ilikebluesky2011的個人專頁

今日做孝順仔，同老媽子去飲茶。原來黃大仙都有間順德經典，於是同老媽子入去試。點左個藥膳雞腳，一來就好香當歸味，但個汁一d都唔苦，仲清清地，雞腳好有肉，但可以再煮淋d。蝦餃都唔錯，餃皮整得好好，夾起來又唔爛，咬起來又QQ。饀好好食，粒粒蝦肉。小籠包賣相麻麻，但食落好多汁，饀料足。P.S上來openrice先知好多劣評，真係奇怪…查看更多

早幾日過來官塘做野, 撞正放飯時間, 諗都無諗就入左嚟食野. 平時好少食上海野, 叫左個排骨面同小籠包。 同個四眼哥哥又好好傾, 送多我兩粒小籠包. 碗面ok, 不過細碗左d，舊排骨都炸得幾食, 唔太油! 小籠包個樣就一般, 但味道都幾好，肉汁都夠多! 啖啖肉咁！我鍾意。我見其他人又叫酸辣湯，又叫雲吞雞。。。好似好仲吸引，不過得我一支公又食唔多，下次叫多幾個fd一齊來試下先其他野先補充，我都係上openrice寫食評先知佢上過米芝蓮…查看更多