falaja的個人專頁

新年放假，行去附近樂富試吓都算新開嘅茶餐廳，開咗都未嚟過，裝修都企理，望落感覺吾錯。坐低點咗午餐肉醬意粉同熱央。個意粉一般正常水準，吾係特別好食，只係吾難食。重點係個熱央吾掂，無茶味，又無啡味😭 跟餐，佢又送一個中湯，呢個湯OK。有樣野好得意，因為同人撘枱，侍應入埋同一張單，我哋示意分返開，之後佢話分吾到。。。都吾緊要，但要我哋兩位比現金，我都唔明點解分唔到單。不過呢啲係小事，我只係覺得少少奇怪啫 。啲嘢食嫲嫲先係最緊要😭…查看更多

距離公司近，行5分鐘就到，所以平日的午餐和同事常常叫這間的外賣，半肥瘦叉燒好味，燒鵝唔係淨係俾啲骨，正常肉嘅份量，good!可惜在OpenRice嗌呢度嘅外賣，就不能叫汽水，只能自己落去買，才能選擇汽水，這樣令我覺得有少少美中不足，當然OpenRice買就會平啲。呢樣嘢就要自己取捨嘞嘞！…查看更多

又係要負責搵朋友聚餐嘅地方，打開OpenRice, 就咁啱見到呢間，又即管試吓。佢哋嘅黑色燒鵝（黑松露玻璃燒鵝）真係好特別，同埋好食。其他有小炒皇，炒麵，叉燒，炸豆腐，鮑魚啫啫鷄，密汁燒鱔都好味架。不過今次食唔到焗魚腸，下一次一定會試。…查看更多

加班後諗住食燒鵝飯，點知叫肥叉燒鵝飯，嚟左乾柴廋叉同無肉燒鵝乾白飯，又無汁，又純乾瘦叉燒，叫服務員問，佢竟然問返我轉頭，問係咪想轉要肥叉，落單嗰陣時同埋張單都明明寫住肥叉仲要加$4，點解你問返我轉頭？😅柴到差D咬吾開🥲燒鵝仲少肉過燒鴨（不過佢哋冇燒鴨），呢幾十蚊真係白俾。同台同事食嘅蝦仁炒蛋叉燒飯，片叉燒仲濕潤過我個碟，雖然佢冇叫肥叉😳究竟而家喺香港食嘢，係咪質素差係永恆？成日話啲人上大陸食嘢唔留香港消費，問吓自己食物質素點樣先啦。…查看更多

在尖沙咀搵好味日本菜，都有D頭痕。朋友後來搵到呢間，即管試吓，在街上望上個招牌，真係都有D日本feel,尤其無得去咁耐😅上到餐廳，D座位排放得吾會密麻麻，空間感好好，又吾太嘈，環境都有D似去咗日本。食物方面，我哋點左最貴嗰隻牛，真係幾好食，不過我哋點左龍蝦湯底，單飲係好香濃，但原來配肥牛有少少怪，下次要揀另一款湯底。最喜出望外竟然係串燒，可能冇比較冇傷害，以前喺香港食親啲串燒都係靭嘅，但佢呢啲吾靭，今次仲order左2轉牛小腸同豬大腸，好香好好味添。呢間會再嚟幫襯😀…查看更多

因為在公司附近，我又鐘意食酸辣米線，所以都幫襯過五、六次。但五、六次之中有三次是執錯和漏餸是什麼玩法？佢哋已經吾係出野出得快，我和同事等左15分鐘以上。最後返到公司一打開個蓋，兩碗原本有肉米線變咗素食米線，得豆腐卜同金菇，打電話比佢地，只係好平淡話下次退返錢，下次？咁我今次食風😅撇除服務，酸辣米線個味係正常嘅。:(…查看更多

平日午餐與2位同事，疫情關係要分隔開坐同一張枱。兩位同事order左青口，我order左魚，個魚同薯蓉都好好味，個餐湯係菜湯，非常濃郁。唯獨杯咖啡真係麻麻。對我而言如果咖啡呢一拍能夠有改善就太好了。…查看更多

與一位朋友聚餐，共二人，D卡位非常寬鬆，坐得幾舒服。我第一次去，吾知關唔關疫情事，吾係太多人，但見入嚟D客都好似係常客咁款😁服務非常好（只有用餐期間有一個服務員添水時態度突然令我有點不悅）其他都非常非常滿意！魚生新鮮好味（利申：我吾係專家，只是平民一個），主角燒肉大部分更入口即溶。拍得住去日本食嗰D😆當然價錢亦吾會平，飲咗3杯啤酒，一個燒肉set（包少少魚生，同豚肉），一份壽司（大概係咁），食咗$1200. 算係咁，最緊要D牛肉真係好食😋 …查看更多

朋友住將軍澳，經常邀請我們去將軍澳食呢間越南餐廳，話要打邊爐。大家都不為意一直拖咗好耐最後才成事。但我哋唔係食越南菜，係打邊爐，個火鍋一嚟到，真係嚇一嚇，係驚喜嗰種嚇😁😁個火鍋擺設好特別，上面圍住晒全部係肥牛，其實未食，睇個樣都覺得啲肥牛好新鮮，果然同出邊嗰啲冇得比，個湯底夠辣又濃味，真係好正。其實其他火鍋配料都好味，不過自己最鍾意食肥牛所以極力推薦肥牛。利申，呢次評價之前我已經去過4次，老闆娘又好好人，成日走出黎同我哋傾偈又推介食物，可能因為地點問題，我去過4次夜晚都唔算多人。但係食物同服務質素都一流，如果你住附近真係不妨去試一下，呢個肥牛火鍋真係冇得頂👍🏻…查看更多

自從轉咗工之後，就冇食過呢間以前同事間最鍾意嘅所謂飯堂，以前真係一個禮拜食三日，雖然係我臨離職前佢嘅食物質素已經差咗，今日去開附近，諗住懷緬一下佢嘅食物，我行入去完全冇人招呼 ，要自己擔凳坐 ，然後聽到我叫落單 ，就皺晒眉叫我等陣 ，因為工作人員自己食緊野 ，之後又等咗起碼四個字先開始煮 ，完全當我冇到！今時今日疫情底下，我諗大家都想保住份工或者保住自己嘅生意，唔知佢個心態係乜？以後都唔會再去食啦，拜拜嘞！👋🏼…查看更多

我午餐後同幾位同事去咗呢度買咖啡，沒有食飯。咖啡都幾好飲，不過貴左D，成$40一杯細杯嘅。我哋講笑話一個月只可以飲一次😆 不過佢地餐廳地方都幾大，如果坐低食，應該都舒服！…查看更多

食麻辣火鍋最重要係乜嘢？梗係食肥牛啦，呢間麻辣火鍋啲肥牛，上枱時還結冰，不能逐片逐片放落煲，我叫嘅係拼盤，最大塊嘅同最細快嘅，錄完之後非常韌，中間size嘅就吾錯。因為我唔知最大塊同最細快嘅係咩部位，所以唔識話你哋知。我叫嘅係三百幾蚊嗰個牛肉set。我覺得最好食嘅係「牛脷酥蝦滑」，麻辣牛丸一啲都唔辣，竹蔗茅跟水都幾好飲。不過肥牛係我嘅重點真係失望，而且所有食物偏貴，兩個人每人食咗$400！我應該唔會主動再去下一次！…查看更多

樂富廣場裝修完後，喺同一個位置有返間pokka Cafe（裝修之前好似叫另一個名）（唔通我記錯？）anyway, 我最鍾意飲佢哋杯咖啡，其他食物呀，服務態度呀不嬲都稱不上滿意！尤其以前嗰間，服務態度真係不好。今次呢間入到去可能新裝修完，個經理（唔係以前嗰個）非常好招呼好熱情地介紹啲蛋糕俾我聽。嗰日我係想食蛋糕，但係因為我想食嗰隻味道冇晒所以食咗第二啲嘢。我朋友叫咗個湯麵，我試過一啖味道都可以嘅。其實食物水準其實算合格嘅。不過唔突出啫！…查看更多

呢間喺我公司附近，所以每星期總有一餐嚟食。佢喺家庭式，所以D餐牌上嘅野如有少許要求更改，老闆都會整比我地。當然可能因為我哋係熟客啦，不過熟客都要喺出面等好耐位架，一視同仁！我自己覺得食物質素係好嘅，但未到識飛天但會每星期都轉餐牌，令人繼續返嚟食咁就夠啦！…查看更多

與同事一起去吃午餐，今次不用排很久的隊，等了大約15分鐘，入去食咗一個肉餅蛋飯，雖然份量很少，但味道好好。我們其他同事還叫了肉骨茶小籠包、魚餅、咖央多士等等都好好味。唯獨覺得原味肉骨茶不太夠味，我地覺得呢味餸失色左少少。凍咖啡好甜麻麻哋，薏米水同事話幾好飲。…查看更多