dorlamimi的個人專頁

今日終於去左一田既白熊咖哩試下佢既下午茶。揀左厚切豬扒三文治，飲綠茶特飲。由於豬扒係新鮮炸出泥，所以等左一陣先有得食。三文治入面有咖哩汁，軟軟既麵包夾住新鮮炸起既豬扒，口感實在唔錯！另外仲有伴碟既沙律，感覺清新。唯一就係綠茶特飲太甜，無乜綠茶味！下次要試下柑桔檸檬。不過以38hkd 加一既價錢可以食到呢個質數，絕對可以俾like! 會再有下次！…查看更多

近日看到挪亞方舟酒店餐廳做海鮮主題, "蠔門蟹宴”, 加上見到這餐廳的食評也不錯. 決定一試..... 可是大失所望!!!!首先, 餐廳的訂位既電話形同虛設. 上午11-12時前打去, 無人聽..... 下午4-5時打去, 打唔通.....晚上7-8時打去, 都係打唔通. 於是,我打去酒店果邊,諗住接線生幫我縛線會得啦..點知接生同我講,話酒店餐廳既電話成日都BUSY LINE既, 如果縛線過去唔通, 你就再自己打呢兩個電話去試啦.......真係吹脹!? 如果係不設電話訂位服務, 又何苦提供電話俾人打去呢?雖然BOOK唔到位, 因為係平日夜晚, WALK IN都有位. BUFFET 5:45 開始, 我地6PM去到,已經人頭湧湧........三文魚同壽司已經一掃而空.....要等成個鐘之後先有REFILL...可以一讚既係D凍蝦幾新鮮.....不過佢唔係把所有蝦放係冰上, 保鮮衛生做得唔係咁好.每一名食客都有一隻酥皮焗超級珍寶蠔. 要憑咭排隊領取.隻珍寶蠔係連殼焗, 裡面有d菠菜一齊焗. 賣相很漂亮, 不過味道好咸.亞拉斯加長腳蟹瑞士火鍋 –亞拉斯加長腳蟹,青口,三文魚等,經大廚泡熟後,客人可沾上火汁料，包括芝士汁、甜椒汁、辣椒蕃茄汁等。可惜大廚成日唔見人, 無咩心機SERVE客人,手勢又麻麻. D 青口,三文魚 OVERCOOK, 好乾同有D 腥...即焗麵包黑椒蟹 - 超級咸!!!!!西藏紅花膏蟹飯 - 味道都OK, 不過賣相麻麻, 一PAT PAT咁... 唔可以肯定佢係咪意大利煮法焗疏乎厘蟹－食唔到......因為永遠唔夠人咁快去搶。甜品－無咩選擇。６ＰＭ果陣見到有芝士蛋糕，不過７：３０ＰＭ已經無晒。亦唔多見ＲＥＦＩＬＬ。。。。手快有,手慢無!　又食唔到.總括來說，食物質數差，服務都差。成間餐廳得兩個服務員執野，收碟，明顯唔夠人手。我想要杯熱水都無搵唔到人幫我。要自己去ＴＥＡ　ＴＡＢＬＥ度攞。ＢＵＦＦＥＴ價錢雖然平，不過可以係馬灣有其他選擇。我唔會再去下次。…查看更多