cocociciii的個人專頁

公司有 lunch gathering，我地8位，早一日訂左枱。因為知道Lunch時間比較緊迫，所以我係用餐當日朝早就係 Whatsapp落左單，一早通知哂8位既order，就係希望唔會阻到太多時間，希望餐廳會盡量準備得好啲。12:30 準時到，到左已經即刻叫可以上餐。點知，8杯飲品分開上，最後一杯飲品竟然要等15分鐘以上。而且，一早通知左我地要咩Order，去到竟然話冇哂蘋果要轉其他飲品。上菜好慢，離哂譜咁慢，等到嬲。第一個Pizza 大概係20分鐘左右上，之後每次上菜都只係上一份!! 即係，8個人，最後一個Pizza 係等左50分鐘!!!!!!!! 1:20 先上到後一個Pizza!!!! 其中一位叫左豬鞍，都等左45分鐘!!!!!!! 合理咩???明白 Lunch hour 一定係忙，但係，我訂左枱，預早落哂Order，準時黎到都仲要等45分鐘係 unacceptable。食物味道還好，唔難食。如果唔洗等咁耐應該會加番啲分。Lunch gathering 黎講，安排得咁差，係唔會有下次。如果你唔怕等，即管可以去試下。…查看更多

帶定頭盔先，其實已經去左好多次，平時去已經覺得係好西既西餐，但今次食完呢餐生日飯，真係覺得要上黎比一比個好評先。之前飲過龍蝦湯，蘑菇湯都覺得大廚好有誠意。當然，平時去唔會次次叫扒，因為驚食唔哂，所以通常都係叫意粉食。其中非常欣賞佢既龍蝦汁意粉，我個人覺得真係好好食，係次次都想 encore 既一道。講番正題先，因為男朋友生日，想食西餐但又唔想出去比人劏，所以又諗起呢到，就 book 左 table for 2。當然，落booking既時候有提過係慶祝生日。由於男朋友好想食蠔，就問下唔知餐廳會唔會訂到，點知又真係有!! 結果就落左兩打，應該係大廚推薦係西非蠔。去到用餐當日，因為慶祝生日既關係，我地比平時叫多左，講真全日淨係等呢一餐，哈哈。 頭盤，一人一客 南瓜蛋黃醬龍蝦沙律，真係好好味~ 我直情覺得，我胃口細，淨係呢個道已經飽一半，因為龍蝦好大隻!! 第一次食呢道，龍蝦好新鮮，唔係雪藏野，咬落去係有彈性，肉質實淨，配埋個南瓜蛋黃醬，就連我呢個平時唔食南瓜既人，都覺得個醬好好食。第一道已經好高分。之後上全晚重點，一人一打西非蠔!!! 睇番張相，其實Size 唔失禮，簡單講我地兩個都覺得好食。以我地呢啲對蠔唔係好高要求既人，我同男朋友食得好開心。然後，亦都係好期待既鵝肝，講真，唔係我吹水，影埋比你睇，佢塊野... 大大塊!!! 以佢呢個價錢，出面我諗冇乜邊幾間餐廳係可以比到呢個size既鵝肝你!! 又或者可能係生日飯，大廚比大塊啲... 掛... 哈哈 總之，食得好滿足。食完鵝肝，有法國田螺，呢個又係男朋友覺得好好食既一道。調味好出色，配埋薯蓉，一人三隻覺得唔夠食，只可惜其實去到呢到我地已經好飽了。最後，上左個豬鞍，其實都食唔哂~ 我唔食豬，男朋友都盡力食左一大半，加埋兩杯野飲，呢一餐非常滿足。好欣賞個大廚，因為佢每一道菜都好食，講真食咁多次，冇一樣係叫左會後悔，或者叫左會失望。今次呢個生日飯，簡直令我地更加欣賞佢。所以冇辦法了，唯有變成飯堂 哈哈…查看更多

係公司收到外賣單先認識泰萊廚房，記得第一次係叫阿華田豬手飯，我Whatsapp落單果陣仲問佢: 阿華田付伏唔伏咖? 姐姐答我好食咖~~ 笑死，點知，又真係唔伏，味道好正常，豬手入味又夠淋，唔會話好大陣阿華田味，汁撈飯係好食既。第二次叫海南雞飯，好味! 所以叫左幾次，食厭左之後，見到佢新外賣單有酸辣粉? 唔係食泰國野咩?? 又即管試試佢，呀又幾好味喎真係，我通常係叫牛丸/墨丸酸辣粉，第一次收到外賣打開，喂? 8粒牛丸?? 唔知以為老闆錯手淥多左，點知第二次叫都係咁多粒，$58 唔錯唔錯。有次唔知送外賣果個係唔係老細，佢講左句，得閒又試下我地啲牛腩呀，好食咖~ OK，咁我又諗住試下佢啦，估唔到係 好好食 !! 蘿蔔勁入味，我相信你睇相都Feel到，腩好淋，係我鍾意既質感，汁好濃，送飯一流。我想講，連佢個配菜，即係個堆椰菜我都覺得好好食，甜甜地，總之好好食，係我鍾意食既味道。冇諗過一間小店，So far 我試左幾樣都係好食，冇一樣係伏或者難食既，睇黎出品有啲保証! 暫時佢個蘿蔔牛腩飯係我首選，希望老細得閒又出啲新野比人試下。呢間外賣變左我飯堂了，非常推介!!…查看更多

30號果晚我同朋友上左呢間ChillGrill到開Xmas Party，上到去見到差唔多成2000呎令我地好hyper，仲要老闆話岩岩開冇耐，所有野都好新淨，玩都玩得舒服啲！ 因為我地唔多人，先12個，所以對我地黎講空間感好夠。裝修唔花巧，夠哂raw，老闆雖然冇賣酒，但佢係愛酒之人，所以特登整個巨型bar枱比自己同啲朋友如果你係愛酒之人，可以帶酒上去，坐係bar枱吹下水都唔錯！咁大既party room，麻雀同boardgame呢啲基本野都有，比較小見係佢有張可以篤波又可以玩air hockey既枱，我見啲frd玩到好high 另外，唱K都係一個唔小得既環節，呢間party room個K機啲歌好齊，基本上同係深圳唱差唔多，比較正係佢用projector instead of 電視，我同啲女仔朋友由頭唱到落尾重頭戲就係佢個超大露台BBQ！可能老闆主力都係接啲大party，所以我見佢有成4個BBQ爐，空間勁大就算多人都唔會覺得焗促。果個我地得12個人, 老闆都開左兩個爐比我地，呢個真係要讚下！除左爐夠多，地方夠大，仲有一樣野我好impressive係，佢室內同室外連接住一個窗台，即係話，打開個較台，男仔可以係出面燒，燒完可以直接係窗台遞入黎比女仔，女仔就可以坐係窗台裏張高枱食野，對於我呢啲又懶又怕麻煩既吃貨黎講，簡直就係冇得頂總括黎講，一間新開既party room黎講, 都真係冇咩挑剔。而且，老闆好候生又好傾，我地走果時陣仲同我地一齊影大合照！希望下次同多啲frd再上去玩，打邊爐都好唔錯！…查看更多