yanchlam的个人专页

喺Openrice落order叫外賣, 點左2個瑞士雞髀撈麵餐，配蒜蓉多士，炒蛋同埋熱飲。本身喺選項揀左撈米粉，但最後發現都係俾番撈麵 🤷🏼‍♀️由於已經番到屋企唔想再拎去換，唯有照食麵啦，點知個撈麵係完全無味無落過任何調味料，跟本就咁白烚完個公仔麵，擺隻瑞士雞髀上去就算。個麵無味，仲要無乜汁，成餅嘢咁乾爭爭，難食到一個點，真係無下次。個多士同炒蛋，同埋杯奶茶就正常味道既，但都唔突出，肯定會再幫趁。…查看更多

Lunch成班人去食飯, 去到呢間餐廳入面竟然一個人都無, 都有少少擔心, 不過天氣凍, 其他餐廳又已經大排長龍, 唯有硬住頭皮入去.本身佢個LUNCH SET係麵鼓湯底, 但自己鍾意蕃茄湯多啲, 即管問下可唔可以轉, 原來加$4就得, 夠flexible. 個蕃茄湯好濃好"傑", 完全合晒心水, 唔會太酸, 啲烏冬就正常啦, 唔特別. 塊雞扒味道好, 煎得啱啱火喉, 塊皮仲脆脆地, 好味.每個lunch set都跟麵鼓湯同蒸蛋, 湯正常日本餐廳既味道, 但蒸蛋就差啲, 有少少霉, 味道算淡.咖哩豬扒飯, 我試左個汁, 少少甜味嗰種, 仲有薯仔, 個汁又係好濃.有個朋友食齋, 其實MENU上無得揀, 問佢佢特登炒什菜同白飯set, 真係抵讚, 唔係間間餐廳都肯幫你special order, 但佢照收番set lunch價錢, 絶對抵讚.估唔到間餐廳既質素又唔差喎, 唔使等位, 又唔嘈, 真係要去多啲先得 …查看更多

見到Openrice評語唔差，一行四人上黎試新餐廳。一黎就送左四個芝士蒜味軟包 (唔記得影相), 上枱既時候暖粒粒, 好鬆軟, 芝士同蒜味都濃, 值得一讚.Starter仲叫左個磨菇湯，好creamy好濃，仲有啲磨菇粒粒。Pizza係薄批，個底好脆，上面有好多芝士，食一塊已經覺得漏。生菜新鮮，但麵包糠同芝士就少啲，三文魚尚算新鮮，但有啲鹹。味道正常，平時食茄汁底咁，都唔覺得似龍蝦汁，海鮮亦夠味, 但粉量較少.心太軟整得洽到好處, 中間啲朱古力流出黎, 但粉量都係細.總括黎講野食係唔錯, 但價錢偏貴, 拍得住啲大型既西餐廳, 但勝在環境好, 比其他地方靜, 適合一班朋友傾計聚會. 再加上地點方便, 都可以再去.…查看更多

其實炸得剛好, 但入面有D我唔食既綠色材料, 所以覺得麻麻地呢碗係招牌推介, 豬扒好嫩好入味, 有少少甜味, 個湯底加左錢轉麻醬湯底, 好濃, 好香芝麻味, 不過飲得多覺得口渴呢碗都係招牌推介, 味道適中, 牛肉亦唔"鞋", 但同一般牛肉麵分別唔大.呢個真係超級推介, 熱辣辣, 炸到金黃色, 個皮脆卜卜, 仲有紫米味, 比起出面啲上海餐廳好好多.仲有加左$9有野飲同菜, 菜就得兩條, 豆漿就正正常常啦, 不過好細支.…查看更多

二人套餐購自Groupon, $188, 都幾多野食下, 質素亦幾好.磨菇湯味算濃, 但有啲加左麵粉水既感覺. 塊麵包就好香口Caesar唔細碟, 生菜芝士都新鮮, 但啲麵包糠就淋左, 唔夠cripsy, 個沙律醬甜甜地幾fresh.雞翼炸到啱啱好, 熱辣辣上枱, 唔知佢落左啲咩調味料, 但同出面嗰啲唔同, 幾特別. Pizza又係新鮮滾熱辣出爐, 芝士味濃, 啲腸同肉唔太鹹, 個pizza就好脆正正常常茄汁意粉, 無咩特別.最後仲有兩杯雪糕同可樂, 真係飽到上心口呀. 平均都係$100一個人真係超值.…查看更多

行街行到夜晚九點幾, 是但走入一間餐廳醫肚, 又唔錯喎.個蕃茄湯好濃味, 其實係蕃茄醬咁滯, 唔太甜唔太酸, 食食下可以用黎撈河粉 牛腩粉量亦都唔少, 啲河粉好滑.一人套餐包小食拼盤, 湯河/飯同一杯野飲. 拼盤每樣一件可以試到唔同野, 幾好.啲炸野(有蔗蝦, 粉絲春卷, 豬肉春卷) 應該係即炸, 熱辣辣, 炸得恰到好處. 仲有雞翼同豬扒都好入味. …查看更多

奧海城餐廳唔算多, 呢間都食過幾次, 覺得味道都幾好豬扒同豬頸肉都幾入味, 唔鹹唔淡剛好, 仲有d蒜片吊味, 配飯同撈檬一流上枱仲熱辣辣, 份量亦都唔細完全唔似一般炒金邊粉, 似係一般茶餐廳既炒河.. 味道怪怪, 得d鼓油味, 料又唔多, 唔推介青檸骨幾大份, 加埋少少青檸汁同蒜片好香, 而且炸到恰到好處 :)野飲方面, 朋友話椰青好味, 幾鮮甜, 而我就鍾意凍奶茶, 幾重奶味, 個人很喜歡…查看更多

早訂枱食飯, 因為禮拜五既緣故, 第二輪要9pm先開始, 最後830pm去到, 真係要等到9pm先俾入..一行四人叫左四樣野雖然唔使錢, 但d麵包真係不敢恭維...雖然有Olive Oil同Vinegar點, 但d包又凍又硬.. 認真麻麻Caesar Salad + Chickend雞煎得幾好~ 生菜好freshSquid味道係唔錯, 上枱時熱辣辣, 炸得剛好, 但份量少... total得七八件Parma Ham Pizza- Parma Ham唔太鹹, 配番d rocket中和番Carbonara- 唔記得影相.. 但好味, 雖然好creamy, 但唔覺好漏.. 唔似一般o個d狂加蛋王漿咁…查看更多

雖然之前一早打左去book位, 但去到話無呢個booking, 最後六個人o係門口等左半個鐘先入到去 :(六個人total叫左七樣野..Caesar Salad- 正常既, 無乜特別炒蜆- 無o羊味, 得個辣字蝦餅- 幾好, 炸得o岩o岩好 :)Risotto- 正常, 唔係太大印象Rib- 呢個真係得, 我覺得好味過好多大型西餐廳Pizza- 好似係乜乜招牌, 出奇地好味, pizza d料仲多過個批底, 值得推介Curry Lamb- 個汁辣得黎帶d椰味, 幾特別…查看更多

父親節一行十幾人去飲茶, 去左新開既景逸軒因為十幾人既關係, 叫左成好多點心仲有幾碟炒野, 我覺得推介既有:合桃叉燒酥 - 一上枱熱辣辣, 爭d"辣"親條"脷", 呢個勁好食, 我食左兩個 叉燒餐包 - 個皮係墨西哥包面, 唔錯牛柳粒 - 食落去幾鬆化, 有d似食日式野o個陣既牛柳粒魚湯烏冬 - 平時我唔係太鍾意食魚, 唔知點解覺得個魚湯幾鮮甜 椰皇燉鮮奶 - 好似雙皮奶咁, o係個椰青入面有d燉奶, 好香好得意叉燒 - 叫左燒味一碟, 係叉燒黎, 有d甜甜地, 真係好好味, 呢個印象最深刻!!椒鹽豆腐 - 炸得o岩o岩好, 熱辣辣的, 好在有了叉燒酥既教訓, 無即刻擺入口因為叫得都幾多碟, 真係唔記得晒叫左d乜, 尤其我唔食o個d野其餘記得既仲有燒賣, 蝦餃, 蘿白糕, 煎堆仔, 蝦腸, 春卷, 菜遠牛河, 牛柳炒烏冬, 呢d正正常常啦, 無話勁好味又無話勁難食.Overall黎講d野食都幾好味, 下次同屋企人再黎先!…查看更多

又係睇Openrice揀左黎呢度二人共點了:1) 帶子拉麵 (豬骨湯底) $38- 帶子炸得剛好, 不過得三粒- 個湯底我自己就唔係太鍾意, 但男朋友仔話唔差:)2) 鰻魚飯 (跟麵鼓湯) $48 - 好大條鰻魚呀 鰻魚燒得o岩o岩好, 鰻魚汁好好味, 撈落d飯度食好得- 份量唔少, 最後當然要人包底3) 蝦天婦羅 $38- 炸得勁good!!! 唔會覺得好厚炸漿, 入口熱辣辣, $38有五條真係超值!雖然成夜晚九點去到, 但都排左十個八個人o係門口, 但門口有chair坐, 店員既服務態度都幾好, 一定會再光臨! :)…查看更多

見openrice咁多好評, 所以慕名而來:)二人總共點了:雙層芝士蛋漢堡 x 2, 豬扒包, 凍奶茶雙層芝士蛋漢堡 (可配咖哩汁/ 茄汁/ 黑淑汁/ 沙律汁), $15- 我地兩個都揀左沙律汁, 好好味呀!!!- d漢堡扒整得o岩o岩好, 唔硬唔淋, 仲有好豐富既肉汁, 多到滴出黎- 個包亦烘得剛好, 熱辣辣豬扒包 $11- 味道唔錯, 塊豬扒都唔細件, 但因為只係得沙律汁做配料, 好似寡左少少, 尤其係食完個咁豐富既雙層芝士蛋漢堡凍奶茶- 幾好味, d奶同茶既配合幾好當日買外賣既都幾多人, 但堂食不算太多人, 所以好快就有位, 不過d位幾迫雖然地點有少少偏, 但一定會再來的!!…查看更多

今次朋友A話想試呢間, 所以陪左佢去其實我已經係第二次黎, 第一次黎覺得d野食唔得, 不過因為第一次o個時牙痛, 決定俾多次機會呢間野, 結果今次無牙痛, 但答案都一樣.. 唔得!!!二人點了1) 快餐: 雞翼腸仔意粉 (茄汁), 熱奶茶, $322) 茶餐B: 牛油方包, 火腿炒蛋, 牛肉意粉, 熱奶茶, $30先講茄汁意粉:, 朋友A食左一半已經放低筷子, 所以我好奇走去試兩啖, 汁一d都唔似茄汁, 色水已經怪怪, 味道感覺好似茄汁加左鼓油咁牛油方包, 火腿炒蛋: 無乜特別, 普通o係屋企整都整到既味道牛肉意粉: 一來細碗, 二來無黎味道, d粟米仲要怪味熱奶茶: 一心以為呢d茶餐廳杯奶茶實掂, 又係大失所望, 杯奶茶好鞋, 最後我呢個奶茶狂都無飲晒杯野就走左$30左右既價錢, o係中環都好多茶餐廳選擇, 肯定唔會再去!!!!!…查看更多

上openrice見到咁多好評, 所以走左去試, 果然唔錯wor! 星期六3pm左右去拎飛, 等左1小時15分鐘終於有位!二個人點左六樣點心:1) 酥皮焗叉燒包 正正正正正正正!!!! 熱辣辣勁好味~ 必食2) 古法糯米雞 :)$15勁大隻, 又多料, 不過兩個人食就太大隻, 食完呢樣都飽左三成咁滯 3) 蘿白糕味道唔錯, 覺得幾有蘿白味, Haha, 可惜煎得"燶"左少少4) 馬拉糕真係好普通.. 一d都唔特別, o係麵包鋪買o個d仲好食d5) 鳳爪醬汁好味, 我平時飲茶唔食鳳爪都有食 6) 燒賣普通, 普通, 普通.... 可能我對燒賣期望太高了.. 以為燒賣呢d咁common既點心應該唔錯, 點知大失所望!!以咁既價錢食到咁好味既點心真係抵! 一定會再來! 下次拎完飛去行陣街先番黎等 …查看更多

都係聽到幾個朋友話大漁鐵板燒唔錯所以去試下原本諗住去福田福民路/羅湖火車站o個間, 不過因為太遲book, 最後得中信城市廣場呢間有位. total 4個人食早輪 5:30-7:30pm講番d野食:1) 鐵板燒 (Order一樣, 每次一人俾一件你咁大把) 好味推介 - 牛柳粒, 羊架, 鰻魚, 扇貝正正常常 - 燒牛扒, 銀雪魚, 多春魚唔得 - 蝦2) 刺身/手卷 - 呢d種類真係唔好有乜野期望.. 三文魚, 八爪魚一d都唔新鮮.. 卷物.. er.. 都係算把啦. 我地一坐低, 待應就主動話幫我地落住雜感刺身, 仲以為唔差, 點知原來係咁....3) 飲品 - 我未試過一餐可以飲咁多種野, 因為樣樣都唔好飲, 飲左三四啖已經頂唔順要叫過另一樣, 結果西瓜汁, 橙汁無味, 汽水也可以怪怪的.. 但因為d野食都偏鹹, 被迫要飲:(4) 甜品 - 紅豆雪糕係幾好味, 不過又係order完三四個字, 催左幾次先黎, 可能真係太多人亂亂地總結:- 鐵板燒野食質素幾好, 但係可能食到一半已經會覺得漏或者悶, 因為醬汁千篇一律牛油/蒜容/鼓油..- RMB150 (約HKD165) 任飲任食, 無錯係幾抵既, 但可惜刺身, 飲品真係差, 加埋來回車錢, 食呢一餐都要二百幾。o係香港二百幾, 我諗已經可以食到一餐燒板燒又好味, 魚生又新鮮既菜式了.. 再講來回車程都幾長時間 (可能我住得遠啦.. 來回福田成三個鐘)最後, 我發現暫時中信城市廣場呢間大漁好似最多"OK"或者"喊臉", 究竟係o米呢間真係特別差, 所以book唔到第二間大漁, 淨係得中信呢間有?…查看更多