amelia430的個人專頁

旺角呢間餐廳係由兩位TVB前藝人所開，其中一位老闆更加因為表態支持反送中💛俾TVB無限期雪藏。餐廳座位唔多，裝修簡約，之前幾次去都要排隊，係人氣小店🥰🧚🏻‍♀️忌廉汁自家製醃肉及日本生雞蛋配手製寬麵 💰$91呢款麵只限堂食，侍應一擺低就提我地要盡快將生雞蛋撈勻🥚呢款日本生雞蛋好香好重雞蛋味，撈勻之後成個忌廉汁超級滑溜，食曬成個麵都唔會覺得膩😋小編最中意佢嘅手製寬麵，質感煙韌彈牙，雖然唔算特別掛汁，但配落忌廉汁就好夾🍝成個麵簡簡單單，但所有配料都做得好好，不過略嫌份量較少。🧚🏻‍♀️ 自家製醃肉、菠菜葉及車打芝士手作薄餅 💰$91手作薄餅係手搓麵團後以冷藏方式發酵，即叫即手拉🍕薄餅外邊香脆，中間非常煙韌，自家製醃肉唔會死鹹，食得出有香料味👍🏻菠菜葉冇調味，但冇草青味，中和到芝士同醃肉嘅鹹味，仲可以增加口感😋🧚🏻‍♀️自家製水果冰茶 💰跟餐免費水果冰茶就比較失望，雖然味道清新，但係水果味唔重，而且調味較淡🍹🧚🏻‍♀️焦糖脆脆蛋糕 💰$48自從罷食美心之後就冇食過天使蛋糕，呢款脆脆蛋糕絕對係更出色嘅代替品😆不過真係好快會賣晒😭上面嘅焦糖脆脆有焦香味，蛋糕唔算好甜，成個甜度配合得好好🍰入面嘅海綿蛋糕輕盈濕潤，側邊有一層薄薄嘅忌廉，口感豐富🥰呢間餐廳嘅定價偏貴，但好多地方都食得出佢嘅心思，而且食完唔口渴，冇味精，其他地方亦都食唔到呢種味道，而且店員態度真係超級親切有禮，小編覺得成個體驗幾好😋味道：7.5/10環境：7.5/10CP值：7.5/10…查看更多

小編當日冇book到位，雖然唔洗等位，但只有門口一張極細張同燈光昏暗嘅枱☹️嗌咗Tea Set後，我地留意到其他食客份Tea Set真係好大碟，我地張枱根本冇可能放曬成份Tea Set（仲有嘢飲同沙律），見隔離枱食客都走咗一段時間，就向店員提出調位🧐不過店員由帶位、落單、調位、影相都好急趕同有少少黑面🙈所以成個體驗比較一般。Tea Set （包兩杯飲品及兩客沙律）💰$438Tea Set有24件鹹甜點🍮有啲有兩件，有啲則只有一件，但餐牌上並冇介紹有咩食物，只係食咗時令食材，所以有啲食咗都唔太分得出係咩🧐大部分嘅甜點都係正正常常，可以話係普普通通。而鹹點入面嘅蟹肉青瓜同大蝦青瓜都係只係得蟹肉同蝦肉嘅質感，幾乎食唔到鮮味同味道🦐成個Tea Set真係冇乜記憶點，偶有一兩件唔太啱胃口，亦冇邊一件覺得特別出色😐唯一可取係沙律新鮮🥗花茶好飲🌸 雖然呢份Tea Set真係好靚，好適合打卡，但係我地個位真係完全唔適合影相，啲相執咗好耐😭可能係小編技術唔好😭上網見嘅所有相都係喺窗邊打卡，但餐廳分為兩部份，一邊係完全冇日光，而且燈光非常昏暗，小編坐個位仲要有盞黃光喺側邊打過黎💡唔單止嘢食難影得靚，就連叫侍應幫手影相，人都係一個打咗黃光落面，隔離個個黑咗📷上網見佢晚餐嘅好評好似多啲，Tea Set就真係唔係咁啱小編胃口☹️建議大家如果book位一定要remark窗邊🏙味道：4/10環境：6/10CP值：3/10…查看更多

葵芳呢間小店叫山下見，一聽個名就知黃到金💛鋪面唔大，小編夜晚去過2次都見到好多人排隊，多人到食唔到☹️反而晏晝就唔洗點排隊。葵芳除咗連鎖店之外，都好少堂食嘅好選擇，呢個黃店絕對係首選👍🏻🧚🏻‍♀️日本霜降一口牛便當 💰$88便當除咗跟一碟牛同飯之外，仲有一碗麵豉湯🥣中華沙律、螺肉同一碟醬汁。一口牛嘅份量唔算特別多，面頭有啲蒜粒同蔥粒。咬落真係好有驚喜，超濃郁嘅牛味，仲帶有淡淡嘅油香，而且肉質軟淋🥩其他配菜質素正常，不過就略嫌醬汁唔多，個飯食到底有啲乾，不過整體都係好高質，個牛肉真係好Juice🤩🧚🏻‍♀️帶子三文魚蓉丼 💰$68丼飯份量正常，三文魚蓉都幾多，上面跟一粒帶子🍱三文魚蓉入面有蔥同芝麻，口感豐富，而且食落新鮮冇雪味，旁邊仲有玉子燒同蟹籽👍🏻帶子非常鮮甜😋而且飯嘅調味溫度亦適中🍚🧚🏻‍♀️黑松露茶碗蒸 💰$58（當日買一送一）店入面有塊小黑板，寫低是日推介，有時除咗有特價之外，仲會有限時新品🥳當日我哋介紹咗買一送一嘅黑松露茶碗蒸。茶碗蒸入面有蟹柳同白果，夠晒滑溜，不過黑松露嘅煤氣味真係好濃烈🤣所以食唔到蛋香，下次應該會叫返普通茶碗蒸😋小編覺得呢個價錢對得起質素有突，夜晚都係同一個餐牌價錢，只係會收加一，CP值好高👍🏻👍🏻👍🏻小編睇佢哋IG仲見到連豉油嘅都係佢哋自己調配，淨係呢擔心機都好值得去支持😝溫馨提示💁🏻‍♀️因應政府疫情政策，店內營業時間有更改，詳情可睇返佢哋IG味道：8/10環境：7/10CP值：8/10…查看更多

小編之前book咗MO嘅staycation慶祝紀念日，呢個package非常抵玩，$2269包咗自助早餐、三道菜晚餐、市區景觀客房同加一服務費，呢個價錢對於老牌五星級酒店真係抵玩😆酒店除咗準備welcome drink 🍸 仲準備咗一盒朱古力俾我哋慶祝紀念日，服務非常貼心🥰三道菜晚餐係喺Cafe Causette 度享用，環境同餐具都比較似自助餐形式嘅餐廳，但係侍應真係超級有禮貌👍🏻🧚🏻‍♀️餐前麵包配牛油及意式青醬文華酒店嘅餅房遠近馳名，但係呢份餐前麵包真係令人有啲失望☹️麵包只係微暖，溫度唔足以融化牛油🧈而且食落都覺得一般，唔太食到麵包嘅香味🍞🧚🏻‍♀️文華龍蝦湯作為文華嘅招牌菜之一，呢碗龍蝦湯真係名不虛傳🦞侍應一擺低已經聞到撲鼻而來嘅龍蝦味，湯品上面有一層薄薄嘅忌廉，味道鮮香濃烈，比起就咁食十隻龍蝦仲要重龍蝦味，質感幼滑細膩，濃稠度同鹹度都適中，每一啖都有龍蝦肉，仲散發淡淡的酒香🤤👍🏻👍🏻👍🏻👍🏻🧚🏻‍♀️安格斯肉眼配法式香草牛油伴薯條240克食完前菜都過咗好耐先上主菜，不過侍應都主動同我哋道歉咗兩次。肉眼我地揀咗五成熟，但係食落似七成熟以上🥩切開中間都只係勉強見到少少粉紅色，而且口感比較韌，不過調味都唔錯，牛味濃郁，但真係煎得太熟😭薯條就比較中規中矩🍟🧚🏻‍♀️松子香菇寬扁麵配巴馬臣忌廉呢個麵比我地想像中出色好多😋雖然配料冇任何肉類，但係香菇獨特嘅香味同鮮甜真係太特出🍄加埋忌廉簡直係集香、滑、濃厚於一身，仲有松子增加口感🤤雖然我食到最後有少少膩，但小編覺得佢比牛排好食好多🤨🧚🏻‍♀️1963文華芝士餅伴藍莓果醬文華芝士餅真係好出名，竟然包埋喺呢個set入面！呢件芝士餅首創於1963年，以年份命名係展示佢嘅歷史悠久🍰芝士餅並無餅底，藍莓果醬則另外呈上，但單食芝士餅完全唔覺得滯，芝士味濃，口感順滑，藍莓果醬唔假甜，微微嘅酸味同芝士味好襯🤤成件芝士餅唔會過甜、過濃、過實，所有口感味道都啱啱好😋😋😋🧚🏻‍♀️檸檬柚子慕斯對比芝士蛋糕，呢杯Mousse就顯得非常普通。不過都食得出入面嘅水果味道新鮮清新，層次亦比芝士餅豐富，作出解膩都唔錯🍨整個晚餐體驗都唔錯，有文華作標誌性嘅菜式真係好出色，但塊牛扒真係好失望😞第二朝我哋揀咗去快船廊食自助早餐，整體食物都係較為普通，而且對佢哋嘅麵包出品都係略為失望，可能係期望太高🧐不過都係幾滿足今次嘅staycation，遇到嘅所有Staff服務態度都好親切有禮👍🏻客房入面好多細節都做得好好，仲特別手寫咗張卡仔祝我地紀念日快樂🥰完全體現到五星級酒店嘅應有水準👍🏻👍🏻👍🏻味道：7.5/10環境：8/10CP值：8/10溫馨提示💁🏻‍♀️疫情嚴重，請注意唔同酒店嘅取消政策。…查看更多

葵廣呢間黃店疫市開張，小編由開張嘅時候已經食過，呢半年黎質素穩定👍🏻仲越黎越多新菜式。鋪頭食材超過九成都係日本貨，真係重現到日本旅行去便利店食關東煮嘅風味😍🧚🏻‍♀️味之賞 💰$28呢一款關東煮入面有9款食材🍥分別係：腐皮、海帶結、鳴門片、撕紙狗、冬菇、溫泉蛋、粟米丸、什菜魚丸、蘿蔔🥢小編最中意食佢嘅蘿蔔，入味而且清甜無渣😋而且仲有兩大舊。腐皮、冬菇亦好索汁🥰溫泉蛋有蛋香，熟度適中🥚最出色都係佢嘅鰹魚湯湯底，就咁飲都唔會過鹹，飲得出有鰹魚嘅鮮味，清甜好飲👍🏻👍🏻👍🏻小編試過買完之後一個鐘先食，就算凍咗都仲好好味，食完仲飲曬個湯😝睇過老闆嘅一篇訪問：「關東煮不難，但日籍大廚都會教你食材及步驟一定唔可以慳。」確實關東煮嘅材料唔係咩珍貴食材，都唔需要高超嘅烹調手法，但係食過香港其他關東煮就會覺得總係差少少🧐唯獨呢一間嘅湯底，每樣食材，老闆嘅服務態度都令我覺得真係好似去咗日本🥰我諗呢種就係老闆想俾食客感受到嘅風味同用心💛味道：8/10環境：NA/10CP值：9/10📍 沖繩味之賞 葵芳葵富路7號葵涌廣場1樓B03A號舖12:00-21:30…查看更多

睇訪問見到大埔有間小店，廚師之前係酒店總廚，因疫情失業喺大埔開咗呢間主打牛扒同手工氈酒嘅鋪頭。店入面地方唔算好大，採用開放式廚房，入面有一部西班牙名牌烤箱，烤箱嘅下層有啲類似火山石🔥之後會見到熊熊烈火燒上層嘅牛扒，小編就覺得環境氣氛都唔錯☺️🧚🏻‍♀️Beef Wellington💰$328威靈頓牛柳外面有酥皮，入面有一層蘑菇蓉同牛柳。雖然有啲失望冇Prima Ham，但都香味十足👍🏻酥皮層次豐富酥脆，亦包得夠實，食到最後都唔會成舊散曬。蘑菇蓉鹹味適中，菇味超級香濃，配上熟度啱啱好嘅牛柳真係好香🤤粉紅色嘅牛柳入面仲有肉汁😋🧚🏻‍♀️US Black Angus Prime Rib Eye 💰$117/100G ~$300客人透過肉櫃會見到各式各樣嘅肉類，可以叫侍應介紹同講解，之後就會將揀好個塊扒拎去磅重同燒。每塊扒都跟一款醬汁同兩樣side dishes，小編就揀咗紅酒汁🍷塊肉眼真係燒得好靚🥩聞落已經有好香嘅炭燒味，食落油脂豐富，肉質軟淋，每一啖都伴隨住濃郁嘅焦香，相對牛味就冇咁特出。🧚🏻‍♀️Mini Beef Rice小編揀咗一個迷你牛肉飯🍚係用牛脂、牛湯同香料焗曬。牛油滲透喺每一粒飯粒之中🧈仲有少少肉粒，飯粒乾爽又充滿牛香😋🧚🏻‍♀️Beef Fat Fries粗薯條都係用牛油炸成🍟但小編就唔係好食得出，但都係水準以上嘅薯條👍🏻香脆有薯味。🧚🏻‍♀️Happy Ending 💰$108呢杯Gin面頭有cream cheese，入面有藍莓，飲落有啲似藍莓芝士蛋糕🍰好特別，不過入口比較酸，同個名一樣似當係作結尾嘅甜品咁，小編就唔係特別中意🍸🧚🏻‍♀️Imperial Garden 💰$108呢杯Gin真係好好好好飲🤤面頭有蛋白同熱情果，入面係菊茶味嘅Gin🌼飲落好清新好易入口，淡淡花香無論配牛扒，定還是當作結尾清新一下味蕾都好出色👍🏻👍🏻👍🏻好欣賞呢間小店，雖然喺大埔，但係食物質素環境氣氛，甚至係對食物細節嘅處理都拍得上港島扒房嘅級數🤤店內仲有過百款氈酒，無論牛扒定係氈酒都可以喺客人心目中留下深刻印象👍🏻而且價錢合理，仲係一間黃店💛味道：8.5/10環境：7/10CP值：8/10📍 Fat Belly Butcher & Gin House 大埔東昌街6-16號東昌閣地下A舖星期二至五 17:00-02:00星期六至日 12:00-02:00逢星期一休息…查看更多

依家越嚟越多茶飲店，全部都大同小異，但唯獨呢間，飲一啖已經好有印象，小編覺得佢係葵廣最好飲嘅飲品‼️🤤而且小編本身好偏食，唔中意食生果，但佢嘅果奶同果汁嘅生果味一啲都唔假，完全係萃取咗生果最好味最新鮮嘅部分。仲可以飲滿十次草印花換一杯，小編試咗八成都冇伏😋依家就介紹最中意嘅兩款😍🧚🏻‍♀️西班牙牛油果奶 💰$31(中杯) $38(大杯)完全冇諗過牛油果飲品可以做到咁出色，呢款絕對係必試推薦🥑小編已經介紹咗好多人飲，大家飲落第一啖都係嚇親🤣牛油果味濃不在話下，而且牛油果本身唔係甜度好高嘅生果，佢淡淡嘅甜味混合牛奶超級夾，兩者味道突出又唔會搶🥛仲要有少少果粒，濃稠度適中，飲完會有少少飽肚😋🧚🏻‍♀️九洲藍莓奶 💰$31(中杯) $38(大杯)呢啲飲品非常清新，甜而不膩，帶有少少藍莓嘅酸味非常清新🤤小編好驚飲品會假甜或者飲到好滯，呢款即使加咗牛奶都仲保留到清新嘅味道，飲完唔會覺得飽肚😋奶味亦好突出，入面仲帶有少少果蓉。呢間飲品舖仲要係一間黃店💛💛💛佢嘅士多啤梨奶🍓蜜瓜奶🍈提子茶🍇都好出名，但小編就覺得未至於好味到驚艷。順帶一提小編本身係唔食牛油果同藍莓🤣所以更加覺得佢嘅飲品出色。雖然佢嘅價錢唔係特別平，但每次飲完都覺得真材實料，都係會繼續回購😋溫馨提示💁🏻‍♀️小編覺得半甜更加突出到佢嘅清甜😋味道：9/10環境：NA/10CP值：8.5/10📍 菓屋葵芳葵富路7號葵涌廣場2樓C76B號舖11:00-22:00…查看更多

呢間位於灣仔嘅黃店日日大排長龍，鋪仔細細，座位唔多。餐牌嘅選擇亦唔多，但款款都食得作係誠意之作，真係好有日式風味😋🧚🏻‍♀️招牌三色蛋包飯(咖喱豬肉+忌廉雞肉)💰$82成個蛋包飯好大份，細食嘅人未必食得曬，可以嗌小飯。雞蛋好滑好香，而且煎得好靚，包得晒成個白飯🍳忌廉雞肉係小編最鍾意嘅醬汁，入面有西蘭花紅蘿蔔同雞肉，忌廉汁非常香濃，紅蘿蔔清甜，反而雞肉就冇咩驚喜但成個配搭送飯一流。咖喱豬肉就係水準以上嘅日式咖喱，微甜唔辣，豬肉份量都唔少。食晒成個飯都仲剩醬汁同少許配料，好滿足🥰小編之前佢都試過佢嘅和牛漢堡扒，但就覺得有啲鹹，遮蓋咗牛味。反而期間限定嘅甜品布丁就好好食🍮但總括而言，呢間鋪嘅出品都感受到大部份係誠意之作，絕對會再去食過🤤味道：9/10環境：7/10CP值：8/10…查看更多

兩個月前訂咗尖沙咀凱悅酒店嘅staycation，💰$1518加多$300 就可以喺客房享用希戈餐廳 嘅三道菜晚餐，平時食佢嘅lunch人均都要~$600一位，小編就襯優惠試呢間經典扒房😋🧚🏻‍♀️招牌前菜精選：凱撒沙律🥗生牛肉他他🥄蝦咯嗲🦐雖然係喺客房到享用，但係麵包送上黎嘅時候仲係微暖，麵包亦係誠意之作，三款都充滿麵包香味。招牌前菜亦冇令小編失望，沙律新鮮，大蝦爽彈，連埋隔離嘅芒果一齊食非常開胃，生牛肉他他最為驚豔，完全唔覺得腥，牛肉鮮嫩😋🧚🏻‍♀️燒美國頂級牛肋骨肉廚師會上嚟客房門口切肉，可以體驗喺餐廳嘅視覺。牛肉鮮嫩，入口軟渣肉汁豐富，配搭嘅醬汁唔會過鹹，但係某啲部份有筯，比較難咬，小編就覺得整體不過不失，好食但未到驚艷嘅程度。而配菜嘅焗薯同埋蔬菜質素亦正正常常。🧚🏻‍♀️法式焦糖燉蛋口感細膩香滑，亦唔會過甜。但份量都頗大，小編最後都係食唔曬😝整體而言都係中上之作。成個體驗都唔錯，雖然喺客房到享用，但服務員上到黎嘅態度同服務都非常好👍🏻絕對冇因為喺客房食而馬虎。酒店亦升級咗我哋去套房，成個staycation嘅價錢亦都非常抵玩😆味道：7.5/10環境：NACP值：7/10…查看更多

呢間鋪平日已經大排長龍，加上又係黃店，夜晚見冇人排隊就去試一試。店內裝修有特色，座位寬闊，兩個人坐卡位都唔會迫夾👍🏻🧚🏻‍♀️黑金奶黃流沙包 💰$21上網睇到人哋介紹非常吸引，點知嚟到真係🤬唔知係自己唔好彩，定係其他Foodie好彩，流沙包真係完全唔流沙，奶黃味好淡亦唔夠香，成個包非常普通。🧚🏻‍♀️原隻鮮蝦腸 💰$30腸粉夠滑，豉油調味正常，但鮮蝦非常細隻，腸粉同鮮蝦比例8:2。而且蝦肉有苦澀味，唔係一兩隻嘅問題，成份腸粉都係，非常唔推薦🥴🧚🏻‍♀️鳳凰煎米雞 💰$30係其他點心專門店少有嘅煎糯米雞。分量正常，但非常淋油，表面仲見到好多煎炸完嘅泡泡。蛋漿同糯米雞嘅味道完全分開，餡料亦冇乜特別。誠實食評，唔係想批鬥黃店。小編仲嗌咗蝦餃、燒賣、紅棗糕，味道正常，但如果係特登去試會有啲失望，希望下次再去會有驚喜💁🏻‍♀️味道：4/10環境：7/10CP值：4/10…查看更多

男朋友生日揀咗呢間餐廳，曾經獲得米芝蓮推介，服務態度一流，而且氣氛都好好🥰不過佢位於大廈嘅頂樓，小編行錯去一期，電梯明明有餐廳嘅logo，但上到去又發現去唔到🧐最後都係搵咗一陣，原來二期嘅入口係另一條街。🧚🏻‍♀️Penthouse Crab Cake 💰$198呢個係餐廳嘅必食推介，食落蟹餅幾乎九成都係蟹肉，口感煎到啱啱好，仲保留左蟹肉原有嘅質感，食落一梳梳🦀非常鮮甜。蟹餅嘅調味唔重，旁邊配咗三款醬汁，分別係牛油果醬、芒果莎莎醬同蛋黃墨西哥辣醬，三款都好特別，牛油果醬更加帶到蟹肉嘅鮮味😋👍🏻👍🏻👍🏻🧚🏻‍♀️Prime Rib Eye Steak 💰$490食落有燒烤嘅焦香味，肉質軟淋，油脂感唔算重，但係略嫌肉味唔夠濃郁，係一塊合格以上嘅牛扒🥩但就未至於好驚艷。🧚🏻‍♀️Linguine Vongole 💰$258白酒蜆肉蒜蓉意粉🍝闊意粉口感偏硬，而且醬汁唔多，成個意粉嘅調味主要係炸蒜同埋蜆肉嘅鮮味而成。蜆肉非常新鮮肥美，烹調時間亦啱啱好，食落唔會過韌，仲好juice🤩🧚🏻‍♀️Vairhona Caraibe 66% 💰128係由分子雪糕同Tiramisu 組成嘅甜品，Tiramisu 口感同味道都正常，而且唔會過甜過苦，即使食咗咁多嘢都唔覺得滯。而隔離嘅分子雪糕🍦就更加有驚喜，入口即溶，朱古力味濃郁，甜度適中。訂枱嘅時候講明慶祝生日或者紀念日，仲可以喺甜品加購煙花蠟燭🤩慶生一流👍🏻小編仲有叫咗蘑菇湯同薯條，但就覺得冇乜特別🧐不過當日嘅整體體驗非常好，最有印象係當日嘅侍應都好有禮貌好熱心。而且佢窗邊嘅位置可以見到海景，餐廳嘅氣氛亦非常唔錯，值得推薦。味道：7.5/10環境：8.5/10CP值：7.5/10…查看更多

小編四年前就開始食呢間鋪頭，睇住佢由細鋪搬大鋪。網上之前有人話佢係藍店，後來又有澄清翻，依家網上資料就話佢係冇立場嘅綠色商店，大家自行決定要唔要去食啦🧐雖然話就話搬大鋪，但其實面積依然唔大，座位亦非常逼夾，好多時候都要等位。🧚🏻‍♀️粟米香菇豬肉餃 💰$42/6隻 $50/8隻小編最鍾意食呢款餃，菇味濃郁，粟米香甜，餡料紮實大隻，咬落仲有豐富肉汁🤤就連肉汁都有濃厚嘅菇味。🧚🏻‍♀️粟米三色椒豬肉餃💰$42/6隻 $50/8隻呢款餃子比較特別，入面多咗三色椒，對比頭先嗰款冇咗菇嘅香味，但就多咗三色椒嘅口感。不過就味道而言覺得頭先嗰款比較出色。🧚🏻‍♀️韭菜豬肉餃 💰$36/6隻 $42/8隻有好濃郁嘅韭菜香，韭菜亦非常新鮮，小編覺得呢一款好適合做煎餃，之前食過煎餃都非常出色香脆🥰🧚🏻‍♀️西洋菜豬肉餃 呢款係期間限定嘅餃子，小編唔記得咗價錢😭但真係超級唔推薦呢款，可能當日嘅西洋菜唔靚，西洋菜有苦澀味😭苦就食唔落嗰隻，而且切得比較大粒，口感以爽口為主。小編都係比較鍾意另外嗰間出名西洋菜餃子配魚湯嘅鐘鋪頭，兩隻味同口感完全唔同☹️以前覺得呢度嘅魚膠淮山煲豬骨湯最出色，每次黎都會飲晒。但當日一試就覺得大不如前，而且飲落仲有少少口渴，餃子亦冇以前咁抵食😫不過呢度嘅餃子都係足料大隻，小編食六隻已經夠飽，大食嘅朋友食八隻都夠飽😋而且呢度嘅辣菜脯都值得一試，有麻味又夠辣，值得推薦👍🏻味道：7.5/10環境：5/10CP值：7/10…查看更多

呢間芋圓店成日都大排長龍，無論堂食定外賣都好多人。今次小編去咗荃灣嘅分店，面積都算大，唔會太迫夾。落單之後會比機仔你坐埋位等，不過都等咗10分鐘以上。🧚🏻‍♀️芋薯圓Q麻糬牛奶冰+地瓜💰$52+$6入面有芋薯圓、小芋圓、Q麻糬同冬瓜凍。芋薯圓係有餡嘅芋圓，非常Q彈煙韌，入面嘅地瓜、芋頭餡好香，又唔會太甜👍🏻反而其他配料就平平無奇， Q麻糬味道好淡，小編唔係咁鍾意食。地瓜都係必嗌嘅配料，香甜軟滑🤤成個牛奶冰超級大份，兩個人食剩一半😭但計返抵食過其他甜品。小編之前仲食過仙草凍，超級香滑，又唔會假甜，值得一試👍🏻不過就覺得唔值得排咁耐，整體而言有啲普通同偏貴。順帶一提鮮芋仙都係黃店，可以去支持下💛味道：7/10環境：7/10CP值：6.5/10…查看更多

鋪仔細細，座位唔多，每人最低消費係一份甜品。但呢度嘅甜品非常高質，小編覺得厚Pancake好食過某啲日本嘅過江龍，係一間高質嘅黃店甜品鋪🍧🧚🏻‍♀️厚Pancake伴海鹽芝士卡士達醬及雲呢拿雪糕 💰$75製作需時，每日限量。Pancake鬆軟濕潤有空氣感，帶有淡淡嘅蛋香味。旁邊有海鹽芝士醬可以自行淋上去，食落似芝士奶蓋，咸香突出，整個配搭都唔錯👍🏻不過食到最後有少少單調同覺得有啲滯。🧚🏻‍♀️芒果拿破崙伴雲呢拿雪糕 💰$55拿破崙表面非常香脆，入面嘅芒果香甜，夾住嘅Cream甜度適中，口感有層次，高分之作🤤🧚🏻‍♀️焦糖心太軟伴雲呢拿雪糕 💰$65心太軟外脆內軟，口感唔錯。入面嘅焦糖醬冇想像中咁甜，有焦香味，不過食到最後都係覺得太甜，怕甜就唔好叫呢款😝🧚🏻‍♀️士多啤梨窩夫伴士多啤梨雪糕 💰$55窩夫做到外脆內軟，但蛋香味唔突出，士多啤梨同雪糕亦冇乜特別，係合格之作🍓呢個價錢食到呢個質素，小編覺得非常滿意，大部份嘅甜品都係誠意之作，食過幾次都冇中伏，怕甜嘅朋友都覺得大部份好好食😍值得推薦👍🏻味道：8/10環境：7/10CP值：8/10…查看更多

呢排冇得去旅行，真係好掛住韓國嘅醬油蟹。呢間餐廳嘅醬油蟹出名正宗又好食，試完發現果然名不虛傳🤤餐廳面積都幾大，坐四人卡位非常鬆動舒服👍🏻🧚🏻‍♀️生醬海蟹（2隻）💰$348醬油蟹比喺韓國食嘅較細隻，但新鮮爆膏，小編同朋友都唔覺得腥，品質都唔錯。醬油調味適中，唔會死咸，略帶甜味，食曬成隻個嘴都唔會咸到唔舒服，但就唔係個種帶果甜嘅醬油。跟餐有一碗紫菜飯，紫菜飯偏咸，紫菜亦偏淋，口感唔係幾好。小編都係比較中意成塊紫菜，自己擺蟹膏同飯喺上面嘅食法。😕🧚🏻‍♀️生醬海蝦（5隻）💰$258所用嘅醬油同醬油蟹係一樣，蝦大隻新鮮，肉質爽彈唔霉，但就覺得冇乜特別，醬油蟹出色好多🦐🧚🏻‍♀️乾明太魚荳芽湯 💰$88食完醬油蟹就會好想食啲熱嘢，呢個湯幾清甜，飲完唔會太口渴，味精味唔重，而且有好多芽菜，整體表現合格。雖然韓國嘅醬油蟹更加新鮮好食，但小編覺得喺香港呢間算非常正宗好食😋，價錢合理，但係其他菜式就比較平平無奇。味道：7/10環境：6/10CP值：6/10…查看更多