John媽的個人專頁

每次去圓方睇戲都唔記得位置係2/F火區，不過最記得就係睇完戲後同成班朋友一定會過對面嘅CafeDecoPizzeria 食野，因為方便又有位地方夠濶落可以慢慢傾計。睇完戲後確實肚餓而且小朋友見到門口大餐牌上嘅牛扒薯條已經話好想食。坐低後職員見到有小朋友即刻比畫紙小朋友畫顏色，大人就可以有時間點餐揀食物，小朋友見到牌仔上嘅士多啤梨意式手工雪糕奶昔好想飲，雪糕奶昔係用新鮮士多啤梨果蓉整成，飲到好香濃牛奶味。見餐牌上嘅Cocktail「紫迷花園」幾靚，用白冧酒、桃酒、椰子水、檸檬汁、薰衣草糖漿及蝶豆花茶調配，老公就飲Mocktail 芒果香橙莫吉托（Nojito)，芒果蓉與橙汁青檸梳打水，再加薄荷葉，飲落唔會好甜好酸亦無好勁薄荷牙膏味。前菜小食，見到新推出嘅炸南瓜芝士丸，脆皮內餡軟滑，都幾好味，配合柚子醬食，個醬係幾好味夠清新，另一個雜錦小食拼盤，有蝦、魷魚圈、炸粟米、雞翼、炸南瓜、烤豬腩肉串燒。Pizza必點比小朋友食，揀咗煙吞拿魚腩薄餅，吸睛位係兩隻雞蛋流心蛋，餡料有吞拿魚、磨菇、三文魚籽、毛豆、櫻花蝦及照燒茄子蓉，主菜點美國黑安格斯肉眼牛扒，老公揀咗6-7成熟，就小朋友無食太生有血，牛扒好軟好有牛味。白酒香草忌廉煮藍青口，青口浸係濃香忌廉湯中有淡淡酒香，蒜蓉多士浸喺湯中滲透湯汁會更好味。甜品點抹茶芝士蛋糕唔會好甜好腬，雪糕係用新鮮香蕉整，再配埋橙皮果乾甘甘甜幾清新去油膩。老公食香蕉拖肥朱古力脆糖脆核桃，軟軟Gelato面入面有香蕉底，配埋周邊嘅朱古力脆糖脆核桃一齊有雙重口感。小朋友食燕麥奶凍，個奶凍幾Q彈彈，好濃燕麥味周邊有白桃雜莓碎。…查看更多

同屋企人經過禮頓見到依間十字冰室又好有風味感，唔知同十字奶有無關係，但一定想試有奶嘅飲品。小朋友要士多啤梨奶昔，大人就咖啡紅豆冰，因為當時都四點幾過咗下午茶時間又有啲肚餓見到個白咖喱都幾吸引所以嗌咗個白咖喱豬扒飯食落就唔辣嘅奶味重，我再試吓個羅宋湯。小朋友要食西多士，老公就叫咗雞翼撈公仔麵，再叫咗A餐豬仔配飲品，呢個要$40有點貴，再加$12可以配薯條。…查看更多

每個月都會搵下不同餐廳酒樓方便同朋友每月聚會生日會，咁岩同朋友食過午餐都唔差就試下晚餐。賣相唔差，但燒豬就似係拼豬片，一定唔係原來嘅燒豬。整體方面都唔差，可以同朋友一圍迫少少一枱傾偈。聚會慶祝生日。…查看更多

同朋友生日聚會，每次都12人以上，要同一大班朋友一齊傾計，又唔想分兩枱，最好嘅選擇係去龍寶食。枱夠大，野食夠平又唔差，生日最開心係有隻燒乳豬，自己帶手套動手剪開，每次大大舊食，勁滿足。炸鮮奶球幾好味鮑魚就鹹咗少少，炸生蠔好味。大蝦伊麵都唔錯雞、鴨胸炒西芹、蒸魚、冬菇生、雞煲、壽包淨係方面，價錢夠平。…查看更多

父親節同家人一齊食個快飯叫左6餸+白飯菠蘿咕嚕肉西蘭花炒帶子豉油王炒大蝦脆皮雞魚香茄子煲蒸魚不過不失，咕嚕肉最好味，其次係魚香茄子煲、西蘭花炒帶子、脆皮雞，之前有試過叫乳鴿都唔錯！…查看更多

行堅尼地城沿牆樹行到西環邨，做夏日主題，所以帶咗兩個小朋友入去食，叫咗兩個兒童餐比兩個小朋友，煙肉芝士通心粉 +橙汁 及 炸髀漢堡包薯條 +蜜桃汁 。芝士通心粉細仔即刻搶先食咗大大啖，滿滿芝士做到微微拉絲，大個仔見到脆脆薯條🍟 佢好想食，餐廳嘅炸薯條我都會比佢食少少，相對快餐嘅我就一定唔會比佢食。老公就揀咗美國頂級肉眼+熱泡沫咖啡，我就好想食沙律就揀咗牛油果鮮蝦配乳酪水耕菜，依個我覺得好好味，牛油果又大又香滑，打開個大牛油果入面裝住鮮蝦乳酪，食落涼涼地幾爽彈，食物上我再點多個黃金蟹黃意粉，成碟意粉係勁多蟹黃超豐富。最後我就揀左杯比較意式咖啡奶昔，係雪糕倒上熱咖啡，等咖啡慢慢溶化雪糕，杯咖啡變得又香又滑。食飽晒小朋友最期待就係雪糕球，12歲以下小朋友可以問職員攞個雪糕，職員哥哥𢳂左雪糕球比兩個小朋友後，佢地就去左Candy Bar 落左啲彩虹糖同餅仔。John同Jake仲食左蝴蝶酥話好好味喎。兩個小朋友仲好嘆咁坐去沙灘櫈上慢慢享受佢杯雪糕又真係幾Chill 喎！…查看更多

同朋友係大圍火車站外搵下午茶時見無咩人就入去慢慢傾住食我就叫左蕃茄蟹肉扎肉檬粉+芒果西米露唔錯朋友就叫咗椰汁椰果西米露同豬扒撈檬我地傾左好耐阿姐都無好似趕人走咁都唔錯，食物都好味…查看更多

兩個小朋友一入到去見到滑梯🛝同波波池🤹🏻已經超開心！食嘢方面小朋友最鍾意🇯🇵北海道8.0牛奶軟雪糕🍦配自製棉花糖及啫喱😍，仲有檸檬蛋糕🍰。比小朋友嘅食物點左Wheel On the Bus一個拼盤入邊有八款食物樣樣都有小朋友食得好開心，大人方面就點大阪燒薄餅、迷你安格斯漢堡、明太子三文魚籽海鮮意粉、韓瘋炸魚薯條🍟。我自己就幾鍾意個車仔拼盤，佢嘅牛油果配埋粟米再喺上面加咗食用花，靚得來又食得我覺得唔錯！檸檬蛋糕🍰都唔錯👍🏻係脆脆餅底黎！大阪燒薄餅個皮邊好脆餡料係炒麵底上面放咗木魚碎。我哋走嘅時候仲見到姐姐開機洗波波喺，衛生做得幾好！…查看更多

帶佢地去食海南雞飯，必選揀二人餐，因為小朋友喜歡有雪米糍食呀😆。最鍾意就係飲個靚湯，兩個婆婆揀咗好耐又問職員姐姐🧍🏻‍♀️好耐，我覺得職員姐姐🧍🏻‍♀️真抵讚，好有耐性慢慢講比兩個婆婆聽。今晚有啲涼意我就想食肉骨茶想暖下身，小朋友就想食豬頸肉，所以我就叫左個二人套餐有兩個湯、半隻雞、豬頸肉、有菜、小食同兩碗飯。今日嘅湯係南瓜🎃紅蘿蔔🥕粟米🌽瘦肉湯，南瓜煲到溶晒夠晒濃郁，小朋友每人都飲左半碗，兩個小朋友揀飯方面都好識揀呀，要食油飯話香滑好味🤤，雞件無骨夠嫩滑，豬頸肉夠晒大片外邊微微脆身食落唔會好乾又保留到Juicy ，食左豬頸肉我當然要兩個小朋友一定要食晒食碟菜咁先夠纖維。個麻辣豬耳仔小食我食晒😆香麻脆辣，好味😋。小朋友食飽最期待一定係食雪米糍。另外肉骨茶都好足料，豬骨🦴唔會淨骨頭會帶有兩邊肉，材料方面有杞子龍眼沙參玉竹大棗，豆卜索晒肉湯精華，飯完個身都比較暖。食海南雞同豬頸肉最好味仲有佢嘅醬汁，紅色嘅辣醬係最好味，每次同老公食一定清晒兩碟醬😆。…查看更多

平時九龍灣搵食都係淘大同德福多，但都係連所快餐無咩新意，行左去得寶商場個邊時見到有間新開嘅潮州滷水菜館-潮順館。天氣又凍見到有午市套餐就入去試下啦！坐低後職員會比杯熱茶，唔係平時普通淡茶葉茶，而係菊花普洱茶。揀左兩個餐，見到滷水大碗飯就試一個，點左 王朝招牌三寶飯 （鵝肉、鵝肝、鵝腸）仲有個就係 金銀蛋魚片泡飯 。三寶飯嘅鵝肉都幾嫩唔鞋口肉多唔係骨杉杉、鵝肝食落好滑溜，可能平時鵝肝印象係煎香所以今次食落咁滑有啲特別，鵝腸唔會好靭難咬，有配埋個酸辣汁比我地沾黎食。另外 金銀蛋魚片泡飯 入面有金皮蛋鹹蛋魚片芫荽、蔥，泡飯真係好香濃好味！金皮蛋咬落好彈牙，湯飲落有鹹蛋鹹香同魚肉鮮味仲有好香胡椒同芫荽蔥香味，魚片好爽滑食落有微微酒香，加上魚片都好多同幾大片，喜歡芫荽蔥香味，呢個係值得一試！跟餐仲有兩杯熱飲送，奶茶都唔錯，幾好味，唔會太濃茶或太淡多奶。…查看更多

而家天氣凍左兩個小朋友最鍾意就係打邊爐，可以睇住啲餸慢慢煮熟好有滿足感。每次打邊爐小朋友都鍾意食肥牛同烏冬，我就鍾意食帆立貝，所以我就同小朋友去食吉野家 。而家吉野家新出左北海道帆立貝鍋，有日本北海道直送優質帆立貝。帆立貝鮮甜肉厚。優質穀飼肥牛，經過特別切片所以點煮都唔韌，岩晒小朋友唔夠牙力都食到。極尚火鍋配料有野菜同小朋友最鍾意蟹棒同芝士獅子狗！兩款招牌濃湯有日本濃湯及小朋友都喜歡嘅鰹魚清湯選擇，煮完吉邊定食同野菜後，鮮甜味增加湯底層次感，最適合煮個烏冬令烏冬吸收晒濃湯嘅鮮味。堂食「吉邊」只係$49起，天氣凍凍地出街享受個簡單滿足邊爐暖下身，實在好划算。而家打邊爐其實外賣都好方便，我見到吉野家而家同外賣速遞平台app聯乘，推出外賣送「帆立貝火鍋二人前」只係$198。而家係屋企都可以輕鬆打邊爐。…查看更多

依幾日打風黎得咁急，好彩屋企有野食。之前係et Factory 買定「日本A5和牛燒肉套餐」。食日本和牛，好味吸引之處在於，香軟幼滑，小朋友無牙力，食「日本A5和牛薄燒肉片」個套餐，小朋友都可以自己成片食。平時一般牛肉兩個仔都話好韌咬唔開，最後就係啜晒啲肉汁就吐番啲肉出黎好浪費呀。 今次「日本 A5和牛燒肉套餐 (3-4人份量)」夠晒我全家食，我仲加左啲年糕一齊燒，吸收埋肉汁唔好浪費，加埋沙律菜夾住啲「愛爾蘭Hampshire有皮黑豬腩(燒肉片)」做生菜包好好食。因為「日本A5和牛燒肉套餐」原價$888，而家做緊優惠套餐$688，有6 pack肉再送「特濃芝士腸500g +二人鐡板燒爐一個」，計落有埋個爐都抵。…查看更多

好想去旅行🧳好掛住日本🇯🇵。近近地去 #馬頭圍道 就有得打下卡影到靚相嘅，日式⛩裝修佈置嘅 十戶 居酒屋🏮，店內店外都充滿着日本昭和年代氣息。去居酒屋當然要食🍣刺身同埋飲番杯🍶清酒，串燒更加係必點之物。先黎 特選刺身五點盛、燒雞泡魚乾 、清酒煮海蜆 做前菜開胃，再來一口清酒😜，咁先夠chill 同relax 😌。鬆脆炸物一點要點番個野菜天婦羅🍤，食天婦羅其中一件炸物好似係水果🍐，食落好清新，依個幾特別😊。粒粒小蕃薯🍠亦係唔錯，比起平時一片片蕃薯🍠一粒粒更香甜可口。串燒我就點番啲肉類飽下肚先，厚切美國牛脷、燒牛舌尖，燒羊架 ，燒烤香脆外層內裏仲係嫩口唔會乾晒，喜歡軟滑肉質可以試下 西班牙豚腩肉。明太子雞肉串就夠晒鹹香，本來諗住叫雞園骨但係我見到雞胸軟骨我就決定點嚟試吓，原來 雞胸軟骨 就係雞背脊條軟骨，我都係第一次燒烤方法食依件軟骨，都幾特別又有咬口。飲飽食醉後點番杯 乳酸梳打飲品 同 木村蜜瓜汁 清一清口腔味蕾。我仲攞左出門口影相打卡📸。咁先似去左一轉偽日本🇯🇵。…查看更多

小朋友番左學媽媽☕️Tea Time解放🎉近近地同媽咪去樂富廣場Pokka Café食個二人下午茶 Tea set，Pokka Café地方夠闊落舒服，$268就有個打卡必點靚靚三層架。沙律🥗、鹹點🥐、甜品🍰共有十款食物及☕️兩杯飲品🍹。上層🦀松葉蟹肉牛油果蕃茄沙律🥑松葉蟹肉配蕃茄沙律菜，先食沙律做個開胃菜。中層鹹點🥓黑毛豬火腿配蜜瓜 🍈、🍞鵝肝醬多士 🍗日式芝麻雞翼、🥐迷你雞肉漢堡牛角包雞翼食落係脆邊唔會淋晒嘅雞翼，牛角包夠鬆脆咬開可見一片片酥皮脆塊。底層甜品🍵日式紅豆綠茶慕斯、🍓士多啤梨慕斯牛奶布甸、🫐鮮果吉士撻、🍰日式焦糖拖肥芝士卷、🍬甜蜜馬卡龍日式焦糖拖肥芝士卷，香滑鬆軟食落有濃濃拖肥芝士香味，馬卡龍唔會太甜岩岩好，紅豆綠茶慕斯、慕斯牛奶布甸，慕斯布甸體積細細杯唔會有罪惡感😈。飲埋兩杯飲品 耶茄雪菲咖啡 及 金時姜檸檬柚子蜜。輕鬆同媽咪Tea Time左一個半鐘🕟。就行下街睇陣野，就接小朋友放學喇…查看更多

近排我地最愛同John去既活動就係野餐⛺️同路營🏕。一大班小朋友可以跑跑跳跳接觸大自然，大人亦可以輕鬆吹水。上次經驗係小朋友咁早醒晒，大人煮唔切野食，係度叫肚餓，所以今次我哋醒目喇😎叫左@feverfoodhk 到會服務超方便🚙 ，價錢都好抵食。我地叫左8款野食就番大人小朋友都岩食。常餐A . 6-8人餐（$784）🥚A7 卡邦尼意粉🍢A2 泡菜芝士年糕🍝A4 芝士肉醬意粉🍜H3 三色胡麻醬冷烏冬🥬H5 和風汁炒野菌蘆筍🧆C2 鹵水拼盤🍫H9 朱古力一口西多🥘B9 韓式柚子炸鷄配甜辣醬😁另外追加J1 $168 🍱（鹹蛋黃炸物拼盤）食後感😋大人個個都話「A2 泡菜芝士年糕 」好味道夠辣，小朋友可以食「H3 三色胡麻醬冷烏冬」，「A7 卡邦尼意粉」、「A4 芝士肉醬意粉」 每位爸爸各人不同口味都配合到😌。「C2 鹵水拼盤」、「B9 韓式柚子炸鷄配甜辣醬 」大人小食配埋冰凍啤酒🍻絕絕配。「H5 和風汁炒野菌蘆筍 」有番啲蔬菜纖維。「H9 朱古力一口西多」小朋友見到棉花糖即時開盒搶食😂。我地係要早上送到水上農莊好準時，我地去既係私人農莊佢都識路入到黎真係抵讚👍🏻。✨佢地仲有樣野都令我地一班爸爸媽媽覺得抵讚既，除左附送餐具 (叉、碟、食物夾)，仲會放啲發熱包貼係每層食物之間既紙板上，保持番食物溫度，送到黎時啲食物攞出黎係🔥熱到辣手👍🏻絕對細心用心❤️…查看更多