惡女的個人專頁

星期日諗住一家人飲餐茶，去到利苑唔使等位，可以直入，一心以為自己好彩，點知是有原因的🫠首先點餐時見到有假期特色組合（蟹肉粥+鮑魚撈麵），想問下侍應有幾大份，佢話幫我睇吓，跟住即刻問我落得order未，咁我未知個組合有幾大份又點知要點幾多嘢食呢😤😤到上點心，個奶黃流沙包一上枱好似每個包都俾人篤過隻手指落去咁，勁唔開胃，問侍應，佢竟然話係正常😡😡之後上個蟹肉粥同鮑魚撈麵，個蟹肉粥又腥又冇味，想像唔到係利苑出品，個撈麵勁鹹食完個侍應仲係咁催埋單😡 呢間真係利苑最差嘅分店，一定冇下次…查看更多

上個禮拜同朋友兩個去咗再興食晚飯。兩年前嚟過食叉燒飯，令我一食難忘，從始之後就無再食過更好味嘅叉燒。今次叫咗碟叉燒燒肉飯。嘩！啲叉燒好焾，入口即溶，真係超超超好味！！啲燒肉都唔錯，起碼啲皮仲好脆，再要贊吓啲飯，因爲本人鍾意食軟淋淋嘅飯，佢啲飯真係冇得頂，再加上任倒唔嬲嘅叉燒汁，呢餐飯真係回味無窮 …查看更多

今次第一次係呢間野叫外賣,叫左客滑蛋蝦仁飯&清炒西蘭花。D蛋好水,又冇乜味,D蝦仁淡到不得了,諗住要黎撈飯,搞到好似食滾水撈飯。個清炒西蘭花都OK,不過好油。如果唔係見佢咁平,真係唔鬼幫趁…查看更多