降龍十八炒的個人專頁

適逢朋友介紹，話上水有間唔錯嘅日本餐廳叫「漁匠料理」，於是就膽粗粗去試下，睇下有咩驚喜。去到目的地，第一眼見到嘅係門口嘅「暖簾」，入到內堂亦都見到一啲小木牌、畫作同唔同款式嘅酒樽，相當乎合日本餐廳嘅格調 。我地去到嘅時候係晚市嘅早段，但係餐廳已經有過半嘅食客，呢個時候我就知我一定無揀錯地方 ！坐低左之後，我同朋友叫左幾款菜式，分別有仿佛魚刺身、珍寶桶裝刺身丼、軟殼蟹天婦羅同埋備長炭燒物。其中仿佛魚刺身同備長炭燒物令我尤其難忘 ！打頭陣嘅係仿佛魚刺身 。細佬學識淺薄，未聽過呢種魚，以為會同其他刺身一樣較為肥美，但係原來係比較啖味，不過配合埋酸辣嘅醬汁，感覺相當清新，又有開胃嘅效果，以前菜黎講係唔錯嘅選擇！雖然話佢個醬有少少辣，但係辣味入口即逝，就算唔食得辣嘅人都接受到！另外，每一片刺身都係紅白相間，望落去已經相當吸引，食落口亦都非常鮮嫩，再加埋有原條魚做伴碟，簡直就係集視覺同味覺嘅享受於一身 ！另外要提嘅就係備長炭燒物啦！我地總共叫左四款串燒，分別係鹽燒豬脛肉串、鹽燒大蔥雞肉串、鹽燒煙肉蕃茄仔同埋鹽燒牛舌 。見到伙計捧住個炭爐過黎真係好驚喜，完全無諗過有得自己燒，而且餐廳仲好窩心，事前已經將食物燒到八成熟，等我地可以享受燒煮嘅樂趣，又唔會話等好耐先有得食，真係好有心思 ！燒嘅時候已經香噴噴，食落更係停唔到口，唔單止肉質鮮嫩，咬落去仲要肉汁四濺，雖然無太多花巧嘅配料，但係肉嘅鮮味可以透過鹽醃帶出，簡單又惹味 。四款串燒入面，鹽燒大蔥雞肉串同鹽燒煙肉蕃茄仔係比較突出嘅兩款。大蔥為雞肉加上蔥嘅香味，食落有陣陣幽香；而蕃茄仔嘅汁，就為煙肉加配另一種質感同層次，口感更佳 。最後要讚一下呢度嘅員工，佢地待人有善，又會主動為客人介紹菜式，令客人有賓至如歸嘅感覺，唔怪得有咁多人推介 ！喺度附上收據一張。下次有機會一定要試埋其他菜式 ！…查看更多

某日同朋友行街，經過亞士厘道一幢商業中心，咁啱行到肚餓就諗住睇下有咩好食。千挑萬選之下終於揀左「響葫蘆」。唔知係咪因為時間尚早，上到去唔算太多客人，初時都擔心會唔會只係一間普普通通嘅日本餐廳，但係食完之後發覺比想像中更有驚喜... 坐低左之後，我同朋友叫左個極上二人餐，當中有好幾個菜式都令我地非常難忘！首先上場嘅係軟殼蟹卷 。軟殼蟹加沙律醬，軟殼蟹就帶有鹹鹹地，而沙律醬就帶有甜味，食落去就好似有兩種感覺同時係個口度出現咁，加上上菜嗰陣，軟殼蟹仲係保持熱同脆，對比起沙律醬同飯嘅質感截然不同，兩者放埋一齊洽到好處 。飯卷上面仲有啲蟹子，佢嘅存在令整個菜式嘅口感更加豐富，可以話係錦上添花！最重要嘅係當你以為軟殼蟹同沙律醬會好膩嘅時候，其實佢地嘅味道就好似一凹一凸咁，互相中和，食晒兩舊都唔會好膩，就算叫多碟都無問題！ 不得不提嘅仲有雞軟骨。開頭以為炸野一定好油，但係同我諗嘅完全係兩回事 。從賣相睇到個雞軟骨唔算好肥膩，但係食落口亦都唔係乾憎憎嘅感覺，可以睇得出廚師好有心思，嘗試令食物好食之餘亦都顧及食客嘅健康 ！個雞軟骨皮脆內軟，食落有少少辣，但係係可以接受嘅程度，辣味令人更加開胃，食慾大增，當係佐酒小食又得，攞黎餸飯亦都係一流嘅選擇！ 最後當然係細佬覺得全個套餐最正嘅香蒜牛柳粒啦  。真係尤其鍾意呢個菜式！食左第一舊就停唔到口，簡直係食過翻尋味！首先上菜嘅時候已經香氣撲鼻，第一啖咬落去嘅感覺係肉質非常鮮嫩，一啲都唔韌，雖然講唔上係入口即溶，但係牛嘅味道亦都因為咁可以係口入面徘徊多陣。加埋黑椒同香蒜嘅襯托，牛嘅鮮味更為突出，整個菜式更加惹味！最後要讚嘅係呢度嘅員工服務態度良好，上菜又有效率，絕對係同三五知己黎把酒言歡嘅好地方！ 附上收據一張，等大家可以睇下極上二人餐仲有咩其他正野 ，雖然唔算話十分抵食，但係喺尖沙咀呢啲咁貴嘅地段黎講，性價比都算相當唔錯嫁啦！ …查看更多

為慶祝拍拖紀念日，我就帶左女友去「据下排」、食好D當慶祝，搵到天機棧呢間系瓊華中心既餐廳。論環境，佢地將燈光調暗左，令到成個鋪都好有情調，好有浪漫氣氛，加埋幾每張枱都有點左一個蠟燭，好啱情侶食飯。我地叫左個二人套餐，入面包括餐湯、沙律、以扒為主既主菜、同甜品。個餐湯系蘑菇忌廉湯，如用黎點蒜香包幾好，飲落都系蘑菇味好重。之後黎個煙三文魚凱撒沙律，食落同普通自己系屋企整既無咩分別。主菜，我地兩個兩個主菜一齊分黎食，有鵝肝、肉扒、薯蓉等。鵝肝配多士食，雖然鵝肝有少少膩，但加埋塊多士，可以中和到鵝肝既味。肉扒要七成熟，食落都有少少韌，不過點埋個醬汁，又變得易入口少少，好食少少。薯蓉就無咩特別，不過不乏。甜品我地叫左芒果拿破崙同朱古力心太軟。芒果拿破崙就味道一般，女友食左一兩啖就唔食，而個朱古力心太軟內層有少少流沁，特別既系有一粒金沙係入面，呢個好特別，更好甜到溜。總而言之，今餐質素平平。 …查看更多

放咗工，約左人飲野又未夠鐘，搵少少野食下先~ 搵到間未聽過嘅拉麵店金田家，就貪新鮮去試下門面來講，相比起同一條街其他鋪頭，金田家冇大光燈、冇大招牌，反而成為咗登龍街最低調而又格調嘅餐廳!入面格局同門面一樣夠晒簡單。外牆只系掛住一D食物相片同獎狀，有吧枱、普通枱，開放式廚房，等你可以睇住佢地整麵﹗餐牌上有三款拉麵揀，而且可以選擇麵嘅唔同軟硬度、葱嘅多少、加唔加其他配菜、添唔添加麵底等。我就平平地叫左個經典叉燒，多蔥硬麵，店員話家陣優惠期，一碗拉麵送一隻溏心蛋，咁我就無端端多左隻蛋食，慳番$12，開心﹗等左陣，麵到啦﹗嗰碗麵，大大塊紫菜放系側邊，叉燒整齊擺系碗入面，奶白色嘅湯，有少少起泡，而且原來叫多葱係會多到成碗都青色，加埋D配菜同溏心蛋，個賣相都幾吸引下，D湯嘅香味重要系咁飄埋黎，本來唔太肚餓都突然好肚餓!麵望落好幼，但食落都有D嚼口(不過下次可以叫超硬~~)，又吸收左D湯嘅豬骨味，連埋D蔥一齊食，令到原又本已經充滿豬骨味之餘，仲有蔥香。之後食塊叉燒，厚度剛剛好，又唔會太乾，而且食落咸咸地，非常夾。湯底有少少起泡，飲落豬骨味濃，又香又滑~老實講，近年來，已經好少食到咁有質素嘅拉麵啦!…查看更多

難得今日紅雨無乜人排隊，我地好快就入咗座。坐窗邊位，望住啲人排隊同畀佢地望住我地食野，個感覺都幾爽Cafe整個環境簡潔，木色擺設影起相嚟好有feel.......因為係tea time，我同男朋友點咗一個主食一個木槺布甸同玫瑰latte only，食焦糖雞翼併薯條，個雞翼係剪咗做一半，但食落都幾多肉，焦糖味唔會太過龍，配合埋啲熱辣辣薯條嘅酸，真係ichiban好好味但熱飲有啲太淡，雖然味道唔太苦，且帶有淡淡玫瑰花香，但喜歡重口味既我，覺得太淡麻麻地而佢個木槺布丁個盆係可以食架，好特別，第一次見，雖然唔夠香脆同水份過多，帶有一種「濕淋淋」既感覺，口感差勁，但應該係全港獨家木槺布甸味道無咩特別，但加埋個雪糕感覺好正＠＠…查看更多

今日呢到佐敦呢頭既一間牛奶公司, 比呢間"傳統茶記"吸引左, 就試個午餐!好多傳統既牛奶公司都有呢隻鮮牛肉食, 但真係唔係間間好食架. 義順煮既牛肉睇得出唔硬, 軟身半生熟好多人都鐘意飲維記隻全脂奶, 貪佢夠香夠滑, 可以推介大家試呢到既熱牛奶, 滑到唔係一般奶可以相比,特別在佢飲落偏稀, 但味道又好濃! 好得意: ) 牛奶公司既牛奶點都要一試呀…查看更多

呢間野係新開既, 又近大學就同朋友試下呢間地中海菜既LUNCH! 推介呢個香草烤雞焗飯, 價錢雖然有小小貴, 但一分錢一分貨, 一切開雞肉就聞到好香既烤雞味, 而且咬落質感彈牙, 既唔係生到出血水, 又唔會熟到冇晒味難咬! 真係值得一試! 呢杯係地中海檸檬冰茶, 佢茶底比一般既茶記檸檬茶濃, 都幾好飲, 唔一定要試但飲下無壞…查看更多

其實hysan係一個幾好行既商場，行到攰就搵下野食，就打算試下呢間啦，之前聽人講幾好味。坐低都幾舒服，幾大。叫左個類似蛋包飯既curry rice，特登叫小d辣，好驚會辣到喊。都幾出乎意料，佢既辣度幾適中，可能係日本咖喱本身就無咁辣，所以係幾好味! 加$5轉佢做滑身奄列真係無得輸，好滑，d蛋汁係流落黎既，我本身鍾意食滑蛋，所以好鍾意。我朋友就叫左個芝士既，佢就話一般啦，無咩太特別，看來都係奄列最最最值得一讚其實香港都好似有唔少呢d curry餐廳，可能部份食物味道差唔多，不過呢間食鋪開既位置好近多人鍾意行既大班商場，行完食一流…查看更多

花千樹，一聽個名已經覺得好正，雖然係荃灣對我黎講有d遠，不過係酒店入面係幾易搵既一般放題既料都有啦，要讚既係d魚生係幾肥美既，三文魚係厚切又無乜根既，甜蝦係幾鮮既，仲有象拔蚌！壽司都好新鮮，d飯唔係凍冰冰係暖既，仲要有好好味既燒三文魚壽司 其他熱食就還好啦，唔算太大驚喜，不過唔差既唯一係覺得d飲品組類唔夠，叫親都係得汽水，仲有waiter態度一般，食得有少少壓逼感，同埋個半鐘cut單好似唔係好夠喉... 不過總括黎講都唔錯！…查看更多

咖啡弄，好多香港人都會冒名以黎。以前覺得coffee shop周街都係，心諗都係gimmick姐，有幾次行過去，waiter同我講要等一個鐘，我心諗：睬你都哂氣啦，於是一直唔去試。直至到幾星期前，我有個朋友係咖啡弄super fans，尤其鍾意個水果茶，拉左我去排隊，出於陪frd既心態要排左一個鐘，點知，原來都幾值得!!!!!!!!!!我明點解我個frd咁鍾意飲個水果茶，其他無得比，酸酸甜甜咁，apple & pear味又重又濃，但茶味都夠果下先攞命!!!!!!!! 好好味呀!!!!!!!!!! 我明我個frd點解堅持排一個鐘，就係為左杯水果茶!!!!!!!!另外食左個croissant，又熱又新鮮又香，真係唔錯，雖然未必值排隊一個鐘，不過最少都值半個鐘，哈哈 個環境係幾好坐既，價錢還好啦，不過遺憾無食到waffle (太飽)，不次我依然會為左杯水果茶同個waffle排多一個鐘，it's okay!!…查看更多

話說今日同班朋友一齊打完波，打完大家覺得肚餓就黎左呢間鋪頭食野，一黎我就叫左個雞絲炒米同可樂，雞絲炒米加甜醬簡直係一流，又唔油，食完都想食多個，食完呢個之後我就叫左個3寶，10元7件，仲要大大件，重點係佢仲要係熱既，魚蛋又彈牙，豆腐又滑，真係正，不過嫌棄佢落得太多醬油，搞到有少少咸！最尾我仲叫多左個粉仔，呢個係小時候既回憶，好少鋪頭會買架，真係好有地道feel。粉仔好彈牙，d湯又正，仲有d油渣加菜蒲，呢個配搭無得彈！不過唔食得辣就唔好落菜蒲啦！仲有呢間鋪頭既人好好😚…查看更多

食老點 無老點錯！成日行去旺角東火車站時經過嘅哩一排食肆見間間都米芝蓮咁款已經好想試咁啱今晚同男朋友夜麻麻肚餓就諗起可以去下飲夜茶唔係講笑，真係有人夜晚飲茶食一盅兩件環境古色古香，勝在夠闊落係個廁所同人共用污糟咗啲講返啲野食，精緻點心喺譚點食過，但哩度果啲又係新款嚟，好清新，個竹筒飯好正，應該係全港獨家，手板咁長嘅竹筒，雖然係有啲小，飯量唔多，但竹筒裡面啲雞好滑，飯好香好特別同埋樣樣野細細碟咁好引人食慾大起，麥提莎擂沙湯圓（唔記得exactly個名），但真係好好味好香！味道又好，試咗好幾款推薦野食小事一樁：有個食客撞到我地倒瀉咗杯茶整濕晒，影響咗少少心情，如果佢即時免我茶芥我會再開懷啲但我同男朋友都話會帶屋企人覆倬囉嘻嘻…查看更多

聞名不如見面，一早想試呢間傳說中既via tokyo好耐!!!前排同朋友去朝一朝聖，排左都幾耐隊架，不過真係好好味！我食左個大cone，我朋友食左個杯size既其實個雪榚兩杯都一樣，都係好香抹茶，又滑又creamy，見到週街都有人食就知啦！不過杯裝會比較包，反而cone會無咁膩，同埋食得過癮好多！相比起其他抹茶雪榚鋪（銅鑼灣都有幾間），呢間其實唔平不過個味濃好多，奶味對我黎講都幾適中，所以就算貴，總係要有一次試下呢間真係無死！！！！…查看更多

身邊很多朋友都住赤柱，或是在赤柱上學，很多人都不斷提起"赤餐"，便很想試，但又怕在赤柱的是貴價餐廳，一直不敢試。最近有一次去探朋友，終於可以試一下赤餐哇！怪不得是學生飯堂，都頗化算又好味！炒烏冬很入味，大大碟又豐富，又夠味，雖然有少少油膩，但平常餐廳的炒烏冬都有這個通病，所以都不是大問題。例外叫了一個豬頸meat烏冬，哇好好味啊！！！不肥膩，爽口又入味，不過烏冬的湯底真的有點普通，但配豬頸meat食真的很好味！結帳很平民價，所以在赤柱亦有別具風味的茶餐廳，值得推介！！！…查看更多

尖沙咀其實無乜甜品鋪咁，有既，不過好似d款周街都係，好似少少普通播...不過就好彩見到佢 呢間鋪好似好普通，但其實真心唔錯！！！同frd一人叫左一個，佢就叫左個抹茶，還好啦，無咩特別，食一杯其實都幾飽！我就食左個... 提子冰果類啦（我都唔係好記得叫咩啦，類似果d啦），真心不得了！！！！佢d提子好入味，上面果d珠好爽口，仲有埋雪米滋做伴碟，真係好好好好味！！！可能我本身唔怕藥水味，所以好鍾意啊，我想再叫多個架！不過間鋪唔算話好好坐，同普通甜品鋪一樣啦，排隊真心耐，不過有驚喜，係值得推介既…查看更多