全城食的個人專頁

近來幫襯茶記食咗個福建炒飯，完全不倫不類，食後心靈更加空虛，好想食返一個似樣好味嘅福建炒飯。今日去朋友喺灣仔行街，搵食其間過經見到這間東園酒家，記得這間已經開咗很多年，疫情下都屹立不倒，我就提議入去試吓食福建炒飯。記得有個做大廚嘅朋友講過，福建炒飯同鴛鴦炒飯都係一間酒樓皇牌，亦係炒麵飯的一種，大酒樓做的這兩款炒飯一定會做得好食，亦可以試出大廚功力。所以我與朋友就點了一人叫一個飯，還點了少許點心及一個湯分享食。大酒樓做嘅鴛鴦炒飯同福建炒飯質素的確唔同，炒飯一點點夠企身，福建炒飯材料如蔬菜、肉粒、乾瑤柱都足料，個汁好味夠味，撈勻個炒飯好好食👍🏻鴛鴦炒飯一樣做得好，蝦仁夠大隻，白汁清清地，茄汁酸酸地又夠味，兩個飯都做得好好👍🏻下次真係想食福建炒飯同鴛鴦炒飯都要幫襯大酒樓，唔好垃亂喺茶記食…查看更多

從來想食魚旦燒賣腸粉雞旦仔都唔會亂食，皆因中伏得太多次，心目中已經有一份最好食嘅街頭小食嘅清單，每逢工作要經過清單美食附近都會去幫襯。今日就剛剛經過開油麻地，一定要去通達滿足一下想食街頭小食嘅慾望🤩腸粉加燒賣多醬係我最愛，皆因通達啲甜醬同花生醬係特別好味，碗仔翅加魚油加生菜三溝都係最愛，加少少醋又係好好味👍🏻其實魚旦燒賣碗仔翅唔難做，但係做得好就必須要有鑽研，香港即使經過這兩年多的風風雨雨及疫情，特別係喺油麻地區的通達仍然屹立不倒，不過這次來幫襯，眼見生意已經大不如前，希望大家能多啲支持，否則就會少咗一間好食食店。…查看更多

喺討論區D人講到沁沁麵好食到識飛咁🧐，今日同朋友專登去東區法院傍聽，其實就係要試吓呢間叫沁沁麵。我哋點咗討論區最多人推薦嘅人蔘雞湯麵、大胃王秘撈麵、醉雞卷同羅漢果茶。人蔘雞湯麵呢個湯比較溫和，清甜味重過藥材味，飲落好好飲幾舒服😋，材料同麵就普通，但係隻旦好入味好好食，下次可以試吓配米線。大胃王秘撈麵隻冬菇好好味，又大件又腍又入味😋，個汁甜甜地好開胃。醉雞卷就麻麻哋，酒味不太夠，雞肉就幾嫩滑。羅漢果茶唔多似以前飲開果D，幾濃味幾好飲，令我以後對羅漢果茶改觀，凍飲仲透心涼。一生人第一次寫食評，係因為一邊食一邊感受到小店很有誠意，嘢食啱唔啱食都係其次，但係每位店員都係落力去招呼客人，食物又盡力做到最好，值得加許💪🏻…查看更多