0419t的個人專頁

羊腩煲一上枱要等一陣等佢熱，湯底偏藥材味，但唔會太重手，飲落暖胃。羊腩份量唔少，肥瘦均勻，煲得夠軟腍，入口無腥味幾好。腐竹同枝竹吸晒d湯汁，夠入味，香菇大塊，整体味道平衡，都幾開胃。冬天食一煲好舒服。小籠包係現包現蒸，皮薄透光，夾起嚟有d容易穿。咬落去有湯，但唔係爆到四圍濺，湯底鮮甜，肉餡鬆軟，油分適中。一籠四粒，食完唔會太飽，適合同朋友share黎配羊腩煲。羊腩煲冬天食特別舒服，小籠包都幾ok，推薦冬天食下暖胃。…查看更多

今次係QUE食左個lunch set好驚喜。叫咗個松葉蟹肉蟹膏忌廉汁意大利飯，真係超好食。一上枱就feel到好足料，入面蟹肉蟹膏三文魚子堆到滿瀉，仲有黃色菊花瓣點綴，好靚好有和風feel。米煮到creamy但粒粒仍然彈牙，忌廉汁下得啱啱好，唔會太濃太杰，仲滲咗蟹湯鮮味。蟹肉厚身又甜，蟹膏濃郁順滑，三文魚子一咬爆開即刻加分，一啖飯撈埋蟹肉蟹膏食，真心滿足。套餐仲包埋沙律同飲品，咁樣一set真係好夠食唔膩。環境光猛寬敞，坐得舒服，服務員好有禮貌又快手。食完好飽足又滿足，下次會想試埋其他野食…查看更多

今次同朋友去銅鑼灣十里食晚飯，試咗幾款招牌菜，真係幾滿意。茉莉花茶煙燻鯧魚，一上枱真係好香，茉莉花香同淡淡茶煙味好夾，肉質唔乾，入口有花香同茶香，幾清新，開胃好正。魚子醬藤椒香煎刺身級帶子既帶子夠大粒，煎得外焦內嫩，微辣藤椒醬麻麻地好醒神，魚子醬一咬爆，鮮味即刻提升，幾有水準。片皮鴨既鴨皮烤得金黃薄脆，油香夠，鴨肉嫩滑唔鞋，包餅食啱啱好，甜麵醬同蔥比例都夾得岩，整體做得幾好。黑松露小籠包皮黑白漸變幾靚，一啖咬落湯汁多，松露香好明顯，唔係嗰種假香精味，熱辣辣食超滿足。整體嚟講，四道菜都整得幾精緻，味道平衡又有特色，環境舒服，服務都ok，價錢中高，但同質素成正比。想食創意中菜又唔想太過誇張嘅朋友，十里真係幾好選擇。…查看更多

嚟到銅鑼灣牛氣食火鍋放題，環境企理舒服空間大，一入到已經好有打邊爐氣氛。今次揀咗蕃茄湯底，湯色夠濃郁，聞落去已經好香。飲到停唔到口，連唔係好飲蕃茄湯嘅朋友都話呢個底好清新，唔會膩。d牛肉碟碟都好靚，牛肉厚薄適中，入口即化，配埋蕃茄湯汁一齊食，酸甜開胃又夠juicy。丸類同海鮮落去都好夾，蝦滑彈牙鮮甜，出面自助吧仲有唔同麵唔同菜可以加。食完仲有唔同甜品可以食，超滿足。冬天同朋友圍住煲慢慢涮，暖笠笠又開胃，幾好食！鍾意清爽唔太重口味嘅朋友，絕對值得一試。…查看更多

lunch諗唔到食咩黎左食燒肉谷午市set，叫最平既set已經有肉燒又有飲品蔬菜水果小食甜品任食，計返都好抵。雖然個餐平平地但d肉都好ok，豬頸肉同雞肉都好好食唔柴。配料都好多選擇每種食d都已經好飽。d飲品都好多款唔會食燒肉食到乾。自助吧既小食同飯都好足同d燒肉好夾。最中意就係佢地有雪糕機仲有兩款口味既雪糕揀，自己整甜筒想食幾多可以整幾多超滿足。食set同平時食放題體驗幾唔同下，有時諗唔到食咩黎食set真係幾抵。…查看更多

今次試咗佢哋嘅青花椒麻辣湯底，麻辣平衡，青花椒香氣突出，入口先麻後辣，湯色紅亮，飲得多都唔會太油膩，幾啱喜好中辣嘅人。食材選擇夠晒豐富，d澳洲和牛薄而有紋理，焯幾秒就啱食，肉味鮮嫩；墨魚丸彈牙，墨魚味夠濃；蔬菜都有超級多款，吸收湯汁後帶甜，幾抵食。最正係台式小食多到數唔晒！台式香腸微焦香口，鹽酥雞同炸雞排可以任點，甜品選擇都多，食完火鍋可以係自助吧自己調配甜品。仲有滷肉飯好好食可以食成碗。環境乾淨企理，火鍋一人一鍋好方便。服務員態度友善，會幫手加湯。自助吧補充快唔使等太耐。青花椒麻辣湯底有台式風味，自助吧小食夠台夠地道多選擇，性價比好高。…查看更多

前排行街路過見到呢間麻吉感覺幾吸引就黎試下。個鹽酥雞炸得幾外脆內嫩，雞塊大小適中，咬落去仲有汁。九層塔香氣夠，胡椒鹽調得啱，食落唔會太油，幾開胃。酥炸軟殼蟹麻婆豆腐拌麵幾驚喜。軟殼蟹炸得金黃，連殼都脆，蟹肉鮮甜。麻婆豆腐辣度適中，麻香突出，豆腐滑溜，撈麵一齊食，麵身彈牙，醬汁掛得實。我個fd叫既紅燒半筋半肉麵湯底濃郁，牛腩炆得軟淋，筋位有咬口，肉位入口即化。麵條粗幼得宜，吸滿湯汁，d肉分量都幾夠好滿足。麻辣鴨血係追加嘅，鴨血嫩滑，吸晒麻辣湯汁，辣度ok唔會太誇張，帶d花椒麻味，食落過癮。配凍飲一齊，解辣又醒神。…查看更多

同fd行東薈城想食飯見到呢間金龍就打算黎試下新野，餐廳環境乾淨企理，坐低已經覺得舒服。服務員有禮貌，落單快，唔使等太耐就上菜，整體又幾有feel。鐵板西冷扒一上枱就即刻聞到餓，塊牛扒厚厚哋，煎得外層微焦，切開仲見到粉紅色肉汁，咬落去軟嫩多汁，feel到舊肉係靚野，黑椒汁香濃帶辣，香到停唔到口。另外試咗瑞士汁雞翼，醃得入味，甜醬油香撲鼻，皮烤到微脆，肉質嫩滑，一啖咬落去汁水四溢，超級惹味。點左杯黑白奶雪糕紅豆冰，夠嗮解膩，紅豆煮得軟糯，粒粒分明，椰奶香滑濃郁，冰淇淋雪白幼滑，飲落去清甜冰涼，層次豐富，飲完一滴不剩，完美收尾。金龍d口味地道，火候到家，份量又足。下次經過呢頭會再黎食。…查看更多