前身位置係紅茶冰室，後來變成紅島，前後兩間都食過，餐牌及食物質素幾乎一樣，但侍應阿姐就越嚟越差，今日簡直係氣頂！頭頂大葉風扇不斷吹，勁凍，叫阿姐熄一熄風扇，話焗，叫我地自己搵過個位，但又無位，後嚟搵第二個帶鄉音後生女侍應幫手熄風扇，就話唔開風扇地下會濕。其實理由已經唔重要，只係佢哋唔想熄啫。想投訴，鄉音女侍應就話自己係經理，係呢度最大嘅，同佢講就可以。搵鬼信你係經理？得，旺角大把好嘢食，一定要食你呢間？以後都唔會再幫襯！咁嘅服務態度，難怪香港侍應聲譽衝出國際，連新加坡都要抽水鬧埋一份，香港多得你地唔少，無生意唔好怪人，不過紅島又的確唔憂做。…查看更多
紅島冰廳
2024-06-24
以上食評乃用戶個人意見 , 並不代表OpenRice之觀點。
讚好
obbosk
我係旺角街坊都係熟客，經常幫襯紅島，當日我都喺現場，首先呢位女士本身都態度唔好，因為第一位女侍應幫我落緊單，但女士不停捉住女侍應話要換位，而第二位後生嘅女侍應聽到就去幫佢哋，後生嘅女侍應話自己係經理我都信嘅，咁人哋的確係幾有禮貌，見女士帶住行動不便嘅老人家都叫人小心慢慢行（btw我又唔覺人地有鄉音）但後來女士突然之間話要投訴，仲要好大聲好嘈…咁叫女經理去處理，其中講咗啲咩我唔係太清楚，但係聽到女經理道歉同解釋返地下太滑，女士就突然間發脾氣話走，臨走仲要好大力撞開第一位女侍應，人哋都好無奈咁同我嘆氣！我只係一個普通客人，不過見到呢啲失實嘅評價真係忍唔住
obbosk
始終都幫襯紅島有1年，先唔講食物質素係下降咗，但服務態度旺角呢頭嚟講真係唔差！起碼好過紅茶！不過我又好奇，點解你唔講埋你自己臨走仲要撞人，仲要差啲撞人哋？lol
obbosk
撞跌
用餐途徑
堂食
