alldaytofu的個人專頁

與家人共享晚飯一家人圍坐在圓桌，熱騰騰的上海小籠包皮薄湯多，肉餡鮮甜，一口爆汁是最感動的瞬間！爸爸立刻夾了一隻說湯汁好足！。蘿蔔絲餡餅外皮香脆，內裡蘿蔔清香濕潤外脆內香，味道清新！，令人食慾大開。生煎包底部金黃焦香，咬下去肉汁四溢，完全是街坊級生煎的升級版。蟹粉豆苗則把高級食材與清新蔬菜結合，蟹粉濃郁卻不膩，豆苗爽口，成為一道平衡味覺的精緻菜。整體而言，上海婆婆不只是一間上海菜館，而是一趟味蕾旅程，將地道與精緻巧妙融合，值得一試！一家人邊吃邊笑，菜式多元又有質素，讓我們度過了一個溫馨又滿足的家庭晚餐。…查看更多

當兩個人選擇在平日晚上走進尖沙咀的殿 大喜屋日本料理，並不是隨便找個地方填飽肚子——是來朝聖的。這裡不是一般的放題餐廳，而是一場海鮮盛宴的殿堂，主打全港獨有的波士頓龍蝦與冰鎮鮑魚刺身任食，讓人一踏入便感受到濃濃的奢華氣息。刺身方面，每一個都非常有驚喜！波士頓龍蝦每一隻龍蝦都經過精心挑選，肉質飽滿、鮮甜彈牙。廚師即場處理，冰鎮後上桌，保留最原始的鮮味。冰鎮鮑魚刺身，鮑魚切片厚薄適中，入口爽滑，帶有天然海水的鹹香。冰鎮處理令口感更清爽，配上少許芥末與醬油，鮮味倍增。金槍魚腩，油脂分佈均勻，入口即化，是刺身中的皇者。鱘魚子醬，點綴壽司上，鹹香濃郁，提升整體層次。海膽軍艦，採用日本直送海膽，鮮甜無腥味，海味濃郁。熱食方面各個海鮮都好有水準。泰式麻辣奶油蝦，新鮮羅氏蝦配上泰式香料與奶油，辣中帶香，層次豐富。油鹽焗大頭蝦，簡單調味突顯蝦的鮮甜，肉質厚實，令人回味。蒜蓉粉絲蒸蟶子王，粉絲吸收蒜香與海鮮汁，蟶子王鮮嫩多汁。古法鹽焗蟹，用新鮮蟹製作，鹽焗後蟹肉緊實，鹹香撲鼻。燒榴槤外焦內軟，榴槤香氣濃郁，甜而不膩，是甜品中的黑馬。這樣的放題，不只是吃飽，更是一場味覺的冒險。你會想在這裡慢慢品味每一道菜，聊聊生活，讓海鮮的鮮味與人情的溫度交織成一個難忘的夜晚。…查看更多

千海水產海鮮火鍋放題 (九龍灣)近排睇YouTube成日見到好多人去食海鮮原來香港有一間啱啱開張任食海鮮火鍋，好似係香港第一間添。屋企人最鍾意食海鮮，鍾意海鮮既今次梗係唔會錯過啦。都非常之難book位好多都full Booking ，最尾我哋都係book到平日嘅夜晚9:00，雖然呢個時段有啲夜，不過都無阻我哋任食海鮮嘅決心。所有食材都是新鮮撈上來的海鮮，包括鮑魚、基圍蝦、三點蟹、白蜆、草蝦、大頭蝦等等。除咗食材新鮮之外，我覺得呢個都係一個好好嘅體驗，因為係自己親自拎住個筲箕，去海鮮水池度自己撈你想要嘅海鮮，大大細細邊個款式任君選擇，幾好玩，好似細個喺度撈金魚。食材方面非常之新鮮，真係每一隻都郁嚟郁去，同埋唔使擔心污糟，因為你揀完海鮮，就即刻俾啲職員，佢哋就會幫你洗乾淨再送返去你嘅枱。大頭蝦好多膏，蟹都好清甜，啲蝦放落個火鍋湯底仲即刻跳起，真係鮮到十足，每一口都充滿了海洋的鮮味。除咗海鮮任食之外，其實都有好多多款款其他唔同放題，例如任食和牛，乳鴿，榴槤，西京燒等等。呢個價錢我覺得都算係真係好抵食，$300左右有得任食海鮮和牛，正👍🏻…查看更多

超爽日式刺身放題今個星期係咁打風，唔知會唔會上八號風呢。天氣凍咗好多，自然好想係咁食野，就約左朋友係觀塘做完yoga，就係附近揀咗間日式放題任食- 極尚大喜屋嘅晚巿日式放題。時間方面，晚上八點到十點，任食兩個鐘都只係$288。不得不讚，餐廳落單都係用QR code，簡單方便，最緊要唔怕留單！所有食物都好快上齊曬，而且數量都幾準確！ 食物種類亦都好豐富，包括刺身、壽司、卷物、軍艦、串燒、熟食、天婦羅、清酒、甜品等等。 刺身師傅上盤放得好靚，影相打卡一流，三文魚鮮甜肥美，而家呢個天氣食，唔怕！蜆肉、北寄貝、甜蝦都好新鮮，唔會有冰鮮味。 串燒一定要試燒菠蘿，一咬落去所有果汁蜂擁而出，非常開胃！ 壽司都係選用日本珍珠米飯，食落都唔怕浪費「胃」置！ 哈哈…查看更多

尖沙咀chill正西式cafe 難得聖誕節前約到好朋友落尖沙咀飲本野，今日大家早收工，就決定去諾士佛台happy hour 之前先食少少熟身打底。就係諾士佛台道左邊第一幢大廈，因為有姐姐係下面派單張，單件價錢又合理，就簡左係八樓嘅 Osaic Bar & Grill. 一上到去餐廳，電梯門打開，鳥語花香，餐廳背景以綠色草原為主，以輕快嘅小鳥叫聲襯托，放工去呢呢餐廳食飯，格外relax and chill~ 前菜方面， 我地兩個人share Seared Foie Gras，鵝肝外脆內軟，入口即溶，食材新鮮，油香味濃，香味撲鼻！配上炭燒厚切菠蘿，層次分明，而且菠蘿嘅酸甜果汁，解膩同時打開胃口，簡直係完美嘅前菜配搭！主食方面，必定要介紹 Soft - Shell Crab Risotto，意大利飯粒粒粒分明，有咬口，香氣濃郁，軟殼蟹高溫油炸，格外香口，而且份量兩個人食絕對足夠！飲品就簡 Refreshing Passion，對於唔想飲酒嘅朋友，可以揀呢款飲品，一杯別具風味嘅圖騰飲品杯，一塊干橙片，配上多片香草，非常解渴清爽！兩個人夜晚食左3個鐘左右，附近消費$600左右，食完差唔多10:30再落去飲番杯！…查看更多

極上海膽醬便當🍱喺上環返工每日放Lunch日日都係食果幾條街嘅餐廳，特別係熱天或者落大雨嘅時候，就更加唔想煩落樓去買外賣。放飯前打開IG無意間見朋友share - 今日食便當 Let's Bento。 好近我返工位置，仲要可以係外賣平台上訂送貨，今日中午就簡你啦！ 唔洗多講，直接簡左睇落去最吸引嘅（A.)邪惡海膽醬燒和牛 (跟餐配日本珍珠米飯 + 沙律 + 前菜 + 甜品 + 飲品) ($208) 。 見外賣自取有優惠，反正今日冇落雨天氣又好，就當落街行兩步攞外賣，其實位置都幾方便，就係西營盤站地鐵站2分鐘距離，只需要行上去2樓，呢個地方係類似中央共享廚房，只需要搵返間餐廳，就可以直接取貨，（不設堂食）。 詳細地址：上環德輔道⻄ 103 號 樂基商業中心 2 樓 Freshlane K26 (⻄營盤A2出口)不得不讚，呢個海膽醬同新鮮海膽根本冇分別，海膽醬非常之鮮甜，口感綿滑且入口即溶。正正因為佢係海膽醬，唔怕外賣長時間運送而導致出水既情況。和牛份量亦好充足，一個人食絕對足夠。兩個咁矜貴嘅食材加埋上嚟，價錢都幾實惠，簡直係物美！特別見到嘅係，香港區滿$500免費送貨，下次可以同埋一班同事一齊叫外賣，咁就可以免運費，慳返嚟嘅錢又可以買多點小食試下！…查看更多

高檔華麗中菜 必試天下第一豬粵藝館係香港都算幾有名，特別喺銅鑼灣食當天，琳琅滿目嘅餐廳情況下要食中菜唯一要突圍而出，一定要由佢嘅招牌開始講起。 即燒無花果天下第一豬確實並非浪得虛名 🐖 🐖 ，乳豬皮爽脆，即燒即食，肉質堅實，配上特製酸梅醬汁，解除油膩感。 🐷 🐷 不時不燉湯👾👾精選上等材料熬製而成， 由一塊陳年金華火腿提香，一片厚身魚肚提線，兩者融合，帶出湯底嘅鮮味蜜絲咕嚕肉🥩🥩最開胃嘅莫過於呢度菜，咕嚕肉外脆內軟，黑毛豬肉爽口彈牙，無花果清甜解膩。三者結為一體，大大滿足感。慳魚花醉鮑魚鮑魚由花雕酒炮製而成，每一隻鮑魚都好入味，細細力咬入去，鮑魚鮮甜多汁環境方面，擺設優雅，極具莊華，裝修非常有格調，別有一番風味。…查看更多

花貝日本料理 (銅鑼灣)銅鑼灣開平道1號CUBUS 6樓花貝位於銅鑼灣開平道1號 CUBUS 6樓，地理位置方便。最近IG見朋友去左打卡，今次就到我試下啦！餐廳裝潢選用木質為主調及柔和燈光，打造雅致日式舒適氛圍。到場後，職員安排我地坐最右邊嘅吧枱，可以近距離欣賞到師傅準備嘅手握壽司。 除左omakase，職員介紹我地可以試下 - 季節雜錦魚生 （$498)前菜方面，茶碗蒸配以高湯作為芡汁，味道清甜，蒸蛋細嫩絲滑。和風汁煮螺用醬汁醃製，白玫貝厚肉帶微甜，肉質爽口，亦見餐廳非常有細心，上菜前先把螺肉起肉，方便食客進食。魚生方面，有八款時令刺身，包捨赤鯥、深海池魚、中拖羅、大拖羅、牡丹蝦、 鮫鰈魚、赤身、魷魚🍣赤鯥：脂肪充足，味道鮮甜，炙燒後甘香回味！🍣中拖羅：魚脂感濃厚肥美，入口即化，魚味濃郁！🍣北海道牡丹蝦：蝦肉肥碩，肉質鮮甜！🍣鮫鰈魚：軟嫩鮮香，口感肥美可口！🍣魷魚：肉質厚身細密，口感爽彈，味道清甜！🍣深海池魚：纖細柔軟爽嫩，質感軟綿，魚油濃郁融化在味蕾之中，回甘十足！🍣大拖羅：粉紅色大拖羅油味最重，放到最後進食，沒有多餘的筋膜，魚油豐潤，入口即融，肥美無比，大滿足！總括而言，魚生片片新鮮厚身，享受奢華食材！我們整體用餐體驗為2小時，壽司師傅及餐廳職員健談友善，詳細講解每一個魚鮮嘅名稱、源地及食用次序，整個體驗愉快。…查看更多

好耐冇食過烤魚 😋😋突然之間下雨天好想食下烤魚😆😆喺旺角附近見到呢一間汀汀烤魚 呢度嘅裝修比較特別 用咗好多霓紅燈感覺都幾有feel 一於試吓 叫咗個招牌烤魽魚 308 揀咗小辣香辣味同埋酸菜配料魚即燒 有少少炭香味 配埋小辣同埋酸菜酸酸辣辣好開胃 魚肉一啲都唔腥另外我哋叫咗桂花蚌 88萵筍 48 韭菜餃 48配料味道都OK 如果大食嘅都係去返啲任食烤魚比較抵食如果兩個女仔呢個份量都差唔多如果唔夠飽都可以再叫過紅薯粉或者主食…查看更多

好耐冇嚟過坑口，一上到去地鐵站東港城商場，發現有好多林林總總嘅餐廳，今日想食日本菜，就去咗近天橋位附近嘅一個日本餐廳，叫塚田食堂。餐廳位置尚算寬敞，每一張枱之間都有一段空間，尚算都有私隱度。今次做叫左兩份嘢食。滑蛋鰻魚定食， $88 ，滑蛋柔滑香濃，燒鰻魚香脆可口，兩者配埋洋蔥汁，絕配，送飯一流。第二份嘢食，牛肉壽喜燒烏冬定食， $98，呢份定食分量充足，首先有一個火鍋，牛肉新鮮入口即溶，油香感十足，仲有一隻日本生蛋，配菜方面，有唔同嘅小食，有油浸酸瓜，一碗魚生飯，同埋一碗麵豉湯，一個人食晚餐份量，綽綽有餘。提醒一句，每人平均消費滿$68 ，可加$20享用大堂嘅沙律飲品同甜品，幾值得， 十分推介…查看更多

一日幾千單確診，咪話真係唔驚🥲依家啲菜又咁貴，成日食冰鮮嘢都唔掂，近排都成日黎呢間黑蒜買外賣返屋企，主打全天然冇味精，同埋最鍾意佢款式好多，就算食咗幾日都未有重複👍🏻比較推介嘅係佢哋嘅黑蒜清湯牛肋條，係呢間店嘅招牌菜，眼見10個9個都會叫，四條牛肋條煮得淋，容易入口老人家都冇問題，唔會靭，另外我都加咗錢要兩粒超大魚蛋，有時候都貪食，想食啲junk food ，估唔到呢度都可以食到，魚蛋非常彈牙，咖喱味唔算重，唔使去到長洲都食到。另外今日我哋揀咗另外一款係龍脷柳，雪藏味唔重，份量都算多，有三大塊，另外呢個價錢包埋一碗湯，平時屋企人少少唔會煲湯，有啲湯水飲吓滋補都幾好，呢個應該係佢哋嘅招牌黑蒜湯，好香蒜味，同佢既店名一樣👍🏻👍🏻一及棒🥰…查看更多

因為年尾，加上距離措施依然存在，好少有機會可以同一家人喺出邊食晚飯，所以今次做比較做資料蒐集搵到一間屋企人比較鍾意食嘅中菜，位置亦都好好喺灣仔會展，可以一邊睇住維港嘅美景，一邊品嚐中式佳餚為。餐廳係會議展覽中心，可以提前預約，如果會客仲可以享用私人包廂，今次我哋四個人就坐咗喺臨近窗邊嘅地方，可以望到玻璃外牆嘅風景。食物方面非常超越水準，鳳梨黑毛豬咕嚕肉香甜醒胃，黑毛豬肉新鮮可口；生煎蓮藕餅，香脆內軟，健康香脆的醒胃菜。海鹽香煎馬友，皮脆肉滑，魚皮油煎過後，魚皮金黃香脆，魚肉結實，香口魚油。酒煮海中蝦，爽口蝦肉，酒味濃郁，蝦肉結實飽滿。香蔥鮑魚砂焗飯，一打開鍋蓋，香氣濃郁，林想醬汁之後，醬汁同熱砂即時反應，米飯香煎焦香，鮑魚切粒爽口彈牙，送飯一流。最後可以按個人喜好，嘗試唔同嘅中式糖水，但因為今次食得好滿足，亦都8分飽，所以我哋就冇叫到啦。值得一題嘅大家可以喺會展選用泊車服務。…查看更多

首先簡單餐廳背景介紹，根據網上資料同埋當時同師傅溝通（尤其是食廚師發板好注重食客同師傅嘅交流，聽聞有事師傅準備壽司時會按照食客嘅心情嚟決定），「惠 Sushi Kei」由北海道高級星級名廚廚師發辦，廚師係由入行超過21年、師承米芝蓮二星廚師嘅峻師傅坐陣！加上公司有日本買手參與魚市場競標，目標將日本各地最時令珍貴食材送到食客，從而享受最高級料理體驗。有見及此，今次就同老婆夾好時間，中午放飯嘅時候，嚟到灣仔一嘗廚師發辦「壽司12貫」套餐就包括前菜、十二貫握壽司、汁物、甜品或咖啡。前菜就係茶碗蒸，係咁凍嘅天氣食一碗熱辣辣口感順滑嘅雞蛋，暖意直上心頭。配埋一絲絲嘅日本深海海帶，爽口醒胃。茶碗蒸入邊有兩粒完整嘅元貝，鮮甜香口。伊佐木、平政、墨魚、三文魚籽四款壽司最為驚喜，魚生口感嫩滑，味道甘甜，魚油濃郁，香味持久，壽司米粒大而飽滿。總體來講，食材料理經過精挑細選，稀有珍貴，加上師傅出神入化嘅手藝，整個體驗品味極致，充滿驚喜。…查看更多

聽日就聖誕特登早一日出嚟同屋企人慶祝，凍冰冰最簡單就係去烚吓烚吓，去咗尖沙咀胡爐，由於遲book位7:30果場已經full晒我哋就食5:30，不過唔緊要早啲食早啲消化，湯底嘅話我哋就揀咗川味酸菜鴨湯鍋，其實佢仲有好多款湯底揀不過呢個比較特別同埋出邊冇試過，所以今次試吓，真係非常之唔錯喎！本身都驚鴨湯好蘇，但係又唔會湯底酸酸地好開胃，湯底入邊仲有好多鴨肉，份量好多，食咗啲鴨肉都成4成飽。配料我哋就特登揀咗啲特別啲嘅，牛骨髓之前未食過 ，超得意喎食落去，軟林林有啲似啫喱咁樣，牛骨髓本身味道就冇乜味，不過呢點左啲醬汁就好正，同埋口感真係好得意。另外叫咗牛胸花，手切牛胸爽👍😋好多人見到都誤以為白色一片片嘅牛胸爽係牛嘅脂肪，其實佢係牛胸前肋骨中間的軟骨部位，食落十分爽口、牛味豐富！ 想再加強口感就可以用一片牛胸爽夾著一片牛肉滾，一齊食口感層次都加倍提升。呢個都係比較少食，原來係牛肉上面嗰層油？食落去油香好重，同埋口感爽爽地好得意，食牛肉食到悶可以試吓呢一款，都算幾有驚喜喎另外我哋仲叫咗手工干貝帶子餃，好香乾瑤柱味同埋係餐廳自己包㗎，入邊仲有帶子材料好豐富。總括嚟講食物質素真係唔錯，雖然價錢唔係話特別平，不過勝在有質素，同埋湯底選擇多又特別。…查看更多

好耐冇嚟過坑口，一上到去地鐵站東港城商場，發現有好多林林總總嘅餐廳，今日想食日本菜，就去咗近天橋位附近嘅一個日本餐廳，叫塚田食堂。餐廳位置尚算寬敞，每一張枱之間都有一段空間，尚算都有私隱度。今次做叫左兩份嘢食。滑蛋鰻魚定食， $88 ，滑蛋柔滑香濃，燒鰻魚香脆可口，兩者配埋洋蔥汁，絕配，送飯一流。第二份嘢食，牛肉壽喜燒烏冬定食， $98，呢份定食分量充足，首先有一個火鍋，牛肉新鮮入口即溶，油香感十足，仲有一隻日本生蛋，配菜方面，有唔同嘅小食，有油浸酸瓜，一碗魚生飯，同埋一碗麵豉湯，一個人食晚餐份量，綽綽有餘。提醒一句，每人平均消費滿$68 ，可加$20享用大堂嘅沙律飲品同甜品，幾值得， 十分推介…查看更多