cfwong0309的個人專頁

搵位度：🌟🌟🌟🌟抵食度：🌟🌟好食度：🌟🌟🌟🌟佢未改Menu之前真係好欣賞佢，希望佢舖頭老闆見到comment可以改返舊嘅lunch Menu，相信佢睇數字都見到而家中午時段成間舖頭真係吉晒。以前嘅Menu有個自選沙律碗，雖然唔係平都接近$100，但配料充實配上一個極清新嘅沙律醬真係好正，其他午餐亦都好好食。新Menu接近$200都冇餐飲，需要另外叫一杯，內裏食物雖然選擇都好多都好精緻，不過始終及唔上以前嘅餐單。…查看更多

搵位度：🌟🌟🌟🌟抵食度：🌟🌟🌟🌟好食度：🌟🌟🌟🌟今次食自助午餐，我覺得都算幾好，凍海鮮有長腳蟹啊青口嗰啲，仲有龍蝦，味道亦都唔錯，補給完全冇問題。熟食方面燒牛肉可以一戰，亦都有芝士焗蠔等等，其他熟食就數量唔算多大品質就唔錯，龍蝦湯味道濃郁。其中比較突出囉，反而覺得係個冷盤嘅Parma Ham，油脂量豐富明顯跑贏其他食物嘅質素。甜品方面啊雪糕雖然氹氹轉好特別，味真係麻麻哋，其他甜品亦都唔係太突出，不需要留鬥後。環境方面無敵大海景，當然係靚，裝修新淨，出邊仲有個證婚嘅大花園。…查看更多

搵位度：🌟🌟🌟🌟抵食度：🌟🌟🌟好食度：🌟🌟🌟去開嶺南大學試一試佢哋嘅中式茶樓，比較其他大學嘅茶樓呢個折扣比較少啊，基本上同一般茶樓嘅價錢差唔多。個場都唔細，不過呢已經有少少殘舊。不過兆康站附近基本上冇乜嘢食，我估計依間茶樓順便會服務周邊嘅居民都算係唔錯嘅選擇，晚市啊仲有啲啊套餐宴客望落好似幾抵，不過應該係冇乜特別機會會入嚟試。食物上今次叫咗蝦多士同埋年糕排骨，我覺得都算得幾好，而其他主流點心味道都正常啦。…查看更多

搵位度：🌟🌟🌟🌟抵食度：🌟🌟🌟🌟🌟好食度：🌟🌟🌟🌟🌟今期銅鑼灣我願稱佢為最強，講緊係百頭嘅價錢同嗰啲牛X鍋差唔多，自助區嘅居然講緊係可以食到有三文魚子同三文魚刺身嘅沙律，熟食方面竟然有東風螺，真係淨係食自助佢都回晒本。咁當然啦，唔少得有各款嘅打邊爐配料啦，我食緊最平嘅套餐，都唔知佢主打係要食壽喜燒，所以火鍋嘅質素只係覺得中規中矩，見佢晚市價錢都幾貴，如果唔介意試貴少少呢，可能都有機會有驚喜。…查看更多

搵位度：🌟🌟🌟抵食度：🌟🌟🌟好食度：🌟🌟🌟🌟雖然今次佢係食晏，食返夜晚放題，都幾抵呀，去到平安夜夜晚食都唔使$300一位，唔錯嘅放題食物都有啊，例如雪蟹腳啦，連殼甜蝦同帶子，海膽手卷啦等等。依度比較特色，就係有任食榴槤食，本身唔係超級鍾意食都食咗幾舊，感覺上都唔錯硬身正正常常偏甜嘅榴槤。個人就覺得熟悉嘅款式偏少炸物得四種，自助區食物唔算吸引甜品的比較遜色，不過優點就有花膠嗰啲，黃金蝦就唔算好食，但都叫有鹹蛋味。…查看更多

搵位度：🌟🌟🌟🌟🌟抵食度：🌟🌟🌟好食度：🌟🌟🌟講真係登龍街，競爭真係好大，拉麵都有幾間，如果講面舖我諗10幾間都有，如果唔係佢特價$68換，我真係未必會行入去。舖頭仔細細其實都冇乜人，定位又尷尬嘅，佢又唔係唔好食，又係有得揀吓面質啊，加配阿小食啊嗰啲，基本上你叫返啲雞湯味噌呀，應該有嘅味佢都俾到你，咁但係又真係唔係最突出嗰間囉。始終講到性價比寧願行多兩步去下面譚仔都未必會食佢。…查看更多

搵位度：🌟🌟🌟抵食度：🌟🌟🌟🌟🌟好食度：🌟🌟🌟🌟其實住喺九龍城嘅街坊都知呀，呢間最緊要就係買佢嘅豆粉煮餸啊打邊爐簡直係一流，堂食小食，只不過係佢嘅副線。我自己打邊爐一般會買一磚$5豆腐，再加一盒廿零蚊嘅腐竹，真係好食啲。講返堂食，講緊仲係$10嘅價錢，講到好食到有幾飛天都係呃人，每次我去都會嗌釀豆腐同埋豆腐花，釀豆腐屬於接近臭豆腐嘅質地，的確係其他地方食唔到，加埋佢嘅辣醬真係龍城好滋味。可惜收到風，由於舊樓清拆，佢去到2025年過年前就會執笠，希望佢可以喺第二度重開啦，不過之前聽過啲YouTube嘅訪問佢就未必會。…查看更多

咁啱經過利東街等人，入咗去間舖頭度飲杯咖啡。雖然話佢主打係刨冰，但其實杯咖啡都唔錯。內裏空間都幾舒服，唔大唔細都夠位坐，員工態度都OK。我呢就簡簡單單，叫咗杯Dirty 。我覺得佢都沖得唔錯，咖啡同埋奶嘅分層好明顯，入口先係試到相對濃郁嘅咖啡香味，越飲落去凍奶部份開始變到營造咗一種複雜嘅口感。最後幾啖充分混合，更加感受到成個奶啡嘅幽香。坐咗一陣我就走咗啦，希望下次有機會試佢出名嘅泰式甜品同埋刨冰啦。…查看更多

又係啦，黎開依一區行吓，想搵個下午茶食吓經過見到佢$35有炸髀同埋西多士一兩個激邪惡嘅夢幻組合，冇辦法真係入咗去試吓。冇記錯呢，仲可以免費轉紅豆冰真係相當之抵食。不過呢佢份西多士呢只係半份，話雖如此食半份都好嘅冇咁肥，味道上我覺得佢都相當好食，所有西多士應有嘅元素基本上都做得到，而且厚身脹卜卜。而炸髀方面呢亦都做到脆皮啦，啲汁都爆汁嘅，以連鎖餐廳嚟講都相當之唔錯。不過我就冇叫紅豆冰啦，如果唔係撞落個西多士啦，可能太甜，試咗個凍奶茶味道都OK。…查看更多

搵位度：抵食度：🌟🌟🌟好食度：🌟🌟🌟🌟壽司郎大家都知係要排隊等等等等，今日好彩11點幾星期六喺旺角11點呢淨係排四張枱都入到，大概15分鐘左右。呢邊個場就親子friend小朋友，甚至喺出面個公園仔玩都比較放心，亦都有呢啲圖畫俾小朋友畫下。咁佢優惠一期期，今期呢係拖羅三味，不過大拖羅呢同佢啱啱開店嘅時候真係爭好遠，淨係叫咗一碟就算數，反而貝三味同埋烏賊三味啊咁呀抵食性價比高好多。同埋叫咗個今期嘅綠茶蛋糕，我覺得就普通啦，不如都係食DIY爆抹茶粉芭菲好過。…查看更多

搵位度：🌟🌟🌟抵食度：🌟🌟好食度：🌟🌟🌟🌟🌟喺銅鑼灣時代廣場入面都有依間裝修時尚，但係味道相當之正宗嘅新加坡菜。咁今日lunch呢都試咗幾味，主打嘅菜式啊，包括係佢嘅白胡椒肉骨茶啦，喇沙侵侵，同埋海南雞飯。先講肉骨茶啦，口味係相當正宗，而且舊排骨呢比起新加坡更加好食，特別係嗰兩粒仲連住條筋嘅大蒜，簡直同新加坡係一模一樣。不過我個人鍾意食黑肉骨茶多少少。喇沙方面口味都同新加坡食嘅一模一樣，爭少少呢就係冇嗰度食咁辣，唔肯定有冇得叫佢加辣咁我估計都係因應香港本地口味有所調整。咁海南雞飯一般呢都係比新加坡當地食更加滑嘅，咁佢又呢我就未算太欣賞香港有唔少地方呢都會好食過佢，但係總體口味上都係正宗。Lunch價格每份都要接近$100不過都有杯特色嘢飲可以飲。…查看更多

依家基本上都係一間排隊困難店，次次經過海港城，都排緊隊，望落普普通通都係Pizza炸雞點解咁吸引呢？今次嚟呢就試咗佢嘅招牌菜芝加哥pizza ，其實個概念同Pizza Hut嘅芝心批差唔多，但係佢好明顯黐線呢就真係落得足好多，令到成個Pizza一種好濃郁嘅感覺。同時呢佢個批邊亦都係比較甜，我懷疑係可能落咗少少肉桂同埋糖之類去焗，去平衡返整體嘅味道。如果食得辣嘅朋友呢都不妨試吓佢個玫瑰炸雞，雖然玫瑰味就唔係好食得出，但係呢就係一份甜辣年糕，後尾嘅炸雞都唔錯。如果唔食得辣呢芝士粟米炸雞我覺得都幾好食。…查看更多

黎開坑口探朋友，經過依家連鎖台式炸雞店，咁啱做緊買一送一優惠，圍起咁樣兩大包我只係需要廿零蚊，簡直就係做緊台灣價，無論好唔好食即刻都試吓。我叫咗佢哋嘅酥炸杏鮑菇同埋地瓜球，地瓜球嚟講比起台灣食到嘅呢好明顯真係細粒好多，但係味道上基本上分別不大都幾鬆化好食。而杏鮑菇，我就覺得係再好食啲，炸完出嚟椒鹽味好香，而且嗰啲菇汁仍然鎖咗喺沉炸皮入面。記憶中買一送一嘅項目都有四五款，而且每一兩星期會轉一轉，另外想試嘅係大魚蛋，如果下次仲做緊優惠應該會買嚟試吓。…查看更多

搵位度：🌟🌟🌟好食度：🌟🌟🌟🌟抵食度：🌟🌟🌟🌟每朝返工經過都要食佢個菠蘿包咁滯，確實係鬆脆可口。後尾有一次入咗去食佢份早餐發現確實係幾高質，呢個最普通嘅鮑片火腿通粉，出面好多時個湯唔湯唔水咁樣，佢唔會呀，真係做返最傳統港式嘅嗰個湯底俾你，每朝早暖胃又開心。另外值得一讚你就係佢個咖啡都幾好飲，雖然唔係咩即磨咖啡嗰啲，但係啡奶比例做得好，自然香滑。另外一個賣點就係佢餐包係菠蘿包，不過發現佢依期轉咗冇就咁門口買外賣嗰種咁好食。…查看更多

搵位度：🌟🌟好食度：🌟🌟🌟🌟抵食度：🌟🌟🌟🌟九龍城嘅中午可以話到到都冇乜人，但唯獨呢間小店呢真係成日都要排隊，講緊呢佢中午呢大概係$60左右可以食到個扒，講緊嗰個質素啊，都唔算太差。如果預算容許非常之推介，可以食佢嘅燴牛尾配埋個餐包，個質素大概真係要去到中環食緊$300嘅quality，講緊依度只係買你$90。有聽聞過依度嘅甜品都係唔錯，不過我暫時未食過晚市，雖然比起午餐就會貴唔少，下次食完再同大家報告。…查看更多