高路文的個人專頁

之前已經幫襯過好幾次，不過晚市就第一次試。去到第一時間點隻招牌鹹肉糭先，食落依然係咁足料，咁好味，可能因為太餓，竟然唔記得影相😅跟住叫咗兩個小菜，魚香茄子同菠蘿咕嚕肉，好壞參半🤔魚香茄子真心麻麻，唔夠香之餘，更得好小肉碎，冇下次😭好彩仲有菠蘿咕嚕肉，真係做到外脆內軟，咬落多肉汁，而汁嘅酸度適中，十分好‘餸飯’。😃值得一提係每次幫襯，餐廳總會俾我環境舒服同好衞生嘅感覺👏🏻👏🏻…查看更多

第一次幫襯呢間小店，感覺頗滿意。雖然只是小店一間，店員不多，但招呼服務很好👏🏻👏🏻講番食物，午餐點了一客椒鹽排骨菜飯，送餐時飯餸分明，再加一個小托盤，感覺已經好唔同，店東在細節絶不馬虎。排骨炸得好香脆，再加上炸蒜粒和蔥花，十分惹味。菜飯亦做得不錯，只是感覺飯份量不夠，可能本身係飯筒關係罷😅…查看更多

剛剛在呢間鋪食咗個早餐，豆漿加餈飯。先講豆漿，又熱又香，甜度自己落糖決定👌🏻輪到講一講餈飯，真係唔係好啱我心水😅炸菜冇乜味，肉鬆又唔鬆脆，而糯米飯過多，可能餡料比較少關係罷。總結仍然會幫襯，不過餈飯就應該唔會再點…查看更多

經常會幫襯台灣美食，每一次都會點肉燥飯，雖然唔係台灣傳統的味道，但個人來講都好喜歡佢肉燥的味道，汁同味道都比較濃，可能我本身係‘重味人’關係吧😬而幫襯咗咁耐，佢哋肉燥嘅味道都冇乜點變，呢方面水準保持得相當理想😃飲品點了焦糖咖啡，今次慶幸算係不錯😅，因為味道每次都有好大落差，呢方面希望可以改善一下。作為長期顧客，仍然會繼續支持💪🏻…查看更多

店內不設座位，堂食需要在店外開設的摺枱。叫咗個早餐，份量非常足夠。佢嘅豬扒非常入味，火喉亦控制得好好，所以眼見好多人都會點叫。不過可能係小店關係，只得一人主理😅，食物需要自己入店內取出，完全沒有服務可言。而可取之處係價錢十分抵，味道亦算美味，所以仍會繼續幫襯…查看更多

之前已經聽過呢間茶樓，終於下定決心走一趟，位置於大帽山山腳，交通會有啲唔方便，如果揸車的話，對出會有車位提供。鳳爪排骨飯，鳳爪好入味，啲汁滲入飯裏面，好快已KO成盅飯😉牛栢葉認真一般，十分靭，又冇乜味道咖哩牛肚亦唔係咁出色，反而鳳爪則一再安歌😍燒賣味道好好👍🏻值得一試豆沙茶果非常受歡迎，一出已經排長龍，真正皮薄涵靚，一定要試😍…查看更多

天氣轉涼，最好係食一些暖暖嘅食物，身體的感覺會比較好。雖然叫做鍋貼大王，但鍋貼的皮是穿的，所以內裏的肉汁已經沒有，比較失色。但排骨麵則喜出望外，排骨很入味，炸得很香脆，而且仲保留著肉汁，爭回不少分數，配埋一碗熱豆漿已經十分滿足。而咁多樣嘢只是$3x，絕對經濟超值。…查看更多

已經好耐冇幫襯過金滿堂，昨晚晚飯過後，突然興之所至，就到了黃大仙這間分店，點咗個「雪中花」，我喜歡佢嘅豆腐花，充滿豆味，紅豆十分香甜，再加埋朱古力雪糕慢慢滲入豆腐花內，令到這個甜品更加美味🤗，整體來說仍然保持一貫水準👍🏻…查看更多

尋日經過屯門，隨意選擇咗呢一間泰國餐廳，叫了一客咖喱牛肉飯，雖然牛肉只是一般，但咖喱汁則有驚喜，散發陣陣的椰香，令人食慾大增，值得一提是這間餐廳午餐價錢大眾化，絶對可以一試…查看更多