石石飲食生活台的個人專頁

：有無甜品或糖水嗰啲送呀？：甜品就無，糖水就有（侍應行開後）：又幾好喎呢間，好過以前去熊貓酒店嗰間酒樓要另外叫，幾十蚊得唔知兩粒定三粒湯丸🙄***食完個餐後***：唔該可以上糖水：咩糖水？：話有糖水送嘛：無架喎我哋…：吓？頭先個人話有，講得好清楚架喎，我問佢有無甜品或糖水送，佢話甜品就無，糖水就有！：無，我做咗幾年，呢度從來無糖水送！：我唔理幾多年啦，係頭先嗰個侍應話有得送！最後當然係無啦，搵笨嘅！…查看更多

嘢食係OK嘅，間唔時會黎晚飯今晚坐個位成晚俾侍應揚來揚去，好騷擾，感覺飛咗好多塵過黎，出聲講佢仲好似特登揚多兩下，頂！佢哋又企喺旁邊大聲講嘢，間唔時又俾佢哋客親🤦🏻‍♀️🤦🏻‍♀️🤦🏻‍♀️…查看更多

約咗人早到咗幾個字，google 到呢間coffee shop 決定入去飲杯咖啡飲住等，入到去就係counter 量體溫，然後搵表填紙仔，入埋箱。店員：要啲咩？我：有無凍mocha？店員：你要xx豆定yy 豆？我聽緊歌除低耳筒問：sorry 咩呀？店員：你要xx豆定yy 豆？我心諗：嘩！我阿媽一定幫襯唔到呢間coffee shop啦乜乜豆鬼識咩？！我問：邊隻豆無咁酸？店員：xx豆。我：好就呢隻。店員：20蚊。我心諗：咁平嘅？凍mocha喎，唔通我落錯order? 是但啦求其一杯咖啡我又唔志在飲咩咖啡嘅，志在坐低等人。然後我坐低等，counter喺我左手邊。店員：凍mocha! (注意，張單有number 但佢唔係叫number，我都等咗幾秒見無人拎我至埋去拎）我心諗：咦？點解俾膠杯咁唔環保，是但啦，一次半次，罪過罪過…然後返埋位上網、講電話，等人，左耳聽住歌。隔咗可能5-10分鐘，隱約好似有人講嘢，眼尾睄到左邊有人有動作，擰過去望下，原來個店員喺counter入面叫出黎，話外賣唔可以坐低飲…我：（？？？？）我無話要外賣喎！我心諗：你唔行過黎同我講喺個counter入面同空氣講？然後我行埋counter再講：我無話要外賣喎，同埋我喺你面前寫咗紙仔，你睇住架！你要收幾錢我俾返囉，我無話要外賣！(我應該類似說話講咗兩次）店員：如果堂食係坐低有店員take order…我：我第一次黎我唔知店員：你俾多$22就得嘞我心諗：$42就差唔多我講：我頭先仲諗點解$20咁平店員：（笑）後記：我原本唔想出呢篇食評，因為反正我唔會再幫襯，但我今日得閒寫。如果你唔肯定個客係堂食定外賣，你可以觀察，觀察唔到可以問佢。但好明顯個店員無視過我填表，亦無問我堂食定外賣，就assume我外賣，然後話個客唔啱！😡客戶體驗好差，anyway，我都唔會再幫襯。…查看更多

今日去食lunch，魚生飯同壽司都唔錯，仲有碗叉燒拉麵面三件壽司，好足料好抵食，魚生飯有兩隻大玻璃蝦、三文魚籽、大大片海膽、帶子(細隻咗小小)、左口魚裙邊，而壽司刺身餐有劍魚腩、鰻魚等，對得住個價錢。午餐加飲品$5，另外追加小食螺肉算大份，三文魚骨就一般…查看更多

平時過iSquare食lunch，多數去名代宇奈食鰻魚飯，或者丸龜食烏冬，次次都見茶木有條排隊人龍，咁今次好奇心驅使下就入咗茶木試下。Order咗呢個台式拌麵套餐，加$9轉黑糖珍珠奶茶少冰。首先黎咗杯黑糖珍珠奶茶，咦？唔甜嘅，個甜度介乎走甜同微甜之間，茶味居然有少許伯爵茶味道，但又唔係完全伯爵茶，怪怪地，忍唔住同侍應講，佢攞咗入廚房加糖，出返黎見到明顯杯邊有少少黑糖掛咗杯，攪勻再飲，都只係甜咗少少，我諗係人哋出面嘅半糖都無🙄個拌麵好麻辣，啱味道，但好咸。鴨血話係麻辣，但唔係幾麻辣。半筋半牛肉，嗰啲牛肉係肥牛，勁肥同埋一撮撮咁，賣相有啲嘔心，初時以為係牛筋黐住嗰啲下欄肉，但夾夾下似曾相識，咦？原來係肥牛😅😨食完之後滿腔麻辣，然後飲返杯珍珠奶茶，本來呢個時間飲杯甜嘢好啱嘅，但係佢唔甜乜滯又有啲怪味，解唔到辣唔滿足，最後飲剩半杯😣下次都係食返鰻魚飯或烏冬或日本拉麵算了…查看更多

等37分鐘的pancake，好唔好食就見人見智啦，但當你見到隔離枱只係早你一分鐘order但已經食完走埋😨😱😨😱，我嗰碟都未到😤😤😤，你就覺得一啲都唔好食😑😑😑😑…查看更多

今日發現唔使排隊架原來，但係要攞飛囉！幾個月前食過，今日難得經過諗住懲罰下，一去到見得幾個人排隊，就排啦，點知排咗一輪先知道排隊係無用架😂 大家記得黎到攞飛喇，但啲人點解排隊呢？反正等叫號碼...🤔…查看更多

媽咪雞蛋仔，我記得十幾年前已好出名，第一間店嘅時候我都有幫襯，要排長龍架！之後越來越多分店，北角雞蛋仔相信係佢最大競爭對手以開分店來計，但對手嘅分店執笠咗唔少，可能因為質素控制得唔夠好，流程亦都好像無咁好... 經營嘅嘢，好多原因嘅，喺度就唔多講喇。今日要講嘅係，荃灣呢間媽咪雞蛋仔，我差唔多如果經過必定幫襯，同埋一定係原味，其他味嘅花臣嘢唔係我杯茶，而且原味就係可以試出真章，喂！你個盤可以清潔下嗎？？？…查看更多

爸爸要求去Outback慶祝生日，慳住我哋個荷包，點知就失望了。首先個T骨扒要七成熟，因為有小朋友，希望都可以切些全熟的邊俾佢哋食，點知黎到上枱得兩成熟😓，同佢反映，佢就攞返去翻grill 到九成半熟，唔明牛扒專家點解攪到咁，原本伴碟嗰啲雞飯無咗，同兩個侍應講咗都無俾返啲飯我哋，唔好理我食唔食得晒，你要俾返啲飯我囉。蕃茄海鮮意粉好咸，雞肉蝦寬條麵又太淡。最好味是baby ribs。…查看更多

朋友來過晚飯，推薦我們來吃今晚的生日飯，在沒甚麼期望下，大家都覺得不錯！招呼算殷勤有禮，櫈坐得舒服不逼夾，食物整體中上，是晚點了以下菜色：滷水鵝：夠淋入味，小朋友食完又食小炒王：韮菜花鮮甜，碟餸炒了出來很香的炸蝦棗：我沒吃，看起來不錯蠔仔粥：蠔仔份量多，粥味道好普寧炸豆腐：中規中矩咸菜豬肚湯：豬肚份量多，食唔晒，咸菜偏酸但我鍾意芋泥：中上，軟滑香潮洲魚蛋米粉：中規中矩價錢方面合理，即是不貴，整體滿意…查看更多

《鴻星，無乜嘢都唔會再去》原本個餐有以下兩碟餸1) 古都烤鴨(一隻) - 按：即片皮鴨一隻2) 土樓醬烤鴨架子結果，七點鐘已經話無晒片皮鴨，唔知點做生意。1)嘅片皮鴨變咗圖中嘅例牌size 燒鴨；而2)嘅醬烤鴨架話換碟菜俾我哋，但個餐本身已有一碟菜，又俾多碟菜咁健康？問佢有無其他選擇，佢話加$20可以要叉燒，結果只得紅圈內嘅幾舊叉燒，即係呢碟嘢，係一隻片皮鴨+醬烤鴨架+$20 換黎嘅，係咪黐線？！另外，個餐寫明包阿拉斯加蟹一隻約三斤半，結果話賣晒，要加$200食隻大啲嘅。喂，有無大隻到，無人知！而且隻蟹係凍蟹，即係一早已經整定，一早已經諗住捃人加$200！…查看更多

午餐自助餐甜品一如既往一般，有生蠔，要排隊拿吉碟給師傅，她才肯給蠔，說生熟食物不能混在一起，可是生蠔位置沒有碟，要行去對面近甜品枱才有碟拿，好奇怪的安排。我吃了4隻生蠔，不知是否吃了它，回家後六時多就肚瀉了...唉... 兩位朋友沒有吃生蠔就無事服務就很不錯，網上訂位時要求寫隻生日碟，結果有一件生日蛋糕連蠟燭，朋友都覺得好開心！…查看更多

呢間一直都係超長龍店，上星期日經過見唔係好多人十個左右，就排黎試下啦，買咗佢嘅招牌啵爆黑糖厚鮮奶，因為怕太凍想要少冰，個店員即反白眼🙄話無得少冰少糖，第一次飲唔知道唔使反白眼呀嘛？！然後飲咗居然唔夠甜，亦唔夠凍，明顯無其他網友po嘅咁多黑糖，結論係老虎堂好飲啲…查看更多

今日經過，買咗個大雜錦黎試下，幾好味喎！生腸、牛柏葉唔韌夠林，鹵腎夠入味，$55都算幾抵！可是想講下，個普通嘅發泡膠盒，拎到返屋企漏晒汁，可否換第二種外賣盒呢？…查看更多

病咗唔想煮去買個蒸飯，幾款蒸飯首選鳳抓排骨，次選北菇雞，再次選鱆魚肉餅，叫咗個鳯抓排骨飯，點解咁多樣唔錯，你俾錯個咸魚肉餅我呀？？？頂！！！ 喊～😭😭😭⋯⋯…查看更多