因為我係好鍾意食魚，所以當我見到呢間豆花魚幾新奇，同埋價錢喺尖沙咀嚟講係幾抵，所以就自己一個入咗去試吓。食物方面：係特別嘅，佢用豆腐花擺落去酸菜魚入邊令到中和返成個辣味，好似我唔食得辣嚟講我都覺得幾過癮。我最讚賞嘅係佢嘅米飯，因為我係好驚喺出面食飯食到啲好爛嘅飯或者好軟嘅飯，但係佢嘅白飯係粒粒均勻有咬口，讚。但係呢我係嗌生魚，佢嘅生魚係非常之咁多骨，如果係唔識得自己喺個口度過濾返啲魚骨出嚟嘅人係食唔到。我另外嗌咗個小蘇肉見佢平平哋，不過我自己覺得就唔夠脆口，同埋唔夠熱。服務方面：間舖頭有兩個人，但係冇人識聽廣東話，我明白尖沙咀有好多內地人或者好多內地人都想喺香港做內地人生意😂不過我係點唔到餐嘅😂我最後就好似我喺外國咁樣要thisthisthis thatthatthat咁。不過so far有禮貌，冇bad trip。只係最後我食唔晒要外賣盒，而佢哋個蓋同個盒係唔啱size😂環境方面：就係一間內地人開嘅餐廳，入邊係一個香港人都冇，全部都係內地人，我好似返左深圳咁。裝修都係全部都係內地模式，不過respect佢哋又轉返繁體字。…Read More
