Winniehwho的個人專頁

今日再去食久違了的牛霸王，由於我減肥中，所以點了漢堡扒沙律再加一個小食一口芝士 。餐廳由4月1號起開始玩遊戲，逢係叫牛嘅飯或沙律，碗底會有隱藏驚喜！！我嗰日係打電話講我愛你 ！！只要打電話去畀任何一個人講我愛你，我就可以有半價！！！問返餐廳職員，原來其他驚喜有免費食一餐，有恭喜你升職加薪，有免費飲品等等 (仲有其他唔記得)! 好好玩！下次再玩！我覺得如果你唔大食嘅話，食沙律再加一份小食都好夠飽， 真係減肥恩物！ 蛋好有蛋味，係個漢堡唔係好夠熱。…查看更多

我好耐無見的澳洲中學同學同佢老婆同4歲多的可愛仔仔返香港幾日，話想食特別既野，我更系要帶佢地黎食呢度既 signature 瀨尿蝦🤩！佢地食完都話好特別同好驚喜，澳洲食唔到😎！澳洲出名海鮮平靚正，但佢地話呢度 既象拔蚌係好鮮甜，貝類真系我最愛！其他所有刺身都好有味道，唔似我出面食開，無乜味道既刺身！主菜系燒蝦，上面系好復雜既菇醬 (我當然秒忘師傅講咩🤣)。我唔知原來朋友會帶埋仔仔黎，師傅立刻煮左關東煮同蛋餅俾小朋友，小食家清曬！只可惜呢度放得12張相，仲有幾張好想post 啊！餐 lunch 食左4個鐘因為太耐冇見我friend 所以狂吹水， 師傅都好有人情味情願唔落場，都冇催我哋走。真系好欣賞呢啲咁有♥ 嘅小店，值得擁有更多支持！…查看更多

好喜歡呢度環境，秋冬黎呢到飲啡真系好開心！環境優美，實外好 chill！今日叫左個聖誕 limited chocolate chestnut cake, 靚到嘔！唔太甜又唔膩，不過 栗子味就差少少。 我叫咗杯班蘭茶同埋菊花茶都好好飲，朋友就叫咗杯latte，佢話人生最好飲嘅latte，我就無試。店內有 d 手織吊飾賣，好特別的。之前買了 Halloween 南瓜同鬼鬼，今次有聖誕樹不過我無買到！店主好靚女好親切。好推介你地黎呢到嘆下！…查看更多

呢到系我食過最好食既漢堡扒飯！因為我本身唔中意漢堡扒飯，我覺得好多時好乾又油！飯更加唔系我杯茶！但呢度令我改觀！個白麵豉醬汁好好食！唔會好似普通麵豉醬咁死鹹！漢堡扒好有牛味！佢地用蘭王蛋放面，好有蛋味！中間再夾咗日本泡菜配菜我自己覺得真係好食得好緊要！ 好鍾意最上面嗰幾條辣椒絲，令到味道更加複雜有變化。 小食嘅金栗薯餅都好有栗子味，因為真係見到有栗子唔係得栗子蓉！蝦春捲配個醬都好無敵！裝修簡潔優雅好舒服！ 下次有機會再試其他飯！提外話，餐廳師傅好高好靚仔好後生！少見！…查看更多

是日慶祝我同老公拍拖紀念月，去左呢間我一路都好中意既餐廳！平時食開西營盤總店，今次揀新分店，裝修比西營盤新凈整齊，座位闊落，但保留住黑到可以用黎偷情既情調🤣。擁有豐富清酒知識既總廚同埋跟佢多年既靚仔副手宜家駐守新分店。餐廳 signature 糖心瀨尿蝦真系無敵好食🤤！好中意佢 jelly 狀既蝦膏，從來無系其他地方見過！仲有好推介象拔蚌，真系好鮮甜，我覺得可以無限食😂。仲有我最愛既沙甸魚卷，鯖魚卷，銀雪魚同熟成拖羅，魚味全部非常濃郁。最愛佢地既海鮮粥，系經過不同日子既魚骨蝦殼肴出黎，可以食多幾碗🤩！好喜歡飲 sake 既我，當晚飲左多款主廚推介既特別酒，唔貴，每支都系600+左右。呢度如果食過1000蚊 per head menu 仲可以自己帶酒免 corkage。 好推介特別日子黎呢到食餐好！甜品碟上畫左個我最愛既 snoopy! 好靚好有 heart ！每次食都好有驚喜！…查看更多

一向唔好炸野既我，上次黎呢到食過一次之後就改觀左我對食炸野既感覺，時隔多個月再一次去食，menu比之前豐富左好多啊~ 所以今次我喪叫!上次覺得好好食既帶子，蝦，明太子依舊好食！好多地方都會overcooked，呢到系岩岩好既！燒明太子好食到我點左2份！今次食左特別有印象既系燒生蠔，燒茄子同燒年糕。蠔真系好juicy！茄子好香口好惹味唔會太鹹！年糕好有咬口！蘿蔔牛個醬汁都好好味道好濃郁，老闆話唔知煮左幾多個鐘，真系精華所在！比較失色我覺得個牛，有牛味，但唔夠調味，不過口味既野好個人，我自己中意濃味d。食個晚系星期四黎，都爆場氣氛好好，我好喜歡居酒屋既熱鬧。…查看更多

已經食左呢間好多次既我，520甘sweet既日子我再一次揀左黎呢度慶祝。今日坐鎮西環分店既系有別於平時我食開灣仔分店既師傅，師傅同樣地系健談幽默，今日仲見到新請既同事。前菜同刺身都系味道特別濃郁，前菜中既熒光魷魚配秘制miso sauce真系我食過甘多間oma 最有味道既一間。刺身方面，好喜歡佢地熟成左5日既深海池魚。唯獨膠魚稍微燒過左火，皮有少少overcooked既味道。鯖魚卷依舊系one of my favourite。去到沙律方面，今日師傅特別為我準備左青瓜蟹柳菠菜卷配和風汁。呢個真系好特別好好食！好清新！系我今晚既number 1。估唔到食左神川甘多次既我，依舊有開心驚喜既感覺。接下來既蛋黃炒軟殼蟹配蟹子，好味道到不能用文字形容，可能我比較誇張，但真系好岩我口味。蟹同蛋黃超得融為一體。體貼既師傅系上主菜前再上多個清煎茄子，作為清一清口中濃郁既蟹味。十分清甜。到主菜燒拖羅魚餃，實在充滿油份，食完可能會覺得膩。最後著名既秘制海鮮粥就唔需要多講，大家食過都知道有幾好味。甜品方面，文采好好既師傅用五二零一三一四題左首詩，寫系碟，再配上紅豆pancake加雪柚子sorbet系絕配既配搭。全餐飯充滿驚喜，飽到差d反肚。Sake方面，師傅根據我口味揀左幾支甘口既俾我，老公話比起我自己帶黎既酒，呢度既sake好飲好多。好喜歡呢度居酒屋既風格，有別於其他傳統oma，有人會中意，有人未必中意。另外見到返左幾日工既新同事好努力甘介紹每碟菜式既名，產地，烹調方法，有好多進步空間，希望佢努力。睇得出呢間店上上下下都好有heart。…查看更多

唔知點解，香港食串揚既地方唔多，黃既就更加少，所以一知道有就立刻黎試下。串揚menu有20+款左右到，串燒就10+款，仲有少少前菜款式。飲品有本地黃品牌出既手工啤酒同清酒，我試左支比較甜身既手工啤，女仔應該好中意飲。講下食物先，d炸串好薄醬，炸出黎唔會成塊皮甩出黎，更加唔會成口油。之前去過灣仔一間又系食串揚既餐廳，d炸串食落去無味道，系靠個醬汁，但呢到既炸串本身好有味道，值得一讃。自己特別推薦系蠔同帶子，好juicy好夠味道，我無點醬汁都覺得好鮮。仲有炸天使蝦，師傅話系刺身級數既蝦，所以比普通蝦再出味d。串燒我都點左不少，推介豬同牛。個人好中意紫蘇葉，叫左紫蘇雞肉，雞無乜味道同鞋，吸乾左口既口水🤣🤣。有待改進。我自己本身唔好炸野，覺得膩，不過呢間串揚真系唔錯，改觀左我怕食炸野既感官。期待menu繼續再諗多d炸串既款式。…查看更多

終於遇上間有良知既串燒居酒屋！間店系間小店黎，店內座位20+左右，坐得有點逼的。Menu 款式算多，我地2個人叫左好多野食！首先推介必食既高野豆腐，個豆腐同湯夾雜住既鮮味好難以形容，我食完豆腐隊埋碗湯！(跟住淥親條脷)。推介第二款系蟶子，燒得岩岩好，口感極爽d調味輕微辣辣地，好惹味！第三推介系扇貝，都系唔會過熟，味道一流。最後推介白蟮，外皮燒得脆，好食得好緊要！！招呼我地既靚仔話佢地自家製既梅酒好得，叫左杯黎飲，又真系好得窩！無介紹錯！樓面2位職員都好風趣，唔好睇佢地無乜笑容以為好串，其實佢地系太忙，你捉住佢地吹水既話，佢地都好願意一齊吹咖！呢到值得再回頭！…查看更多

一路都好想黎呢間小店食，但時間上成日就唔岩，今日決定捕佢開11點立刻去食！點左碗咖喱牛腩撈麵，有得揀粗定幼麵，小辣中辣大辣。我就揀左粗麵小辣，我唔食得好辣，所以小辣岩岩好，中意食辣既不妨試大辣。呢碗麵好食到爆灑燈。好大碗，味道濃郁。我再叫左碟蝦米腸粉加蛋，本身調味已經好正，份量都好大！最後叫左自家製既冬瓜茶，岩灑怕甜既我。服務一流，衛生一流，冷氣老闆每隔一陣就自己洗，好堅。老闆每日6:30返工準備最新鮮既食材，正到爆。仲有幅好乸靚既香港人加油牆俾你任影相！大家一定要黎支持小店啊！！…查看更多

碰上難得一遇的餐廳，呢間餐廳夜晚主打omakase, 食幾多錢自己決定，最低系由600蚊開始。由於系小店，無華麗既裝修，所以你俾既錢，好大部分都去左食材到，令到你覺得好抵食。睇得出大廚好用心機去製造每一度菜。樓面靚仔員工會每一道菜都詳細解釋佢既來源地同特色。如果你中意飲sake黎呢度會好開心，因為大廚系愛酒之人，對sake極度有研究。佢好似每支牌子既sake都飲過甘！！好厲害！！佢會先問下你中意咩口味，再介紹你覺得好飲既sake。 又或者你可以自己帶酒黎飲，免開瓶費(十分難得)。樓面阿姐不停幫你倒酒，好service到我個杯從來系常滿。魚生都系大廚專長黎，佢中意做熟成幾日既魚生，魚味好濃郁，我自己覺得食過之後，已經食唔返其他普通既魚生。今晚試左糖心瀨尿蝦，好食到不得了。熟食放面都好出色，今晚就食左清酒煮蜆，記得大廚話系熊本訂返黎，好鮮好大隻，個湯我同朋友全部飲灑，一滴不留。試過呢度既牛，好出色！陪既薯容系我食過最好味道既！我已經食過好多次呢間餐廳，每次去都充滿期待，每次都唔失望。一定帶黎驚喜！你地都快 d黎試啦！…查看更多