kit467的個人專頁

好好食，但真係堅辣！元朗出名夠辣嘅車仔面！牛孖根夠淋，夠入味。朱腸都入味，好食嘅！咖哩魷魚都好食，但真係好辣。如果叫咗咖哩魷魚，個湯底就唔好要辣了！我叫微辣，但我覺得係我平時食嘅中大辣！整體上會再食！…查看更多

好耐無食，諗住以前食開，無死啦！點知今次中曬伏…我仲要外賣自取，全部正價，唔係特價時段。三文魚一打開就知唔新鮮。希靈魚竟然比黑蚊蚊個條邊。油甘魚，劍魚腩都係唔新鮮，蟹子沙律變壞“臭”咗。真係好差！我講嘅都係事實，唔明openrice點解唔批？…查看更多

每次到澳門都會必到新馬路嘅新帆船餐廳，點知今次去到，執咗....失望之際，行行吓，見到沙利文，以我所知，食物種類跟新帆船差不多，咁就走咗入去試下！點知中曬伏........1. 葡式臘腸炒菜 50分賣相差，食落普通 2.西洋炒飯 50分其實即係西炒飯，93蚊，不值這個價錢  ps:個度有個“沙利文炒飯”咁我就問個侍應沙利文炒飯係乜，佢答我‘’炒飯囉！”3. 葡國雞 20分根本係咖喱雞，雞肉“鞋”，一啲都唔好食，個汁，係咖喱汁，唔係葡汁囉，仲要收180蚊！服務態度差爆....一班待應可以圍埋一堆當住客人面前講客人是非，雖然唔係講我，但依種態度，應該只有沙利文做得出！…查看更多

聽聞新開張，就去試下，點知係失望嘅！榴槤雞蛋布丁:普通雞蛋布丁不如，上面只有一個5毫子大嘅稀薄榴櫣水，蓉都不是，35蚊2只，焗要2只20分榴槤雪糕:比我想像中普通，無乜榴槤味70分得個名，榴櫣用料，少之又少！下次唔會再去！…查看更多