾雜住威士忌，感覺特別。薑梳打highball梳打水令威士忌味道更突出，薑味令酒味溫和，更易入口。內在環境：門面：…查看更多

餐廳裝潢簡潔，菜式好多元化，中西餐都有得揀。想食 •柚子雞（定食）配飯，小食麻辣雲耳，蓮藕柚子雞肉嫩多汁，再加上柚子既味道，甜甜地，撈埋飯一齊食，好味又滿足。配菜既雲耳以麻辣調味，酸酸嘅辣辣地幾開胃。加拿大無激素豬腰柳 （140z)配沙律及薯條外表睇以為over cook, 原來豬腰柳煮得剛剛好，口質嫩，刀一切就入，無咩調味更突顯豬肉味。法式香草玫瑰紅茶店員送到枱上的時候，已經聞到好香，紅茶香濃好飲，可以紓解油膩，同放鬆心情。餐牌：…查看更多

2 Soon Cafe係太子酒吧街，店面圓拱形設計外觀獨特，日頭係Cafe休閒chill 下，夜晚搖身一變，變咗Bar & Restaurant更有吧台調製唔同嘅Cocktail 同 Mocktail。DINNER SET(兩位用)頭盤伊比利亞火腿忌廉薯餅忌廉薯餅外皮香脆，內軟滑香濃，上面放上細細片伊比利亞火腿調味，咸咸地，味道上更有層次。西班牙青椒仔感受唔到苦澀味，青椒仔表面加咗鹽，味道雖然偏咸，配合青椒既口感，整體唔錯。煙三文魚蕃茄牛油果沙律煙三文魚下放滿小蕃茄再由牛油果蓉盛起，外表好似一朵盛開既花，睇得出廚師既用心。蒜片欖油大蝦大蝦肉質彈牙新鮮，配上蒜片同大蝦味道好夾，值得推介。意粉明太子忌廉煙肉菠菜大蝦扁意粉意粉上放滿大蝦，意粉表面充滿明太子忌廉汁，意粉口感彈牙可口，明太子忌廉汁令意粉更加香滑，非常好食。主菜慢煮焦糖豬腩配香烤飯團炸蓮藕片豬腩脂肪比較多，經過慢煮之後，除左肉嫩之外，亦非常入味，豬肉配搭焦糖味道好夾。甜品自家製西班牙油炸鬼香脆油炸鬼沾上雲呢拿雪糕和朱古力醬，口感香脆可口，味道非常香甜，一道十分推薦既甜品。紅酒/清酒配水果酒水果酒可以選擇用紅酒底或者清酒底，清酒底酒味較特出，紅酒令水果味更濃烈，各有特色。餐牌：…查看更多

黎到和藏，我地點左Omakase, 所有菜式都由廚師發板，由廚師會安排一系列既食物，每次都會好期待的每款菜式的來臨。七味魚翅乾魚翅帶黎獨特口感，口感爽脆，咬落就散開。魚翅加左少許七味粉，甜甜地辣辣地。炸白蝦細細隻白蝦炸完之後加上紫菜碎，調味同口感都非常正。[刺身三點]牡丹蝦，池魚，吞拿魚刺身每款都好新鮮，牡丹蝦大隻鮮甜，吞拿魚肉同脂肪比例均勻，睇落有小小似和牛入口即溶。池魚口感彈牙可口。[炸物]炸流心芝士豚腩片豚肉片包住芝士再炸，中間流心，豚片嫩滑，外皮香脆，有三重既口感。燒鰻魚鰻魚燒得肉質爽脆香嫩，甜味適中，亦聞到到碳燒既香味。 豚肉串豚肉剛好一肥一瘦，層次分明，黑椒調味調得剛好，入口滿口肉汁。鹽燒牛小排牛小排燒到剛剛熟，用鹽作調味，口感嫩。燒舞菇食完3串肉汁滿滿既串燒之後，食返舞菇吸吸油膩嘅感覺，感覺係配合菜式嘅順序去用心安排。[飯/麵]牛肉壽喜燒鍋壽喜鍋會配上生雞蛋同新鮮牛肉，仲有鍋入面有好多蔬菜，吸晒壽喜燒汁好好食。柚子雪吧食完比較味濃既食物之後，廚師會送上柚子雪吧，你會感覺到清新既感覺，因為柚子既味道與之前既菜式有強烈對比。內在環境：餐牌：…查看更多

餐廳好貼心，會有埋圍裙提供，唔洗怕會整污糟件靚衫。店員服務周到，留意住石燒鍋的情況，主動換紙同加燃料。澳洲M9和牛肩胛小排肩胛肉嫩多汁，燒好後口感軟滑，油脂非常豐富。鹽蔥薄切牛舌牛舌薄切，燒好後有爽脆感，質素唔錯。生菜蒜片當燒好肉之後，夾埋做菜肉包一齊食，口感爽脆又有肉感。日式海鮮煎餅煎餅入面夾住唔同既海鮮，煎得香脆可口，有啲似日本大阪燒。湯烏冬，味素飯湯烏冬同味素飯，加上熱辣辣的燒肉，非常滿足。芝士奶蓋四季春芝士香甜細滑，四季春甘醇順口，兩種味道配合起黎，好好飲。牛匠彩虹水果茶超多唔同種類水果整成既水果茶，飲落夾雜着唔同嘅水果味，味道香甜。…查看更多

餐廳位於太子大南街，以壽喜燒套餐為主打，高質壽喜燒湯底同服務給我留下了深刻的印象，所以再返黎品嚐。我點了日本A5等級的黑毛和牛（西冷），搭配野菜拼盤，並追加美國極黑豚肉。黑毛和牛質量上乘，美國極黑豚肉鮮嫩多汁，野菜拼盤新鮮多樣。店員的服務態度很好，開鍋時好熟練，仲會詳細講解，當我有需要的時候，店員都好及時在旁邊幫助我。日式飲品的都有好多選擇，我揀左日本製的Sangaria烏龍茶和玄米茶，茶味濃郁。…查看更多

餐廳對住觀塘海濱公園，設有室外同室內位，邊食邊可以欣賞觀塘海濱既風景，裝修充滿日式居酒屋風格，有置身日本嘅感覺。海葡萄沙律沙津菜加上細細粒夾口既海葡萄口感特別，醬汁味道酸酸地，作為前菜幾開胃。壽司拼盤（7件）拼盤有星鰻，三文魚，吞拿魚，左口魚邊等等既壽司，每一款都好好味，上面既魚生亦好新鮮。加洲卷加洲裹面包住玉子，蟹柳同牛油果，表面放滿粒粒蟹子，每件夾住細細粒牛油果，食落唔會感覺到好滯。牛肉烏冬烏冬上碟時，牛肉係半熟既狀態，用烏冬湯底嘅餘溫整熟，肉嫩可口，烏冬麵質彈牙。牛舌串原切牛舌，咬感十足，牛舌調味調得好。雞腎串雞腎燒得好脆好爽口，七味粉調味剛剛好，辣辣地，好惹味。秋葵串秋葵燒到外面小小脆，細細條，咬落口感唔會覺得好滑潺潺，感覺唔錯。餐牌：…查看更多

觀塘樓上鋪餐廳，餐廳有2位貓貓小店員，多比同阿里，只有like 餐廳既社交平台專頁就可以同佢地玩，餐廳仲有board game 可以邊玩邊食。黄姜雞扒椰菜花飯配太陽蛋餐廳菜單上有低碳低糖既餐可以選擇，黄姜雞扒配椰菜花飯亦係餐廳熱門既配搭，黃姜雞扒皮脆肉嫩多汁，椰菜花飯整得好好味，入面有秋葵片增加口感，整體味道好又健康。意式蕃茄牛肋條意粉牛肋條調味整得好入味，肉質超淋，意粉亦好入味，食落充滿蒜味，口感彈牙，推薦之一朱古力牛角酥窩夫牛角酥窩夫好脆，食出多層口感，窩夫芯包住朱古力，味道好夾，好好食，上面放左cream, 撈埋一齊又係另一種滋味。抹茶鮮奶鮮奶味較重，抹茶雖然較淡，但反而同鮮奶味好夾，味道唔錯，邊飲邊睇貓貓都唔錯。蘋果醋梳打其中一款生酮飲品，蘋果醋再加梳打水，酸酸甜甜，好好飲。餐牌：內在環境：…查看更多

餐廳空間寬闊舒服，仲有兒童遊玩區，小朋友都有玩具玩。食材新鮮，款式多選擇，非常推薦過黎食火鍋。菜膽鮮魚濃湯店鋪限定每日只整兩窩既菜膽鮮魚濃湯，湯底鮮甜好飲，入面既星蔥豆腐亦好好味，當湯滾既時候就飲，之後就可以打邊爐啦。海鮮盛盒(2位用）所有海鮮都新鮮製成，廚師亦會把貝類海鮮做離殼處理，非常細心，蜆處理得好，沒有沙同時好新鮮，一煮熟就開口。鮮蝦水餃皇 (粒）水餃王皮薄多料，入面包滿鮮蝦和雲耳絲，煮熟後晶凝通透，口感爽脆，味道十分好。霜降肥牛肉霜降肥牛肉脂肪比例分明，熟左肉質又嫩又滑，口感非常正。手打四寶丸蝦丸，墨魚丸，豬肉丸，牛丸就係四寶丸，海鮮類既丸新鮮無霉味，肉丸煮好後亦唔韌好彈牙。大大杯咸檸七同洛神花茶份量多，打完邊爐剛剛好飲晒。咸檸上枱前已經搞好晒，加入七喜就可以飲得。清熱消暑洛神花茶亦係即整，酸甜度剛好。餐牌：…查看更多

餐廳位置太子集團中心既20樓和天台，面向維港，風景一流，內部環境亦唔錯，仲有Bar 台位可以睇住調酒師調製飲品，其他坐位間距合適，感覺舒服放鬆。天台有露營帳篷，好有feel, 唔洗怕落雨同曬，又唔影響維港景觀👍KABOOM Sharing PlatterKABOOM 嘅小食拼盤，種類非常豐富，有豬肉串、單骨雞翅、泰式魚餅、春卷同蝦球，旁邊放有三款醬汁（泰式辣醬，黑松露醬，芝士醬），每款小食各有特色，春卷皮薄料多，炸雞翅皮脆肉嫩，豬肉串多汁好味，推薦之一。 Thai Mixed Fruits Salad with Iberico Ham廚師悉心將時令水果整成球狀，加入西班牙伊比利亞火腿同沙律菜，配上泰式醋汁，甜甜酸酸，非常開胃。Oven Baked Sambal Stingray第一次食魔鬼魚，驚喜滿滿，魔鬼魚肉表面用香料醃過，香味同味道都好夾，最特別係肉質厚實，又可以一咬就散開，真係好好食，係味道同口感既享受。Grilled Prime Rib Eye Steak (10oz)肉眼扒叫左五成熟，上菜時剛好五成熟，仲可以見到少少血汁滲出來。肉質嫩滑，口感一流，如果覺得口味單一時，可以點旁邊嘅泰式辣椒醬，小小辣味調味。餐廳有好多Cocktails可以選擇，除左classic cocktails之後，仲可以以你當時既感覺感受去揀一款，例如我今次點既Tonight Is Gonna Be A Good Night! 同 No More OT Please!每一杯cocktail 都係調酒師親自操刀，每款都有獨特嘅外觀，可以打卡之餘，味道亦唔錯。…查看更多

挪威三文魚扒檸檬牛油汁配炸椰菜花（生酮）最近開始嘗試生酮飲食，而吃扒就有生酮餐可以選擇。三文魚只係用左牛油同檸檬汁調味，已經非常好食，再配埋椰菜花，相當令人飽腹。熱熔芝士紐西蘭牛柳配薯菜 (10oz)熱熔芝士汁係吃扒嘅特色醬汁，所有扒餐都可以加錢加配，而牛柳配芝士汁好夾，五成熟牛柳又淋又易入口，熱熔芝士包住每舊牛柳，咸咸地，好好食。可加$轉為套餐 包括 湯，一杯飲品每個餐都可以+$20轉為套餐，而套餐包括一碗中式/西式湯，及一杯飲品，特飲要另加錢。+25就可以轉成升級套餐，除左套餐已經有的食物同飲品外，再加餐包同甜品餐牌：內在環境：…查看更多