Sammiwong的個人專頁

大熱天時... 我同朋友不約而同選擇咗撈檬!🔸越式炒香茅豬肉撈檬香茅豬肉肉質軟嫩... 香茅清新迷人... 汁料酸甜適中... 口感鮮明!🔸越式香茅豬頸肉撈檬同香茅豬肉撈檬一樣非常清新... 而燒過嘅豬頸肉多咗一份焦香感... 層次更豐富!🔸牛油雞翼酥脆的外皮包裹住多汁鮮嫩嘅炸牛油雞翼... 搭配清爽嘅炒洋蔥... 既滿足味蕾... 又提升食欲... 令人一吃難忘... 必點!🔸青檸梳打/薄荷青檸梳打加配嘅兩杯飲品... 酸甜滋味與清新口味交織... 清涼解渴!餐廳環境整潔而且簡約... 營造咗舒適用餐氛圍... 感覺唔錯!…查看更多

估唔到北角區開咗間隱世高質嘅阿根廷扒房... 今日由朋友帶路去食咗個美味晚餐!呢度嘅牛扒係阿根廷一個月熟成草飼牛肉... 一於試下先!🔸Sirloin 250g $288西冷牛扒烤得恰當好處... 保留原汁原味! 油花比較少... 食落有咬口d... 感覺外層帶焦香... 肉味幾濃郁!  🔸Bone Marrow $108烤過嘅牛骨髓油脂有種獨特嘅軟滑醇香... 同脆卜卜嘅多士一齊食真係perfect match... 嗰種豐腴嘅口感食完都仲會齒頰留香!🔸Beef Steak Tartare $158生牛肉他他係用咗攪碎嘅優質生牛肉加埋魚子醬... 非常矜貴!  生牛肉質感鮮嫩... 鮮味十足... 係一個幾好嘅Starter!🔸Chicken Alfredo $168d意粉好有質感兼彈牙... 每啖都夾雜住清新嘅香草味! 雞肉係選用咗雞胸肉... 口感唔嚡... 烤完都仲keep到多汁嫩滑!🔸Thin Cut Fries $58桶上... 份量都唔少... 每條都炸得非常香脆!環境方面... 相當寬敞... 食都食得舒服自在!搵日再去食個set lunch先... $218包埋無限量供應香蒜炸薯條!🤩…查看更多

揀食肆... 除咗要食物質素好... 服務態度都係考慮因素... 呢間【濟州燒肉食堂】係我幾欣賞嘅其中一間韓燒食店!🔸一級五花肉 $238肥瘦相間... 燒完之後肥而不膩... 帶焦香!🔸濟州黑毛豬肋肉 $89肉質細緻鮮嫩... 肉味濃郁!🔸大蔥切牛舌 $138薄切... 份量算多... 燒牛舌有肉嘅口感但係冇肉嘅油膩... 風味獨特!🔸和牛牛五花 $158口感豐潤多汁... 燒到油脂融化出現焦香... 越食越感受到嗰份香濃!🔸海鮮煎蔥餅 $138煎得非常香口... 香脆得嚟又帶有啲Q彈嘅口感... 點辣醬食最正!🔸黑米冷麵(湯) $92黑米味嘅冷麵增加咗佢嘅獨特性... 冰涼彈牙口感... 最啱夏天食!🔸荔枝梳打 $32 / 濟州特飲 $32兩款都好飲... 前者清新香甜... 後者係用蘋果漿調配出嚟嘅特飲... 酸酸甜甜幾開胃!另外有幾款泡菜、爐邊芝士粟米、泡菜蛋可以任添!  好多食店上完菜就由得客人自己燒... 乜都唔理!  但係呢度嘅店員就非常殷勤... 多次主動走過嚟問需唔需要添芝士粟米呀、蛋汁呀!  又會留意枱面嘅冰水... 適時遞上新一壺!  又會主動指導吓點燒d肉! 看似好普通嘅一句或者一個舉動... 已經足夠加分! 下次再幫襯!…查看更多

呢間Kaya我都幫襯過唔少次... 質素一直有返咁上下水準!平時去到多數係食人氣海南雞飯... 今次見到有🔸「娘惹茶燻鴨喇沙摻摻」... 賣相幾吸引... order嚟食吓!茶燻鴨係用咗大大塊、好厚肉嘅鴨胸... 啖啖肉好juicy... 而且份量唔少... 而喇沙湯底非常濃郁... 鍾意食喇沙嘅推介一試! 🔸「參峇醬燒豬頸肉」呢個冇得輸... 軟滑爽彈... 帶有焦香... 蘸參峇醬食實在非常惹味... 鍾意用嚟送飯嘅可以加配油飯... 飯粒分明... 油香四溢!🔸「街頭雞串燒」味道香濃略帶甜味... 唔會辣... 肉質有彈性...  係非常唔錯嘅小食!🔸「班蘭咖央多士」... 鍾意佢嘅多士烘得非常香脆... 班蘭醬同牛油份量恰到好處... 食每一啖都係享受!🔸「柚子西柚梳打特飲」、「藍莓巨峰梳打特飲」兩杯都有加新鮮果肉... 口感好清新!…查看更多

呢間韓國食店無論喺裝璜、氛圍、菜式都充滿濃厚嘅韓國風味... 難怪晚上八點去到都座無虛席!食物方面...  個人首推👇【大發! 芝士鐵板黑松露炸醬拉麵】（$98) 非常有口感丶嚼勁... 配埋黑松露醬又出奇地夾!【爆之River甜辣炒雞X小章魚】（$68)除咗有鋪到滿滿嘅雙色芝士、雞塊、章魚仔... 底層仲有烏冬㖭... 撈埋嚟食好惹味! 呢個價錢有咁嘅份量同食物質素... 真係勁抵食! 推介用生菜($10/份)包住食... 韓風十足! 鍾意食烏冬嘅... 仲可以加$8 升級無限添食烏冬!【開心Share拼盤】（$88)有大、細拼盤之分... 最啱一班朋友一齊分享! 拼盤包括炸韓式粉絲紫菜卷、芝士卷、餃子、炸魷魚圈、薯條!  個人認為粉絲紫菜卷、芝士卷有水準... 記得要趁熱食!【Original無骨炸雞】（$142)真係嚇親... 冇諗到份量咁多... 冇特別數... 估計有十件... 啖啖肉... 外脆內嫩... 超級juicy!  除咗原味... 仲有多款口味... 包括岩鹽香蒜牛油醬、酸忌廉醬、秘製醬汁配黑胡椒碎、韓式甜辣味... 即叫即炸... 必試!【甜蜜蜜糖葫蘆X夏日清爽青提沙冰】（$138)餐後甜品... 份量好足... 一定要share食!  每日限量發售... 沙冰上面插住2串提子冰糖葫蘆... 好過癮! 沙冰有清甜嘅青提味、同埋清新嘅薄荷味... 餐後食有解膩之用... 非常唔錯!【More Than Lemonade】蜂蜜檸檬特飲（$58)【Drink Me!】粉紅西柚特飲（$58)呢兩款無酒精特飲都幾清新解渴... 個人偏好粉紅西柚!  鍾意啤一啤嘅... 都有多款酒精飲品可供選擇! 韓國Terra啤酒依家做緊買2送1... 抵!整體感覺唔錯... 尤其氣氛... 好啱一大班朋友聚餐!…查看更多

今日朋友問起... 最近食過啲咩正嘢... 有邊度好介紹... 我第一時間諗起早幾日去咗「韓燒大叔」... 呢間係我近期食過... 覺得性價比好高嘅食店!「韓燒大叔」嘅晚市120分鐘任食放題真係幾抵... 只係$298起... 週五、六、日及公眾假期加$20! 食物方面...🔹主打6款唔同部位既美國及澳洲安格斯牛...包括美國安格斯下肩胛肉、肩胛翼、澳洲穀飼黑安格斯牛板腱、內裙肉、澳洲草飼黑安格斯牛頸脊等... 絕對係高質素! 當然仲有其他肉類選擇... 薄切腩肉片、牛脷、豬皮、豬頸肉... 非常值得一試!🔹任食8款新鮮刺身... 有三文魚、帶子、赤蝦 、赤貝、立魚、魷魚、希靈魚!🔹多款自家製泡菜... 食韓燒又點可以少得呢!🔹熱食即叫即整... 推介炸雞軟骨、炸單骨雞翼!🔹時令蔬菜... 配搭烤肉一齊食冇咁漏滯!🔹韓國小菜... 必點炸紫菜卷... 上枱仲熱辣辣超好味! 仲有好多地道韓式食品... 好似魚糕串、韓式粉絲、水冷麵、泡菜煎餅等... 充份帶出韓國風情!🔹甜品... 最鍾意係可以自己唧軟雪糕... 再揀topping... 我發覺加爆谷都好正! 另外仲有窩夫、泡芙、芝士蛋糕、brownie、糯米糍等等!🔹4款韓啤酒同藍妹生啤任飲... 而想試韓國清酒嘅就要加錢... 都唔少種類㗎!🔹四人同行即送原條鰻魚... 超級大條同埋好肥美!🔹鍾意食海鮮嘅可以每位加多$88... 就有多14款海鮮...  包括半殻扇貝、虎蝦、 帆立貝、青口、翡翠螺等等!超驚喜嘅係最近做緊抽獎... 有機會抽到醬油蟹、韓牛西冷... 我哋好好彩抽到大大塊嘅韓牛西冷!成晚食得好開心、好滿足呢!順帶一提... 呢度嘅午市都幾經濟實惠... 除咗可以叫set lunch... 亦都可以揀放題任食.. 六、日、公眾假期同價!  四人同行仲送醬油八爪魚一份㖭! …查看更多

之前聽舊同事介紹過... 話呢間充滿地道和風嘅日式食店嘅食材好新鮮... 叫我行開一定要試下呢度嘅刺身! 今日喺尖沙咀行完街街... 即刻帶埋老友去品嚐吓!竹刺身盛 $488有6款刺身... 包括中拖羅、甘蝦、三文魚、帆立貝、油甘魚、鯛魚!我覺得呢個份量都幾啱兩個人食... 鍾意食刺身嘅朋友真係唔好錯過... 因為啲刺身真係勁新鮮... 同埋大大件、好有質感! 中拖羅好肥美... 有種入口即化嘅感覺... 魚味香濃!甘蝦爽甜又彈牙!三文魚口感柔軟、油脂適中!帆立貝甘甜有彈性!油甘魚鮮甜、啖啖甘香!鯛魚油分少、魚味鮮甜!宮崎A5和牛鵝肝炒飯 $198肉質鮮嫩多汁、口感豐富嘅宮崎A5和牛... 配搭細膩醇香嘅鵝肝係成個炒飯嘅靈魂... 每一啖都帶有馥郁嘅感覺... 加上粒粒分明嘅炒飯... 超完美!天婦羅盛合 $128由海老、魚、茄子、南瓜、秋葵等組成嘅天婦羅盛合... 佢嘅天婦羅炸粉漿調得恰到好處... 整出嚟特別香酥薄脆... 掂呀!雞皮餃子 $38  /  薩摩赤雞翼 $34串燒有好多選擇... 我地揀咗雞皮餃子同薩摩赤雞翼... 兩款都好香口! 前者外皮香脆... 內餡多汁!  後者一樣係皮脆... 兼且燒完之後保持到雞肉嫩滑!整體上... 環境、服務同食物質素都係唔錯... 值得再次幫襯!✨嵐山日本料理✨ 地址：尖沙咀棉登徑 11 號地舖…查看更多

呢間新開嘅店舖以天然、健康為本... 主打各式奶昔及窩夫!  奶昔用咗大量新鮮當造嘅水果同埋鮮奶即order即打... 冇加冰溝淡!  好似我同朋友order咗【泰國TP金枕頭榴槤奶昔】同埋【台灣愛文芒果奶昔】... 飲落去啖啖絲滑... 非常香濃又唔會過甜!  而且仲可以自選一款免費Topping... 有奇亞籽呀、桃膠之類... 好健康呢!☘️ 奶昔選擇好多... 除咗水果系列... 仲有經典系列、咖啡或茶系列及田園系列!等緊整奶昔期間... 見到人地order嘅窩夫幾趣緻而且陣陣蛋香... 於是心癢癢又order埋!🤭我同朋友都係芒果迷、榴槤迷... 所以窩夫都係揀返【台灣愛文芒果窩夫】丶【泰國TP金枕頭榴槤窩夫】!😝窩夫上面除咗生果同topping... 仲有一層自家製custard cream... 好creamy! 窩夫就有鮮果系列、經典系列同埋咸食嘅巴馬臣芝士系列... 真係好特別!  新張期做緊買一送一(至31/7/24) 搵日行過再試吓先!…查看更多

無意中碌手機見到呢間【小魚兒】嘅魚翅撈飯好抵食... 心思思約埋朋友去試下!去到發現原來唔止魚翅撈飯抵食... 仲有好多菜式都好抵食... 好似蒜蓉牛油燒澳洲龍蝦、避風塘澳洲龍蝦... 每款都係$198咋!😍  大大碟... 認真超值!聽講呢度最出名係雞煲同烤魚... 得我同朋友兩個食唯有二選一... 揀咗雞煲!🔹重慶雞煲(半隻)迎合唔同客人嘅需要... 呢度嘅雞煲可以自選麻辣度... 啲雞煮到好入味... 而且keep到啲皮同肉都好嫩滑!🔹蒜香牛油燒扇貝(2隻）勁多蒜... 勁香... 呢類嘅燒扇貝出面單點都要幾十蚊1隻... 呢度就38蚊2隻... 超級抵食!🔹燒雞軟骨串鍾意食四川風味嘅串燒就唔好錯過啦... 有孜然味、麻辣味、香辣味... 再細分大、中、小辣! 非常香口!🔹金湯花膠雞絲翅撈飯又有花膠、又有雞絲、又有魚翅... 用料十足...跟埋個飯都只係68蚊! 石窩上... Keep住熱辣辣... 真係食過返尋味!🔹避風塘澳洲龍蝦非常有鑊氣... 火喉十足... 炸出嚟嘅龍蝦又香又惹味... d炸金蒜用嚟撈埋飯一流呀!整體上... 感覺環境好寬敞、乾淨... 食物質素唔錯... 幾啱一家人或者一班朋友去食! 👍…查看更多

裝修過後... 再去到如心酒店嘅中菜廳【如】... 感覺煥然一新... 型格咗好多!菜式keep住有水準... 尤其係招牌叉燒同埋焗南非鮑魚酥... 心水推介!🩷✨商務午市套餐✨ $668/位🔹極品廚師拼盤🔹九年百合杏汁燉花膠🔹焗南非鮑魚酥🔹松露野菌炒蘆筍🔹蟹肉桂花炒米粉🔹[如]甜品三重奏先講極品廚師拼盤... 〈黑松露大蝦多士〉大蝦鮮味彈牙不在話下... 多士炸出嚟超級香脆... 食落去唔會啖啖油... 加埋黑松露味道更加昇華!〈至尊蜜汁叉燒〉肥瘦適中... 口感鬆化... 完全唔會又硬又嚡!〈話梅蕃茄〉凍冰冰、酸酸甜甜... 係非常開胃嘅小食!燉花膠呢個湯水勁正... 骨膠原豐富之外... 仲優惠加咗百合同杏汁特別潤肺!  個湯飲落去好濃郁... 唔係嗰種落重味精嘅鹹香... 飲得出係真材實料!鮑魚酥勁掂! 係6頭鮑... 本身煮得好入味... 而千層酥皮做得好出色... 口感香酥鬆化... 跟配自家調制嘅醬汁... 好濃稠... 啱曬鍾意偏重口味嘅客人!松露野菌炒蘆筍看似普通... 但係蘆筍炒出嚟保持到爽脆嘅口感、味道清甜... 而菇菌香氣馥郁、 Q彈有嚼勁!蟹肉桂花炒米粉... 真係平凡中見真章! 所謂嘅桂花即係將蛋炒到好似桂花咁...師傅嘅功力真係唔少得! 甜品三重奏入面有...〈蝶豆花豆腐凍〉豆味香濃... 甜度適中... 中間有層蝶豆花啫哩望落更加吸睛... 而面層加咗奇亞籽夠曬健康!心形嘅〈桂花糕〉清甜軟滑... 好啱夏天食!懷舊嘅ㄑ芝麻卷〉煙韌彈牙... 唔會過甜!喺呢度用餐的確好愉快... 座位舒適... 空間感大... 服務員殷勤、主動又有禮... 而且菜式既有傳統又有創意... 質素係水準之上!…查看更多

星期六、日瞓到自然醒... 再去嘆返個brunch真係一樂也!最近知道西營盤呢間勁chill嘅餐廳【Melody】提供高質嘅weekend brunch... 只需$688... 已經包咗2.5小時無限暢飲酒精或非酒精飲品... 如果想free flow飲埋香檳都係加多$200!呢個brunch包哂menu上面嘅所有前菜... 按人數提供相對嘅份量... 同枱一齊share!而主菜方面每人揀一款... 選擇都多㗎... 有人氣嘅招牌炭火烤乳豬、肉眼扒、千層麵等等... 而原隻烤雞係for 2人份量嘅!另外仲有提供甜品㖭!Appetizers:🔸Burnt aubergine escabeche with pickled vegetables and olive oil烤茄子配腌菜和橄欖油🔸Terrine campagnarde, sour apricot condiment法式肝醬配酸杏脯醬🔸Tuna tartare with lemongrass dressing and shaved fennel吞拿魚韃靼配檸檬草醬和茴香片🔸 watercress salad roast red onion tete de moine, pear and walnuts西洋菜沙拉配烤紅洋葱頭、梨和核桃✅以上幾款前菜都非常有水準... 當中我最欣賞嘅係法式肝醬... 口感creamy... 配酸酸甜甜嘅杏脯醬一齊食感覺冇咁heavy!Main:🔸Quarter suckling pig, seriously buttery mash and barbecued grapes 招牌炭火烤乳豬、濃黃油土豆泥和烤葡萄🔸Truffle mushroom lasagne and cauliflower cream 松露蘑菇千層麵和花椰菜奶油✅我覺得炭火烤乳豬係必點嘅... 層皮燒得非常香脆... 肉質鬆嫩! 土豆泥非常幼滑... 而烤過嘅珍珠葡萄酸酸甜甜... 好醒胃! 至於個千層麵呢... 稍嫌份量比較少... 不過就有好香嘅松露味... 都幾好食㗎!Dessert:🔸Tiramisu 提拉米蘇蛋糕🔸Passion fruit pavlova 熱情果蛋白餅✅幾得意嘅係... tiramisu係一大盆整出嚟... 由侍應用大羹「畢」出嚟俾客人! 至於口感方面冇得輸... 軟滑綿密!熱情果蛋白餅呢... 偏甜嘅蛋白餅配上酸酸地嘅熱情果食落啱啱好!Free-Flow:🔸Red Wine 🔸Aperol Spritz🔸Skiwi Lemonade 🔸Earth🔸Rhubarb Collins飲品方面試咗以上呢幾款... 全部都唔錯... 而我最鍾意嘅係Skiwi Lemonade... 酸甜度適中... 好好飲、好開胃! Earth幾特別... 青瓜味幾清新!  而Aperol Spritz 好易入口!呢度嘅環境都幾舒適自在... 餐廳佔地面積廣... 有幾個唔同嘅area... 共通點都係夠chill... 好啱同朋友吹水、飲返幾杯... 星期日仲有live band表演㗎!開放式廚房設計... 客人可以睇到製作過程! 而最特別嘅係呢度用咗Josper Grill... 爐溫夠強勁... 輕易鎖住食物嘅肉汁... 做到juicy口感!…查看更多

早幾日同朋友食飯吹水唔夠喉... 朋友問我邊度食嘢可以坐耐啲... 唔使限時限刻... 我第一時間諗起【馬祖】!呢間無限時火鍋店主打係養生藥膳湯底... 湯底選擇接近20款... 有辣有唔辣!朋友唔係好食得辣... 所以我哋揀咗鴛鴦湯底〈麻辣鴨血凍豆腐鍋〉拼〈養生蟲草花桃膠雞〉! 前者湯底有我至愛嘅鴨血... Q彈嫩滑... 唔會一夾即散! 後者湯底好有「營」... 蟲草花同桃膠夠曬養生!套餐有幾款... 豐儉由人! 值得提一提... 呢度嘅豬肉同牛肉質素相當唔錯!🔸極級Prime Grade霜降牛小排高質素... 油脂比例平均... 幾乎入口即化!🔸極級Prime Grade安格斯牛頸脊肉味濃郁... 肉質豐盈... 脂肪比例唔重!🔸Prime Grade美國安格斯牛肉牛肉味較濃... 有嚼勁... 口感豐富!🔸西班牙伊比利亞黑毛豬/西班牙無激素豬肉片肉味濃郁而且嫩滑!除咗有以上嘅優質牛肉、豬肉... 仲有好多其他選擇㗎... 包括精選海鮮、鹵水嘢、手工丸丸、台式港式火鍋配料!重點推介:🔸鹵水豬大腸本身已經熟咗... 不過需要再翻熱... 翻熱之後食落好軟腍腍!🔸是日精選海鮮有蜆、蟶子... 味道非常鮮甜肥美... 而且又冇沙!🔸雞髀肉超嫩滑... 必食!🔸蝦超大隻又新鮮... 口感彈牙!場內飲品任飲... 除咗汽水... 仲有自製冷凍烏龍茶/果茶、熱飲可供選擇!除咗無限時夠吸引之外... 食材新鮮而且選擇多元化... 地方乾淨又企理... 所以我都介紹咗俾好多朋友㗎!…查看更多

之前已經有朋友推介過Bombay Dreams $195加一嘅lunch buffet - 拜託，第一間香港必比登印度fine dining咁抵（as in中環）得唔得架？估唔到我會試咗佢晚餐先：Bombay Chilgoza Prawns 炸大蝦伴番茄辣椒孜然醬、大蝦新鮮爽口，完美的opening!Mutton Beliram : 好傳統地道嘅印度菜式，慢煮羊肉經過醃製後嫩滑入味，係配飯或者配maam嘅好選擇!係餐牌幾個羊肉掙扎咗一陣，呢個睇落喺純屬慢煮羊肉，另外有一個有包麵粉。慢煮羊肉同佢嘅香料咖喱互相融合昇華，羊香滿口，比較多骨!Chilli Cheese NaanNaan 入面夾住滿滿芝士，有啲似pizza，沾著羊肉咖喱非常美味Murgh Tikka Peshawari 四大塊無骨嫩滑燒雞，非常值得讚嘅喺難得有燒雞從外到內都有均衡滲透的炭烤味，而無過乾仲係有肉汁嘅🥹都係有啲孜然香料嘅味，另外個綠色乳酪醬都好清新好夾Horse neckCognac Hennessey Vsop, Ginger beer, Angostura, LemonAngostura喺Concentrated bitters based on gentian, herbs and spices，可以想像同烈酒同薑啤加埋喺頗大人的味道🤣影咗午餐嘅buffet area，好期待遲啲午餐食！…查看更多

呢間隱世食店位於佐敦... 我同朋友分別order咗入門廚師發板套餐(五道菜)及季節廚師發板套餐(七道菜)!🔸招牌沙律煙三文魚捲起沙律菜... 以魚子醬、龍珠果、車厘茄作點綴... 配酸酸甜甜嘅黑醋份外開胃!🔸前菜松露配上溫泉蛋... 食落冇蛋腥味... 非常絲滑幼嫩... 有d似食緊豆腐花嘅個種質感!🔸鐵板海鮮每個套餐可以揀兩款海鮮... 再由師傅根據唔同嘅海鮮配唔同嘅醬汁!~東星斑配黑醋汁~扇貝配黑松露醬~鮑魚配秘製蒜蓉醬~虎蝦配特製蝦膏蝦頭醬幾款海鮮都幾新鮮、彈牙... 同師傅特配嘅醬汁都好夾! 🔸肉類澳洲牛柳粒/美國安格斯牛肉薄燒卷/宮城縣厚切黑豚扒以上三種肉類可揀選一樣!~ 牛柳粒牛柳五成熟... 燒得恰到好處... 配埋炸蒜片、竹炭鹽、wasabi一齊食非常正!~ 黑豚扒雖然係厚切... 但係食落唔覺嚡... 仲好juicy!🔸菊花豆腐白麵豉湯加咗豆腐嘅麵豉湯多咗一份絲滑口感!🔸黑松露海鮮炒飯超級鍾意呢個海鮮炒飯... 要蛋有蛋香... 要松露有松露香... 仲加咗虎蝦、魚子... 炒出嚟嘅飯粒粒分明... 香噴噴兼有嚼勁!🔸時日甜品紫薯雪糕配粒粒彈珠... 咬落啲彈珠度會有紅豆沙流出嚟... 好過癮!呢度有各式嘅酒精類及非酒精飲品... 我哋order咗The Shot純米酒... 都幾易入口㗎... 襯鐵板燒真係唔錯!…查看更多

某日路過... 被貼喺門口張脆炸豬大腸嘅相吸引住🤤... 心裏面決定咗一定要搵一日過嚟食吓!😬🔸脆皮炸大腸完全係為佢而嚟!😆大腸炸完之後... 非常香脆... 完全唔會咬極唔爛...  而且洗得乾淨... 可以放心食... 真係超級掂! 強烈推介!🙌🔸椒鹽鮮魷魷魚肥美到一個點😍... 由於好新鮮嘅關係... 食落去超級彈牙!👍 外層粉漿又唔會太厚... 酥香無比! 必點!👍🔸胡椒豬肚雞煲呢度有唔少雞煲、魚鍋、骨煲嘅選擇... 我哋揀咗胡椒豬肚雞煲... 因為我超鍾意食豬肚!🤣d煲、鍋呀... 大部分都有大細之分! 個人認為兩至三人食... 細鍋已經好足夠!呢個胡椒豬肚雞煲胡椒味好香濃... 帶有胡椒輕微嘅辛辣... 連帶啲湯都好好飲! 豬肚煮得好淋、好有咬口... 雞件份量唔少... 應該都有半隻... 食落好嫩滑!🔸椒絲腐乳通菜冇得輸... 好惹味... 菜梗又唔會太硬!🔸雞絲粉皮雞絲份量多... 肉質嫩滑! 呢度唔係普通落啲日式麻醬就算... 而係食得出加咗花生醬... 呈現嘅效果更加濃香! 粉皮爽滑... 唔會一夾即散!🔸竹蔗茅根水有大細jar之分... 細jar 大約有六杯... 清甜解膩降火... 食煲必配飲品!整體上我都好滿意... 估唔到真係冇令我失望... 啲菜式好啱食... 上菜速度超快... 價格唔貴... 仲要份量好夠... 環境又比想像之中企理乾淨... 而且店員服務殷勤!👍 下次要再幫襯先得!😋…查看更多