大角嘴食神的個人專頁

今日殺出大角咀，去咗深水埗下午茶，佢嘅下午茶分量十足！大過好多餐廳嘅午餐！！今次我叫咗星洲炒米，同熱齋啡，$50都唔使，星洲炒米大大分，惹味又唔油膩，不過齋啡就苦咗少少，不過好香濃， CP值好高吓！😳😋…查看更多

抵食下午茶，每位只係$78 ，今次叫咗兩個餐，第一個要咗齊菜肉絲炒年糕，配清滋小排骨，另外一個係排骨菜飯，配四喜烤麩，另外加咗$38 ，叫咗個百步香蔥油餅，份量足，味道好，值得推介！…查看更多

真係忍唔住，再寫多一篇食評，因為前兩晚我又再去隱世雞晚餐，一樣係食我嘅龍躉天婦羅，但發現魚轉左，跟住聽有型嘅大廚哥哥講，原來龍躉肉斷市，街市已經買唔到，所以佢用咗呢隻石斑魚肉（有圖有真相，請看相😋）代替，下午茶價錢，仲要比石斑肉做天婦羅，我絕對有理由相信，佢哋係想挑戰「全港」CP值最高嘅餐廳，大廚哥哥，我已經覺得你係「成個大角咀」CP值最高㗎啦，你再比咁靚嘅料，收咁嘅價錢，我驚你會蝕本呀🤔😅😋…查看更多

呢間小店，堪稱全個大角咀， CP值最高嘅一間！佢唔單止食物出色，毫無味精，非常健康，而且非常便宜，佢嘅下午茶menu仲做到夜晚時分！無論堂食或者買返屋企，都絕對抵食! 今日我選擇咗堂食，咁啱有一對老人家喺度飲酒同食飯，年輕嘅後生店員（係個靚仔！）竟然好有心機咁同佢地傾偈，實屬難得！新一代嘅年輕人，就算仔女都未必咁有耐性啦，值得一讚，咁嘅年青人，實屬少見！講返食物，佢嘅炸龍躉係必選，唔油膩，亦非常鬆脆！我次次都會改要米粉，吸埋啲湯，好好食，而家加錢仲可以要埋「學斗」（係蔬菜），而d菜都係雞湯浸，味道鮮甜好味！真係冇得輸，值得推介！👍🏻👍🏻👍🏻…查看更多

呢間餐廳，我一向喜歡佢個雞絲湯河，但今日咁啱賣晒，於是就要咗呢個咖映tea set，原來又唔錯喎，個咖映唔會太甜，個麵包好脆，仲有啲甜甜嘅黑糖味，加上咖映咖啡，味道唔錯，服務好，環境亦舒服， CP值高！😋👍🏻…查看更多

最近喜歡呢間餐廳，特別喜歡佢嘅西式車仔飯，佢嘅餸，醬汁，配料，都可以自行配搭選擇，食素嘅日子，我最喜歡叫呢個四色蔬菜蕃茄汁焗飯，真係好好食，蔬菜款式又多，而且個汁都好好味，凍檸茶唔錯，坐得又舒服，而最重要係個店長好好人，每一次都熱情招待，今次因為我自己落唔到單，佢仲特意過嚟幫我人手落單，真係好好服務呀，抵讚！😊👍🏻…查看更多

今日又係下午茶時間，今日叫咗咖喱雞配椰漿飯，芽菜雞，同雞絲湯河，嘢飲就要咗凍拉茶，凍檸水，同羅漢果菊花，樣樣都好好食，亦好抵食，不過我想講呢間食店最吸引嘅係佢嘅服務，啲店員好好人，服務周到，之前試過幾次接近六點先沖入去，難得佢哋完全冇唔耐煩，熱情招待，絕對值得一讚，老闆請到佢哋，真係好福氣😋👍🏻…查看更多

行過見到開咗間新嘢，見佢都幾得意，好似車仔麵咁，可以任你配搭，我今日食齋，所以要咗個咖喱雜菜，啲蔬菜好新鮮，個汁都算好味，飯嘅份量對女仔來講啱啱好，至於嘢飲就不過不失，勝在性價比高，而且可以自由配搭，店員亦招呼唔錯，係一間可以再幫襯嘅小店！😋👍🏻…查看更多

今日又去食下午茶，因為今日落雨，所以喺商場裏邊食，去咗MOS Burger，佢嘅下午茶都好抵食，今次要咗個牛蒡burger，加Blueberry凍飲，另外就要咗一個拼盤，加凍檸檬茶，兩人份量嘅下午茶，感覺份量啱啱好，CP值高！😋…查看更多

之前因為晚市六點前先可以堂食，所以慣咗食下午茶，今日就去咗靠得住，佢嘅下午茶都算抵食，今次叫咗一個廈門炒米，加咗薏米水，同埋牛肉魚片粥，加腸粉，味道不過不失，仍然有一貫水準，不過廈門炒米就冇佢星洲炒米咁出色，有少少油，至於粥底就仍然鮮甜，唔錯！😋…查看更多

因為疫情關係，已有一段好長嘅時間，冇去幫襯喜聚坊，咁耐冇去，食物水準仍然保持得到，但當晚因為人太多，我又趕住走，所以只係叫咗幾樣小菜，乳鴿唔肥膩，而且好入味，另外一個係咕嚕蝦球，佢嘅咕嚕汁好出名，唔使多講啦，啲蝦好大隻，亦好彈牙，原本想要高山椰菜花，但嗰日已經賣完，所以要咗佢哋推介嘅通菜，店員好好心機，分析話冇椰菜花，但呢種煮法，通菜係最好味，我亦同意佢嘅分析，如果換咗其他會出水嘅菜類，可能真係會冇咁好食，好開心喜聚坊冇受疫情影響，仍然繼續營業，希望你生意興隆！😊👍🏻…查看更多

Weekend 去咗「港原味」嘆下午茶，叫咗豬扒米，跟熱奶，份量剛剛好，豬扒唔會過肥，亦唔會過乾，茶奶比例亦剛剛好，好味！😋另一個我就點咗，炸雞脾跟hot lemon tea，雞脾大小適中，雞肉嫩，但唔會見血水（一般唔見血水嘅話，d肉就唔會嫰滑㗎啦！），亦乾身（唔會好似其他餐廳咁「滴哂油」），老闆亦好好人，雖然只係好平嘅下午茶，都好好心機咁介紹，難得！今次下午茶好滿意，推介！我亦會再幫襯！😋👍🏻…查看更多

最近因為疫情關係，晚上都冇辦法堂食，食餐好，所以上星期六決定晏晝炒d小菜享受一下，所以去咗喜聚坊，嘩！樣樣都好味，忍唔住要出個食評，首先係冷盤雞腳，有d麻辣，但非常鮮味！好開胃！仲有黑毛豬炒虎皮椒，好惹味！生炒骨係其中一個招牌菜，當然好味！😋至於菜，我點咗豆杯(極嫩版的豆苗！）好好好好好味！壓軸出場嘅係「碗仔翅」好味到我一個食咗8碗🤤，係我食過最好味嘅碗仔翅🤤😋😃👍🏻👍🏻👍🏻…查看更多