dobbbynim的個人專頁

好日都唔去一次大坑特登搵間喺裝修幾懷舊而且見人大堆我哋朝思暮想嘅酸辣粉所以就由銅鑼灣行過去食但食完只有後悔同口渴！無一樣嘢想令人返去encore🥢特色手撕雞湯麵 $93其實就係普通嘅手撕雞湯麵不過一啲都唔值呢個價我哋就揀咗寬帶麵都幾索湯🥢酸辣粉 (小酸/BB麻) $90一碗食到一半已經要放棄嘅酸辣粉苦到cry cry完全食唔落無咩可以講🥢地瓜QQ條 $28因為前兩日係另一間台式餐廳食過一模一樣嘅嘢簡單啲講就係現成地瓜條拎去炸好chewy亦係味道最正常嘅小食🥢泰式燒豆卜 $58店員推薦之一有期待就更失望燒過嘅豆卜超級乾身又無味仲要完全唔索汁咬一啖點一下汁都無用🥢椒麻炸雞扒 $78店員推薦之二份量都幾多嘅但全部都超大舊隻碟又細夾得一舊嚟另一舊又跌咗落枱炸粉都幾厚而所謂嘅椒麻就係灑咗孜然粉喺面想像到嘅味道❤️前座飯堂📍大坑新村街39號地下❎不會再訪…查看更多

✨ #大學 Hunky Dory✨星期日想遠離市區輕鬆下聽朋友介紹科學園多咗好多新餐廳就特登過去行下兼食嘢揀咗有個小草地兼有outdoor座位嘅Hunky Dory成個感覺都chill d-Cappuccino 對於咖啡需求大嘅朋友相信正常杯size一定唔夠飲就特登揀加大味道同傳統咖啡店飲到嘅分別吾大但多咗份淡淡奶香味-Long Black (Hot)想要更加濃味嘅咖啡所以揀咗Long Black面頭有陣油喺表面 加強咖啡香微酸再加上微微回甘算是不錯-龍蝦湯質地軟滑細緻 細看仲有少許龍蝦肉每啖都好濃郁 充滿龍蝦精華隨餐碟附送多士一塊雖然唔大塊但食到尾段用作沾乾淨碟身剩餘湯汁直情係精華中嘅精華-卡邦尼年糕有基本煙肉碎、火腿、菇而且年糕分量相當多仲有面頭隻溫泉蛋 刺破蛋黃漿撈勻一齊食配上超掛汁嘅年糕每啖都好滿足比起平時配意粉又另一番風味-黑松露天使麵天使麵口感每條都好爽口加上汁料用上黑松露汁亦有芝士碎襯托啱哂濃味愛好者-🍴Hunky Dory📍沙田白石角香港科學園科技大道西19號19W大樓2樓245室🚌 大學站轉272K巴士 (香港科學園第三期下車)…查看更多

✨#大埔 Homeland✨今日朋友帶咗我去呢間餐廳睇落係一啲fusion菜價錢又唔算特別貴咁就入咗去食Homeland有兩層所以都唔太需要等位-我哋兩個人嗌咗一個明太子pizza一個lasagna同埋一個小食加兩杯嘢飲埋單大約四百幾蚊左右嘢飲好有特色朋友嗌咗綠茶奶奶蓋我嗌咗阿華田奶奶蓋味道唔錯 -焗田螺薯蓉非常出色絕對好食過連鎖Pizza舖嗰啲-Pizza係嗰種脆薄餅 薄薄地食落去以為會好肥呀但其實啱啱好揀明太子又唔會太鹹-Lasagna就普通啲但整體都唔錯大家值得一試-🍴Homeland📍大埔東昌街2號地舖…查看更多

✨ #尖沙咀 鬼金棒✨週末晚上經過鬼金棒見到都等位加上本人嗜辣都幾好奇佢有幾吸引我哋就order咗特製辣麻味噌拉麵(小辣+小麻)同埋味玉辣麻味噌拉麵 (小辣+中麻)講真兩碗食落味道感覺差唔多兩碗都係有淡淡嘅麻香辣味溶入熱湯之中拉麵質感好彈牙餘悸仲有蛋香味加上拉麵掛湯每啖都有麻香味👍🏻推薦食得辣嘅朋友一定要叫高兩級以上🙀-不過配料就更加值得推薦叉燒十分軟腍咬落肥瘦均勻係每一件叉燒都一致好難得嘅質素-玉米筍都係另一招牌小菜每條都有烤過嘅香氣浸湯食極之為合襯🤤-味玉真係一切開就流心中間有部分蛋黃少少熟 一隻蛋已經有兩種咬口而且醃製得好夠味-我哋追加增量芽菜個人私心推薦 #必點之選佢嘅芽菜爽甜重點係似鐵板燒咁加埋薑蒜一齊炒過㗎又香又甜又多汁大大啖咁食 勁滿足～😻-鬼金棒選擇其實唔多你會發現所有嘢食左搭右搭其實都一樣不過份量超級足男仔食到尾都非常飽女仔食到3分2都已經好勁如果可以好似譚仔咁有得轉菜底(芽菜) 咁就ichiban😊-🍴鬼金棒📍尖沙咀金馬倫道20號地舖…查看更多

✨ #油麻地 Plato Cafe & Bistro✨有晚同朋友喺麥花臣睇show原本book咗Plato Cafe諗住一齊食牛扒二人套餐不過撞正鐵飛門停止服務但朋友趕唔切Dinner就唯有轉食一人餐唔睇menu都唔知原本選擇都幾多咁啱今日有食下午茶唔太餓Plato Cafe都有燒雞肉凱薩沙律可以揀Dinner Set仲會包餐湯、蒜蓉法包、餐飲而我就加咗$28將是日餐湯升級做法式龍蝦湯獨自望住彌敦道等Dinner又係一番風味😹-望兩望好快就上龍蝦湯同蒜蓉法包個湯熱辣辣 飲完成個人暖哂龍蝦湯超濃味襯埋法包成碗湯一滴不漏咁飲哂😍-然後就上燒雞肉凱薩沙律出面好多時食到嘅沙律都唔夠醬但依度係撈到好均勻先上菜而且雞肉都有醃好先燒每一啖都好夠味唔會覺得好乾～-Plato Cafe & Bistro上菜速度都幾快少少趕時間嚟依度都會食得切👍🏻好似我咁前後30分鐘左右就KO!餐廳又唔係因為無客而咁手我到埗嘅時候都幾乎7成入座仲有兩三枱同我同一時間到😳…查看更多

今日去咗食旺角呢間cafe咁係openrice見到都好多好評又做緊半價當然唔執輸入去食我哋兩個人就嗌咗兩個意粉、兩個小食同兩杯嘢飲分別嗌咗carbonara同埋吞拿魚意粉意粉食落都彈牙每一啖食嘅時候都痴到汁雞翼食落幾惹味有種烤嘅感覺 啲嘢食整體味道唔錯唔會話好咸到要係咁飲水以前覺得呢啲cafe多數係食環境不過呢度食物質素都唔錯最後我哋一人嗌咗一杯嘢飲有啲椰果咬下咁幾正可能我哋早去上面唔算太嘈同朋友都可以傾到下計感覺都幾舒服嘅…查看更多

朋友旺角收工過咗嚟尖沙咀諗住一齊dinner原本想去食burger 平靚正點知經過河內越式料理見到menu又有啲心思思見有位直入就坐低咗河內生牛肉湯河粉上枱嗰下有少少嚇親同之前朋友喺其他分店食嘅有啲唔同尖沙咀分店嘅牛肉係完全生嘅嗰下有少少擔心會肚痛嘅感覺而且湯底芫茜味都幾重 (個人好麻麻)順化蕃茄蟹肉札肉湯檬其實係見隔離枱個湯底好濃先叫超快就上枱飲咗啖湯都幾重蕃茄味又飲到蟹肉嘅鮮但檬粉就唔太吸到湯味反而豆卜係好食好多越式炸蝦餅唔算炸得好脆一定要點酸甜汁先好食不過食到最後都幾口渴味精都有啲重呀吓🙈…查看更多

耐唔耐就會好想食壽司如果咁啱出開尖沙咀就一定係會幫襯翔壽司有時撞正優惠 性價比超超超高已經唔知到訪過幾多次今日純粹想過下口癮又怕睇戲會餓所以又去食壽司頂頂癮私心最推薦翔壽司嘅蝦同帶子魚類都相當唔錯㗎☺️甜蝦一般出邊食到嘅都係用三隻左右嘅小蝦拼湊但呢度用兩隻中size 嘅蝦身 令人食落去相當滿足！！而且味道鮮甜 絕對係必叫之選唔想要飯嘅話 叫甜蝦刺身一樣掂👍🏻-赤海蝦身為蝦控嘅我呢個都係次次嚟都會叫蝦嘅size 中上 口感爽口彈牙帶子肥美、豐滿、圓滑一咬口感軟彈同樣係cp值高-海膽太取決於時令來貨味道有淡淡海水味 但未算新鮮相對甜味亦未太突出-赤貝肉身厚而爽脆一啖食哂非常有滿足感清甜爽口 絕不簡單…查看更多

美麗華成日行但唔係朋友帶路都唔知B1有餐廳連Tea Time都要排隊嘅Cafe真係要試一試Milk Chocolate (Iced)口感軟滑順喉味道未算特濃美中不足係份量偏細杯唔太滿足到身為朱古力控嘅朋友-Americano (Iced)Espresso Alchemy有兩款咖啡豆Americano選用 Lollinut Blend更著重Dried Fruits、Almond味飲起嚟酸度不算高而且非常重咖啡嘅香氣～Spaghetti w/ Tiger Prawns & Asparagus in Spicy Tomato Sauce蝦有三隻 口感爽口彈牙 不過調味吾多 偏淡口但意粉配上濃郁蕃茄醬、辣汁、黑椒效果頗為突出及驚喜Mushroom Fettuccine w/ Black Truffle意粉上放置黑松露醬 香味四溢記得要拌勻再食～再混入啖啖雜菇口感更勝一籌…查看更多

今日嘅門口都幾多人排隊入咗呢間都幾出名嘅日本嘢到食壽司呢度電子落單 勁方便我哋兩個人所以就嗌咗一個壽司拼盤同一個丼飯因為天氣都開始凍咁啱有個火炙嘅丼飯咁就當然即刻嗌咗 壽司一上面都見到啲光澤 非常新鮮佢啲飯唔係出面普通嘅白醋飯然後食落幾有層次尤其是見海膽都睇得出佢顏色幾靚對得住個價錢之後丼飯上嚟原來會連埋蒸蛋同湯暖笠笠 食完先記得影😛火炙過嘅刺身高不過不失唔會燒得太耐冇咗鮮味下次經過少啲人荷包又鬆動啲會入去再食🍺…查看更多

第一次入去比起馬鞍山更加有資格做美食沙漠嘅日出康城打開openrice都唔知食咩好唯有轉個圈揀間合眼緣嘅餐廳經過「玉葉」 成個裝修都幾打卡able有個大玻璃望到入面Backdrop係襯返餐廳名有葉襯埋藤製吊燈同座位夠光猛 而且下午茶唔太多人 幾舒服下午茶時段無得叫返Lunch Set湯濛同撈濛都寫住Mini 怕會唔夠食見到隔離上枱都唔算太細先夠膽叫香茅燒牛肉撈濛佢哋嗰汁偏甜 不太酸不過都幾好食嘅仲有少少葱油撈埋燒牛肉估唔到會咁上以為係一片片佢都易分得開但如果切粒/切片上會更好ps唔食芫茜記得落單要走芫茜呀！！西貢咖哩牛腩飯咖哩汁夠多 啱啱好送哂成個飯雖然話係Tea Set 但份量其實都好多牛腩都夠入味側邊仲有啲醃蘿蔔 解膩～Tea Set仲會有嘢飲跟加$8蚊有滴漏咖啡或者凍咖啡揀…查看更多

星期日要喺觀塘搵食都唔係咁易一見到「哈豆」星期日都開舖即刻心心眼😍上堂前同朋友去咗食lunch兩個人叫兩個主食+兩杯飲品另外再叫咗個炸物拼盤兩個人相當夠食～～百香果糖檸雞飯聽落好得意感覺會同西檸雞有啲似不過都想試試佢😛但同時又好想試人人推薦嘅豐盛台灣牛肉湯麵兩個人就可以試哂喇☺️百香果糖檸雞飯用竹盤上枱有啲泰式風味😂 (明明台灣餐廳嚟)食落其實就係鹽酥雞加百香果醬一次過食到兩種口味唔難食嘅 不過唔會係必叫豐盛台灣牛肉湯麵就真係好好味主要係牛肉好好食 好淋身又入味湯底都夠濃炸物拼盤都無咩可以挑剔甜不辣有跟梅分有少少加分😍整體所有嘢食都正路而侍應都係講普通話嘅 但都聽得明廣東話環境亦OK舒服 仲有啲畫咁同朋友休閒傾計去嘅話可以～…查看更多

朋友極力推薦湊湊火鍋之外🍲仲提醒我一定要飲佢哋嘅珍珠奶茶🧋未抽到時間打邊爐經過見到有得外賣珍奶決定一試佢甚麼料子～☺️第一次飲梗係叫朋友+店家推薦嘅大紅袍珍珠奶茶我自己就叫半糖走冰朋友就叫7分糖少冰可能當日係星期日咁啱去到我哋就賣哂珍珠要等15分鐘先煮好反正唔趕 落兩層行個圈上返嚟嘢飲已經準備好🤙🏻嘢飲比我想像中大杯好多以為開喺K11 Musea呢啲地方會貴精不貴多茶味獨特 珍珠又夠多絕對抵飲之選‼️不過唯一挑剔地方係枝飲筒太窄 珍珠成日kick住筒口🤭一個人唔太餓嘅情況飲哂一杯真係飽到上心口…查看更多

✨ #尖沙咀 Gontran Cherrier✨-一個唔鍾意食麵包嘅人都為GC牛角包而瘋狂可想言之有幾好食😋真係每次去親K11 Musea都必買!!好慶幸佢唔係開喺中上環啱哂我呢啲放假唔過海嘅人😛-🌟Plain Croissant🥐GC牛角包有「巴黎最好食牛角包」之稱佢絕對對得住呢個名用料全部都係法國直送嘅頂級麵粉同牛油炮製而成所以佢嘅牛油香係無人能及同埋重點係GC嘅千層酥皮係非常出色就算第二日自己屋企焗返熱都一樣keep到佢嘅鬆脆感+包芯柔軟食過其他口味 但我個人仍然鍾情原味GC牛角包🌟Scone第一次遇到GC Scone出爐排緊隊有職員推車嚟人龍度問就知難得$17一個原味scone價錢好合理因為size比起L&S大得多又平而且啱啱出爐 決定比個機會估唔到好有驚喜 喺唔太肚餓嘅情況下都一啖接一啖雖然無L&S嘅小麥香但GC呢個牛油香好突出又唔會太膩口感超鬆化Scone焗到金黃色 中間剛好裂開可以配埋Clotted cream同Jam不過就咁食都已經好好食立即榮登「我最喜愛Scone」嘅第二位💛-當然有人會覺得$24一個牛角包好貴但平心而論 有冇一間bakery整得好食得過GC又平過GC呢??有嘅話都麻煩大家介紹返🥰…查看更多

一早喺官網留咗位前一日餐廳打嚟confirm問我哋有冇特別要求咁我哋就request sofa位點知full booking職員話只可以安排到高枱比我哋咁都okay嘅～點知到埗職員就帶我哋坐低喺sofa位真係好驚喜好有係泰國嘅感覺一黎係outdoor二黎就係汗水夾雜住風扇嘅涼風三黎RUAM好多植物 好有亞熱帶風情-影影下相唔覺唔覺嘢食就上哂枱了順道嚟個全家福😂🔸泰式木瓜絲沙律個人覺得唔夠酸 辣就幾適中做前菜還好～🔸豬肉串燒上網見人哋嘅串燒好好似好吸引咁就叫一份～都燒得幾香口嘅 略嫌貴咗啲🌟紅咖喱荔枝燴鴨髀依樣算係我哋最想試但係又驚伏嘅食物點知嚟度意外地好食本身咖喱係冇跟任何飯或者煎餅所以我哋4個人extra叫咗兩份剛剛好一人一塊-🔸泰式蟹肉奄列充滿蟹肉 點埋嗰酸辣汁更開胃-🔸泰式虎蝦炒金邊粉虎蝦都算大隻同爽身味道不過不失-🔸香蕉煎餅配椰子雪糕就係將頭先食咖喱嘅煎餅做底之後加上香蕉 最特別就係香蕉面頭嗰塊焦糖 加咗少少分…查看更多