dphkmi的個人專頁

間餐廳一入去已經好有驚喜，去設計喺室內有冷氣的地方做星空波波球，靚得來又好舒服，可以四個人有獨立空間一齊坐。揀咗signature嘅Cocktail，venus$128青檸配青瓜🥒好清新好飲，酒類飲品都唔貴🍸Asahi都係$78，喺咁好氣氛下係值得飲一杯。水牛芝士蕃茄沙律$118呢個係簡單單又好食嘅前菜！炭燒澳洲M5和牛西冷扒配燒汁配法式手工薯蓉$368Order左五成熟，剛剛好，煮得好嫩滑，外焦內帶牛香。環境同氣氛食物下，都係滿意嘅一餐！…查看更多

同咗班朋友收工去尖沙咀食嘢，貪佢收得夜就揀咗依間食串燒同飲啤酒！識做一定價錢，仲可以加一蚊優惠，有豬骨煲同埋雞煲揀！夠六個人仲可以揀晒兩樣！見到仲有好多大排檔小菜，不過今日主打係想食串燒，啤酒都唔算貴，三十蚊紙支。金銀蒜廣品蠔$48風味燒雞軟骨$48燒得都幾乾身，但係入邊又保持到肉汁，唔燒炸豆腐$38呢個幾好食，外脆內嫩滑，配埋燒汁。正！烧翠王瓜$20配咗蜜糖，甜甜地又幾好食招牌金银蒜塊原條茄子$48.00足料好大條，又真係勁多蒜，總括嚟講啲串燒都唔錯，放工嚟食又收得夜，同成班朋友嚟聚會就好適合！…查看更多

餐廳係新開，裝修好似係浪漫星空主題咁，影相打卡真係好靚野食唔錯，環境靚，服務態度好，佢地自己餐廳有魚缸，主要以新鮮海鮮製作西餐，而不是冰鮮貨，西餐真係落足料煮❤️推薦以下菜式❤️檸檬雪葩$78🍋好清新好食，好有驚喜。估唔到呢個價錢，但係咁足料好食。意式龍蝦濃湯 $98特別用蜆汁打成泡沫，令到海鮮味近濃郁，心機菜式意式燒乳豬配焦糖蘋果芥末籽蕾 $248燒得好脆，無咩肥膏，肉相當嫩滑，配搭蘋果蓉同芥末醬好襯。…查看更多

一家4口黎食唔想煮飯，落街食飯，呢間幾好坐又味道唔差又可以飲啖茶。揀左孖寶G ＄378薑蔥炒大肉蟹炒得幾有穫氣，同埋份量都唔細。金銀蛋浸時蔬食返d白菜仔清熱，炒得唔錯、配料都落足心機。送：蜜汁叉燒皇(小)份量都ok,阿仔最鍾意呢個，應該係甜甜地好送飯。唔夠食，再加左脆皮燒腩仔（例）$138雖然話係例牌，但係好大碟，擺滿1層半，脆皮腩仔有5層，冇乜肥膏，食落皮脆肉嫩！送啤酒一流！金牌燒乳鴿 $68叫多左隻乳鴿仔黎試，估唔到呢度d燒味都出色，皮脆肉唔會死古古，難身，同時都有肉食。…查看更多

喺雅蘭中心新裝修的大喜屋，比舊間光鮮企理好多，自助區好多嘢食揀，同埋refill得好快，而家放題都與時進步，好多自家製台式飲品，有勁多款冷泡茶，仲有珍珠奶茶，雪糕都勁多款 ，最推薦係haagen dazs任領，仲要有4款味揀❤️Qr code落單，食物都黎得快而準。任食干鮑，仲有花膠，而即燒川式燒蠔同蒜蓉粉絲蒸扇貝，係我至愛仲有乳鴿，兩個人都忍唔任食左3隻，好食過一般酒樓，即燒熱辣辣，皮脆內嫩！計返每人都係3百幾左右，…查看更多

野食份量都幾大，真心有幾味菜式值得一讚。碟泰式拼盤真係岩岩炸起，熱辣辣超香口，最緊要係乾身唔多油，值得一嗌！而個泰鮮蝦炒金邊粉，佢係偏港式，軟身d，我自己都鐘意佢多汁，而我最中意既泰式酸辣鳳爪無令我失望，酸辣比例岩岩好，同埋最緊要係夠爽同彈牙！哩個我下次黎一定會再嗌。最後想講下個泰皇咖喱法包軟殼蟹，雖然個包大舊左D，最後都食唔晒，但個咖喱汁真係無得頂，下次要嗌黎撈飯！總括而言，下次我一定會再同朋友黎，因為仲有好多味菜式未試呀！！！…查看更多

九龍城一向係食泰國菜地方，見到有間好近宋王臺站就同朋友試試，啲嘢食份量都幾大，叫左串燒拼盤、泰皇咖哩法包軟殼蟹、泰式鐵板蠔餅、泰式鮮蝦炒金邊粉、泰式原味烤簿餅; 每樣野食都好正, 值得推介。 串燒拼盤拼盤有牛、雞、雞腎、雞全翼同臘腸, 5樣食物都好香, 會有一食想食既感覺, 配埋個泰式串燒醬, 層次非常好, 個人推介就係雞腎, 口感真係好正。 泰皇咖哩法包軟殼蟹、烤簿餅依個法包軟殼蟹真係好食到不得之了, 一上枱我地4個人都嘩嘩聲, 個賣相靚、又香, 同埋真係好好味。先講個汁, 個咖哩唔算辣, 仲有少少甜甜地既味道, 配合埋新鮮既軟趣蟹真係一流; 唔好睇少個法包, 外脆內軟, 加埋咖哩汁, 真係好好食, 為左“食盡”個汁, 我地仲加叫個烤簿餅, 點番泰皇咖哩汁, 食落好夾 …查看更多

呢間日本料理喺The One好方便，約咗friend放工食飯，全部都幾好食！雜錦刺身沙律估唔到咁大兜，勁抵食！有勁多刺身，識落感覺好清新又好食，會再encore食！性價比極高！火山呢個好明顯係ig打卡料理，待應都會等埋你拍片先開始點火但係有姿勢有實際，佢好多餡料份量都算大，啲火焰加埋感覺好似好有氣勢！鹿兒島豚肉露筍呢個幾好食，豬肉Juicy蘆筍清新！食落好夾！好食！櫻花蝦原條茄子燒呢個網絡個樣又係好靚，啲櫻花蝦勁重手，成條都係，口感好豐富，茄子配埋蝦肉好夾！…查看更多

呢間係朋友介紹黎食，覺得係高質日式燒肉，燒肉有幾個選擇，我哋就揀咗個中間位，有三百幾蚊。極上牛小排海鮮放題。望隔籬枱嘅分別，就係四百幾嗰個會多啲海鮮同埋在靚啲嘅牛食，但係都覺得三百幾嗰啲牛肉非常之高質得好滿意，加上唔食海鮮，所以覺得呢個係性價比高的選擇，食落有牛香滲出來，燒到焦香再加佢哋啲特選醬料，配埋就勁好食！主要都係食牛多，但是咗個雞腎同埋豬腩肉都唔錯，小食都有勁多款，味道都唔錯，有得加生菜同埋泡菜，我撈咗個韓式豬腩肉生菜包感覺清新啲，又係另一種滋味！…查看更多

食過幾次， refill得好快啲海鮮，都算新鮮同埋種類多！好似去左街市買海鮮咁。放題式任夾，鍾意食海鮮嘅人就一定會鍾意！啲蝦都好新鮮，每次夾都會係咁掙扎，如果係位夾機會彈到水周圍都係，所以我鍾意拎個桶出去夾好啲。串燒d款都多，大路嘢雞牛羊腸仔丸茄子菠蘿都會有，加埋啲調味係唔錯！飲品同埋雪糕款式都多，所以我次次嚟都係轉食海鮮感覺回本啲🫣同埋都真係新鮮好食！買單三百幾一個人，覺得性價比高，因為出去食串燒係冇咁多海鮮，雖然朋友就話自己燒有啲攰，但我就樂在其中！…查看更多

屋企人好鍾意食燒鵝，住喺附近呢間都幾出名，所以就帶佢地黎試試，望個套餐有幾抵食， 398又四碟餸，本身以為燒鵝例牌都唔係好大份，點知都差唔多成¼隻燒鵝，啲肉好嫩滑，皮夠脆，唔多肥膏，值得比讚！兩隻乳鴿擺盤好靚，啲肉都滑，估唔到兩個餸都整得咁出色！屋企人都食到好滿意！又覺得啲裝修同服務態度都唔錯！揀咗兩個自選小菜，椒鹽九肚魚皮脆肉嫩，係多骨咗少少，仲有金銀蛋炒莧菜，平衡返咁多肉，成件事非常抵食，份量都多，抵食過大排檔多多聲，但係價錢又唔貴，又坐得舒服，同屋企人再嚟！…查看更多

同朋友嚟過幾次，最鍾意依度好多貓，啲貓又好嗲好親人同埋都環境算係乾淨。約friend食飯來講都算幾就腳，價錢性價比高，食物來講同一般Cafe質素較高。全部即叫即整，唔係預製。部份食物有貓貓造型，有驚喜！二人餐非常抵食，個burger吸睛得來又好食，漢堡扒勁大塊，仲有成個貓貓嘜頭，配埋熱辣辣的炸薯角，覺得係貓Cafe來講已經交足功課！意粉就正常味道，忌廉cream重。二人餐仲有餐湯沙律同飲品，所以非常抵食！會再嚟…查看更多

食過好多次，因為屋企人鍾意食放題。極尚大喜屋呢間比以前整得好食左！自助區多左好多飲品，推薦：冷泡白桃烏龍，asahi 啤酒任飲！生果雪糕甜品冷盤小菜，仲有大蜆青口同鮮蝦❤️唔食刺身，叫左一大堆火炙壽司，質素都ok推介係小菜類蒜蓉粉絲蒸扇貝！炸蒜頭配埋粉絲好食！估唔到仲有龍躉花膠同蝦球食！仲有蟹粥都好入味，有驚喜！薯仔牛肉粒/牛舌/芝士焗蠔/串燒鰻魚都係叫足幾碟，野食都上得好快，計食物質素，2百幾蚊一人係抵食…查看更多

食炸髀🍗唔食皮係對雞的唔尊重炸到好似薯片咁脆，肉嫩多汁的雞腿肉，見到都令人食指大動😍必食推介有炸髀同油髀呢2個邪惡孖寶，炸髀脆，油髀嫩，2個人一齊黎食，我就會話why not both小朋友才做選擇🤗…查看更多

呢間台灣野真係好好食。食佢的蛋餅有飛返台灣的幸福感出現🥺必食推介：芋泥拉絲芝士蛋餅👅芝士牛肉蛋餅🤤脆炸小食拼盤s甜不辣都好正有時係油尖旺真係食到悶，試下行下大角咀小店試下，人均消費唔過一百🥺真心推薦💕…查看更多